Jeremiya
51 Tsowa ke tso Jehova a di hlayang:
“Gana byalo ke maka gore go be le moya wa go sinyanya
Gore wo hlasele Bhabhilona+ le batho bo ba dulang Lebhu-kamayi.
2 Ke nyoko romela batho ba go fefera ku Bhabhilona,
Fote ba nyoko fefera naga yone ya šala yi se na selo;
Ba nyoko yi hlasela ga mathoko ka moka ka letšatši la go sasamela.+
3 O sa lisetsi motho a berekisa mosefo wage.
Fote o sa lisetsi motho a tlogamela a yapere mokgopa wa dipelekete.
Masogana yage o sa ma kwele go baba.+
Fote o make gore masole yage ka mokana ga wona go fele ka wona.
4 Fote ba nyoko šala ba kgwile nageng ya Makhaladiya,
Ba ba hlabiye dipateng tsage.+
5 Ka taba la gore Jehova wa masole aa lahla Israyele le Juda, a di tshwane le mosadi wa go kgwela ke monna.+
Mara go ya ka Ye wa go Hlawolega wa Israyele naga ya bona yi na le molato wo mogolo.
6 Tšwanneng mone Bhabhilona,
Le tšhabeneng gore le thogo phela.+
Gore le sa kgwe ka taba la dilo tso a di sinnyeng.
Ka taba la gore ke nako ya gore Jehova a patedise.
O mo patedisa ka taba la tso a di makiyeng.+
7 Bhabhilona ne go le komitši ya gholdi ka letsogong la Jehova;
Yi makiye gore batho ka mokana ga bona ba lefaseng ba nwe ga yona.
8 Bhabhilona o nyoko wa ka go yakgoswa fote o nyoko robega.+
Mo lleleneng!+
Mo krayeleneng bhalesamo gore a sa kwe go baba ka matla; nakwenngwana a ka fola.”
9 “Re liketsiye go yalafa Bhabhilona, mara aa yalafega.
Mo lisetseneng, tla re sepeleneng, ye mongwana le ye mongwana a ye nageng yage.+
Ka gore tso a di sinnyeng di segele le ku legedimong;
Di kgakala go tshwana le maru.+
10 Jehova o re yahlulele gabutši.+
Tlanneng, re bolabole ka tso Jehova Modimo wa rune a di makiyeng ku Siyoni.”+
11 “Lokotša manopa ya mosefo;+ o tseye magawu ya kgokolo.
Jehova o makiye gore magoši ya Mede+ ma ye ntweng,
Ka taba la gore o tikemisele go fetsa ka Bhabhilona.
Ka taba la gore Jehova wa patedisa, o patedisela tempele yage.
12 Hlomaneng sefoka sa go hlasela+ mapharo ya Bhabhilona.
Beyaneng batho ba go ghada le bomatšinghelane.
Lukiselelaneng bo ba gore ba ramele go hlasela.
Ka taba la gore Jehova o šele a na le polane,
Fote o nyoko maka so a se tshepisiyeng ka batho bo ba go dula Bhabhilona.”+
13 “Wene mosadi wa go dula gare ga meetši ya go tlala,+
Wa go ba le dilo tsa go tlala tsa majabajaba,+
Go segele nako ya gore go fele ka wene le ka dilo tso o di krayang ka bošakašakane.+
14 Jehova wa masole o makiye kano ka boyene mong a re,
‘Ke nyoko maka gore banna bago ba tlale go tshwana le ditšiya,
Ba nyoko yahlamela ba jabodiye ka taba la gore ba hludiye.’+
15 Ke yene a Makiyeng lefase ka matšhika yage,
Yene wa gore o makiye lefase a berekisa go hlalefa gage+
Fote o phurulliye magedimo ka go kwisisa gage.+
16 Lentsu lage le maka gore
Meetši ya hala magedimong ma dhunghegane,
Fote o maka gore maru ma yinuge ma tšwa mo lefase le felelang gona.
