Tso di Makegiyeng Thabeng ya Kharamele

Mmušo wa go ba le lesome la meloko ne wo na le magoši ya go tlala ya go maka tsa go befa, mara Ahaba ne a maka tsa go befa go ba phala ka moka. O yye a šadha mosadi wa go ba le lešidi wa gore o rapela Bhaali. Lebitso lage ne go le Jezebhele. Ahaba le Jezebhele ba tlatsiye naga yone ka morapelo wa Bhaali ba boya ba bolaya baporofeta ba Jehova. Jehova o yye a maka ying? O yye a roma Eliya wa go porofeta gore a ye ga Ahaba a mmotse molayetsa.

Eliya o butsiye Kgoši Ahaba gore ka taba la gore o maka tsa go befa, go ka sa ne pula Israyele. Go fediye ka ku ga kararo ya mengwaga mabele ma sa gole fote batho ba yye ba teya ke tlala. Ka nthago Jehova o yye a roma Eliya gore a boyele ga Ahaba. Kgoši yi mmutsiye gore: ‘Ke wene o re leyelang mathatha yawa! Dilo tsowa ka moka di makiye ke wene.’ Eliya o yye a fetola ka gore: ‘A yi nna a makiyeng gore go be le kgwaakgwa. Ke wene, ka go rapela Bhaali. Re nyoko bona gore Modimo wa mannete ke mang. Bitsa setšhaba le baporofeta ba Bhaali ka moka ba tle thabeng ya Kharamele.’

Setšhaba se yye sa gahlana thabeng yone. Eliya o yitseri: ‘Kgetaneng gore le nyoko yema le mang. Mo nkare Jehova ke Modimo wa mannete, rapelaneng yene. Mara mo nkare Bhaali ke Modimo wa mannete, rapelaneng yene. Tla re bone gore Modimo wa mannete ke mang. 450 ya baporofeta ba Bhaali di nyaka ba lukiselele sehlabelo fote ba bitse modimo wa bona, le nna nko lukiselela sehlabelo fote ke nyoko bitsa Jehova. Ye a fetolang ka mollo ke yene Modimo wa mannete.’ Batho ba yye ba dumela.

Baporofeta ba Bhaali ba yye ba lukiselela sehlabelo. Letšatši ka moka ne ba bitsa modimo wa bona ba re: ‘Bhaali barena, re fetole!’ Mo Bhaali a sa fetole, Eliya o yye a ba tshega. O yitseri: ‘Yahlamelaneng ka matla. Nakwenngwana o yetsele, fote di nyaka ba mo tsose.’ Ne se go le ka malobana, fote baporofeta ba Bhaali ne ba fo ya mahlong ba yahlamela ba mmitsa. Mara ne go se na ye a fetolang.

Eliya o yye a beya sehlabelo sage aletareng fote a se tšhela meetši. Ke mokane a rapela a re: ‘Barena Jehova, maka gore batho bowa ba tšibe gore ke wene Modimo wa mannete.’ Ka yona nako yonone, Jehova a romela mollo wa go tšwa legedimong gore wo tšhube sehlabelo sone. Setšhaba se yye sa yahlamela sa re: ‘Jehova ke yene Modimo wa mannete!’ Eliya a re: ‘Le sa lisetse baporofeta ba Bhaali ba tšhaba!’ Letšatši lone, go bolayiwwe 450 ya baporofeta ba Bhaali.

Mo Eliya a bona lirunyana le lenyana le bonala thina le lewatle, o yye a botsa Ahaba gore: ‘Pula ye kgolo ya tla. Lukisa sekotšikara sago o ye gaye.’ Legedimo le yye la thomisa go fifala, gwa foka moya, ke mokane pula ya thomisa go na. Kgwaakgwa yi yye ya fela. Ahaba o yye a liketsa go tabogisa sekotšikara sage. Mara Jehova o yye a gelepa Eliya gore a taboge go phala sekotšikara sone! Mara ayitsano mathatha ya Eliya ne ma fediye gana mone? Tla re boneneng.