Phela Puku ya Jobo yi ka go Gelepa mo o Tlela ke Tsa go Baba

1-2. Ke ntaba di le gabutši ka matla gore re bale puku ya Jobo?

KE LENG la mafelelo mo o yyeng wa tikwisa ka go bala puku ya Jobo? Phela puku yowa ba yi ngwadiye gana hala ga 3 500 ya mengwaga ya go fela, mara puku yowa ya botala ba dula ba yi bala ga dipuku tsa gore ke mong konokono. Wa tšiba, puku ye nngwana mo yi bolabola ka ye a ngwadiyeng puku yowa ya Jobo yi re ke “konokono ya tso tsa go ngwala” ka taba la gore o berekisiye mantsu ya gore maa lula go ma kwisisa, o ma yatladiye monate fote ma na le matšhika. Morene a ngwadiyeng puku yowa ke Moše, mara ke Jehova Modimo ye a mmotsetseleng mantsu yaa a ma ngwadiyeng ga yona.—2 Thim. 3:16.

² Puku ya Jobo, ke puku ye kgolo ka matla ka ho Bhayibeleng. Ke ntaba re reyane? Yi re gelepa gore re thogo kwisisa gore mangeloyi le batho di nyaka ba kgete gore ayitsano ba nyoko berekela Jehova ka taba la gore ba mo nyaka ka matla le gore ba nyoko mo yemelela. Yi boya yi re tšhutisa ka mekgwa ya go bafala yo Jehova a tšibegang ka yona ya go tshwana le go nyakanana, go hlalefa, go kwana le go loka le matšhika yage. Mo re beyisa, puku ya Jobo mo yi bolabola ka Jehova yi re ke “wa Matšhika ka Moka” fote mantsu yane ma nyarela go segela ga 30, go phala le mo ba gahlanisiye Mangwalo ka moka ya Bhayibele. Phela puku yowa ya Jobo yi boya yi fetola diputsiso tsa go tlala tse dikgolo, go tokegela le yowa ya gore yi hlupa batho ba go tlala ya gore: Anthe ke ntaba Modimo a fo re lisetsa re hlupega?

3. Re ka tšhuta ying ga puku ya Jobo?

³ Wa tšiba, re ka tshwanisa go bala puku yowa ya Jobo le go kalama thaba. Mo o šele o le ku malenghelengheng ya thaba, o napa o di bona gabutši dilo tso di go dukulugeleng. Byalo, mo re bala puku ya Jobo, re napa re bona gabutši gore Jehova o yi tseya byang taba yowa ya gore re ya hlupega. Re nyoko tšhuta ka mokgo taba ya Jobo nke yi berekele Maisrayele ka gona le gore rune yi ka re berekela ka mokgo mang lekgono. Re nyoko boya re tšhuta gore re ka berekisa puku yowa ya Jobo ka mokgo mang gore re thogo gelepa ba bangwana.

MODIMO O LISETSA JOBO GORE A HLUPEGE

4. Jobo ke mo a fapanne byang le Maisrayele ya gore ne ma le Egepita?

⁴ Ka dinako tsa mo Maisrayele ma hlupegisiwa go le mabhantiti hala Egepita, ke mo go na le morene mongwana ye ba reng ke Jobo wa gore ne a dula ga naga ya Uzi, di ka makega gore naga yone ke mo yi le ka bohlabela bya Naga yo ba ba Tshepisiyeng le gana hala ga lebowa la Arabia. Jobo ke mo a fapanne kgole le Maisrayele ya gore ne ma šele ma rapela medimo ya dithombhe hala Egepita ka taba la gore yene ne a berekela Jehova a kene a tshepega. (Još. 24:14; Hezek. 20:8) Jehova mo a bolabola ka Jobo o yitseri: “A go na motho wa go tshwana naye ku lefaseng.”a (Jobo 1:8) Jobo ne a ghannye ka matla fote go le monna wa gore ne ba mo hlompa ka matla—ba mo hlompa go phala batho ka mokana ga bona ba gana hala Bohlabela. (Jobo 1:3) Ye lune, phela Sathane ne a tlatsiye lesaka le hafo ka go kwata mo a bona morenewa wa gore ne a tšiba ke batho ba go tlala ba boya ba mo hlompa a berekela Jehova a kene a tshepega!

