Tseyela ga Jehova ka go Tinyanafatsa

1. Ke ntaba go makatsa gore Jehova o tinyanafatsiye?

MO O lebelele bo ba go ba le matšhika ya go lawola lekgono, ayitsano o ka hlaya gore ba tinyanafatsiye? Le ka gonyana. Mara Jehova wa gore ke wa matšhika ka moka yene o tinyanafatsiye. (Pis. 113:​5-8) A go na motho wa go tinyanafatsa go tshwana le Jehova fote aa na magetla. Di nyoko re berekela ka matla mo re ka lebelela kanne ya mekgwa ya go bafala yo Jehova a tšibegang ka yona ra boya ra di bona gore ga mokgwa wo mongwana le wo mongwana, di fo bonala gore o tinyanafatsiye. Fote re nyoko boya re bona ka mokgo Jeso a yekiselang go tinyanafatsa ga Papage. Go fo nyakolla ka mekgwa yowa go nyoko re gelepa gore re šutele thina ka matla le Jehova re boye re tšhute go tinyanafatsa go tshwana naye.

JEHOVA WA KENEGA

2. Pisalema 62:8 yi re botsa ying ka Jehova? (Lebelela le sethombhe sa ka tawong.)

² Phela batho ba go ba le magetla ga go tlala a ba kenege. Batho ba mošaga wonone ga go tlala ba tshwara batho go baba ka taba la gore ba titseya nkare bona ke bona, byalo ba bangwana a ba nyake le go tipona ba le thina nabo. Wa tšiba Jehova aa ka mokgonone le ka gonyana! Ka taba la gore Papa wa rune wa ku legedimong o tinyanafatsiye, o maka gore di be lula ga rune gore re mo kgotolele tso di re hlupang ho monaganong le ka ho pelong. (Bala Pisalema 62:8.) Go fo tshwana le papa wa gore o hlupega ka matla ka bana bage o dula a tikemisele gore a ba theetsele mo ba mo tshollwela tso di ba hlupang, Jehova le yene o di nyaka ka matla go theetsela malata yage mo ma mo rapela. Gabutšibutši, merapelo ya mošaga wonone yi tlele ka ho Bhayibeleng. Phela tsotsone di fo šupetsa gore wa kenega. (Još. 10:​12-14; 1 Sam. 1:​10-18) Byalo, re re king mo nkare re fela re vakašela ke taba ya go tikwa re sa tshwanelege go rapela Jehova?

3. Ke ntaba o tshepa o tiyisiye gore Jehova wa di nyaka gore o dule o mo rapela?

³ Re ka rapela Jehova le mo re bona nkare re fo ba ditlakati tsa gore a ka sa tsoge a re nyakiye. Ke ntaba re reyane mara? Ga mošupetso wa Jeso wa go bolabola ka morwayi wa gore o lahlegiye, o tshwanisiye Jehova le papa wa gore o kwelana go baba wa gore morwayi wage wa tisola ga tsa go kekema tso a di makiyeng fote o fo tikwa nkare aa tshwanelege gore ba ka mo yamogela ga mutši wa gabo. Papa yewa o f’lo re king mara mo a bona morwayi wage a boya gaye? Jeso o yitseri, mo papa yela a re tlaa, a bona morwayi wage o yye “a mo gahlanetsa a segela a mo tlaparela, a mo khisa.” (Lluk. 15:​17-20) Jehova le yene o fo tshwana le papa yela. Mo a kwa re mo rapela ka taba la gore re kokona ke tsa go kekema tso re di makiyeng o theetsela di mmaba. (Dillo 3:​19, 20) Wa tšiba Jehova o re kwela go baba fote o tshwana le papa wa gore o tla a taboga go fo re a re šupetse gore o re nyaka ka matla a boya a ro re papatela. (Jes. 57:15) Jehova o di maka ka mokgo mang tsotsone lekgono? Ga go tlala o maka tsotsone a berekisa bagolo, ba ka ho gaye le magageru ya mangwana. (Jak. 5:​14, 15) Phela Jehova o re gelepa ka taba la gore wa di nyaka gore re šutele thina gage.

