Phela le Wene Jehova o go Tseyela Gedimo!

1-2. Re ka gelepa king gore re thogo tshepa re tiyisiye gore Jehova o re tseyela gedimo?

PHELA ba bangwana ga malata ya Jehova ba kwa ba sa di tshepe tsa gore Jehova o ba tseyela gedimo. Nakwenngwana ye mongwana o ba tshwere ka mokgwa wa gore ba tikwe nkare ba fo ba ditšiya tsa ditoto. Ayitsano le wene di yye dya go tlela tsotsone? Mo nkare go ka mokgonone, o ka gelepa king gore o di tshepe o tiyisiye tsa gore Jehova o go tseyela gedimo?

² Nakwenngwana go fo sikela ditaba tsa ka ho Bhayibeleng go ka go gelepa gore o thogo di bona gore Jehova o nyaka gore batho ba ba tshware byang. Phela Morwayi wage Jeso, ke mo a hlompa batho a boya a ba tshwara gabutši. Tsotsone ne di fo re šupetsa gore yene le Papage ba ba tseyela gedimo bo ba gore ba titseya nkare go fo ba bona maphephe ya gore ma rwalagana ka moya. (Joh. 5:19; Maheb. 1:3) Ga hlogotaba yowa, re nyoko petapeta ka gore: (1) Jeso o gelepiye batho byang gore ba sa titseyele fase? le gore (2) re ka di tshepa byang re tiyisiye gore nnete Jehova o re tseyela gedimo?—Hagh. 2:7.

JESO O GELEPIYE BATHO BYANG GORE BA SA TITSEYELE FASE?

3. Jeso o yye a ma tshwara byang Magaleliya ya gore ne ma nyaka gore a ma gelepe?

³ Nakwela Jeso a tšhomayela ku Galeliya, moririmane wa batho wo yye wa mo kgobakanela gore wo mo theetsele le gore a wo yalafe. Jeso o yitseri moririmane wone ‘ke mo wo šigamme fote wo lahlegiye go tshwana le dinku tsa gore a di na wa go di disa.’ (Mat. 9:36) Bo ba go ba yeta mahlong ga tsa sedumedi ne ba ba tseyela fase ba boya ba re “Modimo aa jabodisi ke batho [bone].” (Joh. 7:​47-49) Mara Jeso o šupetsiye gore o ba tseyela gedimo ka go ba tšhutisa a boya a ba yalafa malwele ya bona. (Mat. 9:35) Go tokegela gana hone, go šupetsa gore ne a di nyaka ka matla go gelepa batho ba go tlala, o yye a tšhutisa mapostola yage mmereko wa go tšhomayela a boya a ma botsa gore ma ‘yalafe ba gore baa lwala.’—Mat. 10:​5-8.

4. Re tšhuta ying ga mokgwa wo Jeso ne a tshwara bo ba gore ne ba ba tseyela fase?

⁴ Jeso o yye a ba tshwara gabutši bo ne ba mo theetsele a boya a ba hlompa go šupetsa gore yene le Papage ba ba tseyela gedimo bo ba gore ba bangwana ba ba tseyela fase. Mo nkare le wene o berekela Jehova mara o fo kwa o titseyela fase, o fo nagana ka mokgo Jeso ne a tshwara batho bo ne ba nyaka go tšhuta gage. Phela mo o ka maka ka mokgonone, di ko go gelepa gore o di bone gore Jehova o go tseyela gedimo go segela kaye.

