Tso re ka di Tšhutang ga Mantsu ya Jakobo ya Mafelelo—Sekopa sa 2

1. Re nyoko bolabola ka ying ga hlogotaba yowa?

BARWAYI ba Jakobo ne ba gahlanne ba mo dukulugiye, ba theetsele gabutši mo papa wa bona wa gore o tsofele a ba rufa. Ga hlogotaba ya go fela, re tšhutiye gore Jakobo o butsiye Rubeni, Simiyoni, Llifi le Juda dilo tsa gore ne ba sa nagana gore a ka ba botsa tsona. Byalo, ne ba ka fo ba ba nyaka go kwa gore mabala ya barwayi bage ba bangwana ne a nyoko ba botsa ying. Tla re boneneng gore re ka tšhuta ying ga tso Jakobo a di butsiyeng Zebhuloni, Isakhara, Dani, Ghada, Aša, Nafthali, Josefa le Bhenjamini.a

ZEBHULONI

2. King tso Jakobo a di butsiyeng Zebhuloni, fote di makegiye byang tsotsone? (Genesi 49:13) (Lebelela le lebhokisi.)

² Bala Genesi 49:13. Jakobo o hlayye gore ditlogolwane tsa Zebhuloni di nyoko dula lerophong ka nthoko ya lebowa la Naga yo ba ba Tshepisiyeng yona. Ka nthago ga mengwaga ya go teya ka ku ga 200, leloko la Zebhuloni le yye la kraya naga ya lona ya gore ne yi le segare ga Lewatle la Galeliya le la Mediterranean. Moše o yye a porofeta gore: “Jabola wene Zebhuloni mo o tšwa.” (Dot. 33:18) Tsowa ne di ka fo rela gore leloko la Zebhuloni ne le ka kgona go segela marophong ya mawatle yawa, le gore ne ba ka kgona go reka le go rekisela batho ba go tšwa ga dipoleke tse dingwana. Tsotsone di fo šupetsa gore ne go na le so ne se maka gore ditlogolwane tsa Zebhulone di jabole.

3. King so se ka re gelepang gore re jabodise ke tso re nang natso?

³ Re ka tšhuta ying? Go na le so se makang gore re jabole, di sa yi ka gore re dula kaye kela gore re makegela king. Gore re dule re jabodiye, di nyaka re kgotsofale ka tso re nang natso. (Pis. 16:6; 24:5) Ka dinako tse dingwana, di ka fo ba lula gore re fo dulela go nagana ka dilo tsa gore a re natso go phala go lebelela dilo tsa gabutši tsa gore di maka gore re jabole. Byalo, liketsa go nagana ka dilo tsa gabutši tso o nang natso ke mokane o tikwise ka lephelo.—Magal. 6:4.

ISAKHARA

4. King tso Jakobo a di butsiyeng Isakhara, fote di makegiye byang tsotsone? (Genesi 49:​14, 15) (Lebelela le lebhokisi.)

⁴ Bala Genesi 49:​14, 15. Jakobo o yye a thanaka Isakhara ka taba la gore ne a karakara ka matla. O hlayye gore Isakhara ke mo a na le matšhika go tshwana le phoolwane ya gore ne yi rwele morwalo wa go roba. Jakobo o hlayye le gore Isakhara ne a nyoko kraya naga ya gabutši. Fote tso di hlayyeng ke Jakobo di f’lo makega ka mokgonone ka taba la gore ba leloko la Isakhara ba yye ba kraya naga ya gore ga yona ne go mila dimilane tsa go tlala hala thina le Nooka ya Jorodane. (Još. 19:22) Ditlogolwane tsa Isakhara di berekiye go baba gore di thogo pasopa naga ya tsona. Mara di yye dya karakara ka matla gore di gelepe ba bangwana. (1 Mag. 4:​7, 17) Mo re beyisa, nakwela wa go Yahlula ye ba reng ke Bharake le Debhora wa go porofeta ba kgopela Maisrayele gore ba ba gelepe gore ba thogo lwa le Sisera, leloko la Isakhara le lona le yye la re le nyoko ba gelepa. Fote ne ba tikemisele go gelepa mo go na le ntwa le ka dinako tse dingwana.—Bay. 5:15.

