September

Modimo o neyye Jeso matšhika ya gore a lukise mathatha ka mokana ga wona ya batho. Nakwela Jeso a maka mehlolo ke mo a šupetsa gore o na le matšhika ya gore a ka di kgona go tlosa mathatha ka mokana ga wona ya gore ka borune re ka sa di kgone go ma hlula. Mo re beyisa, o na le matšhika ya gore a ka re yimulla ga mathatha ya ma makiyeng ke batho go leng senyama so re se yanngweng sa gore se re bakela malwele le likgu. (Mat. 9:1-6; Marom. 5:12, 18, 19) Mehlolo yo a yi makiyeng yi šupetsa gore a ka di kgona go yalafa “mehlobo ka mokana ga yona” ya malwele le mong go tsosa bo ba kgwileng. (Mat. 4:23 NWT; Joh. 11:43, 44) Fote o na le matšhika ya go kgomoletsa didingwane tsa go tshosa le ya go lokolla batho ga madimona. (Mar. 4:37-39; Luk. 8:2) Phela ke taba ya go jabodisa go tšiba gore Jehova o neyye Morwayi wage matšhika yanane! A re kamake le ka gonyana gore tso Mmušo wa Modimo wo nyoko re rufang ka tsona ku mahlong di nyoko makega. Mehlolo yo Jeso a yi makiyeng nakwela a le ho lefaseng yi re tšhutisa tso a nyoko di makang lefaseng ka mokana ga lona ka taba la gore ke Kgoši ya ku legedimong ya Mmušo wa Modimo. w23.04 3 ¶5-7

Mo nkare o ga phutego ye kgolo fote o bona nkare lago letsogo ba dula ba sa le kgete, di ka fo go botsa gore o lahle tewu. Barena o sa lisetsi go liketsa go fetola. Lukiselela diphetolo tsa go tlalanyana ga mogahlano wo mongwana le wo mongwana. Ke mokane mo ba sa go kgete gore o fetole mo setšhuto se sa tšwa go thomisa, o ko ba o sa thulegelele ke mašuba ya go fetola mo mogahlano wo kene wo ya mahlong. Mo o lukiselela Setšhuto sa Sewokamelo, nagana ka mokgo serele se sengwana le se sengwana se yelanang le hlogotaba yone. Mo o ka maka tsotsone, o ko ba le diphetolo tsa gabutši tso o ka di fetolang ga setšhuto sone ka moka. Go tokogela gana hone, o ka lukiselela go fetola ga direle tsa gore dya thathafa go di hlatolla tsa gore di bolabola ka nnete ya go kenelela ya gore a di lula go yi kwisisa. Ke ntaba? Ka taba la gore ga tsona o kraya go se na ba go tlala ba gore ba yemisiye matsogo. Re ka re king mo nkare go šele go fitiye megahlano ya go tlalanyana mara a o soko thulegela ke lešuba la gore o fetole? Mo mogahlano wo soko bane wo thoma, botsa ye a tšhutisang ka putsiso yo o ka jabolelang go yi fetola. w23.04 21-22 ¶9-10

Josefa ke mo a tikemisele go maka tso Jehova a mo yetetsang ka tsona fote tsotsone di makiye gore a be monna wa gabutši ka matla. Re ka fo re ke ga kararo ga gore o yye a yetetsa ke Modimo ga tsa mutši wage. Ke mo a dula a theetsela di mmaba le mo ne di thathafa gore a make ka mokgonone. (Mat. 1:20; 2:13-15, 19-21) Ka taba la gore Josefa ne a latelela tso Modimo a mo yetetsang ka tsona o yye a di kgona go tšhireletsa Mariya, a mo thega a boya a ro mo pasopa. O fo nagana gore tso Josefa a di makiyeng di hlohletsele Mariya go segela kaye gore a nape a mo nyaka ka matla ga monnage a boye a ro mo hlompa! Lune banna ba gore le šadhiye le ka kopisela ga Josefa ga taba ya go pasopa ba mutši wa lune le yetetsa ke tsa go tšwa ka ho Bhayibeleng. Mo o maka tso o yetetsiwang ka tsona le mo di nyaka o tšhentšha se sengwana, o šupetsa mosadi wago gore o mo nyaka ka matla fote tsotsone di tiyisa mošadho wa lune. Mogageru wa mosadi ye ba reng ke Vanuatu, wa gore o na le 20 ya mengwaga a šadhiye o re: “Mo monnaka a berekisa tso Jehova a mo yetetsang ka tsona ke napa ke mo hlompa ka matla. Ke kwa ke tšhireletsegiye fote a ke kamake dipheto tsage.” w23.05 21 ¶5

Ne di nyaka gore Majuda ya gore ma boyele nthago ma tšwa Bhabhilona ma be “batho ba go hlawolega” ga Modimo wa bona. (Dot. 7:6) Mara, tsotsone ne di sa rele gore ne di sa nyake ba tšhentšha se sengwana gore ba thogo jabodisa Jehova. Majuda ya go tlala ba ma belegele Bhabhilona, di relang gore ne ma tlwayele ka mokgo Mabhabhilona ma tseyang dilo ka gona fote ma tlwayele le melawo ya gona. Ka nthago ga mengwagangwaga, Ndhuna yo ba reng ke Nehemiya yi yye ya makala ka matla mo yi kraya gore bana ba gore ba ba belegele Israyele a ba soko tšhuta mmolabolo wa Sejuda. (Dot. 6:6, 7; Neh. 13:23, 24) Mara bana bone ba nyoko mo nyaka ka mokgo mang ga Jehova ba boya ba mmerekela mo ba sa di kgone go bolabola Seheberu le go se kwisisa—go leng mmolabolo wo Lentsu la Modimo ba le ngwadiyeng ka wona? (Eze. 10:3, 44) Byalo, ne di nyaka gore Majuda yane ma tšhentšhe ka matla, mara ne di ko ba lula ka matla ga bona gore ba tšhentšhe mo ba le Israyele ga gore morapelo wa go yela ba yye ba wo tsosa fote.—Neh. 8:8, 9. w23.05 15 ¶6-7

