Elizabheta o ba le Ngwana

Ka nthago ga 400 ya mengwaga mapharo ya Jerusalema ba ma tsosetsele, moprista ye ba reng ke Zakariya le mosadi wage Elizabheta ne ba dula thina le mutši wone. Ne go fediye mengwaga ya go tlala ba šadhiye mara ba se na bana. Tšatše’nngwana Zakariya ne a tšhubelela tsa go nkgela tempeleng, ke mokane gwa nyarela lengeloyi Ghabhriyele. Zakariya ne a tšhugiye, mara Ghabhriyele a re: ‘O sa tšhoge. Ke go tshwarele ditaba tsa go bafala tsa go tšwa ga Jehova. Mosadi wago, Elizabheta, o nyoko belega ngwana wa mošomanyana fote o mo reye gore ke Johane. Jehova o kgetiye Johane gore a make mmereko wa go hlawolega.’ Zakariya o yye a butsisa gore: ‘Nka di tshepa byang dilo tsowa? Nna le mosadi waka re tsofele gore re ka ba le ngwana.’ Ghabhriyele a re: ‘Ke romme ke Jehova gore ke go botse ditaba tsowa tsa go bafala. Mara ka taba la gore a wa ntshepa, o ka sa kgone go bolabola go segela ngwanewa a belegiwa.’

Zakariya o fetsiye nako ya go lefa go phala matšatši, a le ga gore ba tšhubela gona tsa go nkgela. Byalo mo a tšwa, batho ne ba yemme ka tawong ba nyaka go tšiba gore go makegiye ying. Zakariya ne a sa kgone go bolabola. Ne a fo kgona go šupašupa ka menwana. Ke mokane batho ba yye ba di bona gore Zakariya o krayye molayetsa wa go tšwa ga Modimo.

Mo nako yi ya, Elizabheta o yye a yima fote a belega ngwana wa mošomanyana, go ya ka mokgo lengeloyi le hlayyeng. Banghana bage le mašaga ba tlile gore ba bone ngwanage. Ne ba jabodiye ka matla. Elizabheta o yitseri: ‘Lebitso lage ke Johane.’ Bona ba re: ‘A go na lešaga lago la gore le na le lebitso lone. Mo neye lebitso la papage, mo reye gore ke Zakariya.’ Mara Zakariya a ngwala fase mantsu ya gore: ‘Lebitso lage ke Johane.’ Ka yona nako yonone, Zakariya a thomisa go bolabola! Ditaba tsa ngwanene dya sabalala Judiya ka moka, fote batho ne ba tiputsisa gore: ‘Ngwanene go nyoko ba ying mo a gola?’

Ke mokane Zakariya o yye a yetetsa ke moya wa go hlawolega. O yye a porofeta a re: ‘Go thanakiwe Jehova. O tshepisiye Abhrahama gore O nyoko romela wa go re phonisa, yene Mesiya, gore a tle a re phonise. Johane go nyoko ba moporofeta, fote o nyoko kgorela Mesiya tsela.’

Lešaga la Elizabheta, go leng Mariya, le yene o yye a makegela ke tsa go makatsa. Tla re kweneng ka tsona ga tema ya go latela.