Ditšhiko Tsa mo go Hlatolliwa Bhayibele

Ba bangwana ba ka fetsa ka gore, mo go ka hlatolliwa lentsu le lengwana le le lengwana ka mokgwa wa interlinear, tsotsone di nyoko maka gore ye a balang a kwe molayetsa wa gore wo thina ka matla le tso ne di ngwadiwwe ka mebolabolo ya mathomo. Mara mayemo a ma tshwane. Bona gore ke ntaba:

• Mebolabolo a yi beyi ditaba go tshwana, a yi na mantsu ya go tshwana fote a yi ngwadiwi go tshwana. S. R. Driver wa gore o tšiba Seheberu gabutši, o ngwadiye gore mebolabolo “a yi fo fapana go ya ka mokgo ditaba di beyiwang ka gona le mo yi thomisiyeng gona, mara le . . . ka mokgo yi gahlanisang mantsu gore ditaba di thogo kwagala.” Mebolabolo a yi tshwane, byalo le ditaba di ka sa beyiwi ka mokgwa wa go tshwana. Fote mo Driver a ya mahlong o re, “Tsotsone di maka gore mebolabolo yi sa ngwale mafoko go tshwana.”

• Mebolabolo ya gana byalo a yi berekisi mantsu ya go tshwana le ya mebolabolo yo ba yi berekisiyeng mo ba ngwala Bhayibele, ya Seheberu, Searamo le Segerika, fote a yi beyi ditaba go tshwana nayo, byalo yi ka fo sa kwagale kela ka dinako tse dingwana ya šiya molayetsa wa gore a yi wona mo go ka fo hlatolliwa lentsu ka lentsu.

• Mantsu ma ka rela dilo tsa go sa tshwane di ya ka gore go bolabodiwa ka ying ka nako yonone.

Ye wa go hlatolla a ka kgona gore go gongwana a beye ditaba go tshwana le ka mokgo ne di beyiwwe ka gona mathomisong, mara di nyaka a ro napa a ntsha maahlo dikwakweng.

Tsowa ke tse dingwana tsa go šupetsa gore mo go hlatolliwa lentsu ka lentsu, di ka maka gore motho a sa kraye monopo wa taba:

• Mo mangwalo ma berekisa mantsu ya gore go ‘yetsela’ di ka rela borokoroko kela go kgwa. (Matewu 28:13; Mebereko 7:60) Mo mantsu yawa ma berekisiwa ga taba ya go rela mo go hlokofele motho, bo ba hlatollang Bhayibele ba ka berekisa mantsu ya gore “go hlokofala” kela ‘go kgwa’ gore di thogo gelepa ba gore ba bala Bhayibele ka dinako tsa rune gore ba thogo kwisisa gabutši.—1 Makorente 7:39; 1 Mathesalonika 4:13; 2 Petro 3:4.

• Pawulo wa lepostola o berekisiye mantsu ya ma krayegang ga Maefeso 4:14 ya gore mo ba ka ma hlatolla lentsu ka lentsu ma ka re “banna ba go kgana madhayisi.” Seyema sowa sa botala se fo rela go tsotsa ba bangwana ka madhayisi. Ka mebolabolo ye mengwana, go fo hlatolla seyema so ka mokgo se leng ka gona di ka sa kwagale. Mara mo ba re “bo ba go tšhutisa matsaka” taba yi napa yi yela.

• Ga Maroma 12:11, ba berekisiye mantsu ya Segerika ya gore mo ba ka ma hlatolla lentsu ka lentsu ma rela “go ba le moya wa go tshwehla.” Mantsu yane a ma nape ma ntsha taba gabutši ka Sekgowa, byalo mo ba ma hlatolla ba yitseri “le lisetse moya wa go hlawolega gore wo le neye matšato.”

• 

  Nakwela Jeso a Tšhutisa a le Thabeng, o berekisiye mantsu ya gore ga go tlala mo ba ma hlatolla ba re “Go rufegiye bo ba gore baa hlupega moyeng.” (Matewu 5:3, King James Version) Mara ga mebolabolo ya go tlala, mo yi beyiwa ka mokgo a yi nape yi yela. Ka dinako tse dingwana, go yi hlatolla ka mokgo yi leng ka gona go ka fo rela gore “bo ba gore baa hlupega moyeng” a di tseye kela a ba na matšato fote a baa tikemisela go maka selo. Mara howa Jeso ke mo a tšhutisa batho gore go jabola ga bona a gwa tithega ka mo ba kraya tso ba di gayelang gore ba thogo phela, mara ba nyoko jabola mo ba tseyela gedimo taba ya gore ba nyaka go yetetsa ke Modimo. (Lluka 6:20) Byalo, mantsu ya go tshwana le ya gore, “bo ba nyakang go yetetsa ke Modimo” kela “bo ba nyakang tso tsa Modimo” ma napa ma fitisa gabutši molayetsa wo wo ngwadiwweng ku botala.—Matewu 5:3; The New Testament in Modern English.

• Ga go tlala, lentsu la Seheberu la gore qin·ʼahʹ le rela mo motho a na le “jelase” kela a nabela dilo tsa ba bangwana. (Diyema 6:34; Jesaya 11:13) Mara lentsu lone le berekisiwweng ga Seheberu le ka rela le dilo tsa gabutši. Mo re beyisa, le ka berekisiwa ga taba ya gore Jehova o maka se sengwana le se sengwana gore a pasope malata yage kela ga taba ya gore o “nyaka batho ba tineyela gage a ntoši.” (Eksoda 34:14; 2 Magoši 19:31; Hezekiyele 5:13; Zakariya 8:2) Fote le ka berekisiwa ga matšato ya malata yage ya go tshepega ma nang nawo mo ma berekela Modimo le mo ma mo rapela le ga taba ya gore a ma ‘lisetsi ba bangwana ba mo dhelela.’—Pisalema 69:9; 119:139; Dipalo 25:11.