Sa go baba ke gore, le mo re ka fo ba re na le so se re tšhofang kela re kgona go titshwara, go ka fo ba le tso di re parakang. Mo re beyisa, “dilo tsa go re makegela re sa nagana” di ka re tseyela nako ya rune fote dya re lebatsa la go šinya re ba le nako ye nyana ya go lwela go segelela so re nyakang. (Mmo. 9:11) Re ka fo wela ke mathatha ya gore ma re šiya re kgongwele fote re se na matšhika. (Diy. 24:10) Ka taba la gore a ra yenela, re ka fo kekemisa go gongwana ke mokane tsone dya maka gore di sa be lula gore re segelele tso re di nyakang. (Marom. 7:23) Kela re ka fo kwa re tinnwe. (Mat. 26:43) Re ka gelepa king gore re thogo hlula dilo tsa go re paraka kela tsa go re busetsa nthago? O sa lebale gore mo di go parakiye a di rele gore di go šitiye. Bhayibele yi re di ka makega gore re gahlane le mathatha kela dintshitshire di boyelela. Le mo go le ka mokgonone, yi boya yi di beya lekgwaying gore re ka tsoga ra liketsa. Eya, mo o ya mahlong o liketsa go segelela tso o di nyakang le mo go thathafa, o šupetsa Jehova gore o nyaka go mo jabodisa. Phela Jehova o ro jabola la go sa hlayisege mo a go bona o ya mahlong o karakara gore o thogo segelela so o se nyakang! w23.05 30 ¶14-15

Mmereko wa go ba mošupatsela wo gelepa mogageru wa gore o sa gola gore a thogo berekisana gabutši le batho ba gore a ba tshwane. Fote wo mo gelepa gore a thogo tšhuta go berekisa tšheleta gabutši fote a thogo phela ka yona. (Mafil. 4:11-13) Mokgwa wa gabutši wa go thomisa mmereko wa nako ka moka ke go ba mošupatsela wa go gelepa, di nyoko go lukiselela gore o thogo kena ga mmereko wa mašupatsela ya nako ka moka. Go ba mošupatsela go ka go thulela mašuba ya go maka mebereko ye mengwana ya nako ka moka, gana hone go kena le go ba lelata la mmereko wa tsa go yaga kela o bereke Bethele. Magageru ka moka di nyaka ma liketse ka matla gore ma tshwanelege ma boye ma šupetse mekgwa ya gabutši yo yi nyakegang gore ma tle ma bereke go le bagolo ba phutego. Bhayibele yi re banna ba gore ba nyaka go maka mmereko wowa, ba ba “[ba] nabela dilo tsa gabutši.” (1 Thim. 3:1) Sa mathomo, di nyaka mogageru a thomise a tshwanelege go bereka go le lelata la ka ho phutegong. Malata ya ka ho phutegong ma gelepa bagolo ka dilo tsa go tlala. Bagolo le malata ya ka ho phutegong ba berekela magageru ba kene ba tinyanafatsiye fote ba tšhela letsogo ga mmereko wa go tšhomayela ka matšato. w23.12 28 ¶14-16

Kgoši Josiya ke mo a na le 16 ya mengwaga mo a thomisa go nyakana le Jehova. Ke mo a nyaka go tšhuta ka Jehova le go maka tso A di nyakang. Mara, lephelo ke mo le sa fefogi ga kgoši yowa ya gore yi sa gola. Ka dinako tsone, batho ba go tlala ne ba rapela medimo ya matsaka, byalo ne di nyaka gore Josiya a šišimale gore a thogo ba lisisa go maka tsotsone. Phela o yye a di kgona! Mo Josiya a soko bane a ba le 20 ya mengwaga, o yye a thomisa go tlosa morapelo wa matsaka setšhabeng. (2 Dikor. 34:1, 2) Le mo nkare o sa le ye monyana ka matla, o ka yekisela Josiya ka go nyakana le Jehova le ka go tšhuta tsa go tlala ka Jehova le ka mekgwa Yage ya go bafala. Mo o ka maka dilo tsowa, tsotsone di nyoko go tšhofa gore o tineyele gage. Mara tsotsone di nyoko yama lephelo lago ka mokgo mang? Luke, wa gore o kolobetsiwwe a na le 14 ya mengwaga, o re, “Go tlugisela gana byalo, ke nyoko yetisa mahlong taba ya go berekela Jehova mo nkene ke phela fote nko liketsa go mo jabodisa.” (Mar. 12:30) Phela le wene mo o ka nabela go maka tsotsone, o nyoko rufiwa la go sa hlayisegi! w23.09 11 ¶12-13