5. Ke ntaba di nyaka gore re karakare gore re bereke ka matla?

⁵ Re ka tšhuta ying? Jehova o tseyela gedimo taba ya gore re karakara ka matla ga mmereko wage go fo tshwana le mo a yye a tseyela gedimo mmereko wo ne wo maka ke ba leloko la Isakhara. (Mmo. 2:24) O fo nagana nje ka magageru ya gore ma karakara ka matla ka taba la phutego. (1 Thim. 3:1) A di nyake gore magageru yawa ma lwe ntwa ya mannete, mara di nyaka ma ro kena fase gore ma pasope magageru ga dilo tsa gore di ka šehlollanya senghana sa bona le Jehova. (1 Makor. 5:​1, 5; Juda 17-23) Fote ma karakara ka matla gore ma lukiselele dipolabolo ma boya ma di beya gore ma thogo tiyisa diphutego.—1 Thim. 5:17.

DANI

6. Dani o yye a kraya mmereko wa mošaga mang? (Genesi 49:​17, 18) (Lebelela le lebhokisi.)

⁶ Bala Genesi 49:​17, 18. Jakobo o hlayye gore Dani ke mo a tshwana le noga ya gore yi loma diphoolwane tse dikgolo tsa go tshwana le pera ya gore ba yi berekisa ntweng. Leloko la Dani ke mo le na le lešiši fote le tikemisele go hlasela manaba ya setšhaba sa Israyele. Mo ba kene ba bakiye Nageng yo ne ba ba Tshepisiye yona, leloko la Dani ke mo le pasopa setšhaba sa Israyele ka gore ne go le mogoba “wa mafelelo wa gore wo pasopa megoba ye mengwana ka mokana ga yona.” (Dip. 10:25) Wone ne go le mmereko wo mogolo ka matla le mo nkare leloko la Dani ne le wo maka le sa bone ke setšhaba ka mokana ga sona.

7. Di nyaka re wo tseye byang mmereko wo mongwana le wo mongwana wa gore ba re neya wona mo re kene re berekela Jehova?

⁷ Re ka tšhuta ying? Nje ba yye ba go neya mmereko wa gore ne o fo bona nkare ba bangwana a ba di bone tso o di makang? Di ka fo makega gore o yye wa gelepa go yedisa Holo ya Mmušo kela go maka gore yi dule yi le gabutši, wa gelepa ga mogahlano wo mogolonyana kela ga mogahlano wo mogolo, kela wa maka mmereko wo mongwana. Mo nkare go ka mokgonone, re ya ngwalangwala ka taba lago! O sa tsoge o libele taba ya gore Jehova wa di bona fote o tseyela gedimo dilo tso o mo makelang. O jabola stereka mo o mmerekela o sa nyake gore ba bangwana ba go teyele matsogo, mara go le ka taba la gore o nyaka go mo šupetsa di tšwa ka ku tengteng gore o mo nyaka ka matla.—Mat. 6:​1-4.

