Dihlatse Tsa Jehova di ba Tshwara Byang Batho bo ne ba Rapela Nabo?

Re liketsa ka matla go šupetsa batho ka moka gore re ya ba nyaka, re ba kwela go baba fote re ya ba hlompa. Mo Hlatse ya Jehova yi thomisa go sa sa tlalela ga tso tsa Modimo kela yi lisetsa go mo rapela, ra mo šutelela,a re mo šupetsa gore re ya mo nyaka, re boya re mo gelepa gore a boyele a be monghana wa Modimo.—Luka 15:4-7.

Ga tlele, tso motho a di makang ke tsona di feleletsang di mo tlosa ka phutegong. (1 Makorente 5:13) Mara, ka taba la gore re nyaka magageru ka matla, re maka so re ka se kgonang gore re busetse motho yene pateng a soko bane a tlosiwa. Le mo a na a tlosiwwe, re sa na re mo šupetsa gore re mo nyaka ka matla le go mo hlompa go ya ka mokgo Bhayibele yi re hlohletselang gore re make ka gona.—Mareka 12:31; 1 Petro 2:17.

King so se makang gore motho a feleletse a tlosiwwe ka phutegong?

Bhayibele yi hlaya gore mo Mokreste a ka sinya ka matla a boya a gana go tšhentšha, di nyaka a tlosiwe ka phutegong.b (1 Makorente 5:11-13) Bhayibele yi re botsa dilo tse dikgolo tsa go sa loka tso di ka makang gore motho a feleletse a tlosiwwe ka phutegong. Mo re beyisa, yi re ke bonghwahla, go tlayila, go bolaya, ba go hlorisa ba bangwana le batho ba go yetswa.—1 Makorente 6:9, 10; Magalata 5:19-21; 1 Thimothi 1:9, 10.

Le mo go le ka mokgonone, a re fo yakgoswela go tlosa motho wa gore o sinnye ka matla ka phutegong. Bagolo ka phutegongc ba thomisa ba liketsa go gelepa motho yene gore a tšhentšhe mekgwa yage. (Maroma 2:4) Ba garagara ka matla go segelela pelo yage ba sa mo kgwasolanye, ba mo kwela go baba ba boya ba mo šupetsa go loka. (Magalata 6:1) Mo ba kene ba bolabola naye ka mokgonone, ba gelepa motho yene gore a bone tso a di kekemisiyeng ke mokane a tisole. (2 Thimothi 2:24-26) Mara, mo motho yene a fo ya mahlong a maka tso Bhayibele yi reng a di ya loka, a boya a sa tisole le mo bagolo ba liketsiye go mo gelepa, motho yene o nyoko tlosiwa ka phutegong. Ke mokane bagolo ba nyoko tšibisa phutego gore motho yene a go sa le Hlatse ya Jehova.

Bagolo ka babedi ba balela mosogana ye mongwana ditemanyana tsa Bhayibele. Ye mongwana wa bagolo bone o beyye letsogo lage gedimo ga mosogana yene mo a kene a bolabola naye. — Bagolo ba garagara ka matla go segelela pelo ya ye a sinnyeng ba sa mo kgwasolanye, ba mo kwela go baba ba boya ba mo šupetsa go loka

King so ba nyakang go se segelela mo ba šinya ba tlosa motho yene wa gore o fo nyaka go ya mahlong a maka tsa go befa? Sa mathomo, batho ba ka phutegong ba phela ka melawo ya go loka ya Modimo byalo re ba re ba tšhireletsa gore ba sa kene ke mekgwa ya go sa loka ya motho yene. (1 Makorente 5:6; 15:33; 1 Petro 1:16) Go tokegela gana hone, mo ye wa go sinya a tlosiwa ka phutegong, tsotsone di ka mo tšhofa gore a lisetse tsa go befa tso a di makang.—Maheberu 12:11.

Dihlatse Tsa Jehova di ba tshwara byang bo ba gore ba tlosiwwe ka phutegong?

Bhayibele yi hlaya gore Makreste di nyaka ma “lisetse go nghanelana” le motho wa gore o tlosiwwe ka phutegong, “motho wa mošaga wonone le go ja le sa ji naye.” (1 Makorente 5:11) Byalo a re nghanelane le motho wa gore o tlosiwwe ka phutegong. Mara, a re nape re tšwa gage re sa sa nyaka go kwa selo ka yene. Re ya mo hlompa. A ka tla megahlanong ya rune, ga gore Dihlatse Tsa Jehova di ko segela di mo tamisa.d Fote a ka kgopela bagolo gore ba mo gelepe gore a boye ka phutegong.

Monna ye mongwana le mosadi wage ba tamisa mosadi ye mongwana wa gore o tlosiwwe ka phutegong ba le Holong ya Mmušo. — Bo ba gore ba tlosiwwe ka phutegong baa yamogelega gore ba ka tla megahlanong ya phutego

Go nyoko makega ying mo ye mongwana wa gore o šadhiye a tlosiwwe ka phutegong mara o kraya ba mutši wage ka mokana ga wona go sa le Dihlatse Tsa Jehova? Yene le ba mutši wage go sa na go le selo ka ssoši le mo a sa sa le Hlatse ya Jehova. Ka taba la gore ba dula ka mutšing ka wo teya, ba nyoko ya mahlong ba nyakanana le go tshwarana gabutši byalo ka mutši.