O maka gore go be le legadima mo go na pula,
Fote o maka gore go be le moya wa go tšwa ga dipoleke tso a wo beyyeng ga tsona.+
17 Ye mongwana le ye mongwana o maka tsa go tšiba ke yene fote a ba kwisisi.
Ye mongwana le ye mongwana ye a berekang ka tshipi wa gore o maka modimo wa sethombhe o nyoko tšeba;+
Ka taba la gore modimo yene wage wa tshipi ke modimo wa matsaka,
Fote aa phele.+
18 Go fo ba dilo tsa go sa re selo,+ ke medimo ya gore yi makiye ke batho.
Mo go segela nako ya gore Modimo a fetse ka tsona, go nyoko fela ka tsona.
19 Mara Modimo wa Jakobo yene aa tshwane le medimo yone,
Ke yene a makiyeng dilo ka mokana ga tsona,
Ke yene thoka ya Israyele.+
Lebitso lage ke Jehova wa masole.”+
20 “Wene o selo so ke se berekisang mo ke lwa ntweng,
Ka taba la gore ke nyoko berekisa wene go psyitlanya ditšhaba.
Ke nyoko berekisa wene go fetsa ka memmušo.
21 Ke nyoko berekisa wene mo ke psyitlanya pera le ye a yi kalammeng.
Fote ke nyoko berekisa wene mo ke psyitlanya sekotšikara sa ntwa le ye a se kalammeng.
22 Ke nyoko berekisa wene mo ke psyitlanya monna le mosadi.
Ke nyoko berekisa wene mo ke psyitlanya mokgalabye le sešomanyana.
Ke nyoko berekisa wene mo ke psyitlanya mosogana le ngwannyana.
23 Ke nyoko berekisa wene mo ke psyitlanya ye wa go disa le morape wage.
Ke nyoko berekisa wene mo ke psyitlanya ye wa go lima le morape wage wa diphoolwane.
Ke nyoko berekisa wene mo ke psyitlanya ba go lawola le dindhuna.
24 Fote ke nyoko patedisa Bhabhilona le batho ka mokana ga bona bo ba dulang Khaladiya
Ka taba la dilo ka mokana ga tsona tsa go befa tso ba di makiyeng ku Siyoni mahlong ga lune,”+ go hlaya Jehova.
25 “Gana byalo ke go jikele,+ wene thaba ya go sinya,” go hlaya Jehova,
“Wene wa go sinyanya lefase ka moka.+
Ke nyoko wolola letsogo laka ke berekisa matšhika yaka gago, ke nyoko go tlosa matlapeng
Fote ke nyoko maka gore o be thaba ya gore yi swile.”
26 “Batho ba ka sa tseyi letlapa la khoneng kela letlapa la fandhiši,
Ka taba la gore o nyoko ba lešupi go ya go yye,”+ go hlaya Jehova.
27 “Yemisaneng sefoka nageng.+
Teyaneng phalafala gare ga ditšhaba.
Mmitseleneng ditšhaba tsa go lwa naye.
Mmitseleneng memmušo ya Ararate,+ Mini le Ašikenazi.+
Mmitseleneng ndhuna ya masole.
Makaneng gore dipera di tle go tshwana le ditšiya tse dinyana.
28 Mmitseleneng ditšhaba tsa go lwa naye,
Magoši ya Mede,+ ba go lawola le dindhuna ka mokana ga tsona
Le dinaga ka mokana ga tsona tsa gore baa di lawola.
29 Fote lefase le nyoko tekateka le go hlagasela,
Ka taba la gore dilo tso Jehova a di naganneng ka Bhabhilona di nyoko makega
Tsa go maka gore naga ya Bhabhilona yi šale yi tshosa, fote go se na motho ye a dulang ga yona.+
30 Masole ya Bhabhilona ma lisetsiye go lwa.
Ma duli ga dipoleke tsa wona tsa go pasopega.
A ma sa na matšhika.+
Ma tshwana le basadi.+
Mitši yage ba yi tšhubiye ka mollo.
Ditshipi tsa digheyiti tsage ba di robannye.+
31 Ye wa go sipidisa dilo o tabogela go ye gahlana le ye mongwana,
Fote ye wa go sipidisa molayetsa o tabogela go ye gahlana le ye mongwana,
Gore ba botse kgoši ya Bhabhilona gore mutši wage ba wo hludiye ga mahlaya ka moka,+
32 Dipoleke tso ba tshilang nooka ga tsona ba di tsere,+
Dikepe tsa phaphirase ba di tšhubiye ka mollo,
Fote masole ma tšhugiye ka matla.”
