November

Mo nkare o mmelegi, gelepa bana bago gore ba lukiselele diphetolo tsa go ba lekana. Ka dinako tse dingwana, o kraya re tšhuta ka ditaba tse dikgolo tsa go tshwana le mathatha ya mošadho kela taba ya go titshwara, mara di ka makega gore go be le serele ka ssoši kela ka dipedi tsa gore ngwanago a ka fetola ga tsona. Fote di nyaka o gelepe bana bago gore ba thogo kwisisa gore ke ntaba ka dinako tse dingwana ba ka sa duli ba ba kgeta mo ba yemisa matsogo. Mo o ba hlatollela taba yowa, tsotsone di nyoko ba gelepa gore ba sa kgongwele mo ba kgeta ba bangwana mara bona ba sa ba kgete. (1 Thim. 6:18) Ka mokana ga rune re ka lukiselela diphetolo tsa go yagisa tsa gore fote di thanaka Jehova di boya di tiyisa magageru. (Diy. 25:11) Mo re kene re bolabola ka tso re yyeng ra gahlana natso ka dinako tse dingwana, di nyaka re kganele kgole le taba ya go bolabola ka rune beng ka matla. (Diy. 27:2; 2 Makor. 10:18) Mara di nyaka re karakare matla gore re bolabole ka Jehova, Lentsu lage le batho bage ka moka.—Kut. 4:11. w23.04 24-25 ¶17-18

Wa tšiba, taba ya go nyakanana le yona ke ye kgolo ka matla gore re thogo dula re hlahlamme le go šupetsa gore re nagana gabutši. (Mat. 22:37-39) Taba ya go nyaka Modimo ka matla yi re gelepa gore re thogo tiyisela mo re tšhomayela le mo tsotsone di ka re leyela mathatha. (2 Thim. 1:7, 8) Ka taba la gore go nyakanana ga rune re go šupetsa le ga bo ba gore a ba berekele Jehova, re fo ya mahlong re tšhomayela re boya re tšhomayela re berekisa fowunu le mangwalo. A re lahle tewu, re dula re na le tshepo ya gore bayagelane ba rune ba nyoko tšhentšha ke mokane ba thomisa go maka dilo gabutši. (Hezek. 18:27, 28) Ga taba ya go nyaka bayagelane ba rune ka matla, gana hone go kena le magageru. Re šupetsa go nyakanana gone mo re ‘kgomoletsana fote re tiyisana.’ (1 Mathes. 5:11) Go fo tshwana le mo masole ma lwa ma yemme thina le thina, le rune re ya tiyisana. Re ka sa tsoge re polanne go kwisa magageru go baba kela ra patedisa tsa go befa ka tsa go befa. (1 Mathes. 5:13, 15) Fote re šupetsa go nyakanana ga rune mo re hlompa magageru ya gore ma yeta mahlong ka ho phutegong.—1 Mathes. 5:12. w23.06 10 ¶6; 11 ¶10-11

Mokgwa wo mongwana wa gore re ka tiyisa tumelo ya rune ke gore re ghayele ka sehlabelo sa Jeso. Go lepolliwa ke se sengwana so re tshwarelelang ga sona gore nnete tso Modimo a di tshepisiyeng di nyoko makega. Mo re ka fo yi lebelela gabutši taba yowa ya gore ke ntaba Jehova a makiye gore go be le sehlabelo le gore o tikonne tsa go tlala go segela kaye, re maka gore tumelo ya rune tiye ga taba ya gore lephelo la go ya go yye lo Modimo a le tshepisang ga lefase la gore le kawone, a go jiki le nyoko ba gona. Ke ntaba re reyane? Ga sehlabelo sa Jeso, go kena le taba yifeng? Jehova o romme Morwayi wage wa gore o mo nyaka ka matla wa gore fote ke monghanage ye mogolo gore a tloge ku legedimong gore a tle a belegiwe ho lefaseng go le motho wa go yenela. Nakwela Jeso a le ho lefaseng o yye a tiyisela mehlobo ka mokana ga yona ya go kwisiwa go baba. O yye a hlupegisiwa ka matla a boya a ro kgwisa lešidi. Phela ke mong patela ye kgolo yo Jehova a yi ntshiyeng! Modimo wa rune wa gore o nyakanana ka matla ne a ka sa lisetse Morwayi wage gore a hlupege a boye a kgwe, go fo re re kraye lephelo la kawone mara go le tsa senakonyana. (Joh. 3:16; 1 Pet. 1:18, 19) Ka taba la gore Jehova o re neyye Morwayi wage gore a tle a re gelepe, o nyoko di maka tsa gore re kraye lephelo la go ya go yye ga lefase la nyuwane. w23.04 27 ¶8-9

Ayitsano Jehova wa di nyaka go tsosa bo ba kgwileng? Eya, ka pelo yage ka moka. O hlohletsele batho ba go tlalanyana ba go ngwala Bhayibele gore ba ngwale ka tsogo yo a yi tshepisang ya gore yi ko makega ku mahlong. (Jes. 26:19; Kut. 20:11-13) Fote mo Jehova a tshepisa go maka selo, o dula a se maka. (Još. 23:14) Gabutšibutši, Jehova o kwa nkare nako yo a tshwaneleng a tsose bo ba kgwileng nke yi šele yi segele. Nagana ka mantsu ya ma hlayyeng ke mopatriyareka Jobo. Ke mo a sa kamake gore le mo a ka kgwa, Jehova ne a nyoko nabela go mmona a phela fote. (Jobo 14:14, 15) Jehova o fo tikwa ka mokgonone ka malata yage ka mokana ga wona ya gore ma šele ma hlokofele. O kwa a jagele go ma tsosa, ma philegiye fote ma jabodiye. Jehova o re king mara ka dibhiliyoni tsa batho bo ba kgwileng ba soko bane ba thulegela ke lešuba la gore ba tšhute nnete ka yene? Papa wa rune wa gore o nyakanana ka matla o nyaka go ba tsosa le bona. (Meber. 24:15) O nyaka gore le bona ba thulegele ke lešuba la gore ba be banghana bage fote ba phele go ya go yye ho lefaseng.—Joh. 3:16. w23.04 9 ¶5-6

