Hezekiyele

42 Ke mokane a n’yisa lapeng la ka tawong ka nthoko ya ka lebowa.+ Fote a n’yisa mo go nang le dikamara tsa go jela ga tsona tsa gore ke mo di le thina le poleke ya gore yi bulegiye,+ ka lebowa la moyago wone.+ 2 Mo go keniwang gona ka nthoko ya ka lebowa ke mo go le 100 ya dikhyubhiti* ka go lefa fote ke mo go le 50 ya dikhyubhiti ka go psyaralala. 3 Ke mo yi le gare ga lapa la ka teng la gore ke mo le le 20 ya dikhyubhiti ka go psyaralala,+ le lebato la lapa la ka tawong. Diphantšhisi tsa yona ke mo di libanne fote diphantšhisi tsone ka go ya gedimo ke mo di lekana le kararo ya dikamara mo di kalamanne. 4 Mahlong ga dikamara tsa go jela ga tsona ke mo go na le poleke ya ka teng ya go sepela ga yona+ ya gore ke mo yi le lesome la dikhyubhiti ka go psyaralala fote yi le 100 ya dikhyubhiti ka go lefa,* dipoleke tsa tsona tso go keniwang ga tsona ke mo di le ka nthoko ya ka lebowa. 5 Dikamara tsa go jela ga tsona tsa ka kgakala tsa moyago wone ke mo go le tse dinyana ga tsa ka ho tlase le tsa mo gare, ka taba la gore diphantšhisi ke mo di tsere sekgala sa tsona se segolo. 6 Ka gore ka go ya gedimo ke mo di lekana le kararo ya dikamara mo di kalamanne, mara tsona ke mo di sa tshwane le malapa ya go ba le dikholomo, ke mo di se na dikholomo. Nka taba lo ne di le tse dinyana ga tsa ka ho tlase le tsa ho bogare.

7 Lepharo la ka tawong la go makiwa ka matlapa la gore le thina le dikamara tsa go jela ga tsona tsa ka nthoko ya lapa la ka tawong tsa gore ke mo di libanne le dikamara tse dingwana tsa go jela ga tsona ke mo le le 50 ya dikhyubhiti ka go lefa. 8 Ka gore dikamara tsa go jela ga tsona tsa gore ne di le ka nthoko ya lapa la ka tawong ke mo di le 50 ya dikhyubhiti ka go lefa, mara tsa gore ne di libanne le poleke ya go hlawolega ke mo di le 100 ya dikhyubhiti. 9 Dikamara tsa go jela ga tsona ke mo di na le ga go kena gona ka nthoko ya ka bohlabela ga gore ne ba kena gona ba tšwa lapeng la ka tawong.

10 Ke mo go na le dikamara tsa go jela ga tsona ka nthoko ya ka borwa. Lepharo la go makiwa ka matlapa la lapa ke mo le le ka nthoko ya bohlabela bya dikamara tsone. Dikamara tsone ke mo di le thina le hala ga gore go bulegiye fote di le thina le moyago.+ 11 Ke mo go na le ga go sepela gona ho mahlong ga tsona ga gore go tshwana le ga dikamara tsa go jela ga tsona tsa ka lebowa.+ Ke mo di lekana ka go lefa le ka go psyaralala, mo go tšwiwang gona ke mo go tshwana fote dipolane tsa tsona ke mo di tshwana. Mo go keniwang gona 12 ke mo go tshwana le mo go keniwang gona hala dikamareng tsa go jela ga tsona tsa gore ne di le ka nthoko ya borwa. Mo go thomisang mo ga go sepela gona ke mo go na le ga go kena, mahlong ga lepharo la go makiwa ka matlapa la go libana le mo go keniwang gona ka nthoko ya ka bohlabela, ga gore motho a ka kena.+

13 Ke mokane a re gaka: “Dikamara tsa go jela ga tsona tsa ka nthoko ya lebowa le dikamara tsa go jela ga tsona tsa ka nthoko ya borwa tsa gore di thina le poleke ya gore yi bulegiye,+ ke dikamara tsa go jela ga tsona tsa gore di hlawolegiye tsa gore maprista ya gore ma yema mahlong ga Jehova ma jela dihlabelo tsa gore di hlawolegiye ka matla ga tsona.+ Gana hone ba beya dihlabelo tsa gore di hlawolegiye ka matla, sehlabelo sa mabele, sehlabelo sa mo motho a sinnye le sehlabelo sa mo motho a kokona ke lekwalo, ka taba la gore poleke yone yi hlawolegiye.+ 14 Mo maprista ma kena, a di nyake ma tšwa mone polekeng ya go hlawolega ma ya lapeng la ka tawong ma sa thomisa ka go yapola dikobo tso ma berekang ka tsona,+ ka taba la gore di hlawolegiye. Ma nyoko yapara dikobo tse dingwana gore ma ye polekeng ya gore go na le batho ba bangwana.”

15 Mo a fetsa go meta tempele ya ka teng,* o nntshiye ka tsela ya gheyiti ya go liba bohlabela+ ke mokane a meta poleke yone ka mokana ga yona.

16 O metiye ka nthoko ya ka bohlabela a berekisa lehlaka la go meta ka lona.* Mo a meta a berekisa lehlaka lone, ke mo go le 500 ya mahlaka ka go lefa go tloga ka nthoko ka yyoši go segela ka nthoko ye nngwana.

17 O metiye ka nthoko ya ka lebowa, fote mo a meta ka lehlaka, ke mo go le 500 ya mahlaka ka go lefa.

18 A meta ka nthoko ya ka borwa, fote mo a meta ka lehlaka, ke mo go le 500 ya mahlaka ka go lefa.

19 A dukuluga a ya ka nthoko ya ka bodikela. Mo a meta ka lehlaka la go meta ka lona ke mo go le 500 ya mahlaka ka go lefa.

20 O metiye mahlaya ya yona kanne ya wona. Ke mo yi na le lepharo go yi dukulugela+ la gore ke mo le le 500 ya mahlaka ka go lefa fote le le 500 ya mahlaka ka go psyaralala,+ gore a kgere gare ga poleke ya go hlawolega le poleke ya go berekisa ke batho ka mokana ga bona.+