Psalme
Koša.
98 Opelelang Jehofa koša e mpsha,
Ka gobane o dirile dilo tše di makatšago.
O phološitše batho ba gagwe ka letsogo la gagwe le letona, lona letsogo la gagwe le lekgethwa.
2 Jehofa o dirile gore batho ba tsebe gore phološo e tšwa go yena.
O bontšhitše ditšhaba gore o lokile.
3 O gopotše gore o tshepišitše Baisiraele gore o tla ba bontšha lerato le le botegago le gore o a tshepega.
Lefase ka moka le bone gore Modimo wa rena o phološitše batho ba gagwe.
4 Goeletšang Jehofa le thabile gomme le mo rete lena batho ba lefaseng ka moka.
Thabang gomme le goeletše le thabile le be le opele dikoša tša go mo reta.
5 Opelelang Jehofa dikoša tša go mo tumiša ka harepa,
Letšang harepa gomme le mo opeleleng koša e bosana.
6 Goeletšang le thabile pele ga Kgoši Jehofa
Le letša diphalafala le naka.
7 Anke lewatle le tšohle tšeo di lego go lona di mo tumiše,
Gotee le lefase le tšohle tšeo di lego go lona.
8 Anke dinoka di phaphathe matsogo.
Anke dithaba ka moka di opele di thabile
9 Pele ga Jehofa, ka gobane o tlo ahlola lefase.
O tla ahlola badudi ba lefase ka go loka
Gomme a ahlola batho ka go tshepega.