Mo Pawulo wa lepostola a ngwala borifi byowa, phutego ya Thesalonika ke mo yi soko bane yi fetsa mongwaga yi le gona. Banna bo ba ba hlawodiyeng di ka makega gore ne ba soko bane ba tšiba mmereko gabutši fote go na le tso ba kekemisiyeng ga tsona. Le mo go le ka mokgonone, ne di nyaka gore ba hlompiwe. Mo motšhatšhamelo wo mogolo wo kene wo šutela, di ka nyaka gore re tithege ka bagolo ba phutego ya rune go phala ka mokgo re makang gana byalo. Di ka makega gore magageru ya ntlo ye kgolo ya lefase le magageru ya ofising ya lekala ma sa kgone go re botsa gore re make ying; nka taba lo go leng selo se segolo stereka gore gana byalo re tšhute go nyaka bagolo ba rune ka matla re boye re ba hlompe. Byalo, le mo go ka makega ying, tla re duleneng re šupetsa gore re nagana gabutši, re sa duli re lebelele dilo tso ba di kekemisang, mara re dule re ntshiye maahlo dikwakweng ga taba ya gore Jehova o berekisa Jeso gore a yetetse banna bowa ba go tshepega. Go fo tshwana le mo lekarapo le tšhireletsa hlogo ya lesole, tshepo ya rune ya gore re nyoko phona yi tšhireletsa menagano ya rune fote yi re gelepa gore re nagane gabutši. Re thogo bona gore dilo tso lefase lowa le re tshepisang tsona a di re selo. (Mafil. 3:8) Tshepo ya rune yi re gelepa gore re dule re kgibiye fote re sa thogathoge. w23.06 11-12 ¶11-12

Bo ba kwang “mosadi wa sephokophoko” di nyaka ba segelele sepheto: Ayitsano ba nyoko yamogela mo a ba mema kela ba nyoko gana? Wa tšiba go na le dilo tso di makang gore re kganele kgole le bonghwahla. “Mosadi wa sephokophoko” ba mo hlatolla a hlaya gore: “Meetši ya gore ba ro ma yetswa maa tswetswenya.” (Diy. 9:17) King “meetši ya gore ba ro ma yetswa”? Bhayibele yi tshwanisa taba ya mo monna le mosadi ba gore ba šadhiye ba maka tsa mapaying le meetši ya gore maa timula. (Diy. 5:15-18) Monna le mosadi ba gore ba šadhiye ba ba dumelele gore ba tikwise ka go maka tsa mapaying ba le ggoši. Mara taba yowa yi fapanne kgole le “meetši ya gore ba ro ma yetswa.” Ma ka rela go maka tsa maroga o sa tshwanela. Ga go tlala taba yone yi makega ka makhukhung, go fo tshwana le wa go yetswa, ga go tlala o yetswa ka makhukhung. “Meetši ya gore ba ro ma yetswa” ma ka šupetsa ma tswetswenya ga bo ba makang taba yone mo nkare ba tseya gore a go na ye a ko tšibang ka so ba se makiyeng. Phela ba ro titshokanya! Jehova o bona dilo ka moka. A se šiyo selo sa go galaka go phala go sa yamogele ke Modimo, fote ga taba yone a go na sa go “tswetswenya.”—1 Makor. 6:9, 10. w23.06 22 ¶7-9

Di nyaka o make ying mo o bona nkare a o sa tshwana le mathomisong ga taba ya go rapela di tšwa pelong, kela mo o bona nkare ga tso tsa go tšhomayela o šele o fo makela moyano? O sa tseye nkare moya wa Jehova a wo sa bereka ho gago. Wa tšiba le wene ke wene motho fote a wa yenela, ka mokgo o tikwang go ka fo tšhentšhatšhentšha. Mo nkare matšato yago ma thomisa go pomega, nagana ka mošupetso wa Pawulo wa lepostola. O yye a liketsa go kopisela ga Jeso, mara ke mo a di tšiba gore ka dinako tse dingwana a ka fo sa be le matšato. Pawulo ke mo a tikemisele go maka mmereko wage wa go tšhomayela di se na taba gore o tikwa byang ka nako yonone. Le wene mo o segelela dipheto, o sa lawole ke gore o tikwa byang ka nako yonone. Tipotse gore o nyoko maka sa gabutši le mo o kwa o sa nyake. Mo nako yi kene yi ya, tso o di makang di ka tšhentšha ka mokgo o tikwang.—1 Makor. 9:16. w24.03 11-12 ¶12-13

Le rune re ka šupetsa magageru gore re ma nyaka ka matla ka gore re nghanelane nawo. (2 Makor. 6:11-13) Ba go tlala ba rune re ga diphutego tsa gore di na le magageru ya gore a re ya gudisiwa go tshwana fote a re tshwane le ka mokgo re leng. Phela magageru yawa ka mokana ga wona re nyoko napa re ma nyaka ka matla mo re ka fo lebelela mekgwa ya wona ya gabutši. Mo re tšhuta taba ya gore re tseye batho ka mokgo Jehova a ba tseyang, re ba re šupetsa gore re ba nyaka ka matla. Ka nako ya motšhatšhamelo wo mogolo, taba ya go nyakanana go ko ba go le selo se segolo. Mo motšhatšhamelo wo mogolo wo thomisa, re nyoko tšhireletsa ke mang barena? Lebelela gore Jehova o yye a botsa batho bage gore ba make ying nakwela Bhabhilona ya ku botala ba yi kutulugela, o yitseri: “Ariyeneng batho baka, kenaneng ka dikamareng tsa lune, le kwaleneng menyako ya lune. Le tšhirele tsa senakonyana go segela mo go kwata go kgibiye.” (Jes. 26:20) Di fo šupetsa gore mantsu yane ma nyoko bereka le ga rune ka nako ya motšhatšhamelo wo mogolo. w23.07 6-7 ¶14-16

