Jeremiya

33 Lentsu la Jehova le tlile ga Jeremiya la mabedi nakwela a kwalediwwe ka Lapeng la ye wa go Pasopa,+ la re: 2 “Tsowa ke tso di hlayang ke Jehova ye a makiyeng lefase, yene Jehova ye a makiyeng gore le be gona a boya a le tiyisa; lebitso lage ke Jehova: 3 ‘Bolabola le nna, nna ke nyoko go fetola, ka go botsa dilo tse dikgolo le tsa go makatsa tsa gore a o di tšibi.’”+

4 “Ka gore tsowa ke tso Jehova Modimo wa Israyele a di hlayang ka dintlo tsa mutši wowa le dintlo tsa magoši ya Juda tsa gore batho ba di wisannye gore ba titšhireletse ka taba la dindhundhuma tso manaba ma di makiyeng gore ma thogo ba hlasela le ka taba la sabola,+ 5 le ka batho bo ba tlang gore ba thogo lwa le Makhaladiya, ba tlatsa poleke yowa ka ditopo tsa ba gore ke ba bolayye ke kwatiye fote ke fufulele, ka gore dilo tsa bona tso ba di makiyeng tsa go befa di makiye gore ke wutametsele mutši wowa sefahlego saka, ke re ga bona: 6 ‘Gana byalo ke maka gore batho ba mowa ba hlakarele ba boye ba philege,+ fote ke nyoko maka gore ba fole, ka maka gore ba bebe fote ba tšibe le nnete.+ 7 Fote ke nyoko buyisa mabhantiti ya Juda le ya Israyele,+ fote ke nyoko ba rufa go tshwana le ku nthago.+ 8 Ke nyoko ba tshwarela ga melato ka mokana ga yona yo ba yi makiyeng gaka,+ ke nyoko ba tshwarela ga melato ya bona ka mokana ga yona le tso ba nsinyeleng ga tsona.+ 9 Ba nyoko maka gore ditšhaba ka mokana ga tsona tsa lefaseng mo di kwelela ka dilo tsa go bafala tso ke ba makeleng tsona di nthanake, di n’gadimise fote di kganye ka nna.+ Fote ditšhaba tsone di nyoko tšhoga+ ka taba la dilo ka mokana ga tsona tsa go bafala le go beba tso ke nyoko di makelang batho baka.’”+

10 “Tsowa ke tso Jehova a di hlayang: ‘Ga poleke yonowa ya gore wene o re ke mašahla, ya gore a go duli motho fote a go na diphoolwane, ga mitši ya Juda le dipateng tsa Jerusalema ga gore ke mašupi, ga gore a go duli motho fote a go na diphoolwane, gana hone go nyoko kwagala 11 modumo wa batho ba gore baa hlakela fote ba jabodiye,+ lentsu la monna le mosadi ba gore baa šadha, le lentsu la bo ba hlayang gore: “Leboganeng Jehova wa masole, ka gore Jehova o lukiye;+ fote o nyakanana tsa mannete go ya go yye!”’+

“‘Ba nyoko leya dihlabelo tsa go leboga ntlong ya Jehova,+ ka gore ke nyoko buyisa mabhantiti ya naga yowa go tshwana le mathomisong,’ tsotsone di hlaya ke Jehova.”

12 “Tsowa ke tso di hlayang ke Jehova wa masole, o re: ‘Ga naga yowa ya gore ke mašahla, a go duli motho fote a go na le ka phoolwane le ga mitši ya yona, go nyoko ba le dipoleke tsa gore ba go disa ba yisa diphoolwane tsa bona gore di khutse gona.’+

13 “‘Ga mitši ya gore yi gedimo ga dithaba le ya gore yi moyeding le mitši ya gore yi ka borwa, ga naga ya Bhenjamini, ga dipoleke tso di leng Jerusalema+ le ga mitši ya Juda,+ bo ba go disa ba nyoko balela dinku tsa bona fote,’ tsotsone di hlaya ke Jehova.”

14 “Jehova o re: ‘Nako ya tla ya gore ke nyoko maka dilo tsa gabutši tso ke di tshepisiyeng ba ntlo ya Israyele le ba ntlo ya Juda.+ 15 Ka dinako tsotsone ke nyoko maka gore ga Dafita go nyarele setlogolwane sa go loka,+ fote se nyoko yahlula gabutši le ka go loka mone nageng.+ 16 Fote ka nako yonone Juda yi nyoko phonisiwa+ fote Jerusalema yi nyoko pasopega.+ Fote lowa ke lebitso la gore o nyoko tšibega ka lona la gore: Re Lukiye ka Taba la Jehova.’”+

17 “Ka gore tsowa ke tso di hlayang ke Jehova, o re: ‘Leloko la Dafita ka mokana ga lona le nyoko dula ga setulo sa go lawola sa Israyele go ya go yye,+ 18 fote le maprista ya gore ke Malifi ma nyoko fo dula ma yema mahlong gaka gore ma mmakele dihlabelo tsa go tšhubiwa, dihlabelo tsa mabele le dihlabelo tse dingwana.’”

19 Fote Jehova o yye mahlong a bolabola le Jeremiya a re: 20 “Tsowa ke tso di hlayang ke Jehova o re, ‘Mo o ka roba kwano yo ke yi makiyeng le bošego le kwano yo ke yi makiyeng le motshegare gore o thogo maka gore motshegare le bošego di sa sa ba gona ka nako yo di tshwaneleng go ba gona ka yona,+ 21 di ra gore kwano yo ke yi makiyeng le Dafita lelata laka yi nyoko sinyega,+ fote a ka sa be le morwayi wa gore o nyoko lawola go le kgoši ga setulo sage sa go lawola,+ fote kwano yaka le maprista ya gore ke Malifi yi nyoko sinyega.+ 22 Ke nyoko maka gore ditlogolwane tsa Dafita lelata laka le Malifi ya gore ma mperekela ba tlale, go tshwana le dinanedi tsa ku magedimong tsa gore motho a ka sa kgone go di balela le santa ya lewatleng ya gore motho a ka sa kgone go yi kala.’”

23 Jehova a bolabola le Jeremiya fote, a re: 24 “Anthe a wa di kwa gore batho bowa ba re king, ba re, ‘Anthe Jehova a ka sa jikele mitši yowa ka mmedi ya gore o yi hlawodiye’? Fote a ba hlompe batho baka, a ba ba tseye go le setšhaba.

25 “Tsowa ke tso di hlayang ke Jehova, o re: ‘Go fo tshwana le mo ke makiye kwano le motshegare le bošego,+ ka boya ka beyela legedimo le lefase molawo,+ 26 le nna nka sa tsoge ke lahliye ba leloko la Jakobo le la Dafita lelata laka, fote ke nyoko kgeta ba go lawola ho lelokong lage ba gore ba nyoko lawola ditlogolwane tsa Abhrahama, Isaka le Jakobo. Ka taba la gore ke nyoko hlekeletsa batho ba gore ke mo ba ba yisiye bobhantiting+ ke mokane ka ba šupetsa gore ke ba kwela go baba.’”+