Jeremiya

34 Lentsu la Jehova la tla ga Jeremiya nakwela kgoši Nebhukhadhinezara* wa Bhabhilona le masole yage ka mokana ga wona le memmušo ya lefase ka mokana ga yona yi lawola ke yene fote le batho ka mokana ga bona ba lwa le Jerusalema le mitši ya yona ka mokana ga yona, a re:+

2 “Tsowa ke tso Jehova Modimo wa Israyele a di hlayang, ‘Ariye o segele o bolabole le Kgoši Zedekiya+ wa Juda o mmotse gore: “Tsowa ke tso Jehova a di hlayang: ‘Ke maka gore mutši wowa wo hlule ke kgoši ya Bhabhilona, fote o nyoko wo tšhubanya ka mollo.+ 3 Fote o ka sa kgone go mo tšhabelela, ka taba la gore ba nyoko go tshwara ba go yisa gage.+ Fote wene o nyoko lebeletsana le kgoši ya Bhabhilona ka maahlong, o nyoko bolabola nago a kene a go lebelele ke mokane ba nyoko go yisa Bhabhilona.’+ 4 Mara theetsela Jehova, wene Kgoši Zedekiya wa Juda, ‘Tsowa ke tso Jehova a di hlayang ka wene, o re: “O ka sa kgwe ka sabola. 5 Wene o nyoko kgwa o bebiye,+ fote ba nyoko go makela monyanya wa go tšhuba dilo tsa go nkgela ka mokgo ba makeleng bopapago ba gore ne go le magoši ya ku nthago, fote wene ba nyoko go llela ba re, ‘Yo nna yoo, mong wa rune!’ ka gore ‘ke nna ke hlayyeng tsotsone,’ go hlaya Jehova.”’”’”

6 Ke mokane Jeremiya wa go porofeta a bolabola dilo tsowa ka mokana ga tsona ga Kgoši Zedekiya wa Juda ku Jerusalema, 7 nakwela masole ya kgoši ya Bhabhilona ma lwa le Jerusalema fote ma lwa le mitši ka mokana ga yona ya Juda ya gore ne yi šele,+ le Lakhiši+ le Azekha;+ ka taba la gore ne go le yona mitši ya gore ne yi tiyisiwwe yo ne yi šele ga mitši ya Juda.

8 Lentsu la Jehova la tla ga Jeremiya ka nthago ga gore Kgoši Zedekiya a make kwano le batho ka mokana ga bona ba Jerusalema, kwano ya gore ba lokolle mabhantiti,+ 9 Ye mongwana le ye mongwana a lokolle lebhantiti lage la monna le la mosadi la gore ke Leheberu, gore go sa be le motho wa go maka Lejuda la gabo lebhantiti lage. 10 Byalo, dindhuna ka mokana ga tsona le batho ka mokana ga bona ba theetsela. Ba maka kwano ya gore ye mongwana le ye mongwana a lokolle mabhantiti yage ya banna le ya basadi le gore ba sa sa maka gore go be mabhantiti. Ba theetsela ke mokane ba ba lisetsa gore ba sepele. 11 Mara ka nthago ba buyisa mabhantiti yala ya banna le ya basadi ya gore ba ma lokolliye, ba ma gapeletsa gore ma be mabhantiti fote. 12 Byalo lentsu la Jehova la tla ga Jeremiya le tšwa ga Jehova la re:

13 “Tsowa ke tso Jehova Modimo wa Israyele a di hlayang, o re, ‘Ke makiye kwano le bokokwane ba lune+ ka letšatši lo ke ba ntshiyeng nageng ya Egepita ga mutši wa bobhantiti,+ ka re: 14 “Mo go fela kašupa ya mengwaga, ye mongwana le ye mongwana di nyaka a lokolle bhuti wage wa Leheberu wa gore ba mo rekisele yene fote o mmerekele kobodi ya mengwaga go le lebhantiti; di nyaka o mo lokolle.”+ Mara bokokwane ba lune a baa ntheetsela kela ba bula ditsebe tsa bona. 15 Fote lekgono lune le sokologiye la maka tsa gabutši mahlong gaka, la lokolla dibereki tsa lune, fote le makiye kwano mahlong gaka ku ntlong yaka. 16 Mara la ntšhentšhela fote la sinya lebitso laka+ ka go buyisa mabhantiti ya lune ya banna le ya basadi ya gore ne le ma lokolliye gore ma ye mo ma nyakang gona, la ma gapeletsa gore ma boye ma be mabhantiti ya lune.’

17 “Byalo tsowa ke tso Jehova a di hlayang: ‘Lune a le ya ntheetsela ga taba ya go lokolla bobhuti ba lune le batho ba bangwana.+ Byalo nna ke nyoko le lisetsa,’ go hlaya Jehova, ‘ka boya ka le leyela sabola, malwele ya go bolaya le tlala,+ fote ke nyoko maka gore memmušo ya lefase ka mokana ga yona mo yi le lebelela yi kwe yi tšhoga.+ 18 Tsowa ke tso di nyoko makegelang batho ba gore a baa latelela kwano yaka ka go sa make tso ba di hlayyeng nakwela ba maka kwano mahlong gaka, nakwela ba kupa senamane ka bogare ke mokane ba feta gare ga sona,+ 19 gana hone go kena dindhuna tsa Juda, dindhuna tsa Jerusalema, dindhuna tsa masole, maprista le batho ka mokana ga bona ba mone nageng ba gore ba fitiye gare ga senamane sone sa gore se kupiwwe: 20 Ke nyoko maka gore manaba ya bona ya gore ma nyaka go ba bolaya ma ba hlasele fote ditopo tsa bona go nyoko ba tsa go ja tsa dinonyane tsa ku magedimong le tsa go ja tsa diphoolwane tsa ho lefaseng.+ 21 Ke nyoko maka gore Kgoši Zedekiya wa Juda le dindhuna tsage ba hlasele ke manaba ya bona ya gore ma nyaka go ba bolaya, le gore ba hlasele ke masole ya kgoši ya Bhabhilona+ ya gore a ma sa nyaka go lwa le lune.’+

22 “‘Nna ke nyoko ba botsa gore ba make ying,’ go hlaya Jehova, ‘ke nyoko ba leyela mutši wowa, ba nyoko lwa nawo, ba wo hlula ba boya ba wo tšhuba ka mollo;+ fote mitši ya Juda go nyoko ba mašupi gwa sa sa dula motho.’”+