Šupetsa ka mokgo o titshwarang gore ke wene motho wa go kwisisa. Tiputsise gore: ‘Ayitsano batho ba ntseya ke le motho wa go kwisisa, wa go tematema le wa go naganelana? Kela ayitsano ba ntseya ke gatelelana, ke hlupa kela ke womme hlogo? Ayitsano ke theetsela ba bangwana ke boya ke yamogela tso ba nabelang gore di makege?’ Phela mo re kwisisa, ke gona re yekiselang Jehova le Jeso. Di nyaka re temateme mo seyemo se tšhentšha. Dilo tsa mošaga wonone di ka re leyela mathatha ya gore ne re sa nagane gore re ka tsoga re le nawo. Mo re beyisa, re ka fo kutulugela ke malwele ya go tshosa. Kela lephelo le ka thomisa go gakga mo seyemo sa tsa ikhonomi kela tsa dipolotiki se tšhentšha ka go yakgoswa mo re dulang. (Mmo. 9:11) Di ka re thathafela mo mokgahlo wo ka fo re kgopela gore re berekele Jehova ka mokgwa wo mongwana kela ga poleke ye nngwana. Re ka phomelela ga taba ya go tšhentšha le seyemo mo re ka fo maka dilo ka dine ke tsowa: (1) yamogela seyemo, (2) lebelela tsa ku mahlong, (3) o sa di takisi maahlo tsa gabutši tso di makegang, fote (4) o makele ba bangwana tsa gabutši. w23.07 21-22 ¶7-8

Moporofeta Daniyele ke mo go sa le mosogana nakwela Mabhabhilona ma mo tseya ma mo yisa kgole le gaye gore a ye a be lebhantiti. Mara Daniyele o jabodisiye Mabhabhilona yane ma mo tsereng. Ma yye ma bona “tso di kgonang go bona ke maahlo”—gore Daniyele ke mo “a sa sodiwi ka selo, a yemegiye gabutši” fote ke mo a tšwa ga mutši wa gore wo tseyediwa gedimo. (1 Sam. 16:7) Byalo, ma yye ma mo tšhutisa gore a berekele ntlong ya kgoši. (Dan. 1:3, 4, 6) Jehova ke mo a nyaka Daniyele ka matla, ka taba la ka mokgo a kgetiyeng go phela ka gona. Gabutšibutši Daniyele ke mo a na le gana hala ga 20 ya mengwaga mo Jehova a re o tshwana le Nnowa le Jobo. Byalo, Jehova ke mo a tseya Daniyele wa gore go sa le mošomanyana a lukiye go tshwana le Nnowa le Jobo ba gore ba mmerekele mengwagangwaga ba kene ba tshepega. (Gen. 5:32; 6:9, 10; Jobo 42:16, 17; Hezek. 14:14) Fote Jehova o f’lo ya mahlong a mo nyaka ka matla ga Daniyele mo a kene a phela.—Dan. 10:11, 19. w23.08 2 ¶1-2

Mo o nyaka go reka ntlo, o ka nyaka go ya ga ntlo yone o yi bone ka maahlo, o lebelele selo se ngwana le se sengwana sa ntlo yone. Re ka maka dilo ka mokgonone mo re bala le go tšhuta Bhayibele. Mo o ka fo yi bala o kene o taboga, o ka fo tšhuta ‘dilo tso ba go tšhutisiyeng tsona ka lentsu la Modimo ku mathomisong.’ (Maheb. 5:12) Mara, go fo tshwana le mo di nyaka o kene ka teng ga ntlo gore o thogo bona gore yi byang, di nyaka o tšhute Bhayibele gabutši gore o thogo yi kwisisa. Mokgwa wo mongwana wa gabutši ka matla wa go tšhuta Bhayibele ke go lebelela ditaba tse dingwana tsa molayetsa wa yona gore di tšhokelana ka mokgo mang le tse dingwana. Liketsa go kwisisa gore ke nnete yifeng yo wene o yi tshepang o boye o bone gore ke ntaba o yi tshepa. Gore re thogo kwisisa gabutši ditaba ka mokana ga tsona tsa gore di ka teng ga Lentsu la Modimo, di nyaka re tšhute dilo tse dingwana re kenelela. Pawulo wa lepostola o hlohletsele magagabo ya gore ke Makreste gore ma tšhute Lentsu la Modimo gabutši gore ma thogo “kwisisa gabutši bokoto, go lefa, go ya gedimo le go yisa” ga nnete yowa. Ke mokane ma ko ya mahlong ma ‘tiya fote ma ngangarela tumelo’ ya wona. (Maef. 3:14-19) Le rune di nyaka re make ka mokgonone. w23.10 18 ¶1-3