5. Ke ntaba Jehova a yye a lisetsa Jobo gore a hlupege? (Jobo 1:​20-22; 2:​9, 10)

⁵ Sathane phela o yye a boya a re tso tsa gore ‘hee-hee nna Jobo ke rapela Jehova nkene ke tshepega,’ di nyoko felela moyeng mo a ka fo tlela ke tsa go baba. (Jobo 1:​7-11; 2:​2-5) Jehova ke mo a mo nyaka stereka ga Jobo. Mara Jehova o yye a yikela Sathane gore a mo šupetse gore dilo tso a di hlayyeng ka Jobo, ne a resa naa kela ne a fo mo lebela. (Jobo 1:​12-19; 2:​6-8) Byalo, Sathane ke yenela a tseya merape ya Jobo, a bolaya lesome la bana bage fote a teya Jobo ka mašopa ya go babisa mohlolo ya gore ma mo tšwile go thomisa mo seretheng go segela phogong. Mara le mo yi le gore Sathane o leyele Jobo dilo tsowa tsa go baba, Jobo o f’lo ya mahlong a berekela Jehova a kene a tshepega. (Bala Jobo 1:​20-22; 2:​9, 10.) Mo nako yi kene yi ya, Jehova o yye a fodisa Jobo, a maka gore a ghanye le gore batho ba boye ba mo hlompe fote A mo rufa le ka lesome la bana. A boya a ro yeketsa lephelo la Jobo ka 140 ya mengwaga—phela o phidiye nako ya go lefa a šinya a bona ditlogolwane tsage le ditlogolwane tsa ditlogolwane tsage. (Jobo 42:​10-13, 16) Taba yowa nke yi ba berekele ka mokgo mang batho ba ku botala fote rune yi ka re berekela byang lekgono?

6. Taba yowa ya Jobo nke yi gelepiye Maisrayele ka mokgo mang? (Lebelela le sethombhe.)

⁶ Taba yowa nke yi ma berekele byang Maisrayele? Maisrayele ne ma phela go baba ku Egepita wa tšiba. Mo re beyisa, Jošuwa le Khalebho ba f’lo gola go le mabhantiti. Ke mokane ba fetsa 40 ya mengwaga ba yinghayingha ku mašahleng ba sa sinya selo. Byalo, taba ya Jobo nke yi tiyisiye Maisrayele ya gore ma yye ma phela ka nthago ga dinako tsone. Ne ma nyoko di kwisisa tsa gore ke Sathane a ma leyelang mohlupego, a yi Modimo. Fote ne ma nyoko kwisisa le gore ke ntaba Modimo a lisetsa batho ba hlupega le gore Jehova o ba nyaka ka matla bo ba gore ba dula ba tshepega gage fote aa ba rufi lona.

7-8. Puku ya Jobo yi ka re gelepa byang rune ba bangwana ba gore re tlele ke tsa go baba? Re hlatollele ka taba ya gore yi yye ya makega.

⁷ Rune yi ka re berekela byang? Sa go kwisa go baba ke gore, batho ba go tlala lekgono a ba sa dumela ga Modimo ka taba la gore ba šitega go kwisisa gore ke ntaba batho ba go loka ba makegela ke tsa go befa. Tseya ka mošupetso wa Hazelb wa go tšwa hala Rwanda. Mo a sa gola, ke mo a dumela ga Modimo. Mara dilo di yye dya tšhentšha. Babelegi bage ba yye ba hlalana, ke mokane mmane wage a šadha le monna ye mongwana wa gore ne a sa tshware Hazel gabutši. Ka nthago, morene mongwana o yye a mo reyipa. Mo Hazel a ya kerekeng gore a kgomoletsege, a sanka ba mo kgomoletsa. Ka nthago ga hone, Hazel o yye a ngwalela Modimo borifi. Ga borifi byone o ngwadiye gore: “Modimo, ke go rapele, ka liketsa go maka tsa gabutši mara wene wa fo mpatela ka tsa go befa. Nka sa sa go rapela, fote ke nyoko fo maka se sengwana le se sengwana so se jabodisang pelo yaka.” Awwi, di re kwisa go baba barena mo re bona batho ba go tshwana le Hazel ba ba botsa matsaka ka Modimo ba boya ba tshepa gore Modimo ke yene a makang gore re hlupege!