4. Jeso o šupetsiye ka mokgo mang gore wa kenega?

⁴ Jeso o mo yekisele ka mokgo mang ga Papage? Jeso o tinyanafatsiye go tshwana le Papage. Phela ka nakwela a sa le ho lefaseng batho ne ba sa tšhabe go ya gage. Ne ba tikwa ba lukulugiye gore ba ka mmutsisa diputsiso. (Marek. 4:​10, 11) Byalo, le yene mo a ba butsisa ka mokgo ba tikwang ka se sengwana ne ba mmotsa ba sa mo wutametsele selo. (Mat. 16:​13-16) Fote mo o kraya ba kekemisa go gongwana ne ba sa tšhoge lela la go napa ba ro hlagasela ba tseya nkare Jeso o nyoko ba botsa ditaba tsa bona mara ne ba di tšiba gore ke motho wa go tshwarana gabutši, wa go kwelana go baba fote ke wa go lefiselana pelo. (Mat. 17:​24-27) Phela ka taba la gore Jeso ne a yekisela Papage a sa šiyi selo, tsotsone di makiye gore malata yage ma thogo tšiba Jehova lula. (Joh. 14:9) Ba di bonne gore Jehova aa tshwarane bošidi, aa na magetla fote o fapanne kgole le ba go yeta mahlong ba tsa sedumedi ba lekgono. O tinyanafatsiye fote wa kenega.

5. Taba ya go tinyanafatsa yi ka re gelepa ka mokgo mang gore re be batho ba go kenega?

⁵ Re ka mo yekisela ka mokgo mang ga Jehova? Phela mo re ka fo tinyanafatsa re nyoko ba batho ba go kenega. Go tinyanafatsa go ka re gelepa gore re kganele kgolo le taba ya go jelaselana, go ba le magetla le go ba le mokgwa wa go sa tshwarelane wa gore wo ragela batho ku kgole le rune. Mara mo re tinyanafatsiye ba bangwana ba ka sa tšhabe go šutela thina le rune ka taba le gore re nyoko ba re na le mokgwa wa go tshwarana gabutši, go lefiselana pelo re boya re tshwarelana. (Makol. 3:​12-14) Bagolo ke bona ka matlamatla bo di nyakang ba karakare gore go be batho ba go kenega. Gore bagolo ba thogo maka ka mokgonone, di nyaka ba dule ba na le magageru. Tsotsone di fo rela gore di nyaka ba karakare gore ba ye megahlanong ka nama ba sa fo kena ka inthanete le mo go sa hlokege. Fote mo seyemo sa bona se ba dumelela, ba lwela go ya tšhomong ka mutši ka mutši le magageru. Wa tšiba tsotsone di nyoko maka gore phutego yi tšibe bagolo gabutši fote magageru ma nyoko fo kwa di le lula go bolabola nabo mo ma nyaka gore ba ba gelepe.

JEHOVA WA KWISISA

6-7. Re beyisele ka mokgo Jehova a yyeng a sa jagele dilo mo malata yage ma mo kgopela.

⁶ Ga go tlala batho ba gore ba na le magetla a ba nyake go kwisisa gore ba bangwana ba re king fote ba na le sekokonono. Mara ka taba la gore Jehova o tinyanafatsiye fote wa kwisisa o tikemisele go theetsela tso ba bangwana ba di hlayang a boya a tšhentšha le sepheto so ne a se segelele a lebelele gore taba yi re king. Lebelela ka mokgo a yyeng a tshwaragana le taba ya sesi wa Moše ye ba reng ke Miriyamo. Yene le Aroni ba yye ba kokolela Moše wa gore o yemela Jehova. Byalo Miriyamo ne a tišupetsa gore aa hlompe Jehova. Tsotsone di makiye gore Jehova a kwate ka matla ke mokane a mo teye ka bolwele bya go jega dinama ba gore ba re ke lephera. Mo Aroni a mo kgopelela ga Moše gore a llele Jehova gore a fodise sesi wage, Modimo o yitseri king mara? Modimo a sanka a kakola magetla ke mokane a ngangarela ga taba ya go mo yahlula ka mokgo a hlayyeng. Ka taba la gore Jehova o tinyanafatsiye, o yye a theetsela Moše a boya a yalafa Miriyamo.—Dip. 12:​1-15.

⁷ Se sengwana sa go šupetsa gore Jehova o tinyanafatsiye ke nakwela a tshwaragana le taba ya Kgoši Hezekiya. Jehova o berekisiye moporofeta wage gore a botse kgoši gore o nyoko kgwa. Hezekiya o yye a lla ka sethaga a kgopela Jehova gore a mo yalafe. Wa tšiba, ka taba la gore Jehova a yi go kwelana gage, o yye a tokegela kgoši ka 15 ya mengwaga ya lephelo. (2 Mag. 20:​1, 5, 6) Ke nnete gore go tinyanafatsa go tšhofiye Jehova gore a kwelane go baba fote a sa jagele dilo.

