Jehova o Tiyisiye Eliya

Jezebhele o yye a di kwelela gore go makegiye ying ka baporofeta ba Bhaali, fote o ye a kwata ka matla. O yye a romela molayetsa ga Eliya gore: ‘Ka motshwana, o ko ba o kgwile go tshwana le baporofeta ba Bhaali.’ Eliya o yye a tšhoga ka matla ke mokane a tšhabela mašahleng. O yye a rapela a re: ‘Jehova, a ke sa kgona go ya mahlong. Barena nlisetse ke kgwe.’ Eliya na tinne ke mokane a yetsela fase ga mohlare.

Lengeloyi le yye la mo tsosa ke mokane la re: ‘Tsoga o je.’ Eliya o bonne sekgwa sa kgokolo se le gedimo ga matlapa ya go fisa le komitši ya meetši. O yye a ja a nwa a boyela a yetsela. Lengeloyi le yye la mo tsosa fote la re gage: ‘Jang. O hloka matšhika ka taba la gore o sa ya kgole.’ Byalo Eliya o yye a ja fote. Ke mokane a sepela 40 ya matšatši le 40 ya mašego go segela a fihla Thabeng ya Horebe. Gana mone Eliya o yye lekoring a yetsela gona. Mara Jehova a bolabola naye. A re: ‘O nyaka ying mowa, Eliya?’ Eliya o yye a fetola a re: ‘Maisrayele a ma maka tso ma go tshepisiyeng. Ba sinnye dialetare tsago ba boya ba bolaya baporofeta bago. Gana byalo ba liketsa go bolaya le nna.’

Jehova o mmutsiye gore: ‘Ariye o segele o yeme gedimo ga thaba.’ Sa mathomo, moya wo mogolo ne wo tšutla wo feta mone lekoring. Ka nthago, lefase le yye la tekateka ke mokane gwa ba le mollo. Mafelelong, Eliya a kwa lentsu la fase la go beba. O yye a tikwala sefahlego ka kobo yage ke mokane a yema monyakong wa lekori. Jehova a mmutsisa gore ke ntaba a yye a tšhaba. Eliya o yitseri: ‘Go šele nna fela.’ Mara Jehova o mmutsiye gore: ‘A gwa šala wene o ntoši. Go na le 7 000 ya batho ku Israyele ba gore ba sa na ba nrapela. Ariye we kgeta Eliša gore a be moporofeta sekgaleng sago.’ Ka nako yonone, Eliya a napa a ye maka tso Jehova a mmutsiyeng gore a di make. Ayitsano o nagana gore le wene Jehova o nyoko go gelepa mo o nyaka go maka tso a reng o di make? Eya, o nyoko go gelepa. Tla re boneneng gore go makegiye ying ka nako yela ya kgwaakgwa.