Bhayibele yi na le mešupetso ya go tlala ya batho ba gore le bona ne ba lefisa pelo. Ke ntaba mo o tšhuta o sa nape o tinyakollela ka mešupetso ya mošaga wonone? Mo re beyisa, le mo Dafita ba yye ba mo tlotsa a sa le ye monyana gore a tle a be kgoši ya Israyele, ne di nyaka a yeme mengwaga ya go tlala gore a tle a be kgoši. Simiyoni le Ana ba yye ba berekela Jehova ba tshepegiye ba kene ba yemele Mesiya wa gore ne a tshepisiwwe. (Luk. 2:25, 36-38) Mo o kene o tšhuta ka ditaba tsa mošaga wonone, nyakana le diphetolo tsa diputsiso tsa go latela ke tsowa: Motho yewa o gelepiye king gore a lefise pelo? Go lefisa pelo go mmerekele ka mokgo mang? Nka mo yekisela byang? Fote di ka go berekela go tšhuta le ka ba gore a sanka ba šupetsa taba ya go lefisa pelo. (1 Sam. 13:8-14) O ka tiputsisa gore: ‘Mara king so se makiyeng gore ba sa lefisi pelo? Ba yye ba makegela ke tsa mošaga mang?’ w23.08 25 ¶15

Petro wa lepostola ke mo a tshepega a sanka a dumelela selo se maka gore a nape a lahle tewu. Tšatši le lengwana o yye a šupetsa gore wa tshepega nakwela Jeso hlaya selo sa gore malata yage a ma se kwisisi. (Joh. 6:68) Ba go tlala ba yye ba lisetsa go latelela Jeso ba sa nyake go kwa gore o re king. Mara Petro a sanka a di maka tsotsone. O di bonne gore ke Jeso a ntoši ye a “bolabolang dilo tso di nyoko re neyang lephelo la go ya go yye.” Jeso ke mo a di tšiba gore Petro le mapostola ya mangwana ba nyoko mo tšhabelela. Mara, Jeso butsiye Petro gore aa kamake gore Petro o nyoko boya, fote a dula a tshepega. (Luk. 22:31, 32) Jeso ke mo a di kwisisa gore “pelo yona . . . ya nyaka, mara mmele wa gana.” (Mar. 14:38) Byalo, le ka nthago ga mo Petro a phigiye Jeso a re aa mo tšibi, Jeso a sanka a re aa sa yi kena ya lepostola lowa lage. Phela le ka nthago ga mo Jeso ba mo tsusiye o yye a nyarela ga Petro a le ntoši. (Mar. 16:7; Luk. 24:34; 1 Makor. 15:5) O fo nagana gore taba yone yi yye ya tiyisa Petro go segela kaye ka taba la gore ne a kgongwetsiye ke tso a di makiyeng! w23.09 22 ¶9-10

Bo ba šupetsang gore ba na le tumelo ga Modimo, wa ba tshwarela kela go kogela tso ba di sinnyeng. O ba tshwarela tsela tsa go napa a ro sula. (Pis. 32:1, 2) Batho ba mošaga wonone o ba tseya go le ba go hloka selabi fote ba lukiye ka taba la tumelo ya bona. Le mo Abhrahama, Dafita le malata ya mangwana ya Modimo ya gore maa tshepega ba ba tseya go le ba go loka mara ke mo go sa na go le batho ba go sa yenela fote go le ba go sinya. Mara ka taba la tumelo ya bona, Modimo ke mo a ba tseya go le ba go hloka so ba ka ba solang ka sona, ka matlamatla mo ba ba tshwanisa le bo ne ba sa rapele yene. (Maef. 2:12) Ga lengwalo lo Pawulo wa lepostola a le ngwaleleng Maroma o hlatolliye gore di nyaka re be le tumelo gore re thogo nghanelana le Modimo. Phela ke nnete ga Abhrahama le Dafita ne go le ka mokgonone fote le ga rune go fo ba ka mokgonone. w23.12 3 ¶6-7

Lekgono Makreste ka mokana ga wona ma thulegele ke lešuba la gore ma berekise nako, matšhika le tso ma nang natso gore ma berekele Jehova ma sa tšhofe ke motho. Re ka šupetsa gore re yi leboga re sa fetsi taba ya go rapela Jehova ka go sa mo neye dilagalaga mo re mmerekela mara re mo neye tsa gore le wene wa di bona. Pawulo wa lepostola o hlayye dilo tso di nyakang re sa di tseyele fase mo re kene re berekela Jehova. (Maheb. 10:22-25) Ga dilo tsone go kena le taba ya go rapela Jehova, go tšhomayelela ba bangwana, go gahlana re le phutego le go tiyisana “ka matlamatla ka gore [re] ya di bona gore letšatši [la Jehova] le kene le ya šutela.” Mo lengwalo la Kutullo le ya mafelelong, lengeloyi la Jehova le hlayye taba yowa gabedi gore yi nape yi ro ghandliselega la re: “Rapela Modimo!” (Kut. 19:10; 22:9) Nkare re ka sa lebale dilo ka mokana ga tsona tso re di tšhutiyeng ka tempele ye kgolo ya tso tsa Modimo fote re nape re ro hlakela ka taba la gore re thulegele ke lešuba la go rapela Modimo wa rune ye mogolo! w23.10 29 ¶17-18

