Le ka wo Polana Byang Mošadho wa Gore wo Šala wo Gadimisa Jehova?

1-2. Jehova o le tseya ka mokgo mang letšatši la mošadho?

AYITSANO le šele le tshepisanne mošadho? Mo nkare go ka mokgonone, re jabola le lune barena, re re wele-wele-wele! Di ka makega gore le kenne fase, le tshwaraganne le taba ya go polana mošadho wa lune. Jehova o nyaka go le gelepa ga mošadho wa lune. O nyaka gore le tikwise ka letšatši la lune la mošadhoa fote o nyaka gore le ku mahlong le dule le jabodiye le le ggoši.—Diy. 5:18; Koša 3:11.

² Phela ke taba ye kgolo ya gore mošadho wa lune wo šale wo gadimisa Jehova. Ke ntaba re reyane? Fote tsotsone le ka di maka byang? Le mo nkare hlogotaba yowa yi bolabola le bo ba gore ba lukiselela mošadho wa bona, ditšhiko tso di leng howa di ka gelepa ka mokana ga rune gore re thogo gadimisa Jehova mo nkare re ya mošadhong kela bo ba gore ba nyoko šadha ba ka re kgopela gore re ba yeletse ka dipolane tso ba di naganneng ka mošadho wa bona.

KE NTABA DI NYAKA LE GADIMISE JEHOVA?

3. Mo monna le mosadi ba gore ke Makreste ba polana go maka mošadho, di nyaka ba nagane ka ying fote ke ntaba?

³ Monna le mosadi ba gore ba polanne go maka mošadho wa Sekreste, di nyaka ba di bone gore mošadho wone wo sipidisana le ditšhiko tsa Jehova tsa gore di krayega ka Lentsung lage. Ke ntaba? Ka taba la gore Jehova ke yene ye a Makiyeng gore go be le selo so ba reng ke mošadho. O yye a lukiselela mošadho wa mathomothomo—wa gore o yye a šadhisa Adamo le Efa. (Gen. 1:28; 2:24) Byalo, bo ba polanneng go maka mošadho di nyaka ba nagane gore ba ka maka byang gore mošadho wone wo gadimise Jehova.

4. Ke selo sefeng so se tšhofang monna le mosadi gore ba gadimise Jehova ka letšatši la bona la mošadho?

⁴ Wa tšiba, go na le selo se segolo so se le tšhofang gore le lebelele gore Jehova o le tseya byang letšatši la lune la mošadho: Ke Papa wa lune wa ku legedimong fote ke Monghana lune ye mogolo. (Maheb. 12:9) A re kamake gore le nyaka go fo ya mahlong le na le senghana sa gabutši naye. A le nyake gore ka letšatši la mošadho wa lune kela letšatši le lengwana nje go makege selo sa gore se ka kwisa Monghana lune go baba akere. (Pis. 25:14) Mo le nagana ka dilo ka mokana ga tsona tso Jehova a le makeleng tsona, nje a le bone gore di ro mo tshwanela gore le mo gadimise ka letšatši la mošadho wa lune?—Pis. 116:12.

LE KA MO GADIMISA KA MOKGO MANG GA JEHOVA?

5. Bhayibele yi ka ba gelepa byang monna le mosadi gore ba thogo polana letšatši la mošadho wa bona?

⁵ Bhayibele a yi na molokoloko wa melawo ya go hlaya gore mošadho wa Makreste wo tshwanele wo be byang kela gore monyanya wa go jabolela mošadho wo be byang. Byalo, monna le mosadi ba ka polana mošadho wa bona ba kene ba lebelele seyemo sa bona, tso ba di tlwayeleng ka setšo sa bona kela tso bona beng ba di jabolelang. Mara Makreste ya mannete di nyaka ma latelele molawo wa mmušo wa go bolabola ka mošadho. (Mat. 22:21) Le mo go le ka mokgonone, se sengwana le se sengwana so monna le mosadi ba se kgetang ka letšatši la mošadho wa bona, solanka ba latelela ditšhiko tsa Bhayibele, ba nyoko gadimisa Jehova fote ba jabodisa pelo yage. Byalo, ke ditšhiko difeng tso le tshwaneleng go dula le di gopola?