5. Re tšiba ying ka mosadi yela wa gore Jeso o gahlanne naye Galeliya?

⁵ Jeso ne a sa tšhutisi mo batho ba tlele fela mara mo a kraya motho a le ntoši, ke mo a kena fase a mo tšhutisa a boya a mo gelepa. Mo re beyisa, nakwela Jeso a tšhomayela ku Galeliya, o yye a gahlana le mosadi wa gore o fetsiye 12 ya mengwaga a hlupa ke bolwele bya go fo ya nakong a sa fetsi. (Marek. 5:25) Phela go ya ka Molawo, mosadi yene ne a sa yela fote ye mongwana le ye mongwana ye a mo tikisang ne a thilafala. Byalo, di ya šupetsa gore ne a fo phela a le ntoši. Go tokegela gana hone, ne a phuka ke tsa go tlala go tshwana le go rapela Jehova a na le ba bangwana sinagogeng kela mo go na le menyanya. (Lef. 15:​19, 25) Wa tšiba, a di makatse mo mosadi yene a yye a tikwa nkare a yi yene motho ka taba la gore bolwele le byona ne bo sa mo lisetsi.—Marek. 5:26.

6. Mosadi wa gore ne a fo ya nakong a sa fetsi o yye a maka ying gore ba thogo mo yalafa?

⁶ Wa tšiba, ka mokgo mosadi yene ne a kwa go sasamela ka gona, ne a fo nyaka gore Jeso a mo yalafe. Mara a sanka a mo kgopela gore a mo yalafe. Ke ntaba mara? Di ka makega gore bolwele byone byage ne bo mo tšebisa. Kela nakwenngwana ne a tshosa ke gore Jeso ne a ka mo raka ka taba la gore ne a nagana gore o nyoko re o nyaka ying gare ga mogoba a kene a di tšiba gore o thilafele. Byalo, o f’lo tikisa kobo ya Jeso ya ka tawong, a sa kamake le ka gonyana gore mo a ka fo maka ka mokgonone, a go jiki o nyoko fola. (Marek. 5:​27, 28) Ye lune, tumelo yage ne go se ya mahala—o yye a fola! Byalo, Jeso o yye a butsisa gore o tikisiye ke mang, ke mokane mosadi yela a mmotsa gore ke yene. Jeso o f’lo re king?

7. Jeso o yye a mo tshwara byang ga mosadi yela wa gore ne a kwa go baba ka matla? (Mareka 5:34)

⁷ Jeso o yye a tshwara mosadi yene gabutši a boya a šupetsa gore wa mo hlompa. O mmonne gore ne a “tšhugiye fote a hlagasela.” (Marek. 5:33) A sanka a takisa maahlo ka mokgo mosadi yene ne a tikwa ka gona, byalo o yye a mmolabodisa gabutši a boya a mo tiyisa. Fote o yye a re ke “morwediya”—mo Jeso a šinya a berekisa lentsu lowa, ke mo a sa fo šupetsa gore wa mo hlompa fela mara ne a šupetsa le gore o mo tshwara gabutši fote o mo nyaka ka matla. (Bala Mareka 5:34.) Howa ke gona fela ka ho Bhayibeleng ga gore Jeso o yye a bitsa mosadi gore ke “morwediya.” Di ka makega gore o yye a berekisa lentsu lowa la gabutši ga seyemo sowa ka taba la gore o di bonne gore mosadi yela wa batho barena, ke mo a hlagasela. O fo nagana nje gore o yye a tikwa a yimulugiye go segela kaye! Hala Jeso a sa bolabola naye monate, yene nke a tikele gaye a fodiye mara pelo yowa ne yi nyoko wopa ka taba la go tikwa molato. Wa tšiba, Jeso ne a nyaka go maka tsa go feta go fo mo fodisa. Ke mo a nyaka gore mosadi yene a di tšibe tsa gore ke morwediya wa Papa wa go nyakanana wa ku legedimo fote O mo tseyela gedimo.

8. Ke dintshitshire tsa mošaga mang tso mogageru wa mosadi wa hala Brazil a yyeng a kikirisana natso?

⁸ Le lekgono, malata ya mangwana ya Jehova ma katiye fase ke malwele ya gore ma ba šiya ba kgahleletsegiye fote ba tikwe nkare a go sa le mong batho ba selo. Maria,a wa gore ke mošupatsela wa nako ka moka wa hala Brazil, ba mmelegiye a se na mawoto le letsogo la sepata. O re: “Sekolong ne ba dula ba nhlupa ka taba la gore ke golofele. Ne ba nreyye mabitso ya gore ne ma nkwisa go baba. Ke ra le ba ho gaye ne ba fela ba ntshwara nkare a yi nna motho.”

