Pisalema
PUKU YA KARARO
(Pisalema 73-89)
Koša ya Asafa.+
73 Gabutšibutši, Modimo o makele Israyele dilo tsa gabutši, o ba makela tsa gabutši bo ba go ba le dipelo tsa go yela.+
2 Nna ke mo ke šele ke le thina le go keketlela;
Ne nkare ke mo ke le thina le go thelela.+
4 Ka gore a ba kwe go baba mo ba kgwa;
Fote mmele wa bona wo philegiye.+
5 A ba na mathatha go tshwana le batho ba bangwana,+
Fote a ba hlupege ka selo go tshwana le batho ba bangwana.+
6 Byalo, tso tsa go kakola magetla ke nekleyisi ya bona;+
Bokgohlane ke kobo ya bona.
7 Maahlo ya bona ke ya manyana ka taba la gore difahlego tsa bona di tsifiye;
Tso ba di kgobaketsiyeng di tlele ka matla go phala ka mokgo dipelo tsa bona ne di nabela ka gona.
8 Baa kwerana fote ba hlaya dilo tsa go sa loka.+
Ba tshosetsa batho ba kene ba kakodiye magetla ba ba botsa gore ba nyoko ba kgahleletsa.+
9 Ba bolabola tsa nkare ba kgakala go tshwana le magedimo,
Ba sepela-sepela mo lefaseng ba bolabola tso ba di nyakang.
10 Byalo, batho ba Modimo ba ya ga bona,
Fote ba nwa ga meetši ya bona ya gore ma tlele.
11 Ba re: “Modimo o tšiba byang?+
Ayitsano Ye wa Malenghelengheng o tšiba dilo ka moka?”
12 Eya, bowa ke ba dipelo tse diphifadu, ba gore a ba na mathatha.+
Ba ya mahlong ba yeketsa tso ba ghannyeng ka tsona.+
13 Nnete ke gore, tsa gore pelo yaka yi yediye
Le tsa gore ke hlapiye matsogo go šupetsa gore a ke na molato a di n’gelepe ka selo.+
14 Fote ke mo ke šekela letšatši ka mokana ga lona;+
Modimo ke mo a n’wolola ka bošego byo bongwana le byo bongwana.+
15 Mara hala ke hlayye tso ke di naganang,
Ne nko ba ke sipidiye batho* bago ka fase.
16 Ke mo di nhlupa
Mo ke liketsa go di kwisisa
17 Go segela ke kena polekeng ya Modimo ya go hlawolega,
Fote ke kwisisa tso di nyoko ba makegelang ku mahlong.
18 Ka nnete o ba beyye ga gore gwa thelela.+
Gore ba we fote go fele ka bona.+
19 Go nyoko fela ka bona ka go yakgoswa!+
Ba nyoko tlela ke tsa go sasamela ba sa tilebele fote ba kgwa!
20 Go fo tshwana le moloro wa gore motho wa wo libala mo a tsoga,
O nyoko ba libala mo o tlogamela, wene Jehova.
21 Mara pelo yaka ke mo yi kgongwele,+
Fote ke mo ke kwa ke hlabega ka ku tengteng.
22 Ke mo ke sa nagane fote ke sa kwisisi gore dilo di sepela byang;
Ke mo ke tshwana le phoolwane ya hlaga ya gore a yi na monagano mahlong gago.
23 Mara gana byalo ke dula ke le nago;
Wene o ntshwere ka letsogo lago la go ja.+
25 A go na ye mongwana ku magedimong wa gore ke mo tseyela gedimo go tshwana nago.
Fote solanka ke le nago a ke hloke selo sa lefaseng.+
26 Mmele waka le pelo yaka di ya lelemela,
Mara Modimo o nyoko maka gore pelo yaka yi tiyelele, Modimo ke sengatha saka go ya go yye.+
27 Ka nnete go nyoko fela ka bo ba gore ba sepelela kgole nago.
O nyoko fetsa ka batho ka mokana ga bona ba gore a ba tshepege* gago.+
28 Mara nna di ya mperekela go šutela thina le Modimo.+
Ke makiye Jehova Morena wa Malenghelengheng gore go be poleke yaka ya go tšhabela ga yona,
Gore ke bolabole ka mebereko yago ka mokana ga yona.+