Jobo
4 Ke mokane Elifase+ wa Letemani mo a mo fetola a re:
2 “Mo ye mongwana a liketsa go bolabola nago, ayitsano o nyoko mo felela pelo?
Mara ke mang ye a ka kgonang go titshwara gore a sa bolabole?
3 Ke nnete gore o tšhutisiye ba go tlala,
Fote ke mo o tiyisa ba gore ba kgongwele.
4 Ke mo o tiyisa bo ba gore ba thina le go wa,
Fote o tiyisa ba gore matolo ya bona ne ma kwetlakwetla.
5 Gana byalo di makegele wene, di šele dya go šita;
Di krayye wene, fote o kgongwele.
6 Gale taba ya gore o hlompa Modimo a yi make gore o titshepe?
Anthe go tshepega gago+ a go make gore o be le tshepo?
7 Ke kgopela o gopole gore: Motho wa go loka aa so hlwe a kgwa go soko ba nako.
O hlwa o di bona kaye motho wa go tilokela go fela ka yene?
8 Tso ke di bonneng ke gore bo ba gore ba gaša* tsa go kwaletsa
Le ba gore ba gaša mathatha, ba nyoko buna go tshwana.
9 Mo Modimo a romela moya wa go ba le matšhika ga bona, baa kgwa,
Fote mo a kwatiye ka matla gwa fela ka bona.
10 Tawu ya bopa, fote tawu ye nyana ya kwagala,
Mara meno ya ditawu tsa go ba le matšhika le wona maa robega.
11 Tawu mo yi se na tsa go ja ya kgwa,
Fote ditawu tse dinyana dya tlalagana.
12 Byalo ke kwelele ditaba tse dingwana ka makhukhung,
Ye mongwana o nsebele.
13 Mo nkene ke hlupa ke tso ne ke di bona bošego,
Ka nako ya mo batho ba yye le boroko,
14 Ka thomisa go tšhoga la go sa hlayisege,
Ka kwa le mašapo yaka ka mokana ga wona ma hlagasela.
15 Ka kwa se sengwana se feta ho sefahlegong;
Le moriri waka wa yemelela.
16 Sa fo re tsitsinini,
Mara ke mo se sa bonale gabutši gore king.
Ke mo go yemme selo ho mahlong gaka;
Gwa re tsee, ke mokane ka kwa lentsu le re:
17 ‘Nje motho a ka loka go phala Modimo?
Nje motho a ka yela go phala ye a mo makiyeng?’
18 Phela le malata yage aa ma tshepe,
Fote o solasola le mangeloyi* yage.
19 Batho ba go dula dintlong tsa go makiwa ka botsopa gee,
Ba gore difandhiši tsa bona di gana mo leroleng,+
Ba gore o ka ba psyitlanya lula go tshwana le phehli!
20 Ka bošego baa phela fote ka malobana baa psyitlanyiwa gwa napa go fela ka bona;
Ba nyamalala go ya go yye, fote a go na ye a di bonang.
21 Anthe a ba tshwane le letente la gore thapo ya lona ba yi ntshiye?
Ba kgwa ba sa hlalefa.