Re Makiye Gore Mmereko wa go Phrintha wo be Lula Gore re Gelepe “Batho ba Mohlobo ka Moka”

Jehova Modimo o nyaka gore ‘batho ka mokana ga bona ba tšibe mong yona nnete.’ (1 Thimothi 2:3, 4) Le mo go le ka mokgonone, magageru ya banna le ya basadi le bo re ba tšhomayelelang ba bolabola mebolabolo ya go tlala. Mongwaga wo mongwana le wo mongwana, go phrinthiwa dipuku tsa go teya gana hala ga 2 ya dibhiliyoni ka mebolabolo yonone. Ke dilo di feng tso re di makang gore re kgone go maka dipuku tsa go bolabola ka Bhayibele ka mebolabolo yo ya go tlala, re kene re berekisa moneyelo gabutši?

Paranyana ya ga go Phrinthela Gona, Metšhini ya go Bereka Gabutši

Ka bo ma 1980 ne re phrintha dimakazini ga dinaga tsa go teya ka ku ga 40. Go tlugisela gana hone, re napiye re tšhentšha ka mokgo ne re maka dilo ka gona, gana byalo re phrintha ga nkokwane ya dipoleke fela. Mara ka dinako tsotsone, nombhoro ya mebolabolo yo ne re tlwayele go maka dikgatiso tsa yona yi yye yi gola ka diphesente tsa go teya gana hala ga 500. Ne re nyoko kgona byang go phrintha mebolabolo ya go tlala ka matla re berekisa paranyana ya ga go phrinthela gona? Sa go jabodisa ka matla ke gore re na le metšhini ya go bereka gabutši.

Metšhini ya nyuwane ya go phrintha, yi kgona go phrintha dikgatiso tsa go tlala ka senakonyana. Ga metšhini ya botala, ke mo di nyaka re fetsa nako ya go tlala re kene re tšhentšhatšhentšha dilo gore re thogo phrintha. Gana byalo, ga metšhini yo ya go bereka gabutši re fo re kgwapo-kgwapo mo go na le so di nyakang re se tšhentšha. Re kgona go maka mmereko wa go tlala ka go yakgoswa, gana hone go kena le go phrintha dikgatiso tsa mebolabolo ya batho ba go sa tlala. Le mo go le ka mokgonone, mmereko wo mongwana le wo mongwana wo nyaka dilo tsa nyuwane tso ba di berekisang mo ba phrintha. Ga 12 ya dikgwedi tso di sa tšwang go feta, re berekisiye tšheleta ya go teya gana hala ga R35 520 000 ga dilo tso ba di berekisang mo ba phrintha.a Byalo, ga mmereko wo monyana re berekisa metšhini ya gore a yi nyake dilo tsa go phrintha. Metšhini yowa, le ya gore yi berekisa theknoloji gabutši di kgona go gatisa paranyana ya dikgatiso go sa berekisiwi tšheleta ya go tlala fote a go na dilo tsa go tlala tsa gore di nyoko lahliwa.

Ga kararo ya mengwaga ya go fela, lefaseng ka mokana ga lona, re berekisiye tšheleta ya go teya ka ku ga R177 600 000 go lukisa diphrintha le metšhini ya gore ba berekisa yona mo ba gahlanisa dikgatiso. Bona ka mokgo re berekisang metšhini ye mengwana gore re kgone go maka Dibhayibele. Ku botala ne di nyaka ba make dilo tsa go teya ka ku ga 40 gore ba thogo maka Dibhayibele ka nthago ga mo ba di phrinthiye—gana hone go kena go roka, go kupa, go yi lukisa le tse dingwana. Go tokegela gana hone, ne di nyaka gore re tlose Dibhayibele tsone re di pake gabutši mo go kene go phrinthiwa. Lekgono, go fo makiwa lesome la dilo ka taba la gore dilo tsa go tlala di maka ke metšhini yone mo yi kene yi rwala Dibhayibele tsone yi di yisa tlase le kgakala. Re pomme mmereko wa matsogo wa Dibhayibele wo ne wo makiwa ka 55 ya diphesente. Ku lekaleng la Japane, ne re kgona go maka Dibhayibele tsa go teya ga 2 000 ka mabala ya diawara tse dingwana le tse dingwana. Gana byalo, ka nako ya go lekana le yonone ba kgona go maka gana hala ga 35 000 ya Dibhayibele!

