Ayitsano go Tshwariwa Lešidi go ko Tsoga go Fediye?
Go sa tshwariwi gabutši go makega lefaseng ka mokana ga lona. Bona mešupetso ye ka mmedi ya bo ba yyeng ba tshwariwa ka mokgwa wa gore a yi wona:
Ka January 2018, wa go yahlula wa hala United State o yi tseri ba ntshe monna ye ne ba mo tshwere mengwaga ya go teya gana hala ga bo 38. Ke mo go na le bohlatse bya go šupetsa gore monna yene aa sinya selo.
Ka September 1994, bašomanyana ka bararo ba go tšwa Afrikha ba yye ba yisiwa jele ka taba la gore ne ba sa nyake go ya bosoleng. Ka September 2020, ke mo ba šele ba na le 26 ya mengwaga ba le jele mara a sanka ba ghwebiwa kela go yisiwa khota.
Mo nkare le wene o yye wa makiwa lešidi, o ka fo tikwa go tshwana le monna ye bareng ke Jobo ka dinako tsela tsa Baebele mo a re: “Ke yye ka fo ya mahlong nkene ke llela gore ba n’gelepe, mara a go na ye a yyeng a ntshwara gabutši.” (Jobo 19:7) Le mo di bonala nkare go makiwa lešidi di ka sa tsoge di fediye, Baebele yi re tshepisa gore go nyoko segela nako ya gore go tshwariwa lešidi go nyoko fela. Go tokegela gana hone, ditaba tso di leng ga yona di ka go gelepa gore o thogo lebeletsana le go tshwariwa lešidi ganabyalo.
King tso di makang gore batho ba tshwariwe lešidi?
Bo ba sa nyakeng go theetsela Modimo, ke bona bo ba makang ba bangwana lešidi. Baebele ya re botsa gore go tshwara batho gabutši go tšwa ga Modimo. (Jesaya 51:4) Mantsu yawa “go tshwara batho gabutši” le go maka “dilo tsa gabutši” ka mokgo ma hlatolliweng ka gona ka ho Baebeleng maa yelana. (Dipisalema 33:5) Dilo tsa gabutši tso re di makang kela dilo tsa gore dya yamogelega ga Modimo, ke tsona di makang gore batho ba sa makane lešidi. Mo re maka ba bangwana lešidi re ko ba re sinya le go roba molawo wa Modimo wa go loka. Nagana ka mešupetso yowa:
Go tinaganela o le ntoši. Go tinaganela o le ntoši le go sinya dya yelana. (Jakobo 1:14, 15) Gore ba thogo kraya tso ba di nyakang, ba go tlala ba gatelela batho ba bangwana ka go ba tshwara ka mokgwa wa gore a yi wona. Le mo go le ka mokgonone, Modimo o nyaka gore re yetise mahlong dilo tso batho ba bangwana ba di nyakang.—1 Makorente 10:24.
Go sa be le taba. Batho ba bangwana ba ka maka ba bangwana lešidi ba sa tipone, mara dilo tsa mošaga wonone yi sa le go sinya mahlong ga Modimo. (Maroma 10:3) Gabutšibutši go sa be le taba ke gona go makiyeng gore go makiwe mong lešidi la go bolayiwa ga Jeso Kreste.—Mebereko 3:15, 17.
Mekgahlo ya batho ya go šitega. Ba dipolotiki, dibhizinisi le dikereke ne di nyaka gore ba yetise mahlong go tshwara batho gabutši le go sa ba make lešidi. Mara gabutšibutši mekgahlo yowa ke yona yi makang gore go be le diphošo, go sinya, go hlawolana, go ba le pawu, le go sa lekane ka tsa ditšheleta le go sa nyake batho ba bangwana, fote tsone ke tsona tso di makang gore batho ba makane lešidi. Mekgahlo ye mengwana yi yetetsa ke batho ba gore ba nyaka go maka dilo tsa gabutši. Mara, batho ba gore ba gana go yetetsa ke Modimo ba ka sa phomelele.—Mmolabodi 8:9; Jeremiya 10:23.
Ayitsano Modimo dya mo hlupa mo batho ba tshwariwa lešidi?