9. Maria o gelepiye king gore a thogo di tšiba tsa gore Jehova o mo tseyela gedimo?

⁹ Maria o gelepiye king mara? Mo a ba Hlatse ya Jehova, magagabo ya gore ke Makreste ma yye ma mo kgomoletsa ma boya ma mo gelepa gore a titseye ka mokgo Jehova a mo tseyang ka gona. O re: “Mo nka thomisa ke re ke balela batho ka mokana ga bona bo ba n’gelepiyeng, le ka šinya le ro dikela! Wa tšiba, Jehova ke mo leboga ke sa fetsi gore o nneyye mutši wa go bafala ka ho phutegong.” Magageru yane ma gelepiye Maria gore a thogo di tšiba tsa gore Jehova o mo tseyela gedimo.

10. Ke mathatha mafeng yaa Mariya Magdalina ne a kikirisana nawo? (Lebelela le dithombhe.)

¹⁰ Lebelela ka mokgo Jeso a yyeng a gelepa Mariya Magdalina. Ke mo a kenne ka kašupa ya madimona! (Lluk. 8:2) Di ka makega gore ne a maka dilo tsa go sa tlwayelega a makisa ke madimona yane fote ka taba la tsotsone, batho ne ba kganela kgole naye. Phela ngwana mosadi yene o di kwile. Di ka makega gore ne a tšhugiye ka matla fote ne a tseya gore aa nyake ke motho kela a gona ye a ka mo gelepang. Jeso o yye a raka madimona yane ya gore ne ma hlupa Mariya Magdalina fote o yye a napa a ba lelata la Jeso la gore le tineyele. Ke mokgwa wofeng wo mongwana wo Jeso a yyeng a gelepa Mariya Magdalina gore a thogo kwisisa gore Modimo o mo tseyela gedimo go segela kaye?

11. Jeso o mo šupetsiye ka mokgo mang ga Mariya Magdalina gore Modimo o mo tseyela gedimo? (Lebelela le dithombhe.)

¹¹ Jeso o yye a kgopela Mariya Magdalina gore a sepele naye le mapostola yage mo ba ye tšhomayela ba tloga ga dimitšane tsowa ba ya ga tse dingwana.b Tsotsone di yye dya mmerekela ka matla mo a kene a theetsele Jeso a tšhutisa ba bangwana. Fote ka letšatši lo Jeso ba yyeng ba mo tsosa ka lona, o yye a nyarela gage. Ga malata yage, ke yene wa mathomo wa gore Jeso o bolabodiye naye ka letšatši lolone. Fote Jeso o mo neyye le mmereko wa gore a ye a botse mapostola yage gore ba mo tsusiye. Phela dilo tsowa ka mokana ga tsona di fo šupetsa gore nnete Jehova ne a tseyela mosadi yene gedimo!—Joh. 20:​11-18.

12. King so se makiyeng gore Lidia a kwe nkare a yi yene wa selo?

¹² Ba go tlala lekgono ba fo kwa nkare a yi bona ba selo go fo tshwana le ka mokgo Mariya Magdalina ne a tikwa ka gona. Mogageru wa mosadi ye ba reng ke Lidia wa hala Spain, o re mo mmane wage a sa mo yimme, ne a tlela ke monagano wa gore a ntshe mpa yone. Lidia o re o sa gopola le nakwela a sa dheya gore mmane wage ne a sa yi kene yage a boya a ro mmotsa le mantsu ya go hlaba. O re: “Wa tšiba, so ne ke se nabela ke gore ke kwe gore mo motho a re ba mo nyaka ka matla, o ba a kwa ying. Ne ke sa tshepe gore go nyoko tsoga go ba le wa gore wa nnyaka ka taba la gore mmane waka di mo šitiye.”