Ka mokana ga rune re nyaka ‘go ya mahlong re nyakanana.’ Mara di nyaka re sa lebale gore Jeso o re pasopisiye gore “ba go tlala ba ka sa sa nyakanana.” (Mat. 24:12) Jeso ke mo a sa re gore so se nyoko makega ka matla ga malata yage. Mara di nyaka re dula re ntshiye maahlo dikwakweng gore re sa kutšetsele ke lefase lo re phelang ga lona. Re sa le ga taba yonone, tla re fetoleneng putsiso yo ye kgolo: Ayitsano wo gona mokgwa wa go tipombhola gore nje ga magageru re sa na re ba nyaka tsa mannete? Mokgwa wo mongwana wa go bona gore ayitsano magageru re sa na re ba nyaka ka matla ke go tinyakolla gore re maka byang mo re gahlana le mayemo ya mangwana ya lephelo. (2 Makor. 8:8) Seyemo se sengwana se hlaya ke Petro wa lepostola, mo a re: Go feta dilo ka mokana ga tsona, “le nyakanane ka matla ka taba la gore go nyakanana hone go nyoko phiphetsa dilo ka mokana ga tsona tsa go sinya.” (1 Pet. 4:8) Byalo tso batho ba bangwana ba šitegang go di maka kela ba kekemisang ga tsona di ka maka gore go bonale gore ayitsano re ya resa mo re re re ba nyaka tsa mannete. w23.11 10-11 ¶12-13

Re ka sa di kgone go theetsela tso Jeso a di hlayang ga taba ya go nyakanana mo nkare go na le bo re ba nyakang ka ho phutegong mara ba bangwana dho. Ke nnete gore, go ka fo ba go na le bo re tikwang re le thina ka matla nabo go phala ba bangwana go fo tshwana le ka mokgo Jeso a makiyeng. (Joh. 13:23; 20:2) Mara Petro wa lepostola o re gopotsa taba ya gore di nyaka re karakare ka matla gore re ‘nyakanane’ le magageru ka mokana ga wona ka taba la gore re ka mutšing ka wwoši. (1 Pet. 2:17) Petro o re hlohletsele gore re ‘nyakanane ka matla di tšwa pelong.’ (1 Pet. 1:22) Ga taba yowa, go nyakanana “ka matla” go rela go nyaka ye mongwana ka matla le mo go se lula go maka ka mokgonone. Mo re beyisa, re ka re king mo mogageru a re kena matolong kela a re kwatisa ka mokgwa wo mongwana? Sa mathomo o ka kraya re nyaka go mo tshwara ka mokgo le yene a yyeng a re tshwara ka gona re lisetsa go šupetsa go nyakanana. Ke nnete gore, Petro o tšhutiye ga Jeso gore mokgwa wone Modimo aa kwane nawo. (Joh. 18:10, 11) Petro o ngwadiye gore: “Mo ba le maka tsa go befa, lune le sa busetse, mo ba bolabola mantsu ya go le kwisa go baba le sa busetsi. Lune le fo ba makela tsa gabutši.” (1 Pet. 3:9) Mo nkare o nyakanana ka matla, o nyoko kwelana go baba wa boya wa ba tseyela ba bangwana hlogong. w23.09 28-29 ¶9-11

Phela di re šiya re yahlamme go fo bona ngwana a gola ka go yakgoswa ke yenela a ba motho ye mogolo. Di bonala nkare o fo tigolela ka mohlolo. Mara, mo go le go gola ga tso tsa Modimo a go fo timakegela ka mohlolo. (1 Makor. 13:11; Maheb. 6:1) Gore re thogo segelela taba yone, di nyaka re be le mong senghananghana le Jehova. Fote re hloka gore moya wage wa go hlawolega wo re gelepe gore tso re tšibegang ka tsona go be tsa go mo jabodisa, re tšhute mebereko ya gore yi ka re berekela fote re tilukiselele mebereko ya gore di ka makega gore re yi make ku mahlong. (Diy. 1:5) Jehova o makiye batho gore go be monna kela mosadi. (Gen. 1:27) Di fo ba lekgwaying gore monna le mosadi mmele wa bona a wo tshwane fote go na le ditsela tse dingwana tsa gore a ba tshwane ga tsona. Mo re beyisa, Jehova o makiye banna le basadi gore ba thogo segelela mmereko wa bona, byalo di nyaka ba tšibege gabutši fote ba tšhute mebereko gore ba thogo maka mmereko wa bona ba sa hlupegi ka selo.—Gen. 2:18. w23.12 18 ¶1-2

Ayitsano Jeso ke mo a nyaka gore ba bangwana le bona ba berekise lebitso la Papage? Eya. Ba bangwana ba go yeta mahlong ga tso tsa sedumedi ba gore fote ba maka nkare bona ke bona ba ka fo ba ba yye ba tseya gore lebitso la Modimo le hlawolegiye ka matla fote a di nyake re le hlaya, mara Jeso aa lisetsa ditšo tsone tsa gore a di yelane le Mangwalo di mo tlonya, o f’lo ya mahlong a thanaka lebitso la Papage. O sa gopola nakwela a yalafa monna wa gore ke mo a na le madimona hala ga poleke ya Gherasinese. Batho ba yye ba tšhoga ba boya ba ro mo fawa ga Jeso gore a tloge, byalo aa dula ga poleke yone. (Mar. 5:16, 17) Mara Jeso ke mo a sa na a nyaka gore batho ba gana hone ba le tšibe lebitso la Jehova. Byalo mo a bolabola le monna ye wa gore o mo yalafiye, aa hlaya gore a botse batho gore yene Jeso o mo makele ying, mara o yitseri a ba botse gore Jehova o mo makele ying. (Mar. 5:19) Le lekgono o sa na a nyaka tsotsone—o nyaka gore lebitso la Papage le tšibege lefaseng ka mokana ga lona! (Mat. 24:14; 28:20) Mo re maka tsotsone, re jabodisa Kgoši ya rune, yene Jeso. w24.02 10 ¶10

