Jeremiya

35 Tsowa ke tso Jehova a di butsiyeng Jeremiya ka dinako tsa Jehoyakimi+ morwayi wa Josiya, kgoši ya Juda, o yitseri: 2 “Ariye ntlong ya Marekhabho+ ke mokane o bolabole nabo o boye o ba leye ga ntlo ya Jehova ga kamara yo ba jelang ga yona; ke mokane o ba neye wayini.”

3 Byalo ka tseya Jazanaya morwayi wa Jeremiya, morwayi wa Habhazinaya, bobhuti bage, barwayi bage ka moka le ba mutši wa Marekhabho ka mokana ga bona, 4 ka ba leya ntlong ya Jehova. Ka ba yisa kamareng ya go jela ya barwayi ba Hanane morwayi wa Ighidaliya wa gore ke lelata la Modimo wa mannete, kamara yone ne yi le ka thoko ga kamara ya go jela ya dindhuna ya gore ne yi le ka gedimo ga kamara ya go jela ya Maseya morwayi wa Šalumi wa gore ke mo go le matšinghelane wa monyako. 5 Ke mokane ka tšhela wayini ka teng ga dikomitši le ka teng ga dikomitši tsa wayini ka di beya mahlong ga banna ba ntlo ya Marekhabho ke mokane ka re ga bona: “Wayini ke yowa.”

6 Mara bona ba re: “Re ka sa nwe wayini yowa, ka taba la gore Jehonadabho*+ morwayi wa Rekhabho wa gore ke kokwane wa rune o re butsiye gore, ‘Lune le barwayi ba lune a le ya tshwanela go nwa wayini le ka tšatši la mohlolo. 7 Fote a le ya tshwanela go yaga dintlo, go gaša pewu, go gaša merogo kela go ba le tšhomo ya didhriva. Mara le tshwanele go ya mahlong le dula matenteng gore le phele nako ya go lefa ga naga yo le dulang ga yona le le batho ba go tšwa ba sepela.’ 8 Byalo a re lisetsi go theetsela dilo ka mokana ga tsona tso Jehonadabho morwayi wa kokwane wa rune Rekhabho a re butsiyeng tsona, ka go sa nwe wayini⁠—rune, basadi ba rune, barwayi ba rune le barwediya ba rune. 9 Fote a re yage dintlo tsa go dula ga tsona, fote a re na dibaya tsa didhriva kela mašomo kela pewu. 10 Re nyoko ya mahlong re kene re dula gana ho matenteng fote re nyoko ya mahlong re theetsela dilo ka mokana ga tsona tso Jehonadabho* kokwane wa rune a re butsiyeng tsona. 11 Mara mo Kgoši Nebhukhadhinezara* wa Bhabhilona a tla a tl’le hlasela naga yowa,+ re yitseri, ‘Yema re tšhabele Jerusalema gore re tšhabelele masole ya Makhaladiya le ya Masiriya,’ gana byalo re dula Jerusalema.”

12 Jehova a bolabola le Jeremiya a re: 13 “Tsowa ke tso di hlayang ke Jehova wa masole, yene Modimo wa Israyele, o re, ‘Ariye o ye botsa batho ba Juda le batho bo ba dulang Jerusalema gore: “Ayitsano a ba le hlohletsela gatleletlele gore le theetsele tso ke le botsang tsona?”+ go hlaya Jehova. 14 “Jehonadabho morwayi wa Rekhabho a botsa ditlogolwane tsage gore di sa tsoge di nwile wayini, fote di mo theetsele ka go sa nwe wayini go segela le lekgono lowa, ka mokgonone ke mo ba šupetsa gore ba theetsela kokwane wa bona.+ Mara nna ke bolabodiye le lune gatleletlele, a le ya ntheetsela.+ 15 Mara ke yye mahlong ke romela baporofeta ba gore ke malata yaka ka mokana ga wona ga lune, ke ba romele gatleletlele+ gore ba re ga lune, ‘Barena sokologaneng, ye mongwana le ye mongwana a lisetse dilo tsa go befa tso a di makang+ ke mokane a make tsa go loka! Le sa rapele medimo ye mengwana le go yi berekela. Mo le ka maka ka mokgonone, le nyoko ya mahlong le dula ga naga yo ke yi neyyeng bokokwane ba lune.’+ Mara lune a le ya bula ditsebe kela la ntheetsela. 16 Ditlogolwane tsa Jehonadabho morwayi wa Rekhabho di makiye tso kokwane wa tsona a di butsiyeng gore di di make,+ mara batho bowa ba šitegiye go ntheetsela.”’”

17 “Byalo, tsowa ke tso di hlayang ke Jehova, yene Modimo wa masole wa gore ke Modimo wa Israyele, o re: ‘Gana byalo ke leyela Juda le batho ka mokana ga bona bo ba dulang Jerusalema dilo ka mokana ga tsona tsa go sasamela tso ke ba pasopisiyeng ka tsona,+ go bolabola nabo ke bolabodiye mara a baa ntheetsela, ke yye mahlong ke ba bitsa mara a sanka ba mfetola.’”+

18 Ke mokane Jeremiya a botsa ba mutši wa Marekhabho a re: “Tsowa ke tso di hlayang ke Jehova wa masole, yene Modimo wa Israyele, o re, ‘Ka taba la gore le theetsele tso kokwane wa lune Jehonadabho a le butsiyeng tsona fote la ya mahlong le maka dilo ka mokana ga tsona tso a di hlayyeng, le di maka ka mokgo a le butsiyeng ka gona, 19 tsowa ke tso di hlayang ke Jehova wa masole, yene Modimo wa Israyele: “Le mo go ka makega ying, go nyoko fo dula go na le setlogolwana sa Jehonadhabo* morwayi wa Rekhabho sa gore se nyoko mperekela.”’”