Ruthi le Nawomi

Mo go na le tlala ku Israyele, mosadi ye mongwana wa Leisrayele ye ba reng ke Nawomi o yye a rurela Mowaba le monnage le barwayi bage ka babedi. Ka nthago, monna wa Nawomi o yye a hlokofala. Barwayi bage ba yye ba šadha Ruthi le Oropa ba gore ke Mamowaba. Sa go kwisa go baba ke gore mo nako yi kene yi ya, barwayi ba Nawomi le bona ba yye ba hlokofala.

Mo Nawomi a di kwelela gore tlala yi fediye ku Israyele, o yye a kgeta go sologa a boyela gaye. Ruthi le Oropa ba yye ba sepela naye, mara mo ba le tseleng, Nawomi o yye a ba botsa gore: ‘Ne le le basadi ba gabutši ga barwayi baka fote le le bomakoti ba gabutši gaka. Ke nyaka gore ka babedi ga lune le ye le šadhe fote. Ariyeneng gaye Mowaba.’ Basadi bone ba re: ‘Re go nyaka ka matla! A re nyake go go šiya.’ Nawomi o yye mahlong a ba botsa gore ba sepele. Mafelelong, Oropa o yye a boyela morago, mara Ruthi a šala. Nawomi o mmotsiye gore: ‘Oropa o boyela gaye le ga medimo ya gabo. Sepela naye, boyela ga mmane wago.’ Mara Ruthi a re: ‘Nka sa go šiyi. Batho bago go nyoko ba batho baka, le Modimo wago go nyoko ba Modimo waka.’ O nagana gore Nawomi ne a tikwa byang mo Ruthi a mmotsa mantsu yane?

Ruthi le Nawomi ba segele Israyele nakwela ba thomisa go buna mabelethoro. Tšatše’nngwana, Ruthi o yye a hlokotša mabelethoro ga tšhomo ya monna ye ba reng ke Bhowase, wa gore ne go le morwayi wa Rahaba. O di kwelele gore Ruthi ne go le mosadi wa Lemowaba, wa gore o yye a dula a tshepegela Nawomi. O yye a botsa dibereki tsage gore di šiye mabelethoro mašemong gore Ruthi a thogo ma kotela.

Ka malobana wa gona, Nawomi o butsisiye Ruthi gore: ‘Ke mo o hlokotša kaye lekgono?’ Ruthi o yitseri: ‘Ga mašemo ya monna ye ba reng ke Bhowase.’ Nawomi a re: ‘Bhowase ke lešaga la monnaka. Ariye mahlong o bereka mašemong yage le malata yage ya basadi. O ko ba o pasopegiye gana mone.’

Ruthi o yye mahlong a bereka mašemong ya Bhowase go segela ba fetsa go buna. Bhowase o di bonne gore Ruthi ke mosadi wa go bereka ka matla fote o titshwere gabutši. Ku botala, mo monna a ka kgwa a se na barwayi, lešaga lage ne le nyoko šadha mosadi wage. Byalo Bhowase o yye a šadha Ruthi. Ba biye le morwayi ye ba reng ke Obete, wa gore o tlile a ba kokwane wa monna wa Kgoši Dafita. Banghana ba Nawomi ne ba jabodiye ka matla. Ba yitseri: ‘Sa mathomo, Jehova o go neyye Ruthi, wa gore ne a go tshwere gabutši, fote gana byalo o go neyye motlogolo. Go thanakiwe Jehova.’