⁸ Le mo go le ka mokgonone, re šele re tšhutiye ga puku ya Jobo gore Modimo a yi yene ye makang gore re hlupege—ke ye ba reng ke Sathane! Re tšhutiye le gore mo ba bangwana ba tlela ke tsa go baba, a di nyake re nagana gore di ba tlela ka taba la gore ba makiye se sengwana sa go sa loka. Bhayibele yi re batho ka mokana ga bona “ba fo tlela ke dilo ba sa nagana.” (Mmo. 9:11; Jobo 4:​1, 8) Fote re tšhutiye gore mo re ka fo tiyisela dintshitshire tso di re gomelang re kene re tshepega, re gelepa Jehova gore a thogo fetola Sathane mo a mo šuhlašuhla. Phela tsotsone di gelepa gore ba sa Mo sinyi lebitso. (Jobo 2:3; Diy. 27:11) Re yi leboga ka matla taba ya gore re tšhutiye dilo tsowa ka ho Bhayibeleng ka taba la gore gana byalo re ya di tšiba gore king so se makang gore batho bo re ba nyakang ka matla ba tlele ke tsa go baba. Ka nthago, Hazel o yye a tšhuta Bhayibele le Dihlatse Tsa Jehova ke mokane a napa a di kwisisa gabutši gore ke mo go se Modimo ye ne a mo leyela tsa go baba. O yitseri: “Ke yye ka rapela Modimo fote di tšwa pelong. Ke butsiye Jehova gore le mo ke na ke hlayye gore ke nyoko lisetsa go mo rapela, go bolabola nnete ne ke sa nyake go yi maka taba yone. Phela ne ke sa mo tšibi gabutši. Ke šele ke ya di bona tsa gore Jehova o nnyaka ka matla. Gana byalo ke jabodiye la go sa hlayisege fote ke kgotsofele.” Wa tšiba, re yi leboga re sa fetsi taba ya gore re ya di tšiba gore ke ntaba Modimo a lisetsa gore re hlupege! Gana byalo tla re lebeleleneng gore taba yowa ya Jobo yi ka re gelepa ka mokgo mang mo re tlela ke tsa go baba.

TABA YA JOBO YI RE GELEPA KA MOKGO MANG GORE RE TIYISELE?

9. Ne o ka mo hlatolla byang mara ga Jobo nakwela a duli luteng? (Jakobo 5:11)

⁹ O fo nagana Jobo a duli a ntoši hala luteng, mmele wowa wo yitseri hlikii ka mašupa, a kwa go sasamela. Letlalo lowa go le lentsho nkare a yi yene fote le fo matlologana nkare ke legogo. Ke gore Jobo ne a tinnwe la go kgwa, a sa kgoni go maka tsa go tlala, sage ne go le fo go tigwaya ka dipetlo tsa pitsa ya gore yi pshyayegiye le go lla ka taba la go baba ho a go kwang. Mara Jobo o f’lo ya mahlong a phela a kene a kwa go baba fote ke mo a tiyisele. (Bala Jakobo 5:11.) Jobo o gelepiye king mara gore a thogo tiyisela?

10. Senghana sa Jobo le Jehova ne se le byang? Hlatolla.

¹⁰ Jobo o yye a kgotolela Jehova ka mokgo a tikwang. (Jobo 10:​1, 2; 16:20) Mo re beyisa, tema 3 yi re botsa gore Jobo o yye a hlatolla ka mokgo dilo tso di mo makegeleng di mo kwisiyeng go baba ka gona. Phela Jobo ne a tseya gore Jehova ke yene ye a mo leyeleng dilo tsowa ka mokana ga tsona tsa go baba. Ke mokane kararo ya banghana ba Jobo ne ba dula ba mo kenele ba hlaya gore Modimo wa mo wolola ka taba la tso a di sinnyeng. Mara Jobo ke mo a dulela go hlaya gore yene ne a tshepega ga Jehova. Mantsu ya Jobo ne ma šupetsa gore go yye gwa ba le nako ya gore a titseye nkare yene o lukiye go phala Modimo. (Jobo 10:​1-3; 32:​1, 2; 35:​1, 2) Mara, o yye a dumela gore taba yowa yage ya go liketsa ka matla gore a tiyemelele gore yene o dula a tshepega, yi makiye gore a šinye a ‘fo bolabola a sa nagana.’ (Jobo 6:​3, 26) Ke mokane ga tema 31, Jobo ne a nyaka gore Modimo a dumele gore yene ne a sa tshwanela ke gore ba mo wolole. (Jobo 31:35) Ke nnete gore Jobo ne a sa tshwara yona mo a gapeletsa Modimo gore a mmotse gore ke ntaba a hlupega ka mokgo.

