Dipalo

8 Jehova a bolabola le Moše a re: 2 “Bolabola le Aroni o mmotse gore, ‘Mo o tšhuba malampa, di nyaka malampa kašupa ya wona ma khanyise hala mahlong ga setšhubampara.’”+ 3 Byalo Aroni a maka tsowa: A tšhuba malampa mahlong ga setšhubamapara+ go ya ka mokgo Jehova a butsiyeng Moše. 4 Setšhubampara sone ke mo se makiwwe ka mokgo: Ke mo ba se makiye ka gholdi go tlugisela tlase go segela kgakala, ke mo ba se makiye ka hamola.+ Ke mo ba se makiye go ya ka mmono+ wo Jehova a wo šupetsiyeng Moše.

5 Jehova o bolabodiye le Moše fote a re: 6 “Hlawola Malifi ga Israyele ke mokane o make gore ma yele.+ 7 O ma yedise ka mokgo: O ma gaše ka meetši ya go ba yedisa ga tso ma di sinnyeng, ke mokane ma kupe le moriri wa ho mmeleng ka legare, ma hlatswe dikobo tsa wona, fote ma tiyedise.+ 8 Ke mokane ma nyoko tseya senamane sa phoolo+ le sehlabelo sa sona sa mabele+ sa folawa ya gore ke mong yona ya gore ba yi gahlanisiye le makgura, ke mokane wene o nyoko tseya senamane se sengwana sa phoolo gore go be sehlabelo sa mo motho a sinnye.+ 9 O nyoko leya Malifi mahlong ga letente la mogahlano fote wa kgobaketsa Maisrayele ka mokana ga wona.+ 10 Mo o leya Malifi mahlong ga Jehova, di nyaka Maisrayele ma beye matsogo ya wona gedimo ga dihlogo tsa Malifi.+ 11 Ke mokane Aroni o nyoko leya Malifi mahlong ga Jehova gore go be sehlabelo sa gore ba se yisa ku le ku+ sa go tšwa ga Maisrayele, Malifi ma nyoko berekela Jehova.+

12 “Ke mokane Malifi ma nyoko beya matsogo ya wona gedimo ga dihlogo tsa dikgomu tsa phoolo.+ Ka nthago ga mone, ma nyoko berekisa ka yyoši gore ma make sehlabelo sa mo motho a sinnye, ye nngwana ma nyoko yi berekisa go makela Jehova sehlabelo sa go tšhubiwa gore Malifi ma thogo tshwarediwa.+ 13 Fote o nyoko maka gore Malifi ma yeme mahlong ga Aroni le barwayi bage, wene o nyoko ba neyela ga Jehova gore go be sehlabelo sa gore ba se yisa ku le ku. 14 Di nyaka o hlawole Malifi ga Maisrayele ke mokane Malifi go nyoko ba batho baka.+ 15 Ka nthago, Malifi ma nyoko kena ka teng ga letente la mogahlano gore ma bereke hone. Wowa ke mokgwa wa gore di nyaka o wo berekise gore o ma yedise fote o ba neyele gore go be sehlabelo sa gore ba se yisa ku le ku mahlong ga Modimo. 16 Ka taba la gore ba hlawodiwwe, fote ba tšwa ga Maisrayele. Ba yemme sekgaleng sa matšibula ya gore ke Maisrayele,+ ke nyoko ba tseya gore go be batho baka. 17 Ka gore letšibula le lengwana le le lengwana la Leisrayele, la monna kela la phoolwane ke laka.+ Ke makiye gore ba hlawolege ka letšatši la mo ke bolaya letšibula le lengwana le le lengwana la nageng ya Egepita.+ 18 Ke nyoko tseya Malifi sekgaleng sa matšibula ya Maisrayele. 19 Ke nyoko tseya Malifi ya gore ma tšwa ga Maisrayele ke ma neye Aroni le barwayi bage ma ba berekele ku ga letente la mogahlano+ fote ba ba kgopelele gore ba tshwarediwe, gore ba sa makegele ke dilo tsa go sasamela+ ka taba la mo ba šutele thina le poleke ya go hlawolega.”

20 Moše le Aroni le batho ka mokana ga bona ba Maisrayele ba makiye dilo tsowa le Malifi. Go ya ka dilo ka moka tso Jehova a di butsiyeng Moše ka Malifi, Maisrayele ma makiye ka mokgonone. 21 Byalo, Malifi ma tiyedisa ke mokane ma hlatswa dikobo tsa wona,+ ka nthago Aroni a neyela ka wona gore go be sehlabelo sa gore ba se yisa ku le ku mahlong ga Jehova.+ Ke mokane Aroni a maka sehlabelo gore ba tshwarediwe ga tso ba di sinnyeng gore ba yele.+ 22 Ka nthago, Malifi ma kena gore ma make mmereko wa wona ga letente la mogahlano ma wokamela ke Aroni le barwayi bage. Fote batho ba makiye ka mokgo Jehova a butsiyeng Moše ka Malifi.

23 Byalo, Jehova a bolabola le Moše a re: 24 “Tsowa di bereka ga Malifi: Monna wa gore o na le 25 ya mengwaga go ya gedimo, o nyoko bereka ga letente la mogahlano. 25 Mara mo a šele a fitiye 50 ya mengwaga, o nyoko lisetsa go bereka mone letenteng la mogahlano. 26 Fote di nyaka a gelepe bobhuti bage ba gore ba bereka letenteng la mogahlano, mara yene a sa make mmereko wo wo makiwang letenteng la mogahlano. Tsowa ke tso di nyakang o di maka ga Malifi le ga mmereko wa bona.”+