Jesaya

39 Ka nako yonone, kgoši ya Bhabhilona yo ba reng ke Merodakhi-bhaladani morwayi wa Bhaladani, a romela mangwalo le se sengwana sa go neya Hezekiya ka taba la gore ke mo a di kwelele gore Hezekiya+ ke mo a lwala fote o fodiye.+ 2 Hezekiya a ba yamogela ke mokane a ba šupetsa ntlo yage ya gore o beya dilo tsa gore o di tseyela gedimo+⁠—a ba šupetsa silva, gholdi, makgura ya bhalesamo, makgura ya mangwana ya go tura, dikobo tsage tsa ntwa ka mokana ga tsona le dilo tse dingwana tsa gore ke mo di krayega ga ntlo yage ya gore o beya dilo tsa go tseyediwa gedimo. A go na selo sa gore Hezekiya aa ba šupetsa sona ga ntlo yage le ga dilo tso ke mo a di lawola.

3 Ka nthago ga mone, Jesaya wa go porofeta o yye ga Kgoši Hezekiya a mmutsisa gore: “Banna bowa ba yitseri king, fote ba tšwa kaye?” Hezekiya a re: “Ba tšwa kgole, ba tšwa Bhabhilona.”+ 4 Ke mokane Jesaya a mmutsisa gore: “Ba bonne ying ntlong yago?” Hezekiya a mo fetola a re: “Ba bonne dilo ka moka. A go na selo sa gore a ke ya ba šupetsa sona ga dilo tsaka tsa go tseyediwa gedimo.”

5 Jesaya a re ga Hezekiya: “Theetsela tso Jehova wa masole a di hlayang, 6 ‘Go tla nako ya gore dilo ka mokana ga tsona tsa gore di ka ntlong yago le dilo ka moka tsa gore bokokwane bago ba di hlekeletsiye di ye Bhabhilona. Go ka sa šale selo,’+ go hlaya Jehova.+ 7 ‘Barwayi bago ba bangwana ba nyoko ba tseya baa maka gore go be ba go lawola ntlo ya kgoši ya Bhabhilona.’”+

8 Ka taba la tsotsone, Hezekiya a re ga Jesaya: “Tso o di hlayyeng tsa gore di tšwa ga Jehova di gabutši.” Fote a re: “Ka gore go nyoko beba fote dilo di nyoko sepela gabutši mo ke sa phela.”*+