8. King tso di šupetsang gore Jeso wa kwisisa? (Mareka 3:​1-6)

⁸ Jeso o mo yekisele ka mokgo mang ga Papage? Nakwela Jeso a le ho lefaseng, o yye a makela ba bangwana tsa gabutši mo a di bona gore dya hlokega. Mo re beyisa, o yye a yalafa batho ka Sabatha le mo bo ba go phigisa ba sa kwane natso tsotsone. (Bala Mareka 3:​1-6.) Jeso o yye a fo ya mahlong a šupetsa gore wa kwisisa ka taba la gore ke hlogo ya phutego ya Sekreste. Mo re beyisa, mo ye mongwana ka ho phutegong a sinya ka matla, o mo lefisela pelo gore a thogo tšhentšha.—Kut. 2:​2-5.

9. Re ka maka byang gore re nagane dilo re boye re di make ka mokgwa wa go šupetsa go kwisisa? (Lebelela le dithombhe.)

⁹ Re ka mo yekisela ka mokgo mang ga Jehova? Di nyaka re karakare ka matla gore re tshwane le Jehova ga taba ya go nagana re boya re maka dilo ka mokgwa wa go šupetsa go kwisisa. (Jak. 3:17) Mo re beyisa, babelegi ba gore baa kwisisa ba ka sa yemele gore bana ba bona ba make dilo tsa gore ba ka tshetsha natso la go šinya di ba kata le fase. Mošupetso wa gabutši re ka wo bona ga ditaba tsa Jakobo tsa gore re di kraya ga Genesi 33:​12-14. Di nyaka babelegi ba gore ba tinyanafatsiye fote baa kwisisa, ba liketse ka matla go kganela kgole le taba ya go tshwanisa bana ba bona ba re moketekete o phala ke moketekete. Le bagolo le bona di nyaka go be batho ba go kwisisa. Se sengwana ke gore a di nyake mogolo a tseya gore mo go bolabodiye yene ke moka di kwagele mara di nyaka a thege le tso bagolo ba bangwana ba di hlayang mo nkare a di lwisane le ditšhiko tsa Bhayibele. (1 Thim. 3:​2, 3) Fote ka mokana ga rune di nyaka re liketse ka matla gore re kwisise ka mokgo ba bangwana ba bonang dilo ka gona le mo re sa bone dilo go tshwana. (Marom. 14:1) Ye mongwana le ye mongwana ka ho phutegong di nyaka a karakare ka matla gore a make gore “go kwisisa ga lune go tšibe ke batho ka mokana ga bona.”—Mafil. 4:5.

JEHOVA O LEFISIYE PELO

10. Jehova o yye a šupetsa ka mekgwa yifeng gore o lefisa pelo?

¹⁰ Re ya tshepa gore o di bonne gore batho ba go ba le magetla a ba kwane natso tsa go lita. Magetla ma maka gore tsa go lefisa pelo go sa be layini ya bona. Wa tšiba Jehova aa ka mokgonone, yene o lefisa pelo go phala ye mongwana le ye mongwana! Mo re beyisa, phela Jehova ka dinako tsela tsa bo Nnowa o hlayye gore o nyoko yema go šinya go fela 120 ya mengwaga a soko bane a fetsa ka bo ba dipelo tse diphifadu. (Gen. 6:3) Tsotsone ne di rela gore Nnowa ke mo a na le nako ya gore a gudise bana bage a boye a yage areka a gelepa ke bona ba mutši wage. Ka nthago, Jehova o yye a theetsela a kene a lefisiye pelo nakwela Abhrahama a mo hlaba ka diputsiso ga taba yela ya go fetsa ka Sodoma le Ghomora. Re ya di tšiba gore motho wa magetla nke a yye a fetola ka gore, ‘Ke ntaba o mfokisa nkare ke nna sekgohlane!’ Mara ka taba la gore Jehova o tinyanafatsiye, o yye a fo lefisela Abhrahama pelo.—Gen. 18:​20-33.