Wene o ka maka byang gore tshepo yago yi tiyelele? Mo re beyisa, mo nkare o na le tshepo ya go phela go ya go yye ho lefaseng, bala ka taba ya ka mokgo Bhayibele yi hlatollang gore Pharadeyisi yi ko ba yi le byang o boye o ghayele ka yona. (Jes. 25:8; 32:16-18) O fo nagana ka mokgo lephelo le ko bang ka gona ga lefase la nyuwane. O fo tipona o šele o le gana hone. Mo re dula re tineya nako ya go nagana ka tshepo ya lefase la nyuwane, mathatha ya rune ma ka ‘sa tseyi nako fote maka sa robe.’ (2 Makor. 4:17) Tshepo yo Jehova a go neyyeng yona yi nyoko go gelepa gore o tiyisele mathatha. O šele a go neyye tso o di hlokang gore o thogo kraya matšhika ya go tšwa gage. Byalo, mo o nyaka gore ba go gelepe gore o thogo maka mmereko wa ka phutegong, o tiyisele ntshitshire kela o dule o jabodiye, rapela Jehova fote o nyakane le mayele yage ka go tšhuta Bhayibele o ntoši. O lisetse magageru gore ma go tiyise. Dula o tineya nako ya go nagana ka tshepo yago ya tsa ku mahlong. Ke mokane ‘Modimo o nyoko go tiyisa ka matšhika yage gore o thogo tiyisela o kene o lefisiye pelo fote o jabodiye.’—Makol. 1:11. w23.10 17 ¶19-20

Re na le dilo tsa go tlala tso di makang gore re leboge Jehova. Re ka mo leboga ga selo se sengwana le se sengwana sa gabutši; phela dilo ka mokana ga tsona tsa gore di gabutši, di tšwa gage. (Jak. 1:17) Mo re beyisa, re ka mo leboga gore o re makele lefase lowa la go bafala ka matla le dilo tsa go makatsa tso a di makiyeng. Fote re ka hlaya ka mokgo re lebogang lephelo lo re nang nalo, mutši wa rune, banghana ba rune le tshepo yo re nang nayo. Fote re nyaka go leboga Jehova gore o re dumelele gore re tikwise ka go ba le senghana naye. Di nyaka re karakare gore re nagane ka dilo tso di makang gore rune beng re kwe re nyaka go mo leboga ga Jehova. Re phela ga lefase la gore a le leboge. Ga go tlala batho ba dula ba nagana ka dilo tso bona beng ba di nyakang le gore ba ka di kraya byang, a ba nagane ka taba ya gore ba ka maka ying gore ba thogo šupetsa gore ba leboga tso ba šeleng ba le natso. Mo le rune re ka kena ke mokgwa wonone, merapelo ya rune yi nyoko fo tshwana le letheto la dilo tso re di kgopelang. Byalo, gore re thogo kganela kgole le taba yonone, di nyaka re ye mahlong re karakara re boya re hlaya ka mokgo re lebogang dilo ka mokana ga tsona tso Jehova a re makelang tsona.—Luk. 6:45. w23.05 4 ¶8-9

Jehova ke Papa wa rune fote o re nyaka tse dingwana tsa go sa hlayisege, aa jabole mo a re bona re kwa go baba. (Jes. 63:9) Fote aa tlose dilo ka mokana ga tsona tsa gore dya re phika, tsa gore ba fela ba di tshwanisa le nooka kela mollo. (Jes. 43:2) Mara wa re tshepisa gore o nyoko re gelepa gore re “fete” ga tsona. Fote a ka sa lisetsi tsa go re phika di napa di ro re kogetsa. Jehova o dula a re neya moya wage wa go hlawolega wa go ba le matšhika gore re thogo tiyisela. (Luk. 11:13; Mafil. 4:13) Ka taba la tsotsone, di nyaka re di tshepe tsa gore ka moka matšatši re nyoko ba le tso re di nyakang gore re thogo tiyisela fote re dule re tshepega gage. Jehova o nyaka gore re mo tshepe. (Maheb. 11:6) Go gongwana mo re lebelela mathatha ya rune, re ka fo bona go le mong thaba. O ka kraya re boya re ro kamaka gore nje Jehova o nyoko re gelepa. Mara Bhayibele yi re tshepisa gore Modimo a ka re neya matšhika ya go “taka lepharo.” (Pis. 18:29) A di nyake re lisetsa tso tsa go kamaka di re kgongwetsa, mara di nyaka re rapela re kene re na le tumelo ya go tiya, re di tshepe tsa gore Jehova o nyoko re fetola mo re rapela.—Jak. 1:6, 7. w23.11 22 ¶8-9

