Jeso Baa mo Tshwara

Jeso le mapostola yage ba fitiye Moyeding wa Kidirone ba ya ga Thaba ya Diolivi. Ke mo go šele go teyye 12 ya bošego, fote ngwedi ka mokana ga wona ne wo bonala gabutši. Mo ba segela tšhomong ya Ghetsemane, Jeso o ba butsiye gore: “Dulaneng le nna mowa, le sa koboleneng.” Ke mokane Jeso a ya mahlong a segela a wela fase ka matolo. Ne a kgongwele ka matla, a rapela Jehova a re: “Go makege tso wene o di nyakang.” Ke mokane Jehova a romela lengeloyi gore le tiyise Jeso. Mo Jeso a boyela ga mapostola, o krayye kararo ya wona ma yetsele. O yitseri: ‘Tsoganeng! A yi yona nako ya gore le yetsele! Nako yi segele ya gore ba ntseye ba n’yise ga manaba yaka.’

Ka nthagonyana Judase o yye a segela, a tla le mogoba wo mogolo wa gore wo tshwere disabola le mapara. Ne a tšiba gore ba nyoko mo kraya kaye ga Jeso ka taba la gore ne ba fela ba tla ga tšhomo yone. Judase o butsiye masole gore o nyoko ma šupetsa gore Jeso ke mofeng. O yye ga Jeso a segela a re: ‘Tama, Thitšere,’ ke mokane a mo khisa. Jeso a re: ‘Judase, o nrekisa ka go nkhisa?’

Jeso a šutela a re ga mogoba wone: “Le nyaka mang?” Ke mokane ba re: “Jeso wa Lenazareta.” Jeso a fetola a re: “Ke nna yewa,” ke mokane banna bone ba šutela nthago ba wela fase. Jeso a boyelela a ba butsisa gore: “Le nyaka mang?” Ba boyelela ba re: “Jeso wa Lenazareta.” Jeso a fetola a re: ‘Ke le butsiye ka re ke nna yewa. Lisetsaneng bowa ba bangwana ba sepele.’

Mo Petro a bona tso di makegang, o yye a ntsha sabola a kopa tsebe ya Malekhase, lelata la moprista ye mogolo. Mara Jeso a tshwara tsebe ya monna yene a mo yalafa. Ke mokane a re ga Petro: ‘Busetsa sabola yago mo yi dulang. Mo o ka lwa ka sabola, o nyoko bolayiwa ka sabola.’ Masole ma yye ma tshwara Jeso ma mo tlema matsogo, ke mokane mapostola ma tšhaba. Mogoba wone wa mo yisa ga Annase, ndhuna ya masole. Annase o yye a butsisa Jeso diputsiso ke mokane a mo yi sa ga ntlo ya Moprista ye Mogolo Kheyifase. Mara go yye gwa makega ying ka mapostola?