6. Ke ntaba go le selo se segolo gore monna le mosadi ba latelele melawo ya go bolabola ka mošadho?

⁶ Le latelele molawo. (Marom. 13:​1, 2) Ga dinaga tsa go tlala, mmušo wo na le melawo ya go bolabola ka mošadho ya gore monna le mosadi di nyaka ba yi latelela mo ba soko bane ba šadha. Bo ba gore ba nyaka go šadha di nyaka ba nyakisise gore melawo ya naga ya mo ba dulang yi re king. Mo nkare a le tšibi gore le ka di makamaka byang tsotsone, le sa tšhabe go kgopela bagolo gore ba le gelepe.b

7. Mošadho di nyaka go be monyanya wa mošaga mang fote le ka maka byang gore wo be ka mokgonone?

⁷ Le bone gore monyanya wone wa hlompega. (1 Makor. 10:​31, 32) Le liketseneng ka matla barena gore mošadho wa lune wo šupetse mekgwa ya go bafala ya gore yi leya ke moya wa go hlawolega, o sa kraye wo kutšetsele nka mokgo lefase lowa le makang dilo. (Magal. 5:​19-26) Ka taba la gore monna go ko ba yene hlogo ka ho mutšing wa bona wa nyuwane, ke mmereko wage gore a bone gore mošadho wone wa jabodisa fote wa hlompega. Le ka maka byang mara gore mošadho wo be ka mokgonone? Polabolo ya mošadho ya gore ba yi beya ka mokgwa wa go hlompega le wa gabutši nje ba berekisa Bhayibele, yi gelepa ka mokana ga bona bo ba theetseleng gore ba thogo kwisisa gore mošadho ke selo sa gore re ro neya ke Jehova. Ka mokana ga bona bo ba leng hone ba nyoko berekela ke polabolo yone ka taba la gore yi nyoko ba gelepa gore ba thogo di bona gore taba ya mošadho a yi ya go kgana. Ka taba la tsotsone, Makreste ya go tlala ma kgeta go yi tshwara Holong ya Mmušo, mo nkare di ya kgonega. Byalo, mo nkare le lune le nabela gore polabolo ya mošadho ba yi beye Holong ya Mmušo, di nyaka le ngwaleneng borifi le neyeneng mogoba wa bagolo ba phutego yonone le jabolelang go berekisa Holo ya bona go sa na le nako.

8. Mo nkare go nyoko ba le monyanya ga mošadho wa lune, le ka maka byang gore wo gadimise Jehova? (Maroma 13:13)

⁸ Bala Maroma 13:13. Mo nkare le kgeta go ba le monyanya ga mošadho wa lune, le ka maka byang gore wo sa kutšetsele ke mokgwa wo lefase le makang dilo? Mantsu ya Segerika ya gore ‘menyanya ya go sa hlamatsega,’ ma rela mo batho ba gahlanne ba gaputlela mokgete fote ba kgana dikoša bošego ka moka. Mo nkare le kgeta go neya batho mokgete, di nyaka le thomise le nagane gore le nyoko di makisa sekaye gore o sa kraye batho bone ba šele ba nwile ka matla.c Mo nkare le ko ba le teya dikoša, di nyaka volumu ya lune yi sa rase gore batho bo ba leng hone ba thogo bolabodisana gabutši, o sa kraye ba šele ba yahlamela nkare ye mongwana wa bona o ku mosekola. Le kgeteneng gabutši dikoša tso le nyoko di kganang le mantsu ya tsona gore ma re king gore le sa phiriketsi ba bangwana.

9. Monna le mosadi di nyaka ba dule ba gopole ying mo di tla ga dilo tso ba bangwana ba nyoko di hlayang mošadhong wa bona kela dilo tsa go tijabodisa tso ba nyoko di makang gana hone?

⁹ Ayitsano ga monyanya wa mošadho wa lune go ko ba go na le batho ba gore ba nyoko hlaya se sengwana, ba šupetsa dithombhe tsa lune, ba kgana dividiyo kela dilo tse dingwana tsa go tijabodisa? Dilo tsa mošaga wowa di ka maka gore go jabodise mošadhong wa lune. Le mo go le ka mokgonone, di nyaka le bone gore dilo tsone di ko bang di makega gana hone, ke tsa gore di ya yagisa. (Mafil. 4:8) Tiputsise gore: ‘Ayitsano di ko ba di šupetsa gore re hlompa ba bangwana? Ayitsano di ko ba di šupetsa gore re hlompa mošadho?’ Mara putsiso ye kgolo yo o tshwaneleng go tiputsisa yona ke ya gore: ‘Ayitsano di nyoko gadimisa Jehova?’ A go sinyegi selo mo le fela le tshegisa batho bo ba leng hone mara di nyaka le kganela kgole le go jowuka ka dilo tsa go sa hlamatsega tsa go tshwana le tsa go maka tsa ka mapaying. (Maef. 5:3) Mo nkare ba genu kela banghana ba lune ba nyoko hlaya se sengwana ga monyanya wone, di nyaka le ba gelepe ba thogo kwisisa gore ke dilo tsa mošaga mang tso le nyakang ba di hlaya.