11. Petro wa Mabedi 3:​9, yi re ke ntaba Jehova a šupetsa go lefisa pelo le ga nako ya rune?

¹¹ Phela le ka nako yowa ya rune Jehova wa šupetsa gore tsa go lefisa pelo ke tsage. O f’lo yemela nako yo a yi beyyeng gore go fele ka lefase lowa. Anthe ke ntaba a lefisa pelo ka mokgo? “Ka taba la gore aa nyake gore go kgwe le motho ka wwoši mara o nyaka gore ka mokana ga bona ba sokologe.” (Bala 2 Petro 3:9.) Ayitsano Jehova o f’lo lefisa pelo mahala? Awwa barena! Dimiliyoni tsa batho ba dipelo tsa go loka ba yye ba feleletsa go ba banghana bage. Fote ka mokana ga rune re tshepa re tiyisiye gore ba bangwana ba dimiliyoni ba sa nyoko maka ka mokgonone. Mara so re tshwaneleng re se tšibe ke gore Jehova a ka sa lefisi pelo takataka. Ke nnete gore Jehova o ba nyaka ka matla batho mara a ka sa fo dulela go ba dumelela gore ba timakelanye tsa bona. A ka sa dumelele gore tsa go befa di makege go ya go yye.—Habak. 2:3.

12. Jeso o yekisela taba ya go tinyanafatsa ga Jehova ka mokgo mang?

¹² Jeso o mo yekisele ka mokgo mang ga Papage? Jeso o fetsiye mengwagangwaga a kene a yekisela Jehova ga taba ya go lefisa pelo. Jeso o di bonne mo Sathane a sabalatsa matsaka ka Jehova le ka batho ba go tshepega. (Gen. 3:​4, 5; Jobo 1:11; Kut. 12:10) Fote Jeso o di bonne mo batho ba hlupegisa tse dingwana tsa gore o ka šitega le go hlaya. O fo nagana gore o di lambhele go segela kaye gore “a tl’le fetsa ka dilo ka mokana ga tsona tso Diyabolo a di makang”! (1 Joh. 3:8) Mara king sa go gelepa Jeso gore a yemele Jehova a kene a lefisiye pelo gore a mmotse gore a fetse ka mebereko ka mokana ga yona ya Diyabolo? Se sengwana ke gore ka taba la gore Jeso o tinyanafatsiye wa di tšiba gore ke Jehova ye a nyoko kgetang gore o fetsa leng ka lefase lowa.—Meber. 1:7.

13. Jeso o di makiye byang tsa gore a lefisele mapostola yage pelo fote ke ntaba a makiyeng ka mokgonone?

¹³ Nakwela Jeso a le ho lefaseng, le ga mapostola yage ne a ma lefisela pelo. Mo re beyisa, ka nakwela mapostola ma phigisana ma sa fetsi ka taba ya gore ke mang ye a nyoko bang ye mogolo gare ga wona, Jeso a sanka a re aritši, yene aa sa yi kena ya bona. Mara o f’lo ya mahlong a kene a ba lefisele pelo. (Lluk. 9:46; 22:​24-27) Ke mo a fo re mo nako yi kene yi ya ba ko tšhentšha. Ayitsano di yye dya go makegela tsa go fo boyelela tsetsela o di kekemisiyeng? Mo nkare go ka mokgonone, ayitsano a wo nape o ro hlakela ka taba la gore o na le Kgoši ya gore yi tinyanafatsiye fote yi lefisa pelo?

14. King so se ka re gelepang gore re lefise pelo?

¹⁴ Re ka mo yekisela ka mokgo mang ga Jehova? Mo re thomisa go “nagana go tshwana le Kreste,” re ba re sa lahlega ga taba ya gore re nyoko nagana re boya re maka dilo go tshwana le Jehova. (1 Makor. 2:16) Mara king so se ka re gelepang gore re nagane go tshwana le Kreste? A di nyake re teya moghughu. Di nyaka re bale Diebangedi. Ke mokane re tineye nako ya go nagana ka tso Jeso a di makiyeng le gore ke ntaba a di makiye. Fote di nyaka re kgopele Jehova a re gelepe gore le rune re tinyanafatse re boye re lefise pelo go tshwana le Jeso. Phela mo re kene re nagana go tshwana le Kreste re nyoko fo re di ngo tsa Modimo ka go tilefisela pelo rune beng re boya re maka tsotsone le ga magageru.—Mat. 18:​26-30, 35.