33 Ka gore tsowa ke tso Jehova wa masole, yene Modimo wa Israyele a di hlayang:
“Morwediya wa Bhabhilona o tshwana le poleke yo ba tulelang mabele ga yona.
Ke nako ya gore a gatediwe.
Go se botala, nako ya go buna yi nyoko mo tlela.”
34 “Kgoši Nebhukhadhinezara* wa Bhabhilona o fetsiye ka nna;+
O makiye gore ke sa tšibi gore kaye ke kaye.
O makiye gore ke tshwane le pitsa ya botsopa ya go se na selo.
O nkgwisiye go tshwana le noga ye kgolo;+
O tlatsiye dimpa tsage ka dilo tsaka tsa gabutši.
O nlahliye.
35 ‘Nkare tso ba mmakiyeng tsona le mmele waka di ka makegela Bhabhilona!’ tsotsone di hlaya ke motho wa go dula Siyoni.+
‘Nkare batho ba go dula Khaladiya ba ka rwala molato wa madi yaka!’ tsotsone di hlaya ke Jerusalema.”
36 Byalo, tsowa ke tso Jehova a di hlayang:
Ke nyoko maka gore lewatle lage le pshye fote didiba tsage di pshye.+
37 Fote Bhabhilona go nyoko ba ndhundhuma ya matlapa,+
Go nyoko dula dijakalase,+
Mo batho ba yi lebelela ba nyoko tšhoga fote ba nyoko teya moludi,
Go ka sa duli motho.+
38 Ka mokana ga bona ba nyoko bopa go tshwana le ditawu tse dinyana.
Ba nyoko bopa go tshwana le bana ba ditawu.”
39 “Mo ba jabodiye ke nyoko ba neya tsa go tlala ka boya ka maka gore ba tlayile,
Gore ba thogo hlakela;+
Ba nyoko yetsela nako ya go lefa,
La gore ba ka sa sa tsoga,”+ go hlaya Jehova.
40 “Ke nyoko ba wisa go tshwana le dinkunyana mo di hlabiwa,
Go tshwana le dinku tsa phoolo le dipudi.”
41 “Yo nna yoo, Šešakhi ba mo hludiye go baba,+
Tso ne ba Thanaka lefase ka mokana ga lona ka tsona di fediye!+
Ba ditšhaba ba kwa ba tšhoga mo ba lebelela Bhabhilona!
42 Lewatle le khurumetsannye Bhabhilona.
Le yi khurumetsannye ka maphoto ya magolo.
43 Mitši yage yi thomisiye go tshosa, ke naga ya go se na meetši fote ke kgwaakgwa.
Ke poleke ya gore motho a ka sa ro dula ga yona fote go ka sa be le motho wa go feta mone ga yona.+
Go ka sa sa tšwa ditšhaba gage,
Fote lepharo la Bhabhilona le nyoko wa.+
45 Tšwanneng hone gage lune batho baka!+
Tšhabaneng gore le thogo phela+ ka taba la gore nna Jehova ke kwatiye!+
46 Le sa tšhabeneng kela go tshosa ke tso le nyoko di kwang mone nageng.
Ka mongwaga ka wwoši go nyoko tla pego,
Fote ka mongwaga wa go latela go nyoko tla pego ye nngwana,
Ya gore go nyoko lwiwa nageng fote bo ba go lawola ba nyoko kutulugelana.
47 Byalo bonaneng! matšatši ke yanane
Ya gore ke nyoko fetsa ka dithombhe tsa gore di ro makiwa tsa Bhabhilona.
Naga yage ka moka yi nyoko poyidiwa,
Fote ka moka bo ba nyoko ba bolayang ba nyoko wa gare gage.+
48 Magedimo le lefase le dilo ka moka tso di leng ga tsona
Di nyoko yahlamela di jabodiye mo Bhabhilona yi wa,+
Ka gore bo ba go sinyanya ba nyoko tla ba tšwa ka lebowa,”+ go hlaya Jehova.
49 “Bhabhilona a ya fo maka gore bo ba Israyele ba gore ba ba bolayye go fele ka bona+
Mara yi makiye le gore bo ba ba bolayyeng ba go tšwa lefaseng ka mokana ga lona le bona go fele ka bona.
