‘ Dulaneng le Mamarelanne le Gelepa ke Moya wa go Hlawolega’
PAWULO wa lepostola o hlohletsele Makreste ya gore ne ma dula Efeso gore ma ye mahlong ma ‘šupetsa gore maa nyakanana, ma karakare ka matla gore ma dule ma mamarelanne fote ma bebiye ka taba la gore moya wa go hlawolega wo maka gore ma be selo ka ssoši.”—Maef. 4:2, 3.
Go ‘mamarelana’ kela go ba ngata ka yyoši ga gore re ya go jabolela go leya ke “moya wa go hlawolega.” Tsotsone di rela gore taba ya gore re mamarelanne, yi ba gona ka taba la moya wa go hlawolega wa Modimo. Le mo go le ka mokgonone, Pawulo o šele a hlatolliye gore di nyaka o karakare gore taba ya go ba selo ka ssoši yi sa šepe. Ke bomang bo ba tshwaneleng go karakara? Gabutšibutši, di nyaka gore Mokreste ye mongwana le ye mongwana a karakare gore ‘re dule re mamarelanne.’
Mo re beyisa, tla re fo re ye mongwana o go neya koloyi ya nyuwane. Ke mang ye tshwaneleng go dula a yi pasopa? Di fo ba lekgwaying. Phela o ka sa sole motho ye a go neyyeng koloyi yone mo yi ka fo sinyega ka taba la gore wene a wa yi pasopa.
Go fo ba ka mokgonone le ga taba ya gore re mamarelanne, re ro yi neya ke Jehova, byalo di nyaka ye mongwana le ye mongwana wa rune a karakare gore re dule re le selo ka ssoši. Mo nkare go na le mogageru wa gore wene naye a le tšhayisane, di nyaka o tiputsise gore, ‘Ayitsano ke maka so nka se kgonang gore ka ho phutegong go dule go bebiye?’
‘LE KARAKARE’ GORE LE DULE LE MAMARELANNE
Go fo ya ka mokgo Pawulo a hlayyeng, di ka fo nyaka gore ka dinako tse dingwana re karakare ka matla gore re thogo dula re le ngata ka yyoši. Tsotsone di ka nyakega ka matlamatla mo nkare mogageru ye mongwana o re gatiye dikhonse. Ayitsano taba ya gore re karakare gore re dule re mamarelanne, yi rela gore re fo dulela go mmotsa ka mokgo a re kwisiyeng go baba? Awwa. Tiputsise gore, ‘Mo nka fo dulela go maka ka mokgonone, ayitsano di nyoko lukisa bothatha byone kela di nyoko maka gore go sinyege ka matla?’ Ka dinako tse dingwana, go ka ba kawone mo re ka mo tshwarela motho yene kela ra napa re lebala ka taba yone.—Diy. 19:11; Marek. 11:25.
Tiputsise gore, ‘Mo nka fo dulela go maka ka mokgonone, ayitsano di nyoko lukisa bothatha byone kela di nyoko maka gore go sinyege ka matla?’
Go fo ya ka mokgo Pawulo wa lepostola a ngwadiyeng, koriyeneng mahlong re ‘šupetsana gore re ya nyakanana.’ (Maef. 4:2) Puku ye nngwana yi re mantsu yawa ma ka rela gore “re ba yamogele ka mokgo ba leng ka gona.” Tsowa di rela gore di nyaka re yamogele gore magageru go fo ba batho ba go sinya fote le rune re fo titshwanela. Eya, re liketsa go ba “le mekgwa ya nyuwane.” (Maef. 4:23, 24) Mara, a go na le ka wwoši ho ga rune wa gore a ka teya a tshwarelele ga taba yowa. (Marom. 3:23) Mo re ka yamogela taba yone, di nyoko ba lula gore re lefisele ba bangwana pelo, re ba tshwarele ke mokane ‘re dule re mamarelanne.’
Re nyoko ‘dula re mamarelanne fote re bebiye’ ka phutegong mo re tshwarela ba bangwana ba gore ba re gatiye dikhonse re boya re lebala tso ba re makiyeng tsona. Lentsu la Segerika la gore ba le hlatolliye go le ‘go mamarelana’ ga Maefeso 4:3 ba yitseri ke ‘tsa go maka gore mmele wo hlomagetsane’ ga Makolosi 2:19. Tsa go maka gore mmele wo hlomagetsane ke dilo tsa go tiya tsa go maka gore mašapo ma gahlane. Byalo, mo re dula re bebiye re boya re nyaka magageru ka matla, tsotsone di re gelepa gore re dule re mamarelanne le mo ka dinako tse dingwana re sa fitisane gabutši.
Byalo, mo mogageru a go gata dikhonse, a go kwisa go baba kela o fo kwa a go tshwatisa, liketsa go kwisisa, o sa fo lebelela tsa go kekema tso a di makang. (Makol. 3:12) Ka mokana ga rune a re ya yenela, byalo re fela re kwisa ba bangwana go baba. Mo re ka sa lebale taba yone, ka mokana ga rune re nyoko tšhela letsogo ga taba ya go gelepa gore re ‘dule re mamarelanne.’