Puku ya Pele ya Dikoronika
3 Ba ke barwa ba Dafida bao a ba belegetšwego kua Heburone: Wa mathomo e be e le Aminone yoo mmagwe e bego e le Ahinoama wa Mojeseriele, wa bobedi e be e le Daniele yoo mmagwe e bego e le Abigaile wa Mokaramele, 2 wa boraro e be e le Abesalomo morwa wa Maaka morwedi wa Talamai kgoši ya Geshuri, wa bone e be e le Adonija morwa wa Hagithi. 3 Wa bohlano e be e le Shefatia yoo mmagwe e bego e le Abitala gomme wa botshelela e le Ithireama yo mmagwe e bego e le Egela mosadi wa Dafida. 4 Ba ke bana ba tshelelago bao a ba belegetšwego kua Heburone. Le gona o bušitše moo ka mengwaga e šupago le dikgwedi tše tshelelago gomme a buša Jerusalema ka mengwaga e 33.
5 Bana bao a ba belegetšwego Jerusalema ke Shimea, Shobaba, Nathane le Solomone. Mmago bona e be e le Batseba morwedi wa Amiele. 6 Barwa ba gagwe ba bangwe ba senyane e be e le: Ibehara, Elishama, Elifelete, 7 Noga, Nefege, Jafia 8 Elishama, Eliada le Elifelete. 9 Ba ka moka e be e le barwa ba Dafida go sa balwe bao a ba belegetšwego ke basadi ba gagwe ba direthe gomme kgaetšedi ya bona e be e le Thamara.
10 Morwa wa Solomone e be e le Rehoboama, yena morwa wa gagwe ya ba Abija, morwa wa Abija ya ba Asa, morwa wa Asa ya ba Jehoshafate, 11 morwa wa Jehoshafate ya ba Jehorama, morwa wa Jehorama ya ba Ahasia, morwa wa Ahasia ya ba Jehoashe, 12 morwa wa Jehoashe ya ba Amatsia, morwa wa Amatsia ya ba Asaria, morwa wa Asaria ya ba Jothama, 13 morwa wa Jothama ya ba Ahasi, morwa wa Ahasi ya ba Hesekia, morwa wa Hesekia ya ba Manase, 14 morwa wa Manase ya ba Amone gomme morwa wa Amone ya ba Josia. 15 Morwa wa mathomo wa Josia e be e le Johanana, wa bobedi e le Jehoyakima, wa boraro e le Tsedekia gomme wa bone e le Shalume. 16 Morwa wa Jehoyakima e be e le Jekonia gomme morwa wa Jekonia e be e le Tsedekia. 17 Jekonia o ile a ba le barwa ba bangwe ge a be a le teronkong. Bona e be e le Shealatiele, 18 Malakirama, Pedaya, Shenatsara, Jekamia, Hoshama le Nedabia. 19 Barwa ba Pedaya e be e le Serubabele le Shimei gomme barwa ba Serubabele e le Meshulama le Hanania (le gona Shelomithe e be e le kgaetšedi ya bona). 20 O be a na le barwa ba bangwe ba bahlano e lego: Hashuba, Ohele, Berekia, Hasadia le Jushaba-hesedi. 21 Barwa ba Hanania e be e le Pelatia le Jeshaya. Morwa wa* Jeshaya e be e le Refaya, morwa wa* Refaya e be e le Arinana, morwa wa* Arinana e be e le Obadia, morwa wa* Obadia e be e le Shekania. 22 Shekania o be a na le morwa le ditlogolo. Morwa wa gagwe e be e le Shemaya. Barwa ba Shemaya e be e le Hatushi, Igala, Baria, Nearia le Shafata. E be e le banna ba tshelelago. 23 Nearia o be a na le barwa ba bararo e lego: Elioenai, Hiskia le Aserikama. 24 Elioenai o be a na le barwa ba šupago e lego: Hodafia, Eliashiba, Pelaya, Akuba, Johanana, Delaya le Anani.