50 Wene wa gore o tšhabelela sabola, ariye mahlong o tšhaba, o sa yeme!+
Wene wa gore o kgole o gopole Jehova,
Fote nkare o ka dula o gopola Jerusalema.”+
51 “Ba re poyidiye, ka taba la gore re kwile mo ba re kwera.
Di ro bonagala gore re poyilegiye ho difahlegong tsa rune,
Ka gore bo ba go tšwa ba sepela ba hlasele dipoleke tsa go hlawolega tsa ntlo ya Jehova.”+
52 “Byalo bonaneng! matšatši ke yanane,” go hlaya Jehova,
“Ya gore ke nyoko fetsa ka dithombhe tsage,
Fote nageng yage ka moka go nyoko kwagala batho ba gore ba kwalele mo ba gotla.”+
53 “Le mo Bhabhilona yi ka yinugela legedimong,+
Fote ya tiyisa diwokamelo tsa yona tsa go tšhabela ga tsona,
Bo ba nyoko fetsang ka yona ba nyoko tšwa gaka,”+ go hlaya Jehova.
54 “Theetselaneng! Go na le batho ba go gotla ku Bhabhilona,+
Go kwagala modumo wa mo ba fetsa ka naga ya Makhaladiya,+
55 Ka gore Jehova o nyoko fetsa ka Bhabhilona,
O nyoko kgomoletsa lentsu lage,
Modumo wo wo nyoko makang ke manaba yage wo nyoko tshwana le maphoto ya lewatle.
Modumo wa mantsu ya bona wo nyoko kwagala.
56 Ye wa go sinyanya o nyoko kutulugela Bhabhilona;+
Masole yage ma nyoko hludiwa,+
Mesefo ya wona ba nyoko yi robanya,
Ka taba la gore Jehova ke Modimo wa go yahlula gabutši.+
Ka nnete o nyoko patedisa.+
57 Ke nyoko maka gore dindhuna tsage le banna bage ba go hlalefa ba tlayile,+
Le batho bage ba go lawola le bo ba go gelepa ba go lawola le masole yage,
Fote ba nyoko yetsela nako ya go lefa,
Ba sa sa tsoga,”+ go hlaya Kgoši, wa gore lebitso lage ke Jehova wa masole.
58 Tsowa ke tso Jehova wa masole a di hlayang:
“Le mo lepharo la Bhabhilona go le le lekoto, le nyoko wisiwa,+
Fote digheyiti tsage le mo di lefiye, di nyoko tšhubiwa.
Batho ba nyoko berekela mahala;
Ditšhaba di nyoko karakara mara di tl’le tšhuba ke mollo.”+
59 Tsowa ke tso Jeremiya wa gore ke moporofeta a di butsiyeng Seraya morwayi wa Neriya+ morwayi wa Mahiseya mo a ya Bhabhilona le kgoši Zedekiya wa Juda ka mongwaga wa kanne wa mo a lawola; Seraya ke mo go le wa go pasopa dilo tsa kgoši. 60 Jeremiya o ngwadiye dilo ka mokana ga tsona tsa go sasamela tso ne di nyoko tlela Bhabhilona ka teng ga puku, tso a di ngwadiyeng ka mokana ga tsona ne di nyoko makegela Bhabhilona. 61 Go tokegela gana hone, Jeremiya o yitseri ga Seraya: “Mo o tla ku Bhabhilona ke mokane o mmona, di nyaka o balele mantsu yawa ka mokana ga wona gedimo. 62 Ke mokane wene o hlaye gore, ‘Barena Jehova, o yitseri poleke yowa go nyoko fela ka yona fote go ka sa be le motho wa go dula ga yona, motho kela phoolwane, fote go nyoko dula go le lešupi go ya go yye.’+ 63 Ke mokane mo o fetsa go bala puku yowa, o tseye letlapa o le tlemelele hone ga yona ke mokane o yi lahlele teng ga Nooka ya Eforate. 64 Ke mokane o hlaye gore, ‘Bhabhilona yi nyoko nwelela ka mokgonone fote yi ka sa sa nyarela+ ka taba la dilo tsa go sasamela tso ke nyoko yi leyelang tsona; fote batho ba gona ba nyoko pawoga.’”+
Mantsu yane ke ya ma hlayyeng ke Jeremiya.