Jošuwa

14 Byalo, tsowa ke tso Maisrayele ma di tsereng gore go be lefa la wona hala nageng ya Kanana, tsa gore Eliyazara wa gore ke moprista, Jošuwa morwayi wa Nuni le dihlogo tsa mitši ya maloko ya Israyele ba ma neyye tsona gore go be lefa.+ 2 Ba berekisiye dikgakgare+ mo ba neya nkokwane ya maloko le sekopa lefa la wona go fo ya ka mokgo Jehova a hlayyeng a berekisa Moše.+ 3 Moše o neyye maloko yala ya mangwana ka mabedi le sekopa lefa la wona ka nthoko* yela ya Jorodane,+ ga maloko yane ka mokana ga wona, Malifi aa ma neya lefa.+ 4 Ditlogolwane tsa Josefa ke mo ba di tseya go le maloko ka mabedi,+ leloko la Manase le leloko la Eforayimi;+ fote Malifi a maa kraya naga gore go be lefa la wona, ma f’lo kraya mitši+ ya gore ma dula ga yona le poleke ya gore dinku, dipudi le dikgomu tsa wona di kgule ga yona.+ 5 Byalo Maisrayele ma ngathelana naga yone go fo ya ka mokgo Jehova a butsiyeng Moše.

6 Ke mokane banna ba leloko la Juda ba ya ga Jošuwa hala Ghilighala,+ fote Khalebho+ morwayi wa Jefune wa Lekenazi a ba botsa gore: “Le di tšiba gabutši tso Jehova a di butsiyeng+ Moše wa gore ke lelata la Modimo wa mannete+ ka lune le nna hala Kadeše-bharaneya.+ 7 Ke mo ke na le 40 ya mengwaga mo Moše wa gore ke lelata la Jehova a nroma ke tloga Kadeše-bharaneya ke ye hlola naga,+ mo ke boya ke mmutsiye tso ke di bonneng.+ 8 Le mo nkare bobhuti baka bo ne ke yye nabo ba makiye gore batho ba tšhoge, nna ke f’lo latelela Jehova Modimo waka ka pelo ka moka.+ 9 Moše o tshepisiye ka letšatši lone a re: ‘Naga yo mawoto yago ma sipidiyeng ga yona go nyoko ba lefa lago le la barwayi bago go ya go yye, ka gore o latelele Jehova Modimo waka ka pelo ka moka.’+ 10 Jehova o mpasopiye mengwaga+ yowa 45 ya yona ka gore Jehova o tshepisiye+ Moše nakwela Maisrayele ma sepela mašahleng;+ ke nna yewa ke sa phela le lekgono fote ke šele ke na le 85 ya mengwaga. 11 Fote le lekgono lowa ke sa na ke tiyelele go tshwana le letšatši lo Moše a nrommeng ka lona. Matšhika yaka gana byalo ma sa fo tshwana le ka nakwela gore ke thogo ya ntweng le go maka tse dingwana. 12 Byalo, nneyeneng poleke yowa ya go ba le dithaba ya gore Jehova o yi tshepisiye ka letšatši lone. Le ya di tšiba gore ditlogolwane tsa Anakhimi+ di dula gana hone fote mitši ya tsona yi pasopegiye,+ ke ya di tshepa gore Jehova o nyoko ba le nna,+ fote ke nyoko di raka go ya ka mokgo Jehova a tshepisiyeng.”+

13 Byalo Jošuwa a mo rufa, fote a neya Khalebho morwayi wa Jefune naga ya Hebhrone gore go be lefa lage.+ 14 Nka taba lo Hebhrone go yyeng gwa ba ya Khalebho morwayi wa Jefune wa Lekenazi gore go be lefa lage go segela le lekgono lowa, ka taba la gore o latelele Jehova Modimo wa Israyele ka pelo yage ka mokana ga yona.+ 15 Lebitso la Hebhrone ke mo go le Kiriyathe-arabha+ (Arabha ke mo go le monna wa go tseyediwa gedimo ga Maanakhimi). Ke mokane gwa sa sa ba le ntwa mone nageng.+