Jeremiya

32 Jehova o bolabodiye le Jeremiya ka mongwaga wa bo 10 wa mo go lawola Kgoši Zedekiya wa Juda, wa gore ne go le mongwaga wa bo 18 wa mo go lawola Nebhukhadhinezara.*+ 2 Ka nako yonone masole ya kgoši ya Bhabhilona ke mo ma dukulugele Jerusalema, fote Jeremiya wa go porofeta ke mo ba mo kwalele ka Lapeng la ye wa go Pasopa+ ga ntlo ya kgoši ya Juda. 3 Ka taba la gore kgoši Zedekiya wa Juda ke mo a mo kwalele,+ a re, “Ke ntaba o porofeta ka mokgo? O re, ‘Tsowa ke tso Jehova a di hlayyeng: “Ke nyoko maka gore kgoši ya Bhabhilona yi hlasele mutši wowa, yi boye yi wo hlule,+ 4 fote kgoši Zedekiya wa Juda a ka sa kgone go tšhaba ga Makhaladiya ka taba la gore kgoši ya Bhabhilona yi nyoko fetsa ka yene, fote a ka sa kgone go bolabola naye ba libanne.”’+ 5 Yene o nyoko tseya Zedekiya a mo yisa Bhabhilona fote o nyoko ba gona go segela nna ke tšiba gore ke nyoko maka ying ka yene,’ go hlaya Jehova. ‘Le mo nkare o nyoko ya mahlong o lwa le Makhaladiya, o ka sa phomelele.’”+

6 Jeremiya o yitseri: “Lentsu la Jehova la ntlela la re, 7 ‘Hanamele morwayi wa Šalumi papemogolo* wago o nyoko tla gago ke mokane a re: “Tirekele tšhomo yaka ya ku Anathothe,+ ka taba la gore gabutšibutši ke wene wa mathomo ye a tshwanelegang go yi reka.”’”+

8 Hanamele morwayi wa papemogolo o tlile go ya ka mokgo Jehova a hlayyeng, hala Lapeng la ye wa go Pasopa, ke mokane a re gaka: “Ke kgopela o reke tšhomo yaka ya Anathothe ya gore yi nageng ya Bhenjamini, ka taba la gore gabutšibutši go tshwanele go be yago fote ke wene ye a tshwanelegang go yi reka. Tirekele yona.” Mo a reyane ke napiye ke kwa gore tsowa di tšwa ga Jehova.

9 Byalo ka reka tšhomo yo yi leng Anathothe ga Hanamele morwayi wa papemogolo. Ka mo kalela tšheleta,+ kašupa ya dišekele* le lesome la disilva. 10 Ke mokane ka ngwala ga selo sa nkare ke lengwalo,+ ka kwala ka stempe, ka bitsa le dihlatse+ ka boya ka kala tšheleta yela dikaleng. 11 Ka tseya selo sa gore ke ngwadiye ga sona sa gore ke se kwadiye ka stempe sa go šupetsa gore ke rekiye tšhomo go ya ka mokgo dilo di tshwaneleng go makiwa ka gona le go ya ka molawo, ka boya ka tseya le sa gore a ke ya se kwala ka stempe, 12 ke mokane ka di tseya ka di yisa ga Bharuke+ morwayi wa Neriya+ wa gore ke morwayi wa Mahiseya, fote Hanamele morwayi wa papemogolo ne a le gona le dihlatse tso di ngwadiyeng hala ga selo sela sa go šupetsa gore ke rekiye tšhomo le Majuda ka moka ya gore ne ma duli ka Lapeng la ye wa go Pasopa.+

13 Ke mokane ka botsa Bharuke mahlong ga bona gore: 14 “Tsowa ke tso Jehova wa masole, yene Modimo wa Israyele a di hlayang, o re, ‘Tseya dilo tsowa tsa go šupetsa gore o rekiye tšhomo, sowa sa gore se kwadiwwe ka stempe le so sa gore a se ya kwadiwa ke mokane o di tšhele teng ga pitsa gore di be gona nako ya go lefa.’ 15 Ka gore tsowa ke tso Jehova wa masole, yene Modimo wa Israyele a di hlayang, o re, ‘Dintlo, mašomo le mašomo ya didhriva di nyoko rekiwa fote ga naga yowa.’”+