Ye lune, phela ba yi yatladiye gabutši taba yowa ya go nyakanana tsa mannete! Ke nnete gore yawa ke mantsu ya gore ma tiyisa bo ba tseyanneng ya gore: Le ka di kgona go nyakanana tsa mannete. Di nyaka bo ba tseyanneng ba karakare ka matla gore ba dule ba nyakanana mo ba kene ba sa phela. Mo re beyisa, mollo wo ka sa timi mo ye mongwana a dula a tšhela mahlare. Mo nkare a go na ye a wo rotetsang, nnete wo nyoko tima. Go fo ba ka mokgonone le ga monna le mosadi, go nyakanana ga bona go nyoko tiya mara mo ba dula ba go gotetsa. Ka dinako tse dingwana bo ba šadhiyeng ba ka kwa nkare a ba sa nyakanana tsela, ka matlamatla mo ba tshwanele ba tiyisele taba ya go gayela sekwetše, mathatha ya go sa titsose kela go kgahleletsa ke taba ya go gudisa bana. Byalo, gore “kgafo ya Jah” yi dule yi sa timi di nyaka monna le mosadi wage ba karakare ka matla gore ba be le senghana sa go tiya le Jehova. w23.05 20-21 ¶1-3

Di nyaka re make ying gore re be le lešiši? Babelegi ba rune ba ka re hlohletsela gore re šišimale mara ba ka sa make gore re šišimale ka taba la gore bona ba ka mokgonone. Go ba le lešiši re ka go tshwanisa le go tšhuta selo sa nyuwane. Mokgwa wo mongwana wa go kgona go maka selo sone ke go lebelela ka mokgo ye a tšhutisang a makang ka gona o boya o mo kopisela. Le rune re ka tšhuta go ba le lešiši ka go lebelela bo ba gore ba na le mokgwa wone re boya re ba kopisela. Go fo tshwana le Daniyele, Lentsu la Modimo di nyaka re le tšibe mong go le tšiba. Di nyaka re ba le senghana sa thina ka matla le Jehova ka go bolabola naye gatleletlele re boya re mmotsa ka mokgo re tikwang. Fote di nyaka re mo tshepe ga Jehova, re sa kamake gore o nyoko re thega. Ke mokane mo tumelo ya rune yi liketsiwa, a go jiki re nyoko šišimala. Batho ba gore ba na le lešiši ga go tlala ba hlompa ke ba bangwana. Fote ba ka gelepa ba bangwana gore ba tšibe Jehova. Di fo ba lekgwaying gore go na le tso di re hlohletselang gore re be le lešiši. w23.08 2 ¶2; 4 ¶8-9

Lentsu la Segerika la gore “nyakolla” ke mo ba le berekisa go hlatolla ka mokgo batho ne ba tutsa dilo tsa go tshwana le gholdi le silva gore ba thogo bona gore ayitsano ke tsa mannete. Nka taba lo di nyakang re tutsa tso re di kwang kela tso re di balang gore re thogo bona gore ke nnete. Taba yowa ga rune yi napa yi ba ye kgolo ka matla mo motšatšhamelo wo mogolo wo kene wo šutela. A di nyake re fo tshepa selo se sengwana le se sengwana, mara di nyaka re berekiseneng matšhika ya rune ya go nagana gore re thogo bona gore ayitsano dilo tso re di balang kela tso re di kwang le tso Bhayibele le mokgahlo wa Jehova wo di hlayang ke nnete. Mo re maka ka mokgonone, re ka sa lahletsi ke matsaka ya madimona. (Diy. 14:15; 1 Thim. 4:1) Re ya di tšiba gore batho ba Jehova ba nyoko phona motšhatšhamelo wo mogolo go le mogoba. Mara, mo di tla ga ye mongwana le ye mongwana wa rune, a re di tšibi gore la ka motshwana le re tshwarele difeng. (Jak. 4:14) Le mo re ka phela go šinye go segele motšhatšhamelo wo mogolo kela ra kgwa wo soko bane wo segela, re nyoko rufiwa ka lephelo la go ya go yye mo re ka fo dula re tshepega. Wa tšiba, nkare ka mokana ga rune re ka dula re lebelele tshepo ya rune ya go bafala stereka fote re dule re ramele letšatši la Jehova! w23.06 13 ¶15-16

Phela a re di tšibi gore tse dingwana tsa diporofeto tsa Bhayibele di nyoko makega ka mokgo mang. (Dan. 12:8, 9) Mara mo re sa kwisisi ka mokgo seporofeto se nyoko makegang ka gona tsotsone a di rele gore se ka sa makege. A re kamake gore Jehova o nyoko re gelepa ka nako ya gona gore re kwisise tso re tshwaneleng re di tšibe go fo tshwana le mo a makiye ku nthago. Go nyoko sabalatsiwa taba ya gore “go bebiye fote go tšhireletsegiye.” (1 Mathes. 5:3) Go se botala bo ba mmušo wa lefase ba nyoko jikela bo ba dikereke tsa matsaka ke mokane ba fetsa ka bona. (Kut. 17:16, 17) Ke mokane ba nyoko hlorisa batho ba Modimo. (Hezek. 38:18, 19) Tsotsone di nyoko maka gore ntwa ya Aremaghedoni yi thomise byalo. (Kut. 16:14, 16) A re kamake gore tsotsone di nyoko makega go se botala. Mo tsotsone di soko bane di makega, koriyeneng mahlong re šupetsa gore re leboga Papa wa rune wa ku legedimong ka go sa takisi maahlo seporofeto sa Bhayibele re boya re gelepa ba bangwana gore ba make ka mokgonone. w23.08 13 ¶19-20