GHADA

8. Ke ntaba ne di le lula gore manaba ya Israyele ma hlasele leloko la Ghada? (Genesi 49:19) (Lebelela le lebhokisi.)

⁸ Bala Genesi 49:19. Jakobo o hlayye gore manaba ne ma nyoko hlasela Ghada. Mo go šele go fitiye gana hala ga 200 ya mengwaga, leloko la Juda ba yye ba le neya naga ya gore ne yi le ka nthoko ga Nooka ya Jorodane ya gore ne yi le mo go kgerang naga ya manaba ya bona. Byalo, ne di le lula gore manaba ya bona ma ba hlasele. Mara, Maghada ne ma nyaka go dula gana hone ka taba la gore merape ya wona ne yi kgona go kgula gabutši. (Dip. 32:​1, 5) Di fo ba lekgwaying gore Maghada ne ma na le lešiši. Go tokegela gana hone, ke mo ma di tshepa tsa gore Jehova ne a nyoko ma gelepa gore ma hlasele manaba ya wona le go lwela naga yone. Go fediye mengwaga ya go tlala ba romela masole ya bona gore ma gelepe maloko ya mangwana gore ma thogo lwela naga ya wona ka nthoko ye nngwana ya Jorodane. (Dip. 32:​16-19) Ke mo ba di tshepa gore Jehova ne a nyoko pasopa basadi le bana ba bona mo banna ba gana hone ba tlugiye. Jehova o yye a ba rufa ka taba la gore ne ba šišimele le gore ne ba gelepa ba bangwana le mo nkare ne di se lula go maka ka mokgonone.—Još. 22:​1-4.

9. Mo re tshepela ga Jehova, re nyoko segelela dipheto tsa mošaga mang?

⁹ Re ka tšhuta ying? Gore re ye mahlong re berekela Jehova le mo go se lula, di nyaka gore re dule re tshepela gage. (Pis. 37:3) Batho ba go tlala lekgono ba šupetsa gore ba tshepele ga Jehova ka go tikona tse dingwana gore ba gelepe ga tso tsa go yaga, gore ba ye ga gore go gayela batšhomayedi, le go maka mebereko ye mengwana. Ba maka ka mokgonone ka taba la gore a ba kamake gore Jehova o nyoko dula a ba pasopa.—Pis. 23:1.

AŠA

10. Aša o šitegiye go maka ying? (Genesi 49:20) (Lebelela le lebhokisi.)

¹⁰ Bala Genesi 49:20. Jakobo o yye a porofeta gore leloko la Aša ne le nyoko ghanya, fote di f’lo makega ka mokgonone. Leloko la Aša ba le neyye naga ya gore ne yi tsifiye ka matla. (Dot. 33:24) Naga ya bona ne yi le thina le Lewatle la Mediterranean, fote ne go na le leropho la Sidoni la gore batho ne ba yi tipa ka masaka gana hone. Mara, Aša o yye a šitega go raka Makanana ga naga yone. (Bay. 1:​31, 32) Ka taba la gore ne ba ghannye le gore Makanana ne ma ka ba kutšetsela gore ba make tsa go kekema, di šupetsa nkare leloko la Aša le yye la thomisa go sa sa tseyela gedimo taba ya go maka tso Jehova a di nyakang. Mo re beyisa, mo Bharake wa go Yahlula a kgopela Maisrayele gore ma ba gelepe go lwa le masole ya Makanana, leloko la Aša a sanka la di kena tsone. Tsotsone di makiye gore ba sa bone dilo tsa go makatsa tsa gore Jehova o di makiye go gelepa Maisrayele gore ma hlule “thina le meetši ya Meghido.” (Bay. 5:​19-21) Di ka fo ba di tšebisiye leloko la Aša mo ba kwa Bharake le Debhora ba yepelela gore: “Ba leloko la Aša ba duli lerophong la lewatle.”—Bay. 5:17.

11. Ke ntaba di nyaka re kganela kgole le taba ya go yetisa sekwetše mahlong lephelong la rune?

¹¹ Re ka tšhuta ying? Re nyaka go makela Jehova so re ka se kgonang. Gore re make ka mokgonone, di nyaka re kganela kgole le ka mokgo lefase lowa le tseyang taba ya go kgobaketsa dilo tsa go maka gore motho a ghanye. (Diy. 18:11) Le mo nkare re hloka tšheleta, a di nyake re nagana gore di nyaka re yetise mahlong taba ya go karakara gore re be le tšheleta ya go tlala go phala senghana sa rune le Jehova. (Mmo. 7:12; Maheb. 13:5) A di nyake re šinya re bhahla le go fetsa nako ya go tlala ga dilo tsa gore a re nape re di hloka. Mara, di nyaka re makele Jehova so re ka se kgonang. Re ya di tšiba gore mo re dula re tshepega, Jehova o nyoko maka gore re tikwise ka lephelo ku mahlong.—Pis. 4:8.