10. Ke ntaba di nyaka monna le mosadi ba sa yi ka matla mo ba polana mošadho wa bona? (1 Johane 2:​15-17)

¹⁰ Le sa nape le ya ka matla la go šinya le nyaka gore batho ba le bone. (Bala 1 Johane 2:​15-17.) Jehova o di jabolela ka matla mo malata yage ma liketsa ka matla gore ma gadimise yene, ma sa lwele gore ma bone ke batho. Byalo, Makreste ya gore ma tšiba ho ma kgerang ma nyoko kganela kgole le go berekisa tšheleta ya go tlala le go maka “tso motho a di makang tsa go nyaka gore batho ba mmone.” Di nyoko le berekela byang mo le ka maka mošadho wa gabutši nje, go sa be wa mayemo? Tseya ka mošupetso wa mogageru ye ba reng ke Mike, wa go tšwa hala Norway. O re: “Re kganele kgole le dikoloto fote re kgonne go ya mahlong re maka mmereko wa go ba mašupatsela. Mošadho wa rune ke mo go se wa mabešebeše mara ke mo wo bafele fote a wo lebalege.” Mogageru wa mosadi ye ba reng ke Tabitha wa hala India, o re: “A re ya nyaka go tiwopisa hlogo. Re f’lo maka mošadho wa lula nje fote tsotsone di makiye gore go sa be le dilo tsa go tlala tso ne re tshwanele re di make fote a sanka ra phigisana le mašaga ya rune ka dilo tsa go tlala.”

11. Mokgwenyane le makoti ba ka šupetsa ka mokgo mang gore ba tšiba mo ba kgerang mo di tla ga mokgwa wo ba yaparang le ka mokgo ba lebelelegang? (Lebelela le dithombhe.)

¹¹ Ayitsano le šele le kgetiye gore le nyoko yapara byang? A re kamake gore le nyaka go tšhepa. Phela le ka dinako tsa Bhayibele, mokgwenyane le makoti ne ba hlupega ka matla ka gore ne ba lebelelega byang. (Jes. 61:10) Ke nnete gore dikobo tso le di yaparang ka mošadho wa lune di ka sa nape di tshwana le tso le felang le di yapara, mara go be tsa gore di ya lebelelega. (1 Thim. 2:9) Le sa yikele gore dikobo tso le di yaparang le ka mokgo le lebelelegang go be mong tsona dilo tse dikgolo ga mošadho wa lune.—1 Pet. 3:​3, 4.

12. Ke ntaba monna le mosadi di nyaka ba kganele kgole le dilo tso batho ba tlwayeleng go di maka mo ba dulang tsa gore a di tšwi Mangwalong?

¹² Le kganele kgole le dilo tso batho ba tlwayeleng go di maka tsa gore a di tšwi Mangwalong. (Kut. 18:4) Mešadho ya lekgono ga lefase lowa, ga go tlala yi na le dilo tso batho ba tlwayeleng go di maka tsa gore di sipidisana le sedumedi sa matsaka, tsa madimona le dilo tsa gore di ya yila. Jehova wa re pasopisa gore re kganele kgole le dilo tsa mošaga wonone tsa gore a di ya yela. (2 Makor. 6:​14-17) Mo nkare mo le tšwang gona go na le dilo tso batho ba tlwayeleng go di maka kela tsa setšo tsa gore a le nape le di tšiba gabutši gore Jehova wa di yamogela, nyakollaneng ka tsona gore di thomisiye kaye ke mokane le lebelele ditšhiko tsa Bhayibele tso le ka di berekisang le soko bane le segelela sepheto sa gore king sa gore le ka se tšhela ga monyanya wa mošadho wa lune.

