Molayetsa wa Gore wo Tšwa ka Lentsung la Modimo—Tshepo ga Batho ba Gore ba Tlugiye Dinageng Tsa Bona ba Tšhaba!

Mongwaga wo mongwana le mongwana, dimiliyoni tsa batho di gapeletsega go tloga magayeng ya tsona gore di thogo tšhireletsega. Ayitsano le wene o ghulana le seyemo sa mošaga wowa? Mo nkare go ka mokgonone, di tšibe gore go na le ye mongwana ye a ka go gelepang—Modimo o re neya tshepo ya lephelo la gabutši, la gore o ka tšhuta ka lona ka Mangwalong ya go Hlawolega.

“Batho ba gore ba tlugiye dinageng tsa bona ba tšhaba a ba fo nyaka gore re yakgoswe re ba gelepa fela, mara fote . . . ba nyaka le tshepo ya tsa ku mahlong”a tsotsone go hlayye Christos Stylianides, wa go yeta mahlong Mokgahlo wa hala Yuropo. b Batho ba gore ba na le tshepo ba kgona go tiyisela ba kene ba yemele tsa ku mahlong. Mara go tokegela ga tshepo yone, batho ba gore ba tlugiye dinageng tsa bona ba tšhaba ba nyaka go kgomoletsiwa gore ba thogo hlakarela.

“Nakwela ke tšhaba nageng ya geru ke šiya ba mutši waka, ke kwile go baba ka matla fote ne ke sa tshepe gore nko di kgoneng tsa go tiyisela. Ne ke tšhugiye ka matla, ke kgongwele fote ke šekela.”—Emmanuel, wa hala Haiti.

Ayitsano le wene o tikwa ka mokgonone? Mo nkare le wene o tlugiye gaye o tšhaba, o nyaka go kgomoletsiwa fote o nyaka so se ka makang gore o be le tshepo. Bhayibele ya gore ke Lentsu la Modimo yi ka go gelepa byang?

Ka mokgo Lentsu la Modimo le re kgomoletsang ka gona

Bhayibele yi hlaya gore: “Jehovac . . . motho wa gore o tšwa a sepela o mo nyaka ka matla.”—Dotoronoma 10:17, 18.

Bhayibele yi hlaya gore: “Jehova o thina le batho ka mokana ga bona bo ba mmitsang.”—Pisalema 145:18.

Bhayibele yi hlaya gore: “Di ka sa tsoge di makegiye gore Modimo wa mannete a make tsa go sa loka . . . Gore Ye wa Matšhika ka Moka a make tsa go kekema.”—Jobo 34:10, 12.

Tsowa di rela gore dilo tsa go baba tso di go makegelang a di tšwi ga Modimo. Aa go wolole, fote aa go liketsi ka go go leyela dilo tsa go sasamela.

Tso Lentsu la Modimo le re tshepisang tsona

Bhayibele yi re botsa ka tso Modimo a nyoko re makelang tsona ku mahlong. Bona ka mokgo tshepo yowa yi gelepang batho bo ba tlugiyeng magayeng ya bona ba tšhaba.

Bhayibele yi hlaya gore: “[Modimo] o nyoko sula dinepedi ka moka maahlong ya bona, malikgu ma ko ba ma sa sa le šiyo, go lla kela go gotla kela go kwa go baba le tsona di ko ba di sa sa le šiyo.”—Kutullo 21:4.

Tsowa di rela gore re nyoko yimuluga ra sa sa hlupega. Modimo o tshepisa gore o nyoko lukisa mathatha ka moka ya ma makang gore o tikwe o se na tshepo.

“Go se botala, Modimo o nyoko fetsa ka bo ba makang ba bangwana lešidi le dilo tsa go befa tso di makegang. Tshepo yone yi n’gelepa gore ke dule ke nagana ka letšatši lo go nyoko felang ka mehlupego ka moka.”—Karla, wa hala El Salvador.

Bhayibele yi hlaya gore: “Dilo tsa botala di ka sa sa gupudiwa, fote di ka sa sa re hlupa ka ho dipelong.”—Jesaya 65:17.

Tsowa di rela gore re ka sa sa gopola dilo tsa go re kwisa go baba. Modimo o nyoko maka gore dilo ka mokana ga tsona tsa go baba tso o yyeng wa ghulana natso o sa sa tsoga o di gupudiye.

“Bhayibele yi re tshepisa gore re ka sa sa tsoga re gupudiye dilo tsa go baba tso di yyeng dya re makegela. Tshepo yone yi n’gelepa gore ke thogo kikirisana le seyemo sa go thathafa so ke ghulanang naso, ka gore ke ya di tšiba gore dilo ka moka di nyoko tšhentšha go se botala.”—Natalia, wa hala Ukraine.

Bhayibele yi hlaya gore: “Modimo wa ku legedimong o nyoko maka gore go be le mmušo wa gore . . . wo nyoko pshyayanya memmušo yowa ka mokana ga yona wa fetsa ka yona.”—Daniyele 2:44.

Tsowa di rela gore ho lefaseng ka mokana ga lona go nyoko lawola mmušo wa gabutši wa ku legedimong. Go se botala, go nyoko fela ka memmušo ka mokana ga yona ya batho, gwa lawola mmušo wa Modimo wa ku legedimong. Mmušo wowa wo nyoko leya go beba ga mannete le go tšhireletsega, wo nyoko tshwara batho go lekana fote wo nyoko maka gore ka mokana ga bona ba phomelele.—Mmika 4:3, 4.