Pawulo wa lepostola o yye a bolabola ka tumelo, go tshepa le go nyakanana, ke mokane a re “[ga dilo tso] sa go di phala ka moka ke go nyakanana.” (1 Makor. 13:13) Ke ntaba Pawulo a hlayye tsotsone? Ku mahlong, di ka sa sa hloka gore re šupetse gore re na le tumelo ga tso Modimo a di tshepisang ka lefase la nyuwane kela go tshepa gore dilo tsone di nyoko makega ka taba la gore di nyoko ba di šele di makegiye. Mara di nyoko fo nyaka gore re dule re ya mahlong re šupetsa Jehova le batho gore re ba nyaka ka matla. Gabutšibutši, re nyoko napa re nyakanana ka matla go ya go yye. Se sengwana ke gore mo re šupetsana gore ka nnete re ya kwana, le batho baa di bona gore ke rune Makreste ya mannete. Jeso mo a bolabola le mapostola yage o yitseri: “Batho ba ko di tšibeng gore le malata yaka—mo le nyakanana.” (Joh. 13:35) Go tokegela gana hone, mo re nyakana tsa mannete, re dula re mamarelanne. Pawulo o yitseri go nyakanana ke ‘gona go makang gore re mamarelane.’ (Makol. 3:14). Johane wa lepostola o ngwalele bo a leng ga tumelo ka yyoši nabo a re: “Ye a nyakang Modimo ka matla o tshwanele a nyake le bhuti wage.” (1 Joh. 4:21) Mo rune beng re šupetsana gore re ya nyakanana, di napa di fo ba lekgwaying gore ga Modimo re mo nyaka tsa nkare ke moka. w23.11 8 ¶1, 3

Bhayibele yi tshwanisa lephelo la rune re le Makreste le go taboga lebelo. Bo ba tabogang go segela mafelelong ba nyoko ba neya lephelo la go ya go yye. (2 Thim. 4:7, 8) Di nyaka re make so re ka se kgonang gore re dule re taboga, ka taba la gore re šele re le thina ka matla le mafelelong. Pawulo wa lepostola o hlayye dilo tso di ka re gelepang gore re hlule ga motabogo wone. O re yeletsiye gore “re lisetseneng dilo ka mokana ga tsona tsa gore di ya re roba . . . re tiyisele mo re kene re taboga lebelo lo Modimo a nyakang re taboga lona. Ayitsano Pawulo ne a rela gore a go na morwalo wo Mokreste a tshwaneleng go wo rwala? Awwa, ne a sa rele tsotsone. Mara, ke mo a ra gore di nyaka re kganele kgole le dilo ka mokana ga tsona tsa go re robela mahala. Morwalo wa mošaga wowa wo ka re tshwarelela ke mokane wa maka gore re tinwe. Gore re thogo tiyisela, di nyaka re yakgoswe re di bona gore ayitsano re rwele morwalo wa gore a wo hlokege wa gore wo ka re tsosa fase. Mara ka nthoko ye nngwana, a re nyake go lahla le merwalo yo di nyakang re yi rwale. Ka taba la gore tsotsone di ka maka gore re sa sa tshwanelega go taboga lebelo lowa.—2 Thim. 2:5. w23.08 26 ¶1-2

Taba ya go kwisisa yi ka re gelepa gore re hlompe ka mokgo ba bangwana ba tseyang dilo. Mo re beyisa, magageru ya mangwana ya basadi ma kwana natso go tlola tsa go tiphontsa hala ya mangwana ma sa kwane natso. Makreste ya mangwana maa di jabolela go nwa mokgete mara ya mangwana ma kgetiye gore ma sa nwi. Makreste ka mokana ga wona ma di nabela tsa go philega gabutši mara dilo tso ma di kgetang gore ma thogo pasopa lephelo a di tshwane. Mo nkare re dula re tseya nkare tso rune re di kgetiyeng ke tsona re boya re kutšetsela ba bangwana ka ho phutegong gore ba make tso re di makang, re ka kwatisa ba bangwana ra boya ra maka gore phutego yi yahlugane. (1 Makor. 8:9; 10:23, 24) Mo re beyisa, Jehova aa re botse gore re tshwanele re yapare ka mokgo mang mara o re neyye ditšhiko tso re tshwaneleng re di latelele. Di nyaka re yapare ka mokgwa wa gabutši wa gore wo thanakisa Modimo, wo šupetsa go kwisisa, wa go hlompega fote wo ‘šupetse gore re nagana gabutši.’ (1 Thim. 2:9, 10) Byalo, a re nyake go yapara ka mokgwa wa gore batho ba ko fo dula ba nagana ka mokgo re lebelelegang. Fote ditšhiko tsa Bhayibele di ka gelepa bagolo gore ba kganele kgole le taba ya go beya melawo ya bona mo di tla ga taba ya go yapara le ya go lukisa moriri. w23.07 23-24 ¶13-14

Jehova o re šupetsa gore re ka maka byang gore re thogo jabola ku mahlong. Bo ba yamogelang mo “mosadi wa sephokophoko” a ba mema ba liketsa go tijabodisa ka dilo tsa go sa hlamatsega. Phela tso ba di makang di nyoko ba bolaya. (Diy. 9:13, 17, 18) Bo ba yamogelang mo mosadi ye a tshwaniselang “go hlalefa ga mannete” mo a ba mema, ku mahlong ba yemele ke tsa go fapana le bala ba bangwana. (Diy. 9:1) Re tšhuta go kwana le tso Jehova a kwanang natso fote ra hloya tso a di hloyyeng. (Pis. 97:10) Fote di re jabodisa ka matla mo re mema ba bangwana gore ba tle ba tšhute ga ye wa “go hlalefa ga mannete.” Re fo tshwana le dibereki mo di yahlamela di le gedimo ga mutši di re: ‘Ye mongwana le ye mongwana wa gore aa tšibi, a kene ka howa.’” Dilo tso re di krayang le bo ba yamogelang mo re yahlamela, a yi fo ba tsa gana byalo fela. Di ya tshwarelela, di boya di re gelepa gore re “phele” go ya go yye mo re kene re ‘sepela re ya mahlong ka pata ya go kwisisa.’—Diy. 9:3, 4, 6. w23.06 24 ¶17-18

