Jobo
2 O nyarela go tshwana le lebhlomu mo le bhloma ke mokane a puna;+
O tšhaba go tshwana le morithi, a nyamalala.+
3 Eya, wene o mo lebelele,
Fote wa mo leya gore a thogo yahludiwa.+
4 Ayitsano motho wa go yela a ka tšwa ga wa gore aa yela?+
A di kgonege tsone!
5 Mo nkare matšatši yage maa tšibega,
Nombhoro ya dikgwedi tsage yi tšiba ke wene;
Wene o mo kgerele gore a sa fitele ka ku.+
6 Lisetsa go mo lebelela gore a khutse,
Go segela a fetsa mmereko wa letšatši lone go tshwana le motho wa gore ba mo hiriye.+
7 Mo mohlare wo ka kupiwa,
Re ya tshepa gore wo nyoko boya wo hluga,
Fote makala ya wona ma nyoko ya mahlong ma gola.
8 Mo mudu wa wona wo ka tsofala mo mobung
Fote tšhiko ya wona ya kgwela gana hone mobung,
9 Mo wo kwa meetši wo nyoko hluga;
Fote wo nyoko ntsha makala go tshwana le semilane sa nyuwane.
10 Mara motho wa kgwa fote matšhika yage ka mokana ga wona ma fela;
Mo go fela ka yene, o ba a yye kaye?+
11 Meetši maa nyamalala lewatleng,
Fote meetši ya nookeng maa pshya gwa šala go womme.
12 Motho le yene wa yetsela, fote a sa tsoge.+
A ka sa tsoge go segela legedimo le sa sa le šiyo,
A ka sa tsoge mo a yetsele.+
13 Nkare o ka n’wutetsa Lebitleng,*+
Wa n’wutametsa go segela mo o sa sa kwatiye,
Nkare o ka mpeyela nako fote wa n’gopola!+
14 Mo motho a ka kgwa, ayitsano a ka phela fote?+
Solanka ke sa gapeletsega, ke nyoko yema
Go segela ke lokologa.+
15 Wene o nyoko bitsa, fote nna ke nyoko go fetola.+
O nyoko hlologela mmereko wa matsogo yago.
16 Mara gana byalo o ya mahlong o lebelele se sengwana le se sengwana so ke se makang;
O fo lebelela tso ke di sinyang.
17 Tso ke sa di makang gabutši di kwalediwwe sekhwameng,
Fote o tlotsiye sa go mamaretsa gore tso ke kekemisiyeng ga tsona di dule di le ka mokgonone.
18 Go fo tshwana le mo thaba yi wa fote yi pshyayegana
Le letlapa le tloga mo ne le le gona,
19 Go fo tshwana le mo meetši ma sinya matlapa mo ma dula ma feta mo ga wona
Fote ma gogola mobu wa lefase,
Le wene o makiye gore motho a sa sa ba le tshepo.
20 O ya mahlong o totometsa go segela a kgwa;+
O tšhentšha ka mokgo a leng, fote o mo yisa lebitleng.
21 Bana bage ba tseyediwa gedimo, mara yene aa di tšibi;
Ba tseyediwa fase, mara aa di boni.+
22 O kwa go baba;
Fote o lla mo a sa phela.”