“Di ya ntiyisa go tšiba gore mathatha ya go tshwana le go hlupegisiwa, go hlawolana le go sa tshepanane ke tsa senakonyana—go se botala, Mmušo wa Jehova wo nyoko fetsa ka mathatha yawa ka moka.”—Mustafa, wa hala Middle East.

Go Hlalefa ga gore go tšwa ga Modimo

Mayele ya Bhayibele ya go hlalefisana ma ka go gelepa gore o thogo tiyisela seyemo so o yyeng wa ghulana naso. Fote ma ka boya ma go gelepa gore o thogo lebeletsana le seyemo sone se tšhentšhiyeng, gana hone go kena le go loba dilo tso ne o le natso. Bona ditšhiko tso di berekelang batho ba gore ba tlugiye dinageng tsa bona ba tšhaba:

Bhayibele yi hlaya gore: “Le mo motho a na le dilo tsa go tlala, dilo tsone di ka sa mo neye lephelo.”—Lluka 12:15.

Ka mokgo mantsu yawa ya go hlalefisana ma ka go gelepang: O ka kwa go baba ka matla fote wa tikwa nkare o f’lo šala o yitsa. Mara mo o ka yemanyana wa ghayela, o nyoko di bona gore lephelo lago ke mong selo se segolo go phala dilo ka moka tso o di šiyyeng.

“Lephelo ke selo se segolo ka matla go phala dilo tsa majabajaba. Ga mayemo ya mangwana dilo tsa majabajaba kela tšheleta di ka sa go gelepe ka selo.”—Natalia, wa hala Ukraine.

Bhayibele yi re: “O sa hlaye gore, “Anthe ke ntaba matšatši ya lekgono ma phala ke ya ku botala?’”—Mmolabodi 7:10.

Ka mokgo mantsu yawa ya go hlalefisana ma ka go gelepang: Seyemo sago sa gana byalo se ka fo ba se gakga ka matla, mara liketsa go sa se tshwanisi le seyemo sa ku botala gore o sa kgongwele ka matla.

“Go yamogela seyemo saka sa gana byalo go n’gelepiye gore ke tseye dilo gabutši.”—Eli, wa hala Rwanda.

Bhayibele yi hlaya gore: “Re nyoko kgotsofala mo re na le tsa go ja le dikobo.”—1 Thimothi 6:8.

Ka mokgo mantsu yawa ya go hlalefisana ma ka go gelepang: Liketsa go kgotsofalela sosone o nang naso. Mo o kgotsofalela tsotsone o nang natso, mešekelo yi nyoko phomega o ka sa šekele ka matla fote di nyoko go gelepa gore o kgibe.

“Bhayibele yi n’gelepa gore ke tseye dilo ka tsela ye nngwana, ke sa nagane ka matla ka dilo tso ke di lobiyeng. Nna le mosadi waka re jabolele gore ra ya phela fote re ga poleke ya gore yi tšhireletsegiye.”—Ivan, wa hala Ukraine.

Bhayibele yi hlaya gore: “Dilo ka mokana ga tsona tso le nabelang gore batho ba le make tsona, le lune le ba make tsona.”—Matewu 7:12.

Ka mokgo mantsu yawa ya go hlalefisana ma ka go gelepang: O nyoko phidisana gabutši le ba bangwana mo o maka so o ka se kgonang gore o lefise pelo le go ba motho wa go loka. Go garagara gago go nyoko maka gore batho ba hone polekeng ba go yamogele ba sa go hlawole.

“Batho ba go tlala ba di jabolela ka matla mo o ba šupetsa gore wa ba hlompa, o ba kwela go baba le go ba nyaka. Tsotsone di maka gore o be le senghana sa gabutši le batho ba hone polekeng.”—Angelo, wa hala Sri Lanka.

Bhayibele yi hlaya gore: “Le rapele le kene le šwennye fote le leboga; ke mokane Modimo o nyoko maka gore le bebe. . . o nyoko ba a pasopa dipelo le menagano ya lune.”—Mafilipi 4:6, 7.

Ka mokgo mantsu yawa ya go hlalefisana ma ka go gelepang: Rapela Modimo o mo kgotolele ka mokgo o tikwang ka gona, tso o di gayelang, tso di go hlagasedisang le tso di go šekedisang. Thapelo yone yi ka maka gore o sa sa šekela ka matla fote seyemo sone se sa nape se go yilametsa.

“Ke dula ke rapela Modimo mo ke na le mathatha, fote wa mfetola. Tso ke di tšhutiyeng ka Bhayibeleng di makiye gore ke bebe tsa mannete.”—Yol, wa hala South Sudan.

“Mayele ya gabutši ya ka Bhayibeleng ma n’gelepa gore ke kraye go beba ka ku tengteng gore ke thogo tiyisela seyemo sowa sa go thathafa.”—Valentina, wa hala Ukraine.

“Di ya ntiyisa go tšiba gore Jehova Modimo o tshepisa lephelo la gabutši la mannete.”—Emmanuel, wa hala Haiti

Ayitsano o nyaka go tšiba tsa go tlala ka tso Bhayibele yi di tshepisang tsa gore di ya re kgomoletsa di boya di re neya tshepo, le gore ke ntaba o ka di tshepa? Kgopela Dihlatse Tsa Jehova di go vakašele. Ba ka jabolela go go gelepa.