Dikoronika Tsa Mathomo

5 Bowa ke barwayi ba Rubeni+ wa gore ke letšibula la Israyele. Ne go le letšibula, mara taba ya gore ke letšibula ba yi neyye barwayi ba Josefa+ wa gore ke morwayi wa Israyele ka taba la gore o yetsele le motlabo wa papage,*+ byalo taba ya gore ke letšibula a ba yi ngwala ga letheto la mabitso ya ba mitši ya gabo. 2 Le mo Juda+ a wokamela bobhuti bage fote gage go tšwile wa gore o nyoko yeta batho mahlong,+ taba ya letšibula ne go le ya Josefa. 3 Barwayi ba Rubeni wa gore ke letšibula la Israyele ke mo go le Hanoko, Palu, Hezerone le Khami.+ 4 Barwayi ba Juwele ne go le Šemaya, Šemaya gwa ba papa wa Ghogho, Ghogho gwa ba papa wa Šimeyi, 5 Šimeyi gwa ba papa wa Mmika, Mmika gwa ba papa wa Reya, Reya gwa ba papa wa Bhaali, 6 Bhaali gwa ba papa wa Bheyera wa gore Kgoši Thilighatha-pilinesere+ wa Asiriya o mo yisiye bobhantiting; ne go le ndhuna ya Marubeni. 7 Banna bowa ke mo go le mašaga ya Bheyera go ya ka letheto la mitši ya bona, ne go thomisa Jeyiyele, Zakariya, 8 le Bhela, Azazi gwa ba papa wa Šema, Šema gwa ba papa wa Juwele wa gore ke mo a dula Arore+ go segela Nebho le Bhaali-miyone.+ 9 O duli ka bohlabela go segela mo go thomisang mašahla ya Nooka ya Eforate,+ ka taba la gore merape ya bona ne yi tlele ku nageng ya Ghiliyade.+ 10 Ka dinako tsa Kgoši Sawulo, ba lwile le Mahagha ke mokane ba ma hlula, ba dula matenteng ya bona polekeng ya bona ka mokana ga yona ya gore ne yi le bohlabela bya Ghiliyade.

11 Byalo ditlogolwane tsa Ghada dya dula thoko ga bona nageng ya Bhašane go segela Salekha.+ 12 Juwele ke mo go le wa mathomo, Šafami ke mo go le wa mabedi, fote ke mo go na le Jenayi le Šafate ku Bhašane. 13 Bowa kašupa ya bona ke mo go le mašaga ya bona, ne go le Mayikhele, Mešulamo, Šebha, Jorayi, Jakane, Ziya le Ebhere. 14 Bowa ke barwayi ba Abhiheyili, Abhiheyili gwa ba papa wa Huri, Huri gwa ba papa wa Jarowa, Jarowa gwa ba papa wa Ghiliyade, Ghiliyade gwa ba papa wa Mayikhele, Mayikhele gwa ba papa wa Ješišayi, Ješišayi gwa ba papa wa Jado, Jado gwa ba papa wa Bhuze. 15 Hlogo ya mutši wa bona ke mo go le Ahi, Ahi gwa ba papa wa Abhdiyele, Abhdiyele gwa ba papa wa Ghuni. 16 Ne ba dula Ghiliyade+ le Bhašane+ le ga dimitšane tsa go dukulugela mitši yowa le ga dipoleke ka mokana ga tsona tsa go disela ga tsona tsa Šerone go segela mo di felelang gona. 17 Ka mokana ga bona ba ba ngwadisiye ka letheto ka dinako tsa Kgoši Jothama+ wa Juda le ka dinako tsa Kgoši Jerobhowamo*+ wa Israyele.

18 Marubeni, Maghada le sekopa sa leloko la Manase ke mo ba na le 44 760 ya masole ya go ba le matšhika, ya gore ne ma na le magawu le disabola fote ma na le mesefo, fote ne ma tšiba go lwa. 19 Ba hlasele Mahagha,+ ditlogolwane tsa Jeture, tsa Nafiši+ le tsa Nodabe. 20 Fote ba ba gelepiye gore ba lwe nabo gore Mahagha le batho ka mokana ga bona bo ne ba le nabo ba thogo ba hlula, ka gore ba kgopele Modimo gore a ba gelepe ga ntwa yone, fote le yene o ba makele tsotsone ka gore ke mo ba mo tshepa.+ 21 Ba tsere diphoolwane tsa bona⁠— 50 000 ya dikamela, 250 000 ya dinku le 2 000 ya dibhongholo⁠—ba tseya le 100 000 ya batho. 22 Ba bolayye manaba ya bona ya go tlala ka taba la gore Modimo wa mannete ne a ba lwela.+ Fote ba duli polekeng ya bona go segela ba maka gore go be mabhantiti.+

23 Ditlogolwane tsa sekopa sa leloko la Manase+ ne di dula go tlugisela Bhašane go segela Bhaali-heremone, Seniri le Thabeng ya Heremoni.+ Ke mo ba tlele ka matla. 24 Bowa ke mo go le dihlogo tsa mitši ya bona: Efere, Iši, Eliyele, Azriyele, Jeremiya, Hodaviya le Jadiyele; bowa ne go le masole ya go ba le matšhika, banna ba go tšibega le dihlogo tsa mitši ya bona. 25 Mara a baa tshepega ga Modimo wa bokokwane ba bona, fote ke mo ba rapela medimo ya batho ba naga yone,+ batho ba gore Modimo o fetsiye ka bona ba kene ba lebelele. 26 Byalo Modimo wa Israyele a kutšetsela Kgoši Puli wa Asiriya+ (wa gore ke Kgoši Thilighatha-pilinesere+ wa Asiriya) gore a make gore Marubeni, Maghada le sekopa sa leloko la Manase ba ye bobhantiting, fote a ba yisa Halaha, Habhore, Hara le nookeng ya Ghozani,+ ga gore le lekgono lo ba sa le gona.