O tikwa ka mokgo mang mo ye o berekang naye kela ye o kenang naye sekolo a go butsisa ka tso o di dumelang? Ayitsano o fo tikwa o hlagasela? Ba go tlala ba rune re tikwa ka mokgonone. Mara putsiso ya mošaga wonone, yi ka re gelepa gore re thogo go tšiba so motho ye mongwana a se naganang kela a se dumelang fote yi re thulela lešuba la gore re tšhomayele ditaba tsa go bafala. Mara ka dinako tse dingwana, motho a ka fo butsisa putsiso nje a butsisela go nyaka go kwa ka wene. Tsotsone a dya tshwanela go re makatsa. Phela ba bangwana ba ba butsiye ditaba tsa gore a di phili ka tso re di dumelang. (Meber. 28:22) Go tokegela gana hone, re phela ga “dinako tsa mafelelo” ga gore ba go tlala “a ba nyake go dumelelana ka selo” fote ke “ba go ba le lešidi.” (2 Thim. 3:1, 3) O ka tiputsisa gore, ‘Nka maka byang gore ke kgibe fote ke šupetse gore ke hlalefiye mo ye mongwana a phigisa tso ke di dumelang?’ King so se ka go gelepang? Go temeka go ka go gelepa. Motho wa go temeka aa yakgoswele go fo kwatakwata mara o kgona go titshwara mo ba mo šuhlašuhla kela le mo a sa tšibi gore a ka fetola a re king. w23.09 14 ¶1-2

Ba fela ba re wolola ga dilo tsa gore di re pasopisa ga taba ya go kwana le dilo tsa majabajaba le dilo tsa gore di ka re gorometsa ga gore o kraye re sinyele Modimo. Le ga taba yowa, re rufega ka matla mo re latelela tso Jehova a di hlayang. (Jes. 48:17, 18; 1 Thim. 6:9, 10) A re kamake gore Jehova o sa na a nyoko ya mahlong a berekisa batho gore ba re yetetse ka nako ya motšhatšhamelo wo mogolo re šinye re kene ga nako ya Go Lawola ya Sekete sa Mengwaga. Ayitsano re sa na re nyoko ya mahlong re latelela tso ba re yetetsang ka tsona? Di nyoko ya ka gore gana byalo re maka byang mo Jehova a re yetetsa. Byalo, tla re sa lisetseneng go latelela tso Jehova a re yetetsang ga tsona, gana hone go kena le tso di hlayang ke banna ba gore ba ba beyye gore ba re pasope. (Jes. 32:1, 2; Maheb. 13:17) Mo re kene re maka ka mokgonone, re nyoko napa re mo tshepa ka matla Ye wa go re Yetetsa, Jehova, wa gore o re tlosa ga dilo tsa gore di ka kwaletsa senghana sa rune naye ke mokane a re yisa mo re nyakang go segela gona—ga lefase la nyuwane ga gore re nyoko phela go ya go yye. w24.02 25 ¶17-18

Pawulo wa lepostola ne a kgotsofatsa ke go berekela Jehova, mara ke mo a gahlana le dintshitshire tsa go tlala. Pawulo ne a dula a sepela mayeto ya go lefa fote ke mo di se lula go tseya leyeto ka dinako tsone. Ga mayeto yage, Pawulo ne a feta le ‘dinokeng a makegela ke tsa go thathafa’ fote “go gongwana ke mo go na le dikgohlane.” Ka dinako tse dingwana ne a tula ke manaba yage. (2 Makor. 11:23-27) Fote magagabo ya gore ke Makreste ne ma sa duli ma šupetsa Pawulo gore maa mo leboga ga dilo tso a di makiyeng gore a thogo ma gelepa. (2 Makor. 10:10; Mafil. 4:15) King so se gelepiyeng Pawulo gore a thogo ya mahlong a berekela Jehova? Ka ho Mangwalong, Pawulo o tšhutiye dilo tsa go tlala ka Jehova gore ke motho wa mošaga mang le ga tso yene a gahlanneng natso. Pawulo o napiye a yi tshepa taba ya gore Jehova Modimo o mo nyaka ka matla. (Marom. 8:38, 39; Maef. 2:4, 5) Fote le yene ne a kwana ka matla le Jehova. Pawulo o šupetsiye gore ga Jehova o mo nyaka ka matla ‘ka go berekela bo ba go hlawolega fote a kene a ya mahlong a ba berekela.’—Maheb. 6:10. w23.07 9 ¶5-6