13. Mokgwenyane le makoti ba ka yekisela Jehova ka mokgo mang ga taba ya dilo tso ba ba neyang tsona?

¹³ Ayitsano go tlwayelegiye mo le dulang gona gore bo ba tlileng mošadhong ba neye mokgwenyane le makoti dijumbhane? Phela a re lekane ka sekwetše, byalo motho wa gore o ghannye a ka leya sejumbhane sa gore a se tshwane le sa motho wa gore aa na tšheleta ya go tlala. Ke nnete gore Makreste ba ma hlohletsela gore ma sa konane fote ma jabodisa ke go maka tsotsone. (Diy. 11:25; Meber. 20:35) Le mo go le ka mokgonone, lune ba gore le ya šadha a di nyake le maka gore bo ba tlileng hone mošadhong wa lune ba tikwe ba gapeletsega gore ba le neye se sengwana kela ba tikwe nkare a baa maka selo mo ba leyye sejumbhane sa gore a se turi. Phela re ko ba re yekisela Jehova mo re liketsa ka matla gore re tseye taba yowa ya go neyana ka mokgo Jehova a yi tseyang ke mokane re ba lisetse ba neye ka mokgo bona ba kgonang fote di tšwa pelong.—2 Makor. 9:7.

LE KA KGANELA KGOLE BYANG LE DINTSHITSHIRE LE BOYA LE DI HLULA?

14. Banna le basadi ba bangwana ba ghulana le dintshitshire tsa mošaga mang?

¹⁴ Mo le kene le liketsa go polana mošadho wa lune wa gore wo nyoko gadimisa Jehova, le ka gahlana le dintshitshire. Mo re beyisa, di ka le thathafela gore le polane mošadho wa lula nje. Charlie wa gore o tšwa Solomon Islands, o re: “Ke mo re tshwere bothatha ga taba ya gore re meme mang ga monyanya wone. Re na le banghana ba go tlala fote ka setšo sa rune, batho ka mokana ga bona ba nyaka gore re ba meme!” Tabitha yela re šeleng re bolabodiye ka yene, o re: “Mo ke dulang, go tlwayelegiye gore monyanya wo be wo mogolo. Babelegi ba rune di ba tsere nako gore ba yamogele sepheto so re se segeleleng sa gore re nyaka go mema gana hala ga 100 ya batho.” Sarah wa hala India, o re: “Batho ba bangwana ba hlupega ka matla ka gore ba na le sekwetše sa go segela kaye le gore batho ba bangwana ba ba tseya byang. Bo motswalaka ba yye ba ba le mešadho ya go tura, byalo ke f’lo kwa ba ntšhelela go fisa gore le nna ke make mošadho wa go tura go ba phala.” Le ka gelepa king gore le hlule dintshitshire tsowa le tse dingwana?

15. Ke ntaba di nyaka le dule le rapela mo le kene le polana mošadho wa lune?

¹⁵ Le duleneng le rapela mo le kene le polana mošadho wa lune. Le ka botsa Jehova mo le rapela ka mathatha ya le gahlanang nawo le ka mokgo le tikwang. (Mafil. 4:​6, 7) Le ka mo kgopela gore a le gelepe le thogo segelela dipheto tsa gabutši, le dule le kgibiye mo le thomisa go šekela fote le šišimale mo nkare le kgeta go maka dilo ka mokgwa wa gore ba bangwana ne ba sa wo nagana. (1 Pet. 5:7) Mo le bona Jehova a fetola merapelo ya lune, le nyoko napa le mo tshepa lela. Tabitha yela re bolabodiyeng ka yene, o re: “Nna le monnaka ne re hlupega ka taba ya gore re ka fo sa bone dilo go tshwana ka borunebeng le batho ba ka gaye. Byalo, ka moka nako mo re bolabola ka dipolane tsa mošadho wa rune, ke mo re thomisa ka go rapela. Re di bonne mo Jehova a re gelepa fote ke mo go dula go bebiye segareng ga rune le mašaga ya rune.”

16-17. Mo le bolabodisana gabutši, tsotsone di ka le gelepa byang mo le kene le polana mošadho wa lune?

¹⁶ Le bolabodisane gabutši mo le kene le polana. (Diy. 15:22) Le le ka babedi, di ko nyaka gore le segelele dipheto tsa go tlala ka mošadho wa lune. Gana hone go kena le letšatši la mošadho wa lune, gore le nyoko berekisa bokaye, ke bomang bo le nyoko ba memang, ye naa, di tlele. Mo le soko bane le segelela sepheto, pombholaneng dilo tso le di kgetang fote le bolabodisane ka ditšhiko tsa Bhayibele tsa gore le ka di berekisa le mayele ya le ma krayang ga Makreste ya gore ma butšwiye ya gore fote ke mošupetso wa gabutši. Mo le bolabodisana ka dilo tso le di jabolelang, di nyaka le bolabodisane gabutši, le kwisise fote le temeke. Mo batho ba ka ho gaye—ba go tshwana le ba babelegi ba lune—ba na le so ba kgopelang gore le se make mošadhong wa lune sa gore fote se ya kwagala, le fo liketsa go maka ka mokgo ba hlayang. Phela monyanya wowa, ke selo se segolo le ga bona. Mo nkare le ka sa kgone go maka tso ba di kgopelang, ba hlatolleleneng gabutši barena le kene le šupetsa gore le ya hlompa. (Makol. 4:6) Le hlatollele mašaga ya lune di kwagala gore selo se segolo so le nyakang go se segelela ke gore mošadho wa lune go be monyanya wa gore wa jabodisa fote wo gadimisa Jehova.