Eya, o hloyye ba go makana lešidi le mekgwa ye yi ba makang gore ba be le lešidi. (Diyema 6:16-18) O hlohletsele moporofeta Jesaya go ngwala gore: “Nna Jehova,a ke kwana ka matla le tsa go loka; Ke hloyye go yetswa le dilo tsa go sa loka.”—Jesaya 61:8.
Molawo wo Modimo a wo neyyeng Maisrayele ya ku botala, ne wo šupetsa gore aa nyake gore batho ba makane lešidi. O butsiye bo ba go yahlula gore ba gane mo ba ba diza kela se sengwana sa gore se ka maka gore go tshwariwa lešidi di sa fele. (Dotoronoma 16:18-20) O yye a wolola Maisrayele ya gore a ma mo theetsela mo ba gatelela bowa ba go tihlupegela, a boya a ba gana ka gore ba šitegiye go latelela melawo yage.—Jesaya 10:1-3.
Nje Modimo o nyoko di tlosa tsa go makana lešidi?
Eya. A berekisa Jeso, Modimo o nyoko tlosa senyama sa gore ke sona so se makang gore batho ba tshwarane lešidi, a boya a maka gore batho ba yenele. (Johane 1:29; Maroma 6:23) O hlomme Mmušo wa gore wo ko leya lefase la nyuwane la go loka wa boya wa maka gore batho ba tshwarane gabutši. (Jesaya 32:1; 2 Petro 3:13) Gore o thogo tšhuta tsa go tlala ka Mmušo wowa wa legedimong, lebelela vidiyo ya gore Mmušo wa Modimo ba ra Ying?
Lephelo le nyoko ba byang ga lefase la nyuwane la go loka?
Mo go sa sana ba go makana lešidi ho lefaseng, batho ka mokana ga bona ba nyoko kwa ba bebiye fote ba pasopegiye. (Jesaya 32:16-18) Modimo aa tseye lephelo la motho ye mongwana le feta la ye mongwana, ka mokana ga rune re nyoko tshwariwa go tshwana. Go kgongwela, go lla le go kwa go baba ga gore go maka ke ba go tshwarana lešidi go nyoko fela, le dilo tsa go baba tso re di gopolang tsa go yelana le go makiwa lešidi re nyoko di lebala. (Jesaya 65:17; Kutullo 21:3, 4) Gore o thogo tšhuta tsa go tlala lebelela hlogotaba yowa ya gore “Mmušo wa Modimo wo Nyoko re Makela Ying?”
Ayitsano wa di tshepa tsa gore Modimo o re tshepisa lefase la gore go ko ba go sa sa na ba go makana lešidi?
Eya. Baebele yi na le diporofeto tsa gore di ya tshepega, ditaba tsa botala le tsa sayinse tsa gore di napa di ro korola, fote yi na le dilo tsa gore di ya yelana tsotsone dya šupetsa gore o ka di tshepa tso yi di tshepisang. Dihlogotaba tsowa di tshwere ditaba tsa go tlala ka taba yowa:
Ganabyalo re lebeletsana byang le go tshwariwa lešidi?
Batho ba go loka ka ho Baebeleng ke mo ba maka so ba ka se kgonang gore ba sa makiwi lešidi. Mo re beyisa, Pawulo wa lepostola ba yye ba mo tshosetsa ka go mo sekisa ka mokgwa wa gore a yi wona fote tsone ne di ka maka gore a bolayiwe. Aa f’lo dumela go makiwa lešidi, mara o yye a berekisa ditsela tsa gore di molawong gore a bolabole le Kesara, gore ba thogo mo kwela go baba.—Mebereko 25:8-12.
Le mo go le ka mokgonone, selo se sengwana le se sengwana so motho a leketsang go se maka gore a thogo tlosa go makana lešidi ho lefaseng, a ka sa phomelele. (Mmolabodi 1:15) Batho ba go tlala ba di bonne tsa gore go tiyisa tumelo ya bona ga dilo tso Modimo a di tshepisiyeng ga lefase la nyuwane la go loka, di ba makiye gore ba dule ba bebiye le mo ba kene ba sa tshwariwi gabutši.
a Jehova ke lebitso la Modimo.—Dipisalema 83:18.