Batho ba go tlala ba re di gabutši go ba le ba go lawola ba mmušo fote ba ka fo theetsela ye mengwana ya melawo yo “bo ba yetang mahlong” ba mmušo ba yi beyang. (Marom. 13:1) Mara batho bone ba re ba ka sa theetsele melawo ya gore a ba kwane nayo kela ya go šupetsa go sa naganelane. Bhayibele yi yi beya lekgwaying gore memmušo ya batho ya gore yi šuhla mohlupego yi lawola ke Sathane fote go nyoko fela ka yona go se botala. (Pis. 110:5, 6; Mmo. 8:9; Luk. 4:5, 6) Fote yi hlaya gore, “mo re lwa nabo re lwa le Modimo.” Tsa gana byalo, Jehova o dumelele bo ba go lawola gore ba tšwe ba tshwere gore dilo di thogo sepela ka letheto fote o nyaka gore re ba theetsele. Byalo, di nyaka re neyeneng “ye mongwana le ye mongwana so se mo tshwaneleng,” go tshwana le mothelo, go hlompa le go theetsela. (Marom. 13:1-7) Ba bangwana re ka tseya molawo go le mong sejumbha, taba ya go sa naganelane kela go le taba ya gore yi nyaka re fo dulela go theetsela. Mara re theetsela bo ba go lawola ba mmušo ka taba la gore Jehova o re re make ka mokgonone mo nkare a ba re kgopele gore re sinye melawo yage.—Meber. 5:29. w23.10 8 ¶9-10

Ka nakwela Samsoni a belegiwa, Mafilisita ke mo ma lawola setšhaba sa Israyele fote ma se gatelela. (Bay. 13:1) Maisrayele ma yye ma hlupega ka matla ka taba la ka mokgo ne ba ma tshwere bošidi ka gona. Jehova o kgetiye Samsoni gore “a phonise Maisrayele ga Mafilisita.” (Bay. 13:5) Mara ne di nyaka gore Samsoni a tikokotlele ka Jehova gore a thogo maka mmereko wone. Tšatši le lengwana, masole ya Mafilisita ma yye ma tla ma tshwara Samsoni ku Lehi kela re ka fo re ku Juda. Byalo, ka taba la gore banna ba Juda ke mo ba tšhaba, ba yye ba fetsa ka gore Samsoni a bonane le lenaba. Samsoni o yye a tlema ke batho bage ka di thapo ka dipedi tsa gore di sa le nyuwane ke mokane ba mo yisa ga Mafilisita. (Bay. 15:9-13) Mara, “moya wa Jehova wa mo neya matšhika” ga Samsoni fote a thasolanya dithapo tsone. Ke mokane “a kraya mohlagare wa bhongholo ya pholo,” a koronya 1 000 ya banna ba Mafilisita a fetsa ka bona!—Bay. 15:14-16. w23.09 2 ¶3-4

Jehova o re wunyullele ka gonyana ka gonyana ka ho Bhayibeleng dilo tso a di ‘bolabodiyeng botala tsa gore o nyoko di segelela. Jehova a ka berekisa mekgwa ya go tlala gore a thogo segelela tso a tikemiseleng go di maka, fote o dula a phomelela ka taba la gore “o makiye dilo ka moka gore a thogo segelela tso a di nyakang.” (Diy. 16:4) Fote maphomela ya dilo tso Jehova a di makang ma nyoko ba gona go ya go yye. Anthe Jehova o tikemisele go maka ying, fote ke kaye mo a yyeng a tšhentšha gona gore a thogo di segelela? Modimo o butsiye batho ba mathomo ho lefaseng gore o tikemisele ying ka bona. Ne di nyaka ba ‘belegane ba tlale, ba tlatse lefase ba le lawole, ba lawole . . . selo se sengwana le se sengwana sa go phela’ sa mo lefaseng. (Gen. 1:28) Mo Adamo le Efa ba mo jikela, ba maka gore tso tsa go sinya di tantetse batho ka mokana ga bona, tsotsone a sanka dya thibelela Jehova gore a segelele tso ne a tikemisele go di maka. O yye a tšhentšha mokgwa wo ne a nyaka go wo berekisa gore a di segelele. Ka nthagonyana ga gana hone, Jehova o yye a tikemisela go beya Mmušo legedimong wa gore wo nyoko segelela dilo tso a tikemiseleng go di makela lefase le batho.—Mat. 25:34. w23.10 20 ¶6-7

Jehova a ka re gelepa gore re sa lahle tewu. Go ka sa be moroba go ya mahlong ka matlamatla mo nkare ke botala re gomele ke ntshitshire. Ka dinako tse dingwana di ka bonala nkare tso re gahlanang natso tsa go re ghula, mo re di tshwanisa le tso Petro a yyeng a gahlana natso, tsage a yi mong selo. Mara Jehova a ka re neya matšhika ya gore re sa lahle tewu. (Pis. 94:18, 19) Mo re beyisa, mogageru ye mongwana mo a soko bane a tšhuta nnete o fetsiye mengwagangwaga a kene a maka tsela tsa gore monna o kwana le monna. O yye a tšhentšha maphelelo yane ke mokane a thomisa go phela ka mokgo Bhayibele yi hlayang. Le mo go le ka mokgonone, o fela a kikirisana le go nabela tsa gore a yi tsona. King so se mo gelepiyeng gore a sa lahle tewu? O re: “Jehova wa re tiyisa.” O tokegele ka gore: “Mo Jehova a n’gelepa ka moya wage wa go hlawolega . . . , ke tšhutiye gore di ya kgonega go ya [mahlong] ke phela ka mokgwa wo Jehova a wo nyakang . . . Jehova ke mo a kene a mperekisa fote ke mo a sa yi ka gore a ke ya yenela o ntiyisiye gatleletlele.” w23.09 23 ¶12