NAFTHALI

12. Tso Jakobo a di butsiyeng Nafthali di ka fo ba di makegiye byang? (Genesi 49:21) (Lebelela le lebhokisi.)

¹² Bala Genesi 49:21. Jakobo o hlayye gore Nafthali ne a nyoko bolabola “mantsu ya go jabodisa.” Tsotsone di ka fo ba di rela mokgwa wo Jeso ne a bolabola ka wona nakwela a tšhomayela. Jeso o fetsiye nako ya go tlala a phela mutšing wa Kapernawume wa gore ne wo le nageng ya leloko la Nafthali. Nka taba lo Kapernawune ne ba re ke ‘mutši wa gabo.’ (Mat. 4:13; 9:1; Joh. 7:46) Fote Jesaya o porofitiye gore Jeso ne a nyoko ba nkare ke go “khanya ka matla” ga batho ba Zebhuloni le Nafthali. (Jes. 9:​1, 2) Jeso ke mo go le “llampa la mannete la gore ke mo le nyoko khanyisela batho ba mehlobo ka mokana ga yona” ka tso ne a di tšhutisa.—Joh. 1:9.

13. Re ka maka byang gore tso re di hlayang di jabodise Jehova?

¹³ Re ka tšhuta ying? Jehova o tseyela gedimo tso re di hlayang le ka mokgo re di hlayang. Re ka bolabola “mantsu ya go jabodisa” ka mokgo mang gore re jabodise Jehova? Re ka bolabola nnete. (Pis. 15:​1, 2) Re ka tiyisa ba bangwana ka tso re di hlayang mo re yakgoswela go ba thanaka mara re sa tabogele go hlaya se sengwana ka tso ba di kekemisang kela ra kokola ka bona. (Maef. 4:29) Re ka karakara gore re lokotše ka mokgo re thomisang dipolabodisano le batho ba bangwana fote re ba botse se sengwana ka Jehova.

JOSEFA

14. Tso ba di porofitiyeng ka Josefa di makegiye byang. (Genesi 49:​22, 26) (Lebelela le lebhokisi.)

¹⁴ Bala Genesi 49:​22, 26. Jakobo ke mo a titeya sekguba ka Josefa—ke mo a “hlawodiwwe ga bobhuti bage.” Jakobo o yye a mmitsa gore ke “lekala la mohlare wa gore wo yengwa gabutši.” Jakobo ne go le yene mohlare wa gona ke mokane Josefa go le lekala la mohlare wone. Josefa ke mo go le letšibula la mosadi wa gore Jakobo ne a mo nyaka ka matla ye ba reng ke Reyitšhele. Jakobo o porofitiye gore Josefa ne a nyoko kraya lefa la gore le kraya le matšibula sekgaleng sa Rubeni wa gore ke mo go le ngwana wa mathomo wa mošomanyana wa Lliya. (Gen. 48:​5, 6; 1 Dikor. 5:​1, 2) Sekopa sowa sa seporofeto se makegiye nakwela barwayi ka babedi ba Josefa, Eforayimi le Manase ba ba maloko ka mabedi ya Israyele ke mokane ye mongwana le ye mongwana a kraya naga yage.—Gen. 49:25; Još. 14:4.

15. Josefa o yye a maka byang mo ba sa mo tshware gabutši?

¹⁵ Jakobo o hlayye le gore bo ba go lwa ka mesefo ba thunnye Josefa “fote ke mo ba mo hloyye.” (Gen. 49:23) Bowa ka nako ye nngwana ne go le bobhuti bage ba gore ne ba mo jelasela, ba gore ba makiye gore a makegele ke dilo tsa go tlala tsa go baba. Mara, Josefa a sanka a kwatela bobhuti bage kela a kwatela Jehova. Jakobo o yye a hlaya gore: “So [Josefa] a thunyang mosefo ka sona ke mo se sa tekateki, fote matsogo yage ke mo ma tiyelele.” (Gen. 49:24) Josefa ke mo a tisamele ka Jehova mo go na le tsa go mo ghula, fote aa fo tshwarela bobhuti bage fela mara o yye a ba tshwara gabutši. (Gen. 47:​11, 12) Josefa o yye a lisetsa dilo tsone di mo lokotša. (Pis. 105:​17-19) Ke mokane Jehova o yye a mmerekisa gore a make dilo tsa go tlala tsa go makatsa.