JEHOVA O BA TSEYELA HLOGONG BO BA GORE BA TINYANAFATSIYE

15. Jehova o šupetsiye ka mokgo mang gore wa resa mo re lebelela mantsu ya ma leng ga Pisalema 138:6?

¹⁵ Bala Pisalema 138:6. Phela sa go napa se tikisa pelo ke gore Ye a Makiyeng dilo wa ku Malenghelengheng o ba tseyela gedimo ka matla bo ba gore ba tinyanafatsiye! Lebelela mešupetso ya gore a ya tlala ke yowa, ya batho ba gore ba bangwana ne ba ba tseyela fase mara Jehova o yye a šupetsa gore o ba tseyela gedimo. Di ka makega gore ba bangwana ba gona a re ya tlwayela go kwa ka bona mara Jehova o ba tšhediye ka ho Bhayibeleng. Jehova o yye a hlohletsela Moše gore mo a ngwala a tšhele lebitso la ye wa go mo pasopa ba reng ke Debhora, wa gore o phidiye ka dinako tsa bapatriyareka. Debhora ke mo go le lelata la go tshepega la gore le fetsiye gana hala ga 125 ya mengwaga le berekela ba mutši wa Isaka le Jakobo! Le mo re sa tšibi tsa go tlala ka mosadi yewa wa go tshepega mara Jehova o makiye gore Moše a di ngwale fase tso a di makiyeng tsa go šupetsa gore ke mo a le gabutši ka matla. (Gen. 24:59; 35:​8, setw.) Ka nthago ga mengwagangwaga, Jehova o kgetiye Dafita wa go disa wa gore go sa le ye monyana gore go be kgoši ya setšhaba sa Israyele. (2 Sam. 22:​1, 36) Ka nthagonyana ga mo Jeso ba mmelegiye, Modimo o yye a romela mangeloyi ga mogoba wa ba go disa gore go be wona wa mathomo wa go tšiba gore ba belegiye Mesiya ku Bhetlelehema. (Lluk. 2:​8-11) Fote mo Josefa le Mariya ba yisa Jeso tempeleng, Jehova o makiye gore Simiyoni le Ana ba gore ba šele ba tsofele ba bone Morwayi ye wage. (Lluk. 2:​25-30, 36-38) Ke nnete gore “le mo Jehova a le kgakala, o mo tseyela hlogong ye wa gore o tinyanafatsiye”!

16. Jeso o mo yekisele ka mokgo mang ga Papage ga mokgwa wa go tshwara ba bangwana?

¹⁶ Jeso o mo yekisele ka mokgo mang ga Papage? Jeso ke mo a ba nyaka ka matla batho ba gore ba bangwana ke mo ba ba tseya go se selo. O yye a tšhutisa batho “ba go sa re selo ba gore fote a baa tšhutega” nnete ya Mmušo wa Modimo. (Meber. 4:13; Mat. 11:25) Jeso o yye a yalafa ba gore baa lwala a boya a maka tsotsone ka mokgwa wa gore le bona ba tikwe gore a go tshwane baa nyakiwa fote baa hlompiwa. (Lluk. 5:13) Bošego bya mafelelo bya mo Jeso a soko kgwa, o yye a hlapisa mapostola yage mawoto, ye lune, phela mmereko wone re tlwayele gore wo maka ke lelata. (Joh. 13:5) Fote mo a soko bane a yinugela legedimong, o yye a neya malata yage re ra le rune lekgono mmereko wa mayemo ya gedimo wa go gelepa ba bangwana gore ba kraye lephelo la go ya go yye.—Mat. 28:​19, 20.

17. Re ka šupetsa ka mokgo mang gore re hlompa ba bangwana fote re ya ba nyaka? (Lebelela le sethombhe.)

¹⁷ Re ka mo yekisela ka mokgo mang ga Jehova? Re ba re šupetsa gore batho re ba nyaka ka matla fote re ya ba hlompa mo re tšhomayela ditaba tsa go bafala ga ye mongwana le ye mongwana di sa yi ka gore o golele kaye, ke wa khala ya mohlobo mang o tšhutegiye kela dho. Fote re šupetsa gore magageru re ya ma hlompa mo re ma tseya ma re phala di sa yi ka gore ke mmereko wa mošaga mang wo re wo makang ka ho phutegong. (Mafil. 2:3) Wa tšiba Jehova o titeya sekguba ka rune mo a bona di re “tšhofa” gore re tshwarane ka mokgwa wa go šupetsa gore re ya nyakanana fote re ya hlompana.—Marom. 12:10; Zef. 3:12.

18. Ke ntaba o nyaka go yekisela go tinyanafatsa ga Jehova?

¹⁸ Mo re ka karakara ka matla gore re yekisele mokgwa wa go tinyanafatsa wa Papa wa rune wa ku legedimong, phela re nyoko ba re kenega, re le batho ba go kwisisa re boya re teya re tshwarelele ga taba ya go lefisa pelo. Fote re nyoko fo re di ngo tsa Jehova ga taba ya go nyaka ba bangwana re boya re ba hlompa. Nkare taba ya gore re wa re tsoga gore re thogo šutela thina le Modimo yi ka maka gore a sa nyake go kwa selo ka rune!—Jes. 43:4.