11. Jehova o f’lo re king mara mo Jobo a tiyemelela gore yene wa tshepega?

¹¹ Gana byalo re ya di kwisisa gore mo Jobo a šinya a bolabola ka mokgonola, ne go le ka taba la senghana sa go tiya so ne a le naso le Jehova fote ne a di tshepa a tiyisiye gore Jehova o nyoko mo yahlula gabutši. Mafelelong, Jehova o yye a maka gore go be le sedingwana ke mokane a bolabola le Jobo. Mara Jehova a sanka a hlatolla gore ke ntaba Jobo a gomele ke tsa go baba. Fote a sanka a re ga Jobo o nyoko mo lukisa ka taba la gore o hlayye ka mokgo a tikwang kela gore o hlayye gore yene aa sinya selo. Mara, Jehova o yye a tšhutisa Jobo go fo tshwana le mo papa a tšhutisa morwayi wage. Fote wone ne go le mokgwa wa gabutši wa go gelepa Jobo. Tsotsone di makiye gore Jobo a tinyanafatse ke mokane a dumela gore ne a sa tšibi tsa go tlala a boya a tisola ka mantsu yaa a ma hlayyeng a sa nagana. (Jobo 31:6; 40:​4, 5; 42:​1-6) Taba yowa nke yi ba berekele ka mokgo mang batho ba ku botala fote rune yi ka re berekela byang lekgono?

12. Taba ya Jobo nke yi berekele Maisrayele ka mokgo mang?

¹² Taba yowa nke yi ma berekele byang Maisrayele? Maisrayele nke ma tšhutiye se sengwana ga tso di makegeleng Jobo. Tseya ka mošupetso wa Moše. Ke mo go se moroba ga Moše gore a yete mahlong setšhaba sa Israyele. Ke gatleletlele se sa theetsele Jehova se boya se ro mo yisa fase ga Moše. Maisrayele ke mo ma dulela go kokolela Jehova mo dilo di thathafa. Mara Moše ne a rapela Jehova gore a mo hakolle ka dinako tsa mo go thathafa. (Ek. 16:​6-8; Dip. 11:​10-14; 14:​1-4, 11; 16:​41, 49; 17:5) Moše le yene ne di nyaka a tiyisele mo ba tshwanele ba mo wolole. Mo re beyisa, nakwela Maisrayele ma kampiye hala Kadeše, di ka makega go le ka mongwaga wa bo 40 ma kene ma yinghayingha ga gore ke kgwaakgwa, Moše o yye a “bolabola a sa nagana” ke mokane a šitega go gadimisa lebitso la Jehova. (Pis. 106:​32, 33) Tsotsone di makiye gore Jehova a sa dumelele Moše gore a kene ga Naga yo ba ba Tshepisiyeng. (Dot. 32:​50-52) Phela taba yo Moše ba mo wolodiyeng ka yona yi mo kwisiye go baba; mara, o yye a tinyanafatsa ke mokane a yi yamogela. Taba ya Jobo nke yi gelepiye Maisrayele ya go tshepega ya gore ma yye ma phela ka nthago ga dinako tsa Moše. Ne ma nyoko ghayela ka taba ya Jobo ke mokane ma botsa Jehova ka mokgo ma tikwang. Mara ne di ko nyaka gore ma sa lebale gore a maa loka go phala Jehova. Fote ne ma nyoko tšhuta le gore ma yamogele mo Jehova a ma wolola ma kene ma tinyanafatsiye.