Ke mong morufo wo mogolo go fo re nje re ka mo mokgahlong wa Jehova ka dinako tsowa tsa mafelelo tsa go thathafa. Tsa lefase lowa di nyoko fo ya di kene di gakga, mara Jehova o re neyye magageru ya gore re mamarelanne nawo. (Pis. 133:1) Wa re gelepa gore re be ngata ya go tiya ka ho mitšing. (Maef. 5:33–6:1) O re bula maahlo a boya a re hlalefisa gore re thogo kwa dipelo tso di kgehlemele tsa mannete. Mara di nyaka re karakare gore re berekele Jehova re kene re tshepega. Ke ntaba? Ka gore re ka fo fela re kwatisa ke tso ba bangwana ba di hlayang kela tso ba di makang. Fote re ka kwa go baba mo o kraya re kekemisiye, ka matlamatla mo o kraya re fo dula re boyelela tsetsela. Di nyaka o sa lahle tewu ga mmereko wa Jehova (1) mo magageru ba go thonoga, (2) mo ye o šadhiyeng naye a maka dilo tsa go go tapa matšhika, le (3) mo o yilametsa ke tso wene beng o sa di makang gabutši. w24.03 14 ¶1-2

O nyoko fela o kwa ka magageru ya gore ma segelele sepheto sa go maka tsa go tlala ga mmereko wa Jehova. Nakwenngwana ma yye ga Sekolo sa Batšhomayedi ba Mmušo kela ma rurele ga gore go gayela batšhomayedi. Mo o ka tipotsa gore o nyaka go segelela dilo tsa mošaga wone, napa o karakara gore o di segelele. Batho ba Jehova ba nyakela mekgwa ya gore ba make tsa go tlala ga mmereko wo ba mo makelang wona. (Meber. 16:9) Mara o ka maka byang mo nkare gana byalo a o kgone go di maka tsotsone? O sa tseyi nkare bo ba gore ba kgona go di maka baa go phala. Se segolo ka matla ga rune Makreste ke gore re ya mahlong re tiyisela. (Mat. 10:22) O sa yi tseye ka gonyana taba ya gore o berekela Jehova go ya ka so wene o se kgonang le go ya ka seyemo sago. Wowa ke mokgwa wa gore o ka wo tseyela gedimo gore o ye mahlong o šala Jeso nthago mo o šele o kolobetsiwwe.—Pis. 26:1. w24.03 10 ¶11

Papa wa rune wa legedimong o re o nyoko re tshwarela mo re ka sokologa. (Pis. 86:5) Byalo, mo nkare nnetennete re ya tisola ga tso re di sinnyeng, re ka tshepa tso Jehova a di hlayang mo a re o re tshwarele. Phela Jehova wa naganelana, wa tematema. Aa yemela gore re make dilo tsa gore di nyoko re šita. O leboga se sengwana le se sengwana so re mo makelang sona, solanka go le mo rune re kgerang. Nagana le ka batho ba ka Bhayibeleng ba gore ba yye ba berekela Jehova di ba baba. O fo nagana ka Pawulo wa lepostola. O fukuziye ka mengwaga ya go tlala, a talaganya ga mayeto ya go lefa a boya a thomisa diphutego tsa go tlala. Mara mo tsa lephelo di phenduga, seyemo se mo kgerela ga mmereko wa go tšhomayela, ayitsano Modimo o yye a mo tshwa nkare ke tšhepisi mo yi fediye monate? Awwa. O yye a fo karakara go segela mo yene beng a kgonang, ke mokane Jehova le yene o yye a mo rufa. (Meber. 28:30, 31) Le rune o ka kraya re sa sa kgona go makela Jehova dilo tsa gore botala ke mo go fo ba mothebenene. Mara se segolo gage ke gore re tšhofa king gore re mmerekele. w24.03 27 ¶7, 9

Jeso o makiye mošupetso wa gore malata yage di nyaka ma wo latelele a berekisa merapelo yage ya mo a rapela Jehova. Ga mmereko wage ka moka wa go tšhomayela, Jeso ne a dula a rapela. Ke mo di nyaka a tipeyele nako ya gore a rapele ka taba la gore ne a dula a tshwaraganne fote a dukulugele ke batho ba go tlala. (Mar. 6:31, 45, 46) Ke mo a tsoga go sa le ka phu gore a be a ntoši gore a thogo rapela. Tšatši le lengwana, o yye a rapela bošego ka moka mo a soko bane a segelela sepheto se segolo. (Luk. 6:12, 13) Fote bošego bya mo a soko bane a kgwa, Jeso o yye a rapela a boyelela mo a soko bane a maka selo sa gore se thathafa ka matla ga mmereko wo ne a tlele wona ho lefaseng. (Mat. 26:39, 42, 44) Mošupetso wa Jeso wo re tšhutisa gore le mo re ka fo ba re tshwaraganne byang, di nyaka re tipeyele nako ya go rapela. Go tshwana le Jeso, di ka nyaka re beye nako yo re rapelang ka yona—re ka tsoga go sa le ka phu kela ra dula ka malobana go šinye go be bošego. Mo re maka ka mokgonone, re šupetsa Jehova gore re leboga selo sa go hlawolega so a re neyyeng sona. w23.05 3 ¶4-5