Re Seketša Sekwetše ka go sa sa Reka Dilo Tsa go Tlala

Dilo tsone ka moka tso di tšhentšhiyeng di makiye gore re sa sinyi tšheleta ya meneyelo. Mo re beyisa, gana byalo ka gore re kgona go dula re phrintha dilo tsa go sa tlala, re kgonne go poma dikgatiso tso re di beyang mo re phrinthelang gona. Gary wa go bereka lekaleng la United States o re, “Mathomisong ne re bona di sa kwagale go phrintha dikgatiso tsa go sa tlala ka gore ne re dula re di maka thina le thina. Gary o tokegela ka gore “di ka bonala di le gabutši go phrintha dipuku tsa go tlala ga teya.” Fote o re: “Ka mongwaga wa mathomo ka nthago ga go phrintha dikgatiso tsa go sa tlala thina le thina, tšheleta yo re yi berekisiyeng mo re phrintha le dilo tso re di lahliyeng di makiye R1 065 600. Le mo go le ka mokgonone, re seketšiye tšheleta ya go teya ka ku ga R26 640 000 ka mongwaga ga dilo tsa go yelana le maphephe le dipuku tsa gore di phrinthiwwe!” Tšheleta yo re yi seketšiyeng yi yisiwwe ga dilo tse dingwana tse dikgolo tso di gayelang, tsa go tshwana le go yaga Diholo tsa Mmušo le ga tsa go yimmulla mo go makegiye dikotsi tsa hlago.

Ka gore a re sa na metšhini ya go tlala, go šele go na le mo re ka beyang dilo ga diofisi tsa makala ga gore re phrinthela ga tsona. Lekala le berekisa poleke yone go maka dilo tse dingwana hala Bhethele. Go tokegela hone, ka gore re phrintha dikgatiso ga dipoleke tsa go sa tlala, a re sa yaga meyago ye megolo ya nyuwane. Mo re beyisa, mmereko wa go phrintha wo ne wo makiwa lekaleng la Bhrithani, wo makiwa hala lekaleng la Segare sa Yuropo go tlugisela ka 2018. Tsotsone di seketšiye dimiliyoni tsa didhola mo go yagiwa lekala la nyuwane hala Chelmsford, England.

“A wa Nlebala!”

Selo se segolo ke gore mokgwa wowa wa go tšhentšha dilo wo gelepiye batho gore ba tlalele ga tso tsa Modimo. Gana byalo, re kgona go phrintha mebolabolo ya go tlala le mo go ka fo ba go nyakega paranyana ya dikgatiso. Mo re beyisa, go na le gana hala ga 35 000 ya batho ba go bolabola Sewallisia ba go dula New Caledonia le hala Wallis le Futuna. Mara ka August 2024, re ntshiye Bhayibele ya go felegelela ya Hlatollo ya Lefase la Nyuwane ya Mangwalo ya go Hlawolega ka Sewallisia. Motšhomayedi ye mongwana wa go bolabola Sewallisia ye bareng ke Selafina o hlayye gore: “Ne ke bala mantsu ya go thathafa ga Bhayibele ya Sefora ya gore ne ke sa ma kwisisi. Byalo mo ke kraya Bhayibele ka Sewallisia ke yye ka fogafoga dinepedi. Ka rapela ka re, ‘Wene Jehova, a wa nlebala! O Modimo wa go sa hlawolane.’”

Le mo nkare go na le batho ba gore a ba segele ga 500 000 hala Democratic Republic of the Congo ba gore ba bolabola Sesanga, go na le puku ya go felegelela ya Tikwise ka Lephelo go ya go Yye! ka mmolabolo wone. Josué wa go tšwa ga phutego ya mmolabolo wa Sesanga o re: “Ne di nyaka gore ke karakare ka matla gore ke šihlele kela go hlatolla mantsu ya mangwana ga bo ke balang nabo Bhayibele. Fote ka dinako tse dingwana bo ke balang nabo ne ba sa kwisisi so ne se hlaya ke puku yowa. Re fo teya re tshwarelele gana byalo ka gore re na le puku yowa ka Sesanga! Gana byalo bo ke balang nabo ba kwisisa so ba se tšhutang fote a di sa nyaka gore ke tseye nako ya go lefa ke ba hlatollela.”

Re neya batho dikgatiso tsa go bolabola ka Bhayibele ka mebolabolo ya go tlala ka matla go phala mathomisong. Meneyelo ya lune, gana hone go kena le yo le yi ntshang ga donate.jw.org, ke yona yi re gelepiyeng gore re make ka mokgonone. Re leboga ka matla gore a le konane.