13. Taba yowa ya Jobo yi ka re gelepa byang gore re thogo tiyisela? (Maheberu 10:36)

¹³ Rune yi ka re berekela byang? Le rune Makreste di nyaka gore re tiyisele. (Bala Maheberu 10:36.) Di ka makega gore re lwala ka matla, re kgahleletsegiye kela re šekedisa tse dingwana tsa mohlolo, kela re na le mathatha ka ho mutšing. Nakwenngwana re hlokofalele ke wa ka ho gaye kela monghana kela re kikirisana le bothatha byo bongwana byo bogolo. Fote ka dinako tse dingwana, o kraya dilo tso ba bangwana ba di ntshang ka ho ganong kela tso ba di makang di napa di ro totometsa la go šinya di maka gore go be ntshitshire gore re tiyisele. (Diy. 12:18) Le mo go le ka mokgonone, puku ya Jobo yi re tšhutisa gore re ka botsa Jehova ka mokgo re tikwang ku tengteng re sa kamake le ka gonyana gore o nyoko re theetsela. (1 Joh. 5:14) Jehova a ka sa re tlokolanyi mo re ka fo mo kgotolela so se leng ka ho pelong, re ra le mo ka dinako tse dingwana re fo “bolabola [re] sa nagana,” go fo tshwana le ka mokgo Jobo a makiyeng. Mara, Modimo o nyoko re neya matšhika a boya a maka gore re hlalefe gore re thogo tiyisela. (2 Dikor. 16:9; Jak. 1:5) A ka boya a ro re wolola mo go hlokega go fo tshwana le ka mokgo a makiyeng ga Jobo. Puku ya Jobo yi boya yi re tšhutisa gore re ka tiyisela byang mo re yeletsa kela re wolola ke Lentsu la Modimo, mokgahlo Wage kela banghana ba gore ba butšwiye. (Maheb. 12:​5-7) Jobo di mmerekele ka matla tsa gore o theetsele Jehova fote le rune di nyoko re berekela mo re ka fo tinyanafatsa ke mokane ra yamogela mo ba re yeletsa. (2 Makor. 13:11) Ye lune, phela re tšhutiye dilo tse dikgolo ga puku yowa ya Jobo! Gana byalo tla re lebeleleneng gore re ka yi berekisa byang puku yowa ya Jobo gore re thogo gelepa ba bangwana.

BEREKISA PUKU YA JOBO GORE O GELEPE BA BANGWANA

14. Ke mokgwa wofeng wo mongwana wa go hlatolla gore ke ntaba go na le mohlupego?

¹⁴ Sa le wa gahlana le ye mongwana tšhomong ke mokane a go butsisa gore ke ntaba go na le mohlupego? O yye wa yi fetola byang putsiso yage mara? Di ka makega gore o yye wa mo šupetsa tso Bhayibele yi hlayang gore di makegiye tšhomong ya Edeni. Nakwenngwana o thomisiye ka go bolabola ka gore Sathane, lengeloyi la pelo ye phifadu, o yye a tshokanya batho ba mathomothomo ke mokane tsotsone dya maka gore ba jikele Jehova. (Gen. 3:​1-6) Ke mokane wa mo hlatollela gore ka taba la gore Adamo le Efa a baa theetsela Modimo, batho baa hlupega le go kgwa. (Marom. 5:12) Ke mokane wa hlatolla gore Modimo o lisetsiye gore go be le nako ya go lekanela gore a thogo šupetsa batho ka mokana ga bona gore tso Sathane a di hlayyeng go fo ba matsaka fote Modimo o berekisa nako yone gore batho ba di tšibe tsa gore o nyoko tlosa mehlupego ka mokana ga yona le gore ba ka tikwisa ka lephelo go ya go yye. (Kut. 21:​3, 4) Wowa ke mokgwa wa gabutši ka matla wa go fetola putsiso yone fote wo gelepiye batho ba go tlala gore ba thogo kwisisa gore ke ntaba go na le mohlupego.

15. Re ka yi berekisa ka mokgo mang puku ya Jobo gore re thogo gelepa ye mongwana wa go butsisa gore ke ntaba go na le mohlupego? (Lebelela le dithombhe.)