¹⁷ Go ka ba mong ntshitshire go hlatollela babelegi ba lune ka matlamatla mo nkare a yi Dihlatse, mara le ka phomelela. Mogageru ye ba reng ke Santhosh wa hala India, o re: “Mašaga ya rune ne ma nyaka re maka le dilo tso ba tlwayeleng go di maka tsa sedumedi sa Mahindu.” Di re tsere nako gore nna le mogatsaka re ba hlatollele sepheto sa rune. Re yye ra kwana ka gore re make tse dingwana tso ba di nyakang ka pelo ye tšhwewu mo nkare dilo tsone a di kwatisi Jehova. Mo re beyisa, re yye ra tšhentšha tsa go ja tso ne re di nyaka ga monyanya wa rune ke mokane ra tšhela tso bona ne ba nabela gore di be gona fote ra ntsha taba ya go yepelela le go bina ka taba la gore dilo tsa mošaga wonone ne ba sa di tlwayela.”

18. Le ka gelepa king gore dilo di thogo sepela ka go thelela ka mošadho wa lune? (1 Makorente 14:40) (Lebelela le sethombhe.)

¹⁸ Le polane gabutši. Mo le maka dilo gabutši ka letheto, dihlogo tsowa di ka sa guli di ba tse di kaa, ka letšatši la mošadho wa lune. (Bala 1 Makorente 14:40.) Wayne wa go tšwa hala Taiwan, o re: “Mo go šele matšatšinyana gore go segele letšatši la mošadho wa rune, re yye ra tshwara mmithini le bo ne ba jabolela go gelepa ga monyanya wone. Re bolabodisanne ka dipolane tso re di lukiseleleng tsa letšatši lone gore dilo di nyoko sepela byang re boya re ro maka tse dingwana tsa tsona gore dilo di sepele ka go thelela ka letšatši la mošadho.” Barena, gore le thogo šupetsa bo le ba memmeng gore le ya ba hlompa, liketsaneng ka matla gore le tshwareneng nako.

19. Le ka gelepa king gore monyanya wa mošadho wa lune wo lawolege?

¹⁹ Wa tšiba, le ka kganela kgole le mathatha ya go tlala mo le ka polana go sa le nako gore le nyoko maka ying mo go ka tšhoga go nyarela ntshitshire. (Diy. 22:3) Mo re beyisa, mo nkare le dula ga poleke ya gore le tlwayele gore batho ba fo re palakata le kene le sa ba mema mošadhong, di nyaka le bone gore le ka maka byang gore yi sa segele hone. Le botseneng mašaga ya lune ya gore a yi Dihlatse tso di nyoko makegang mošadhong fote le ba hlatollele gore le di tseya byang dilo tse dingwana tsa gore batho ba tlwayele go di maka mošadhong. Mo le nyaka gore go lawolege mošadhong wa lune, le ka kgopela mogageru wa gore o butšwiye gore a bereke go le “wa go lawola mošadho.” (Joh. 2:8) Mo le ka mo hlatollela gabutši tso le di polanneng ka mošadho wa lune, a ka le gelepa gore mošadho wa lune wo dule o hlompega le gore dilo ka moka di sepele ka mokgo le polanneng.

20. King so monna le mosadi wage di nyakang ba se gopola ka mošadho wa bona?

²⁰ Le ka fo kwa nkare dilo tsowa di le tlalele mo le kene le nagana ka dilo ka moka tso di nyakegang mo le kene le polana mošadho wa lune. Mara, le sa lebale gore mošadho wa lune wo nyoko fo tseya letšatši ka le teya fela. Ke mathomo ya lephelo la go jabodisa la gore le nyoko berekela Jehova le le ggoši. Liketsaneng ka matla barena gore mošadho wa lune wo fo ba lula nje fote wo hlompege. Tshepelaneng ga Jehova. Mo le yetetsa ke yene, le ko thogo lukiselela mošadho wa gore le lune beng mo le šala le nagana ka wona le fo kwa pelo yowa yi tlulatlula fote le sa tisole le ka gonyana.—Pis. 37:​3, 4.