BO BA GORE BA SA GOLA BAA BUTSISA
Nka Maka Byang Gore ke sa Gate ka ho le ka ho?
Ka dinako tse dingwana, ba bangwana bo ba rapelang Modimo ba tiputsisa gore ayitsano go phela ka melawo ya Modimo ke go fo sinya nako kela matšhika ya bona. (Pisalema 73:2, 3) Ba feleletsa ba maka dilo tsa gore a di sipidisane le melawo ya Jehova ka makhukhung, gore bo ba rapelang nabo ba sa bone mekgwa yone ya bona.
Hlogotaba yowa ba yi makele batho ba gore ba yye ba maka dilo tsa mošaga wone mara gana byalo ba tikemisele go tlubola mekgwa yone.
Ga hlogotaba yowa re nyoko bolabola ka dilo tsowa
King go gata ka ho le ka ho?
Go gata ka ho le ka ho go rela gore mo o na le dithaka tsago tsa gore a di theetsele Jehova o maka dilo tsa kekema; mara mo o na le batho ba ka phutegong o maka nkare o nyaka go berekela Jehova. Di fo tshwana le mo nkare o phela maphelo ka mabedi ya gore a ma tshwane.
“Go gata ka ho le ka ho go tshwana le go wutetsa maphelelo yago, a gona ye a nyoko tšibang gore o motho wa mašaga mang. Gabutšibutši go gata ka ho le ka ho ke mong bošakašakane.”—Erin.
Nje o di kwelele? Go phela maphelo ka mabedi go tshwana le go maka dilo tsa makhukhung, tso o di tšibang gore Jehova aa kwane natso.
“Mo ke na le 14 ya mengwaga ke thomisiye go lebelela dithombhe le dividiyo tsa go sa yela ho inthaneteng. Mo ke na le batho ba bangwana ne ke maka nkare ke nyenya dithombhe tsa batho ba go sa tšwara mara ne ke tšiba gore ka ho pelong a ke rese.”—Nolan.
Tšhiko ya Bhayibele: “Aa šiyo wa gore a ka ba lelata la magoši ka mabedi, ka taba la gore o nyoko kwana le ye mongwana ke mokane a nyenya ye mongwana.”—Matewu 6:24.
Ayitsano go gata ka ho le ka ho go maka gore ke be motho wa go sa loka?
A di nape di ba ka mokgonone. Mara batho ba bangwana ba kgetiye gore a ba nyake go phela ka melawo ya Bhayibele. Ayitsano tsotsone ke nnete le mo gago? Kela go na le tso di go šitisang tsa go tshwana le:
Go tikwa o se gabutši mo o sa make tso dithaka tsago di di makang.
O tikwa o tlwayelanne ka matla le bo o kenang nabo sekolo go phala batho ba ka ho phutegong.
O tikwa o se na matšhika fote dya go thathafalela go latelela melawo ka mokana ga yona ya Modimo.
“Ke nagana gore bo ba gore ba sa gola ba gore ba gata ka ho le ka ho ba tikwa ba lukulugiye mo ba na le batho ba go fo tiphelela lephelo la go sa hlamatsega, ka gore le bona ba nyaka go phela lephelo la mošaga wonone.”—David.
Eya, tsotsone ke tsona di makang gore ba nyake go phela maphelo ka mabedi. Mara tsotsone di rela gore le batho ba go loka ba ka šohlomela. Mo tsa mošaga wonone di ka fo tšhoga di go makegele o ka maka byang?
Nka maka byang gore ke lisetse go gata ka ho le ka ho?
1. Tipombhole o bone gore o phela lephelo la mošaga mang. Tiputsise gore: ‘Ayitsano ka nnete ke motho ye ke nyakang go ba yene? Mo nkare ke motho ye ke sa nyakeng go ba yene maphomela go ko ba mafeng?’
Tšhiko ya Bhayibele: “Motho wa go tseya gabutši wa di bona mo go šutela kotsi . . . , mara wa gore aa soko butšwa o fo rwalagana a kene a ya gana ku, a ye goromeleng.”—Diyema 27:12.
2. O sa hlaye matsaka. Bolabodisana le babelegi bago ka taba yone kela monghanago wa gore o butšwiye wa gore o latelela melawo ya Jehova. Wa tšiba ba nyoko jabola ka matla mo o tla ga bona o nyaka go gelepiwa. Fote ba nyoko titeya sekguba ka wene mo ba bona gore o nyaka go maka tsa gabutši!
Mo nkare o yye wa logela ga go phela maphelo ka mabedi, barena kgopela gore ba go gelepe
“Ne di se lula gore ke botse batho ba bangwana tso ke di kekemisiyeng mara ka nthago ga mo ke ba butsiye ke yye ka tikwa ke yimulugiye.”—Nolan.
Tšhiko ya Bhayibele: “Ye a makang tsa go befa a boya a di wutametsa a ka sa phomolele, mara ye a di ntshelang tawong a boya a sa sa di maka o nyoko kwediwa go baba.”—Diyema 28:13.
3. Yamogela maphomela. O sa lebale gore mo nkare go na le tso o yyeng wa wutametsela babelegi bago le ba ka ho phutegong di ka sa sa ba lula gore ba go tshepe fote. Ka taba la tsotsone babelegi bago le bagolo ba ka ho phutegong ba nyoko go kgerela gore o sa sa maka dilo tse dingwana. Yamogela maphomela yane ke mokane o tikemisele “go tshepega ga dilo ka mokana ga tsona” go tlugisela gana byalo go ya mahlong.—Maheberu 13:18.
Tšhiko ya Bhayibele: “Theetsela mo ba go wolola fote o sa gane mo ba go kgala gore o thogo hlalefa ku mahlong.”—Diyema 19:20
4. O sa kamake gore Modimo o go nyaka ka matla. Ka taba la gore Jehova o re nyaka ka matla o kgona go bona se sengwana le se sengwana so re se makang. Byalo mo nkare o phela maphelo ka mabedi wa di bona fote tsotsone di mo kwisa go baba. Fote ‘ka taba la gore wa tihlupa ka wene,’ o nyaka go go gelepa gore o tšhentšhe mekgwa yago.—1 Petro 5:7.
Tšhiko ya Bhayibele: “Maahlo ya Jehova ma bona lefase lo ka mokana ga lona, gore a thogo šupetsa ka mokgo a nang le matšhika, ka go pasopa batho ba gore ba mo nyaka ka dipelo tsa bona di felele.”—2 Dikoronika 16:9.