¹⁵ Mokgwa wo mongwana wa go hlatolla gore ke ntaba re hlupega, ke wa go ba botsa ka Jobo. O ka thomisa ka go mo thanaka gore o butsisiye putsiso ya gabutši ka matla. Ke mokane wa hlaya gore morene mongwana wa go loka ye ba reng ke Jobo, le yene o yye a butsisa putsiso ya mošaga wonowa. Ne a tseya gore Modimo ke yene a makang gore a hlupege. (Jobo 7:​17-21) Phela motho ye o ko bang o bolabodisana naye a ka makatsa ke gore ke botala batho ba nyaka go tšiba gore ke ntaba re hlupega. Ke mokane sa go latela, o ka mo hlatollela gabutši gore ne go se Modimo ye ne a leyela Jobo tsa go baba mara ke mo go le ye ba reng ke Sathane. Diyabolo o yitseri batho ba berekela Modimo ka taba la tso A ba neyang tsona mara mo ba ka fo hlupega, ayya ba nyoko lisetsa go berekela Modimo. O ka boya o ro tokegela ka gore Modimo a yi yene ye a makiyeng gore Jobo a hlupege, phela mo a šinya a lisetsa gore a hlupege ke mo a nyoko šupetsa gore Modimo o tshepa batho ba go ba le tumelo gore a thogo kwala Sathane molomo. Mafelelong, o ka mo hlatollela gore mo nako yi kene yi ya Modimo o yye a rufa Jobo ka taba la gore o yye a dula a tshepega. Byalo, re ka kgomoletsa ba bangwana ka go ba gelepa gore ba di bone gore mohlupego wone a wo leye ke Jehova.

16. Re botse ka mošupetso wa go šupetsa ka mokgo puku ya Jobo yi gelepiyeng ye mongwana wa gore ne a tlele ke tsa go baba.

¹⁶ Lebelela gore puku ya Jobo yi gelepiye Mario ka mokgo mang. Tšatši le lengwana ka 2021, mogageru ye mongwana wa mosadi ke mo a tšhomayela a berekisa fowunu. Motho wa mathomo ye a mo fowuneleng ne go le Mario. O yye a mmalela temanyana ya go šupetsa gore Modimo o re tshepisa dilo tsa go bafala stereka ku mahlong fote le gana byalo wa re theetsela mo re rapela. Mo mogageru yela wa mosadi a butsisa Mario gore o nagana ying ka temanyana yone, Mario o mmutsiye gore mo a mo fowunela ke mo a kene a ngwalela ba gabo borifi bya go hlaya ka mokgo a ba nyakang ka gona ke mokane ka nthago ga hone ne a nyoko tipolaya. Mario o yitseri, “Wa tšiba, ke ya dumela ga Modimo, mara ne ke fo kwa nkare aa na taba le nna.” Mo mogageru yela wa mosadi a mo fowunela la mabedi, ba yye ba bolabola ka Jobo le gore le yene o yye a tlela ke tsa go baba. Mario o yye a fetsa ka gore di nyaka a bale puku ya Jobo ka mokana ga yona. Byalo, sesi wa rune o yye a mo romela linki ya gore a thogo kraya Bhayibele ga jw.org. Go yye gwa ba le maphomela mafeng? Mario o yye a dumela gore ba tšhute naye Bhayibele fote ne a jabolela go tšhuta tsa go tlala ka Modimo wa go nyakanana wa gore o yye a šupetsa gore wa tihlupa ka yene.

17. Ke ntaba o leboga Jehova gore o tšhediye puku yowa ya Jobo ka Lentsung Lage? (Jobo 34:12)

¹⁷ Ka nnete Lentsu la Modimo le na le matšhika ya go sa hlayisege ya gore ma gelepa batho go tokegela le bo ba gore ba tlela ke tsa go baba. (Maheb. 4:12) Phela re leboga Jehova re sa fetsi gore o tšhediye taba yowa ya Jobo ka ho Lentsung Lage! (Jobo 19:​23, 24) Puku ya Jobo yi re gelepa gore re sa kamake le ka gonyana gore ka nnete “Modimo aa make tsa go sa loka.” (Bala Jobo 34:12.) Yi boya yi re tšhutisa gore ke ntaba Modimo a fo lisetsa gore go be le mohlupego le gore re ka wo tiyisela ka mokgo mang. Fote yi re gelepa gore re thogo kgomoletsa bo ba gore ba gomele ke tsa go baba. Ga hlogotaba ya go latela, re nyoko petapeta ka mokgwa wo puku ya Jobo yi ka re gelepang mo re yeletsa ba bangwana.