Motho wa gore o tlosiwwe ka phutegong a ka kgopela bagolo gore ba mo vakašele, ba mo tiyise ka Mangwalo gore a thogo tisola a boyele ga Modimo. (Zakariya 1:3) Mo a ka lisetsa tsa go befa tso ne a di maka ke mokane a boyela a phela ka melawo ya Bhayibele, motho yene a ka busetsiwa ka phutegong fote. Phutego yi nyoko mo ‘tshwarela fote yi mo kgomoletse,’go fo tshwana le ka mokgo Makreste ya ku Korente ne ma maka ka gona mo ye a sinnyeng a tšhentšha mekgwa yage.—2 Makorente 2:6-8.

Bo ba gore ba yye ba tlosiwa ka phutegong ba tikwa byang gana byalo?

Kwang Dihlatse tse dingwana tsa Jehova tsa gore di yye dya tlosiwa ka phutegong ke mokane ka nthago dya boyela ga Modimo.

“Mo ke boyela ka phutegong, ne ke nagana gore bagolo ba ko nyaka go tšiba dilo ka moka tso ne ke di maka go tlugisela ke tlosiwwe ka phutegong. Mara ba yitseri, ‘Re nyaka o lebelele tso o nyoko di makang ku mahlong.’ Ka nthago ga hone, ke kwile ke yimulugiye.”—Maria, United States.

“Phutego ne yi jabodiye ka matla mo ke boyela. Ne ke tikwa gore le nna ke motho. Magageru ma n’gelepiye gore ke tikwe gore Jehova o ntshwarele fote ke sa šekele ka tso di makegiyeng ku nthago. Bagolo ne ba n’gelepa gore ke boyele ke tiyise senghana saka le Jehova fote. Ba nkgomoletsiye ba boya ba n’gelepa gore ke thogo bona gore Jehova o sa nnyaka fote o ntseyela gedimo.”—Malcom, Sierra Leone.

“Di ya njabodisa gore Jehova o nyaka batho bage ka matla fote o maka gore mokgahlo wage wo dule wo yediye. Le mo batho ba bangwana ba bona nkare ke lešidi go ntsha motho ka phutegong mara ke selo sa gabutši so se tshwaneleng se makiwe. Ke leboga ke sa fetsi gore Papa wa rune wa magedimong ke Modimo wa go nyakanana fote wa tshwarelana.”—Sandi, United States.

Tso di hlayang ke bo ba go bereka ka tsa molawo ba gore a yi Dihlatse Tsa Jehova

Ba dikhota le bo ba go bereka ka tsa molawo ba re king mo Dihlatse Tsa Jehova di tlosa motho ka phutegong wa gore o sinnye ka matla fote a sa tisole? Kwang tso ba di hlayang.

“Di ya kwagala gore sedumedi sa gore se latelela molawo wa Modimo sa boya sa berekisa ditšhiko tsa Bhayibele, se nyoko ba le matšhika ya go tlosa motho wa gore aa latelele ditšhiko tsone. Sosone a yi fo ba taba nje mara ke taba ye kgolo ka gore mo motho a sa nyake go latelela ditšhiko tsa Bhayibele aa tshwanelege go ba ga sedumedi sone, mo a ka sa tlosiwi ka phutegong mekgwa yage ya go befa yi ka tshilela bo ba gore ba berekisa ditšhiko tsone.”—Khota ye Kgolo ya go Yemela Batho, ya England le Wales, June 7, 2019.
“Dikhota tsa Yuropo le tsa dinaga tse dingwana di krayye gore sepheto sa go [tlosa] motho wa gore o sinnye ka phutegong . . . se molawong fote a go na molawo wo wo ka thibelang Dihlatse Tsa Jehova go maka ka mokgonone. . . kela le mong khota ye kgolo a yi na matšhika ya go kenisa nko.”—Phrofesa Paulo Pinto de Albuquerque, wa gore ne go le wa go yahlula ga Khota ya Yuropo ya go Yemela Batho.

a Le mo re ka fo ba re bolabodiye gore motho yene ke monna, ditaba tso di leng ho ga hlogotaba yowa di bereka ga banna le basadi.

b Ku nthago, lentsu lo la go ntshiwa ka phutego ke mo le rela bo ba go sinya ba boya ba sa šupetsi gore baa tisola. Mara gana byalo re berekisa lentsu lo le leng ka Bhayibeleng la gore le rela go tlosiwa ka phutegong.

c Bagolo ke banna ba Makreste ba gore ba butšwiye, ba tšhutisa tso di leng ka Mangwalong fote ba disa batho ba Jehova ka go ba gelepa le go ba tiyisa. A ba gole.—1 Petro 5:1-3.

d Ka dinako tsa go tlala, motho ye a sinnyeng aa fo šiya phutego mara o liketsa go hlohletsela ba bangwana gore le bona ba make tso a di makang. Mo tsotsone di makega, re latelela molawo wo wo leng ka Bhayibeleng wa gore “le go mo tamisa le sa mo tamisi” motho yene.—2 Johane 9-11.