16 Ke mokane ka rapela Jehova mo ke fetsa go neya Bharuke morwayi wa Neriya selo sela sa go šupetsa gore ke rekiye tšhomo, ka re: 17 “Barena, wene Jehova Morena wa ku Malenghelengheng! O makiye legedimo le lefase ka matšhika yago ya magolo+ le ka letsogo lago la gore le wolologiye. A go na sa go makatsa gago, 18 wene wa go šupetsa batho ba go tlala gore o ba nyaka ka matla, mara o maka gore barwayi ba patele tso di sinnyeng ke bopapa ba bona,+ ke wene Modimo wa mannete, ye mogolo fote wa go ba le matšhika, wa gore lebitso lage ke Jehova wa masole. 19 A go na wa go go phala ka go wololana le ka matšhika,+ wene wa gore o kgona go bona dilo ka mokana ga tsona tso batho ba di makang+ gore o thogo makela motho ye mongwana le ye mongwana dilo go ya ka dilo tso yene mong a di makang.+ 20 O makiye mešupetso le mehlolo ku nageng ya Egepita ya gore le gana byalo lowa yi sa na yi tšibega, ka mokgonone o makiye gore o tšibege Israyele le bathong+ go segela le lekgono lowa. 21 Fote o ntshiye batho bago ba Israyele nageng ya Egepita o berekisa mešupetso, mehlolo, letsogo lago la matšhika, letsogo lago la gore le wolologiye, wa boya wa maka le tse dingwana tsa go tshosa.+

22 “Mo go ya go ya, o ba neyye naga yo o tshepisiyeng go yi neya bokokwane ba bona,+ naga ya gore yi yela lebese le mamapo.+ 23 Ba segela ke mokane ba dula ga yona, mara a baa theetsela mo o bolabola nabo kela go latelela molawo wago. Dilo ka mokana ga tsona tso o ba butsiyeng gore ba di make a baa di maka, nka taba lo o makiyeng gore ba tlele ke dilo tsowa ka mokana ga tsona tsa go sasamela.+ 24 Ye lune! Batho ba makiye dindhundhuma tsa go dukulugela mutši wowa gore ba thogo wo hlasela,+ fote ka taba la sabola,+ tlala le malwele ya go bolaya,+ nnete mutši wowa wo nyoko hlula ke Makhaladiya ya gore ma lwa nawo; tso o di hlayyeng di makegiye ka mokana ga tsona, le wene wa di bona. 25 Mara wene Jehova Morena wa ku Malenghelengheng, o mputsiye wa re, ‘Tirekele tšhomo ka tšheleta, o boye o bitse dihlatse,’ le mo nkare mutši wone wo nyoko hlula ke Makhaladiya.”

26 Ka nako yonone, lentsu la Jehova la tlela Jeremiya la re: 27 “Ke nna Jehova Modimo wa batho ka mokana ga bona. Ayitsano go na le selo sa gore se ka nšita? 28 Tsowa ke tso Jehova a di hlayang: ‘Gana byalo ke maka gore mutši wowa wo hlasele ke Makhaladiya le kgoši Nebhukhadhinezara* wa Bhabhilona, fote o nyoko wo hlula.+ 29 Makhaladiya ya ma lwang le mutši wowa ma nyoko tla ke mokane ma tšhuba mutši wowa gwa fela ka wona,+ gana mone ba nyoko tšhuba le dintlo tsa batho bo ba makeleng Bhaali dihlabelo ba boya ba makela medimo ye mengwana dihlabelo tsa go nwiwa gore ba thogo nkwatisa.’+