13. Lidia o gelepiye king gore a di bone tsa gore Jehova o mo tseyela gedimo?

¹³ Phela dilo di yye dya tšhentšha mo Lidia a thomisa go tšhuta Bhayibele. Go rapela Jehova, go bala Bhayibele, dilo tsa gabutši tso magageru ne ma mo makela tsona le ka mokgo ne ma bolabola naye ka gona, tsotsone di mo gelepiye gore a thogo di bona gore Jehova o mo tseyela gedimo. O re: “Monnaka o dula a mpotsa gore o nnyaka ka matla. Aa fetsi go mpotsa ka mekgwa ya go bafala yo ke nang nayo. Banghana baka le bona ba dula ba maka ka mokgonone.” Ke mang ye o mo tšibang barena wa gore di ka mmerekela go fo tšiba gore Jehova o mo tseyela gedimo?

RE KA MAKA BYANG MARA GORE RE TITSEYE KA MOKGO JEHOVA A RE TSEYANG?

14. Samuwele wa Mathomo 16:7 yi re gelepa byang gore re thogo titseya ka mokgo Jehova a re tseyang? (Lebelela le lebhokisi la gore “Ke Ntaba Jehova a ba Tseyela Gedimo Batho Bage?”)

¹⁴ O sa lebale gore Jehova aa go tseye ka mokgo lefase le go tseyang ka gona. (Bala 1 Samuwele 16:7.) Aa lebelele gore motho o lebelelega byang, o na le tšheleta ya go tlala kela o tšhutegiye ka matla gore a thogo mo tseyela gedimo. (Jes. 55:​8, 9) Byalo, liketsa ka matla gore o titseye ka mokgo Jehova a go tseyang, o sa yi ka gore batho ba lefase lowa ba re king. O ka tipalela ditaba tsa ka ho Bhayibeleng tsa go bolabola ka ba bangwana ba gore ne ba titseyela fase mara Jehova ne a ba tseyela gedimo ka matla go tshwana le Eliya, Nawumi le Hanna. O ka boya wa ngwala fase dilo tso di go makegeleng mo o kene o phela tsa go šupetsa gore nnete Jehova o go nyaka ka matla fote o go tseyela gedimo. Go tokegela gana hone, o ka lebelela tse dingwana tsa gore di ka go berekela tsa go bolabola ka taba ya mokgwa wo o titseyang ka wona tsa gore di krayega ga dikgatiso tsa rune.c

15. Ke ntaba Jehova ne a tseya Daniyele go le wa gore ne a mo ‘tseyela gedimo’ ka matla? (Daniyele 9:23)

¹⁵ O sa yi tseyi ka gonyana taba ya gore wa tshepega yi maka gore Jehova a go tseyele gedimo. Mo Daniyele wa go porofeta a na le gana hala ga 90 ya mengwaga, o yye a tikwa a “tinnwe ka matla” fote a kgongwele. (Dan. 9:​20, 21) Mara Jehova o yye a mo tiyisa byang? Phela Modimo o yye a romela lengeloyi lo ba reng ke Ghabhriyele gore le mo gopotse ga Daniyele gore Jehova o mo ‘tseyela gedimo’ fote O mo kwile mo a rapela. (Bala Daniyele 9:23.) Anthe Daniyele ke mo a ro maka ying la go šinya Modimo a tseyela gedimo ka mokgo? Ka taba la gore Daniyele ne a kwana le go maka tsa go loka fote ne a tshepega. (Hezek. 14:14) Phela mo Jehova a šinya a tšhela taba yowa ka Lentsung lage, ne a makela gore a thogo re kgomoletsa. (Marom. 15:4) Fote Jehova o theetsela merapelo yago a boya a go tseyela gedimo ka taba la gore wene o kwana le tsa go loka fote wa tshepega mo o kene o mmerekela.—Mmik. 6:8; Maheb. 6:10.