Lune magageru ya gore ma sa gola, phela di ka sa makege ka mohlolo gore le be banna ba Makreste ya gore ma butšwiye. Di nyaka o kgete mešupetso ya gabutši yo o ka yi kopiselang, o tšhute go nagana gabutši, o tshepege, o tšhute dilo tsa gore di ka go gelepa mo o kene o phela fote o tilukiselele go maka mebereko ya ku mahlong. Mo o nagana ka dilo tso o tshwaneleng o berekele ga tsona, o ka fo kwa nkare ke mong letogo ho gago. Mara o ka phomelela. O sa lebale gore Jehova o dula a tikemisele go go gelepa. (Jes. 41:10, 13) Eya, le magageru ya ka ho phutegong le wona ma ko go gelepeng. Mo o šele o gadikegiye o le mong monna wa Mokreste wa gore o butšwiye, lephelo lago le nyoko jabodisa ka matla la boya le kgotsofatsa. Re le nyaka ka matla lune magageru ya gore ma sa gola! Nkare Jehova a ka le rufa la go sa hlayisege mo gana byalo le kene le karakara gore le be banna ba Makreste ya gore ma butšwiye. w23.12 29 ¶19-20

Tla re fo re ke lune magageru fote ba le bitsiye go gongwana gore le tle le bese nama. Le wene wa tikwa gore o jabodiye ke mokane le khata senepe le le ka moka. Gabutšibutši, le khata dinepe tse dingwana ka dipedi gore le tle le kgete ga tsona mo nkare sela sa mathomo a se ya tšwa gabutši. Gana byalo o tshwere kararo ya dinepe. Mara ga senepe se sengwana, wa di bona gore bhuti ye mongwana o tlemme mokgakga. Byalo, wa se lahla ka taba la gore o sa na le dinepe tse dingwana ka dipedi, tsa gore batho ka mokana ga bona bo ba leng hone baa ngwalangwala, le bhuti yela wa ngwalangwala. Ga go tlala re gopola dilo tsa go jabodisa ka dinako tso re di fetsiyeng re na le magageru. Mara tla re fo re nengneng mogageru o yye a hlaya kela a maka selo sa go sa yi ka tsela. Di nyaka re make ying ka taba yone ya gore re ya yi gopola? Ke ntaba o sa liketse go lahla monagano wone go tshwana le senepe sela sa gore a se gabutši? (Maef. 4:32) Re ko di kgoneng ka taba la gore di tlele tsa go bafala tsa gore re ka di gopola tsa nakwela re le naye. Re nyaka go dula re nagana ka dilo tsa mohlobo wonone fote re di tseyele gedimo. w23.11 12-13 ¶16-17

Mantsu ya Segerika ya a ma berekisiyeng ma šupetsa gore mosadi o tshwanele a dule a yapere ka mokgwa wa gabutši fote o tshwanele gore a naganele ba bangwana ka tso a kgetang go di yapara. Re ro titeya sekguba ka lune magageru ya basadi ya gore ma yapara ka mokgwa wa go šupetsa gore a maa ro phiphila mara ma butšwiye mong go butšwa! Magageru ka mokana ga wona ya basadi ya gore ke Makreste ya gore ma butšwiye, ma ko bonala ka go bona dilo gabutši. Anthe ba ra byang mo ba re go bona dilo gabutši? Ke go yahlula gabutši—go tšiba sa gabutši le sa gore a yi sa gabutši ke mokane wa kgeta go maka sa gabutši. Tseya ka mošupetso wa Abhigheyili. Monnage o yye a segelela sepheto sa bophokophoko sa gore ne se nyoko leya tsa go sasamela ga batho ka mokana ga bona bo ba dulang ka hone mutšing. Ka go yakgoswa Abhigheyili o yye a maka se sengwana. Taba ya gore ne a bona dilo gabutši yi yye ya phonisa maphelo ya batho. (1 Sam. 25:14-23, 32-35) Go bona dilo gabutši go re gelepa gore re tšibe nako ya go bolabola le ya go kgomolela. Fote go re gelepa gore re jabolele ba bangwana ke mokane re kganele kgole le taba ya gore ba tikwe nkare ba lahlegiye.—1 Mathes. 4:11. w23.12 20 ¶8-9

Pawulo wa lepostola o ngwalele phutego ya Roma mantsu yane. Magageru ya gana hone ne ma tšhutiye ka Jehova le Jeso, ma šupetsa gore ma na le tumelo fote go šele go le Makreste. Nka taba lo Modimo a hlayyeng gore ‘ma lukiye ka taba la tumelo ya wona,’ fote o yye a ma tlotsa ka moya wa go hlawolega. (Marom. 5:1) Eya, ma yye ma ba le tshepo ya mannete ya gore fote yi bafele ka matla. Ka nthago, Pawulo o yye a ngwalela Makreste ya gore ma tlotsiwwe ya ku Efeso ka tshepo yo Modimo a ma neyyeng yona. Ga tshepo yone ne ma nyoko kraya “dilo tse dikgolo tsa gabutši tso a di tshepisiyeng bo ba go hlawolega.” (Maef. 1:18) Fote Pawulo o butsiye Makolosi gore ma nyoko kraya tshepo ya wona kaye. O yitseri ke ‘patela ya bona yo ba yi yemeleng ya ku legedimong.’ (Makol. 1:4, 5) Ku botala, Makreste ya gore ma tlotsiwwe ne ma na le tshepo ya gore ba nyoko ma tsosa gore ma ye phela go ya go yye ku legedimong ga gore ma nyoko lawola le Kreste.—1 Mathes. 4:13-17; Kut. 20:6. w23.12 9 ¶4-5