• 

  Mantsu ya Seheberu ya gore ga go tlala ma rela letsogo la motho, ma rela dilo tsa mehlobohlobo. Di ya ka gore mantsu yane ba ma berekisiye kaye, ba ka fo re ‘go lawola,’ ‘go neya o sa tšhofe ke motho’ kela “matšhika.” (2 Samuwele 8:3; 1 Magoši 10:13; Diyema 18:21) Gabutšibutši, lentsu lowa le nyarela ka mekgwa ya go sa tshwane ya go teya ka ku ga 40 ga Hlatollo ya Lefase la Nyuwane ya Mangwalo ya go Hlawolega ya Sekgowa.

Tsowa di fo šupetsa gore mo go hlatolliwa Bhayibele a ba fo dula ba berekisa lentsu ka lloši go gongwana le go gongwana mo le nyarelang. Ye a hlatollang a kale gabutši gore a thogo kgeta mantsu ya gore ma wo beya gabutši molayetsa wa mmolabolo wa mathomisong. Go tokegela gana hone, go nyakega gore tso di ngwadiwweng di sipidisane le melawo ya mmolabolo wone, tsotsone di nyoko maka gore go be lula go bala tso di ngwadiwweng.

Fote ye a hlatollang a pasope gore a sa tšhentšhi taba mo a kene a hlatolla. Mo motho wa go hlatolla a hlatolla Bhayibele go ya ka mokgo yene a bonang taba ka gona, tsotsone di ka maka gore molayetsa wo sa tšwe gabutši. Byang mara? Ye a hlatollang a ka tšhoga a beyye ditaba ka mokgo yene a naganang gore ke mo di beyiwwe ka gona mathomisong kela a sula ditaba tse dikgolo. Le mo nkare di ka fo balega lula mo a beyye ditaba ka mokgo a di kwisisang, di ka maka gore ye a balang a sa kraye mong wona molayetsa.

Tso ye wa go hlatolla a di dumelang di ka maka gore mmereko wage wo sa tšwe gabutši. Mo re beyisa, Matewu 7:13 yi re: ‘Pata ya gore yi bakiye likgung yi bulegiye.’ Ba bangwana ba go hlatolla ba ka fo ba ba kutšetsele ke tso ba di dumelang, ke mokane ba berekisa lentsu “diheleng,” ba sa berekisi lentsu la Segerika la gore gabutšibutši le rela gore “likgung.”

Ye wa go hlatolla Bhayibele di nyaka a tseyele gedimo taba ya gore Bhayibele ba yi ngwadiye ba berekisa mmolabolo wa gore wo tlwayelegiye, wa gore fote wo berekisa ke batho ba gore a baa tšhutega go tshwana le ba go lima, ba go disa le ba go loba dihlapi. (Nehemiya 8:8, 12; Mebereko 4:13) Byalo mo Bhayibele yi hlatolliwwe gabutši, batho ba dipelo tsa gabutši ba nyoko kwisisa molayetsa wa yona, di sa yi ka gore ba golele kaye. Di gabutši go berekisa mantsu ya lula, ya gore ma tlwayelegiye fote maa kwisisega, go phala go berekisa mantsu ya gore ba gore a baa tšhutega a ba ma berekisi ka matla.

Bo ba go hlatolla Bhayibele ba go tlala ba makiye selo sa gore ke mo ba sa tshwanela go se maka, ba ntshiye lebitso la Modimo, Jehova, ga dihlatollo tsa gana byalo le mo nkare lebitso lone le gona ga Dibhayibele tsa ku botala. (Bona Tsa go Tlatsisa ga A4.) Ga dihlatollo tse dingwana ba tlusiye lebitso lage ba ngwala sereto sa go tshwana le “Morena,” fote ga tse dingwana ba wutametsiye le taba ya gore Modimo o na le lebitso. Mo re beyisa, ga dihlatollo tse dingwana, thapelo ya Jeso ya gore yi ga Johane 17:26 ba yi hlatolliye ka gore: “Ke makiye gore ba go tšibe,” fote ga Johane 17:6 ba yitseri, “Ke makiye gore bo o nneyyeng bona ba go tšibe.” Mara hlatollo ya go tshepega mo yi bolabola ka thapelo ya Jeso yi re: “Ke ba butsiye lebitso lago,” fote “Ke makiye gore lebitso lago le tšibege ga batho bo o nneyyeng bona.”

Go fo ya ka mokgo go hlayiwweng ga mantsu ya mathomo ya Hlatollo ya Lefase la Nyuwane ya Sekgowa: “A re hlatolle Mangwalo go ya ka mokgo re kwisisang ka gona. Re karakara ka matla gore mo go kgonega re hlatolle so se ngwadiwweng, ga gore diyema tsa Sekgowa di kena gabutši le mo nkare tsotsone a di make gore ditaba di šale di sa yela.” Ke tsona tso di makiyeng gore Komiti ya go Hlatolla Bhayibele ya Lefase la Nyuwane yi karakare ka matla gore yi berekise mantsu kela mokgwa wa go beya ditaba wa gore a wo tšhentšhi molayetsa wa ku mathomisong, a ba berekisi mantsu ya gore a ma balege gabutši kela ya gore ma ka maka gore motho a sa kraye mong tabataba. Tsotsone di maka gore Bhayibele yi balege lula fote ye a balang aa kamake gore molayetsa wa yona wa gore wo tšwa ga Modimo ba wo hlatolliye ka mokgwa wa go korola.—1 Mathesalonika 2:13.