Dikoronika Tsa Mathomo

22 Ke mokane Dafita a re: “Yowa ke ntlo ya Jehova Modimo wa mannete, fote yowa ke aletare ya Maisrayele ya go maka dihlabelo tsa go tšhubiwa.”+

2 Ke mokane Dafita a botsa batho gore ba hlekeletse bo ba go tšwa ba sepela+ ba gore ne ba le mone nageng ya Israyele, fote a ba neya mmereko wa gore ba pshyaye matlapa fote ba ma fefe gore ba thogo yaga ntlo ya Modimo wa mannete.+ 3 Dafita a hlekeletsa ditshipi tsa go tlala ka matla gore a make dipikiri tsa dikwalo tsa digheyiti le tsa dimeremere, a hlekeletsa le koporo ya go tlala la gore ke mo ba šitega go yi kala,+ 4 a boya a hlekeletsa le dikwata tsa mosidara+ tsa gore ke mo ba sa kgone le go di balela, ka taba la gore Masidoni+ le Matira+ ba di leyye ga Dafita di tlele. 5 Dafita a re: “Morwayi waka Solomoni go sa le ye monyana fote aa tšibi selo,+ ntlo yo a nyoko yi yagelang Jehova di nyaka go be ye kgolo ka matla+ gore go bafala ga yona+ go tšibege dinageng ka mokana ga tsona.+ Byalo, nna ke nyoko hlekeletsa dilo tso a nyoko di berekisang.” Mo Dafita a soko kgwa, o hlekeletsiye dilo tsone dya tlala.

6 Go tokegela gana hone, a bitsa morwayi wage Solomoni a mmotsa gore a yagele Jehova Modimo wa Israyele ntlo. 7 Dafita o butsiye morwayi wage Solomoni a re: “Nna ke mo ke di nyakiye ka matla go yagela Jehova Modimo waka ntlo ya gore yi nyoko maka gore lebitso lage le hlompiwe.+ 8 Mara Jehova a re gaka, ‘Wene o falatsiye madi ya batho ba go tlala, fote o lwile dintwa tsa go tlala. O ka sa n’yagele ntlo ya gore yi nyoko maka gore lebitso laka le hlompiwe+ ka taba la gore o falatsiye madi ya go tlala mahlong gaka ho lefaseng. 9 Bona! O nyoko ba le morwayi+ wa gore o bebiye, fote ke nyoko maka gore a sa lwe le manaba ya gore ma mo dukulugele,+ ka taba la gore lebitso lage go nyoko ba Solomoni*+ fote ke nyoko maka gore ka dinako tsage go dule go bebiye Israyele.+ 10 Ke yene wa gore o nyoko n’yagela ntlo.+ Go nyoko ba morwayi waka, nna ke nyoko ba papage.+ Ke nyoko maka gore a lawole Israyele go ya go yye.’+

11 “Byalo wene morwayi waka, nkare Jehova a ka ba nago, nkare o ka phomelela wa yaga ntlo ya Jehova Modimo wago ka mokgo a hlayyeng ka wene.+ 12 Nkare Jehova a ka maka gore o hlalefe fote o kwisise+ mo a maka gore o lawole Israyele, gore o thogo theetsela molawo wa Jehova Modimo wago.+ 13 Ke mokane wene o nyoko phomelela mo o ka latelela melawo+ yage wa boya wa yahlula ka mokgo Jehova a butsiyeng Moše gore a botse Maisrayele.+ Šišimala, o tiyelele. O sa tšhoge kela wa tšhaba.+ 14 Ke yye ka karakara ka matla gore ke lukiselele 100 000 ya ditalente* tsa gholdi tsa go yaga ntlo ya Jehova le 1 000 000 ya ditalente tsa silva. Fote ke hlekeletsiye koporo ya go tlala le tshipi+ ya go tlala tsa gore ba šitega le go di kala, ke lukiselele le dikwata le matlapa+ tsa gore o ko yeketsa ga tsona. 15 O na le batho ba go tlala ba go bereka⁠—ba go fefa matlapa, bommeselane,+ ba go bereka ka dikwata le ba gore ke digele ga mebereko ye mengwana ka mokana ga yona.+ 16 Gholdi, silva, koporo le tshipi di tlele ka matla fote a di kalege.+ Tlogamela o thomise mmereko, nkare Jehova a ka ba nago.”+

17 Ke mokane Dafita a botsa dindhuna ka mokana ga tsona tsa Israyele gore di gelepe morwayi wage Solomoni, a re ga tsona: 18 “Akere Jehova Modimo wa lune o na le lune. Anthe aa maka gore go bebe ga mathoko ka mokana ga wona? Phela o makiye gore ke hlule batho ba mone nageng, fote ke hludiye naga yone mahlong ga Jehova le mahlong ga batho bage. 19 Byalo, tikemiseleneng go nyaka Jehova Modimo wa lune ka dipelo tsa lune ka moka le ka maphelo* ya lune ka moka,+ le thomise go yagela Jehova Modimo wa mannete tabarenakele+ gore le thogo leya areka ya Jehova ya go kwanisanya le dilo tsa go hlawolega tso ba nyoko di berekisang mone ntlong ya Modimo wa mannete+ ga ntlo yo le yi yageleng Jehova.”+