Lentsu lo ba le berekisiyeng mathomisong la “pasopa” ke mo go le lentsu la bosoleng fote ke mo ba le berekisa mo ba ra masole ya gore ma pasopiye mutši wo mogolo fote a wo kenege. Ba go dula ga mutši wa gore ba wo pasopiye ke mo ba yetsela boroko, ba di tšiba tsa gore hala digheyiting go na le masole. Le rune, mo Modimo a pasopa dipelo tsa rune le menagano ka go maka gore di bebe, re fo kwa re le gabutši nje, re tšiba gabutši gore a go na so se nyoko makegang. (Pis. 4:8) Re ka fo tshwana le Hanna, di ka makega gore tso re fetang ga tsona di sa fele ka nako yonone, mara re sa na re fo kwa re bebiye. (1 Sam. 1:16-18) Fote mo re kwa re kgibiye, ga go tlala re thogo nagana gabutši re boya re segelela dipheto tsa go šupetsa gore re hlalefiye. King so re ka se makang? Mo o kwa o se gabutši, bitsa wa go go pasopa. Byang? Rapela o šinye o di kwa tsa gore Modimo o maka gore o bebe. (Luk. 11:9; 1 Mathes. 5:17) Mo nkare le wene o šitega le go wona ka tsa wene mong, napa o ro mo fawa ga Jehova, o ko kweng mo a maka gore pelo yago le monagano di bebe.—Marom. 12:12. w24.01 21 ¶5-6

Jeso ke mo a nyaka gore lebitso la Papage le hlawolege, byalo o yye a tiyisela mo ba mo lebela, mo ba mo rogelela ba boya ba mo poyilanya. Ke mo a di tšiba tsa gore ga Papage o yye a mo theetsela ga dilo ka mokana ga tsona; ke mo go se na le ka ssoši sa go mo tšebisa. (Maheb. 12:2) Fote ke mo a di tšiba tsa gore Sathane o kene o napa a ro tšhela letswayi mola ga gore gwa sasamela. (Luk. 22:2-4; 23:33, 34) Nnete Sathane ke mo a tshepiye gore o nyoko di khwešolanya tso tsa Jeso tsa gore hee-hee nna ke ya tshepega; mara Sathane o rapoganne go baba! Jeso o ro napa a di yedisa tsa gore ga Sathane ka letsaka o ka sa loke a boya a šupetsa gore Jehova o nawo malata ya gore maa tshepega gage, ba gore ba fo mo mamarela le mo ba le ga seyemo sa gore se ka šinya se thuhlula tšhika! Ayitsano le wene wa nyaka go jabodisa Kgoši yo yago ya gore ya lawola? Ariye mahlong o thanaka lebitso la Jehova, o gelepe ba bangwana gore ba mo tšibe gabutši ga Modimo yewa wa rune. Mo o maka ka mokgonone, o ko ba o tseyela ga Jeso. (1 Pet. 2:21) O nyoko ba o tshwana le Jeso, o maka gore Jehova a jabole fote o šupetsa gore lenaba lo lage, Sathane, o na le matsaka fote aa tšebe le go tšeba! w24.02 11-12 ¶11-13

Ga kapheta ya mengwaga ya go feta, batho ba go teya ka ku ga miliyoni ba kolobetsiwwe ba ba Dihlatse Tsa Jehova. Mo o tineyela ga Jehova, o kgeta go ba lelata la Jeso Kreste fote o maka gore tso di nyakang ke Modimo go be tsona o di yetisang mahlong lephelong lago. Go kena le ying ga taba ya go tineyela gore o be Mokreste? Jeso o yitseri: “Ye a nyakang go nšala nthago a tineyele.” (Mat. 16:24) Mantsu ya Segerika ya gore mo ba ma hlatolla ba re “a tineyele” ma ka hlatolliwa fote go le “a sa sa tiphilela.” Mo o šele o le lelata la Jehova la gore le tineyele, di nyoko nyaka gore o gane selo se sengwana le se sengwana sa gore se tšhayisana le tso yene a di nyakang. (2 Makor. 5:14, 15) Gana hone go kena le taba ya go gana ‘tso di nabelang ke nama’ tsa go tshwana le bonghwahla. (Magal. 5:19-21; 1 Makor. 6:18) Ayitsano go theetsela melawo yone go nyoko go thathafisela lephelo? Di ka sa go thathafele mo nkare ga Jehova o mo nyaka ka matla fote wa di tshepa gore melawo yage yi berekela wene mong.—Pis. 119:97; Jes. 48:17, 18. w24.03 2 ¶1; 3 ¶4

Bo ba gore Jehova wa ba yamogela, o ba neya moya wage wa go hlawolega. (Mat. 12:18) O ka fo tiputsisa gore, ‘Mo nkene ke phela, ayitsano dya šupetsa gore le nna ke na le tse dingwana tsa diyengwa tsa moya wa Modimo?’ Ayitsano o bona o lefisela batho ba bangwana pelo go phala nakwela o soko tšiba Jehova? Gabutšibutši, mo o kene o tšhuta go maka dilo ka mokgwa wa go šupetsa gore o na le diyengwa tsa moya wa Modimo, o nyoko ro napa o di bona tsa gore Jehova wa go yamogela! Jehova o maka gore bo ba gore wa ba yamogela ba berekele ke sehlabelo sa Jeso. (1 Thim. 2:5, 6) Mara re ka maka byang mo nkare dipelo tso tsa rune di fo dulela go re botsa gore Jehova aa re yamogele, le mo re na re dumela ga sehlabelo sa Jeso fote re kolobetsiwwe? O sa lebale gore re ka sa duli re tshepa ka mokgo re tikwang, mara ga Jehova re ka dula re mo tshepa. Bo ba gore ba dumela ga sehlabelo sone o ba tseya ba lukiye fote o tshepisa gore o nyoko ba rufa.—Pis. 5:12; Marom. 3:26. w24.03 30 ¶15; 31 ¶17