16. O ka gelepa king gore o tseye Jehova go le Papa wa gore wa nyakanana?

¹⁶ Tseya Jehova go le Papa wa gore o go nyaka ka matla. Wa tšiba, o fo nyaka go go gelepa, aa fatolle-fatolle tsa go kekema. (Pis. 130:3; Mat. 7:11; Lluk. 12:​6, 7) Batho ba go tlala ba gore ne ba titseyela fase ba gelepiye ke go ghayela ka taba yowa. Mo re beyisa, tseya ka mošupetso wa mogageru wa mosadi ye ba reng ke Michelle wa hala Spain wa gore fote ke mo a kwa nkare aa nyake ke motho fote a yi yene wa selo ka taba la gore go fediye mengwaga ya go tlala monnage a kene a mo hlaba ka mantsu. O re, “Mo tsa go titseya nkare ke nna setlakati di ntlela, ke liketsa ka matla gore ke tipone ke le matsogong ya Jehova go tshwana le leseya la gore o le kakudiye fote le tšhireletsegiye.” (Pis. 28:9) Mogageru wa mosadi ye ba reng ke Lauren wa Afrikha Borwa, aa lebale gore, “Ka taba la gore Jehova o ro n’goga gore ke tle gage, o n’gelepiye gore ke dule ke le ho thina gage mengwaga yo ka mokana ga yona a boya a ro mperekisa gore ke tšhutise ba bangwana, phela tsotsone di ra gore o ntseyela gedimo fote o bona ke berekisega.”—Hos. 11:4.

17. O ka gelepa king gore o sa kamake le ka gonyana gore Jehova wa go yamogela? (Pisalema 5:12) (Lebelela le sethombhe.)

¹⁷ O sa kamake le ka gonyana gore Jehova wa go yamogela. (Bala Pisalema 5:12.) Dafita o tshwanisiye taba ya gore Jehova wa mo yamogela le “legawu le legolo” la gore le pasopa batho ba go loka. Go fo tšiba gore Jehova wa go yamogela fote wa go thega, tsotsone di ka go tšhireletsa mo o vakašela ke taba ya go titseyela fase. O nyoko bona ka ying mara gore Jehova wa go yamogela? Jehova o berekisa Bhayibele gore re thogo yi bona taba yowa. Go tokegela gana hone, o berekisa bagolo, banghana le ba bangwana gore o sa lebale gore o go tseyela gedimo ka matla. Di nyaka o make ying mo ba bangwana ba go botsa mantsu ya go tiyisa?

18. Ke ntaba di nyaka o sa gane mo ba go thanaka?

¹⁸ Mo bo ba gore ba go tšiba gabutši fote ba go nyaka tsa nkare ke moka ba hlaya tsa gabutši ka wene, o sa tseye nkare ba kgana ka wene. O sa lebale gore Jehova a ka fo berekisa bona gore a thogo go gelepa gore o sa yi tseye ka gonyana taba ya gore wa go yamogela. Michelle yela wa gore re bolabodiye ka yene, o re: “Ke fo ya ke tšhuta go yamogela mo ba bangwana ba mpotsa mantsu ya go nthanaka. A di lula, mara ke ya di tšiba gore ke tso Jehova a nyakang gore ke di make.” Fote bagolo ba gelepiye Michelle gore a thogo di bona gore Jehova wa mo yamogela. Ye lune, phela gana byalo o bereka go le mošupatsela wa nako ka moka fote o gelepa Bhethele a kene a bereka a le gaye.

19. Ke ntaba o ka tshepa o tiyisiye gore Modimo o go tseyela gedimo ka matla?

¹⁹ Jeso o re gelepiye gore re sa lebale gore Papa wa rune wa ku legedimong o na le taba le rune. (Lluk. 12:24) Byalo, re ka tshepa re tiyisiye gore Jehova o re tseyela gedimo. Le mo re ka lora byang, re sa tsoge re yi libele taba yone! Fote nkare re ka karakara ka matla la go šinya re loma le molomo wa ka tlase gore re gelepe ba bangwana ba thogo di bona gore Modimo o ba tseyela gedimo!