Tsowa di Hlatolla ke Matewu

17 Ka nthago ga kobodi ya matšatši, Jeso a tseya Petro, Jakobo le bhuti wage Johane a ya nabo thabeng ya go lefa.+ 2 Ke mokane a tšhentšha mo a kene a le nabo, fote ho mahlong gage gwa gadima go tshwana le letšatši, kobo yage ya khanya go tshwana le llampa.+ 3 Gwa nyarela Moše le Eliya ba bolabola naye. 4 Ke mokane Petro a re ga Jeso: “Morena, di gabutši gore re howa. Mo o nyaka, nka hloma kararo ya matente howa, ka lloši go be la gago, ka lloši go be la Moše le lengwana go be la Eliya.” 5 Mo Petro a sa bolabola, gwa nyarela liru la ba kogetsa, ke mokane gwa kwagala lentsu le tšwa lirung la re: “Yewa ke Morwayi waka, wa gore ke mo nyaka ka matla, wa gore ke mo yamogele.+ Le mo theetseleneng.”+ 6 Mo malata ma kwa tsotsone, ma wela fase ma šala ma hlagasela. 7 Ke mokane Jeso a šutela a ma tshwara a re: “Tlogamelaneng. Le sa tšhabe selo.” 8 Mo ma lebelela gedimo, ma sa boni motho mara ma fo bona Jeso a ntoši. 9 Mo ba kene ba thewoga hala thabeng, Jeso a ma botsa gore: “Le sa botseneng motho ka mmono wowa go segela Morwayi wa motho a tsusiwa.”+

10 Mara malata yage ma mmutsisa gore: “Anthe ke ntaba bomabhalane ba re Kreste o tshwanele a tle ka nthago ga Eliya?”+ 11 Mo Jeso a fetola a re: “Ka nnete Eliya wa tla, o nyoko maka gore batho ba kwane le Modimo.+ 12 Mara ke re ga lune, Eliya o šele a tlile mara ke mo ba sa tšibi gore ke yene, ba f’lo maka tso ba di nyakang ka yene.+ Le Morwayi wa motho ba nyoko mo hlorisa ka mokgonone.”+ 13 Malata yage ke mo ma tseya nkare o bolabola nabo ka Johane wa go Kolobetsa.

14 Mo ba kene ba šutela thina le mogoba,+ monna ye mongwana a tla a mo kgotamela a re: 15 “Morena, kwela morwayi waka go baba, ka taba la gore wa lwala. O na le bolwele bya go wa, ga go tlala o wela mollong le meetšing.+ 16 Ke mo leyye ga malata yago, mara ma šitegiye go mo yalafa.” 17 Ke mokane Jeso a re: “Lune leloko la go gayela tumelo le la go sa tshepege,+ le nyaka ke dula ke le gelepa go segela leng? Ke tshwanele ke tiyisele tso le di makang go segela leng? Mo leyeneng ho gaka.” 18 Jeso a raka ledimona lela, la tšwa gage fote mošomanyana yela a napa a fola ka nako yonone.+ 19 Ke mokane malata ya Jeso ma tla gage ka makhukhung ma re: “Ke ntaba rune re šitegiye go le raka?” 20 A re ga wona: “Taba ke gore tumelo ya lune ke ye nyana. Nnete ke re ga lune, mo le ka ba le tumelo ye nyananyana ya go lekana le pewu ya mmasetete le nyoko re ga thaba yowa, ‘Tloga howa o ye hala,’ ke mokane yi nyoko tloga fote le ka sa šiti ke selo.”+ 21*⁠⁠——

22 Ke mo ba kgobakanne ka mokana ga bona hala Galeliya mo Jeso a re: “Morwayi wa motho o nyoko rekisiwa,+ 23 fote ba nyoko mmolaya, ke mokane ka letšatši la kararo o nyoko tsusiwa.”+ Ba kwa go baba ka matla.

24 Mo ba šele ba segele Kapernawume, monna ye ne a koleka mothelo wa tempele* a re ga Petro: “Anthe thitšere ya lune a yi patele mothelo wa tempele?”+ 25 Petro a re: “Eya.” Mara mo a kena ka ntlong, gwa thomisa Jeso a bolabola naye a re: “O yi bona byang mara wene Simone? Mothelo wa go ya ga magoši ya lefase wo patela ke bomang? Ke barwayi ba bona kela ke batho ba gore a ba ba tšibi?” 26 Mo a re: “Ke batho ba gore a ba ba tšibi,” Jeso a re gage: “Di ra gore barwayi ba kgoši a baa tshwanela go patela mothelo. 27 Mara gore re sa ba kwatisi,+ ariye hala lewatleng o bošele selobo, mo o bula molomo wa hlapi ya mathomo yo o yi lobiyeng, o nyoko kraya tšheleta ya silva.* O yi tseye o ba neye, o patelele nna nago.”