16. Mo go na le tso di re ghulang, tso di makegeleng Josefa di ka re gelepa byang?

¹⁶ Re ka tšhuta ying? Mo go na le tsa go go ghula, o sa tubele Jehova le magageru. O sa lebale gore Jehova a ka re tšhutisa se sengwana mo re ka fo ya mahlong re mmerekela le mo go thathafa. (Maheb. 12:7) A ka re tšhutisa gore re yekisele tso a tšibegang ka tsona tsa go tshwana le go kwelana go baba le go tshwarelana. (Maheb. 12:11) Jehova o nyoko re rufa mo re ka fo tiyisela, go fo ya ka mokgo a rufiyeng Josefa.

BHENJAMINI

17. Tso ba di porofitiyeng ka Bhenjamini di makegiye ka mokgo mang? (Genesi 49:27) (Lebelela le lebhokisi.)

¹⁷ Bala Genesi 49:27. Jakobo o porofitiye gore Mabhenjamini ne ma nyoko kgona go lwa go tshwana le sehawane. (Bay. 20:​15, 16; 1 Dikor. 12:2) Kgoši ya mathomo ya Israyele yo ba reng ke Sawulo ke mo a tšwa ga leloko la Bhenjamini. Fote Sawulo o yye a lwa le Mafilisita a kene a šišimele. (1 Sam. 9:​15-17, 21) Mo go šele go fitiye mengwaga ya go tlala, Esita wa gore ne go le mosadi wa Kgoši, le Morodekhayi ba gore ne ba tšwa ga leloko la Bhenjamini ba yye ba phonisa Maisrayele gore ba sa fetse ka wona.—Est. 2:​5-7; 8:3; 10:3.

18. Re ka yekisela byang ka mokgo leloko la Bhenjamini ne le tshepega ka gona?

¹⁸ Re ka tšhuta ying? Mabhenjamini ka mokana ga wona ma ka fo ba ma yye ma jabola stereka mo Sawulo wa gore ne a tšwa ga leloko la wona a ba kgoši. Mara ka nthago, Jehova o yye a maka gore Dafita wa gore ne a tšwa ga leloko la Juda a be kgoši. Le mo go le sone, Mabhenjamini ma yye ma yema le Dafita. (2 Sam. 3:​17-19) Ka nthago ga mengwaga mo maloko ya mangwana ka jikela leloko la Juda, leloko la Bhenjamini le f’lo ya mahlong le tshepega ga leloko la Juda, fote le yye la tshepega le ga kgoši ya gore ne yi tšwa ga mutši wa Dafita. (1 Mag. 11:​31, 32; 12:​19, 21) Le rune lekgono re ya mahlong re tshepega ga bo ba gore Jehova o ba kgetiye gore ba yetetse batho bage.—1 Mathes. 5:12.

19. Mantsu ya mafelelo ya gore Jakobo o ma butsiye barwayi bage ma ka re berekela byang?

¹⁹ Mantsu ya mafelelo ya Jakobo ma ka re berekela ka matla. Tso re di tšhutang ga seporofeto sa Jakobo le ka mokgo di makegiyeng ka gona di maka gore re sa kamake gore diporofeto tse dingwana tsa gore di ka Lentsung la Jehova di nyoko makega tsa mannete. Fote mo re bona ka mokgo barwayi ba Jakobo ba ba rufiyeng ka gona, tsotsone di nyoko re gelepa gore re nape re kwisisa gabutši ka mokgo re ka jabodisang Jehova.