Go na le lentsu la gore wa ba “šupetsa” ga temanyana yo yi leng ka ho kgakala. Puku ye nngwana ya go hlatolla mantsu yi re gabutšibutši lentsu lo le ra gore Modimo o re nyaka ka matla ya magolo tsa nkare go “ro ba meetši mo ya yela moyeding.” Ya gore Jehova o ba nyaka go segela kaye bo ba go tlotsiwa yi fo re kwatla! Ba di tšiba gabutši gore ‘Modimo o ba nyaka ka matla.’ (Juda 1) Johane wa lepostola o šupetsiye gore ba yi tseya byang taba yo mo a ngwala gore: “Mara le ya di bona gore Papa o šupetsiye gore wa re nyaka ka mokgo mang! Phela o makiye gore re bitsiwe bana ba Modimo!” (1 Joh. 3:1) Ayitsano Jehova o felela mo ga bo ba go tlotsiwa? Awwa, Jehova o makiye gore ka mokana ga rune re di bone tsa gore o re nyaka tsa mannete. Yo ya gore Jehova o re nyaka ka matla yi maka king gore yi šale yi yitseri nghee? Yi maka ke taba ya go lepolla batho—a se šiyo legedimong le lefaseng sa nkare se ka šutela ga taba yo ya go šupetsa batho gore ba nyakiwa stereka!—Joh. 3:16; Marom. 5:8. w24.01 28 ¶9-10

Temanyana yowa ya ka ho kgakala yi re mokgwa wo Dafita a yyeng a hlula tsa go mo tshosa. Le mo a di bona tsa gore ba ka fo fetsa ka yene nako ye nngwana le ye nngwana, o yye a ghayela ka dilo tsa gore Jehova ke mo a sa na a nyoko mo makela tsona. Dafita ke mo a di tšiba tsa gore Jehova o nyoko mo phonisa ka nako ya gabutši. Akere phela ke mo go hlayye yene Jehova a re o nyoko beya Dafita gore go be kgoši ya go latela ya Israyele. (1 Sam. 16:1, 13) Se sengwana le se sengwana sa gore se tshepisa ke Jehova, ga Dafita ke mo go le setšha se šele se makegiye. Jehova o tshepisiye gore o nyoko go makela ying wene? A ra yemela gore a re phimise mathatha ka mokana ga wona. Mara a go na taba gore bothatha byo wene o ka gahlanang nabyo ga lefase lo bo byang ka khala, Jehova o nyoko fetsa ka byona ga lefase la nyuwane la gore le kene le ya šutela. (Jes. 25:7-9) Wa tšiba Ye a re makiyeng o na le matšhika ya magolo ya go tsosa bo ba gore ba hlokofele, go re yalafa le go fetsa ka batho ka mokana ga bona ba gore baa re phigisa.—1 Joh. 4:4. w24.01 6 ¶12-13

Nagana ka gore ke ntaba o tineyele ga Jehova o boya o kolobetsiwa. O makiye tsotsone ka taba la gore o nyaka go yema ka nthoko ga Jehova. O sa lebale so se yyeng sa go gelepa gore o sa kamake taba ya gore o krayye nnete. O tšibiye Jehova ke mokane wa thomisa go mo hlompa wa boya o mo nyaka ka matla go le Papago wa legedimong. O thomisiye go ba le tumelo fote tsotsone di go tšhofiye gore o sokologe. O lisetsiye go maka dilo tsa gore Jehova o di hloyye ke mokane wa maka tso a di nyakang. O kwa pelo yowa yi f’lo re kgehle mo o di bona gore Modimo o go tshwarele. (Pis. 32:2) O thomisiye go ya megahlanong ya Sekreste ke mokane wa sa koni ba bangwana tsa go bafala tso o di tšhutiyeng. Ka taba la gore o Mokreste wa gore o tineyele o boya o kolobetsiwa gana byalo o sepela ga pata ya lephelo, barena tikemisele go sepela ga pata yowa. (Mat. 7:13, 14) Nkare o ka yema o tsikiye, o tiyelele ga taba ya go tshepega ga Jehova fote o sa thogathoge ga taba ya go theetsela melawo yage. w23.07 17 ¶14; 19 ¶19

Mo o ka fo nagana ka tso o di hlayyeng mo o rapela Jehova nakwela o tineyela gage, o nyoko ba le matšhika ya go gana selo se sengwana le se sengwana sa gore se ka go woka. Mo re beyisa, nje o ka šutela ga motho wa gore o šadhiye, o maka nkare wa mo kganakganisa mo o mmolabodisa, di šupa nkare o ro mo nyaka? O ka sa di make tsone! Tsa mohlobo wonone go ro ba mong botala ka matla o di bošele ku kgole le monagano wago. Mo o sa tšhutisi pelo yo yago go nabelanabela dilo tsa go sa yi ka tsela, o nyoko ba o gelepa wene beng gore ka nthago o sa kraye o tlwayele mekgwa ya go kekema ya gore di nyaka o yi tlubule. O nyoko “kganela kgole” le ‘pata ya bo ba go ba le dipelo tse diphifadu.’ (Diy. 4:14, 15) Mo o nagana ka tso Jeso ne a tikemisele go di maka gore a jabodise Papage, selo se sengwana le se sengwana sa gore wa tšiba gore se ka sa jabodisi Modimo wa gore o tineyele gage, o nyoko yakgoswa o se gana o sa tshegatshegi. (Mat. 4:10; Joh. 8:29) Tsa go nyaka go go rulanya le go go phikanya di go thulela lešuba la go šupetsa gore o tikemisele go segela kaye go sa lisetsi go šala Jeso nthago. Mo o maka ka mokgonone, o ka di tshepa tsa gore Jehova o nyoko go gelepa. w24.03 9-10 ¶8-10.