Jošuwa le Maghibhiyoni

Ditaba tsa gore Jerikho ba yi hludiye di sabalele le ga ditšhaba tse dingwana tsa Kanana. Magoši yane ma yye ma fetsa ka gore ma gahlane ma ye ma lwe le Maisrayele. Mara Maghibhiyoni ma yye ma tla ka polane ye nngwana. Ma tlile ga Jošuwa ma yapere dikobo tsa go hlagala ma segela ma re: ‘Re tšwa ga naga ya kgole. Re kwile ka Jehova le dilo ka moka tso a le makeleng tsona ku Egepita le Mowaba. Re tshepiseneng gore le ka sa re make selo, ke mokane rune re nyoko ba malata ya lune.’

Jošuwa o yye a ba tshepa, ke mokane a ba tshepisa gore a ka sa ba hlasele. Ka nthago ga kararo ya matšatši, o yye a di kwelela gore a ba tšwi ga naga ya kgole. Ne ba tšwa nageng ya Kanana. Jošuwa a butsisa Maghibhiyoni gore: ‘Ke ntaba le re butsiye matsaka?’ Ba mo fetodiye ba re: ‘Ne re tšhugiye! Re ya di tšiba gore Jehova Modimo wa lune wa le lwela. Barena le sa re bolaye.’ Jošuwa o yye a maka tso a di tshepisiyeng, a ba lisetsa ba phela.

Ka nthagonyana, kapheta ya magoši ya Makanana le masole ya wona ma yye ma nyaka go lwa le Maghibhiyoni. Jošuwa le masole yage ba yye ba sepela bošego ka moka gore ba ye ba ba phonise. Ntwa yi yye ya thomisa ka motshwana wa gona ka bošego. Makanana ma yye ma thomisa go tšhaba, ma sabalala le dipoleke ka moka. Go gongwana le go gongwana mo ne ba tšhabela gona Jehova ne a nisa sefako se segolo. Ke mokane Jošuwa a kgopela Jehova gore a yemise letšatši. Ke ntaba a yye a kgopela Jehova gore a yemise letšatši, le gore letšatši a le soko hlwa le yema? Ka taba la gore Jošuwa ne a tshepele ga Jehova. Letšatši a la sobela tšatši lone, go segela Maisrayele ma hlula magoši ya Makanana le masole ya wona.