30 “‘Ka gore batho ba Israyele le batho ba Juda ba f’lo maka dilo tsa go befa mahlong gaka go tlugisela ku botala;+ batho ba Israyele ba fo ya mahlong ba nkwatisa ka dilo tso ba di makang,’ go hlaya Jehova. 31 ‘Ka gore go tlugisela mo mutši wowa wo sa yagiwa go segela le lekgono lowa, batho bowa ba fo ya mahlong ba maka dilo tsa gore di ya nkwatisa fote di maka gore ke fufulele+ la go šinya ke nyaka le go wo tlosa ho mahlong gaka,+ 32 ka taba la dilo ka mokana ga tsona tsa go befa tso batho ba Israyele le batho ba Juda ba di makiyeng gore ba nkwatise⁠—bona, magoši ya bona,+ dindhuna tsa bona,+ maprista ya bona, baporofeta ba bona+ le batho ba Juda le batho bo ba dulang Jerusalema. 33 Ne ba tshwanele ba tle gaka mara ba njikele;+ le mo ke liketsiye gatleletlele go ba tšhutisa, a go na le ka wwoši ye a yyeng a theetsela mo ke mo wolola.+ 34 Fote ba tšhediye medimo ya bona ya dithombhe ya go silikisa ntlong yaka gore ba thogo yi thilafatsa.+ 35 Go tokegela gana hone, ba yagiye dipoleke tsa kgakala tsa Bhaali hala Moyeding wa Morwayi wa Hinomo,*+ gore ba thogo fitisa barwayi le barwediya ba bona mollong ba makela Mmoleke.+ A ke ya ba botsa gore ba make dilo tsone.+ Ba makiye dilo tsa gore ke mo ke sa nagane le go ba botsa gore ba di make, dilo tsa go silikisa ka matla, ba maka gore Juda yi sinye.’

36 “Byalo, tsowa ke tso di hlayang ke Jehova Modimo wa Israyele ka mutši wowa wa gore wene o re wo nyoko hlasela ke kgoši ya Bhabhilona ka sabola, wa bolaya ke tlala le malwele ya go bolaya, 37 ‘Gana byalo ke nyoko ba kgobaketsa go tšwa ga dinaga ka mokana ga tsona tso ke ba palakannyeng ga tsona nakwela ke kwatiye, ke fufulele fote ke silikegiye,+ fote ke nyoko ba buyisa ga poleke yowa, ba dula ga yona ba pasopegiye.+ 38 Fote ba nyoko ba batho baka, nna ka ba Modimo wa bona.+ 39 Ke nyoko maka gore ba be le pelo ka yyoši+ le tsela ka yyoši gore ba thogo dula ba ntšhaba, tsotsone di nyoko berekela bona le bana ba bona.+ 40 Ke nyoko maka kwano ya go ya go yye nabo,+ ya gore ke nyoko dula ke ba makela dilo tsa gabutši ka taba la yona;+ fote ke nyoko maka gore ba dule ba nhlompa gore ba sa keketlele kgole le nna.+ 41 Ke nyoko jabolela go ba makela dilo tsa gabutši+ ka boya ka ba gaša ga naga yowa,+ fote dilo tsowa ke nyoko di maka ka pelo yaka ka moka le ka matšhika yaka ka moka.’”

42 “Ka gore tsowa ke tso Jehova a di hlayang: ‘Go fo tshwana le mo ke leyele batho bowa dilo tsowa ka moka tsa go sasamela, ke nyoko ba makela dilo ka moka tsa gabutši tso ke ba tshepisang tsona.+ 43 Mašomo ma nyoko rekiwa ga naga yowa fote,+ le mo nkare lune le re: “Go fo ba mašahla ya gore a go duli motho le diphoolwane, fote yi hludiye ke Makhaladiya.”’

44 “‘Mašomo ma nyoko rekiwa ka tšheleta, gwa boya gwa ba le mo ba ngwalang go šupetsa gore ba ma rekiye ba boya ba kwala ka stempe, fote dihlatse ba nyoko di bitsa di tšwa nageng ya Bhenjamini,+ dipolekeng tsa Jerusalema, mitšing ya Juda,+ mitšing yo yi leng dithabeng, mitšing yo yi leng moyeding+ le mitšing yo yi leng borwa, ka taba la gore ke nyoko buyisa mabhantiti ya bona,’+ go hlaya Jehova.”