LAEPRARI YA INTHANETENG
Watchtower
LAEPRARI YA INTHANETENG
Sepedi
  • BEIBELE
  • DIKGATIŠO
  • DIBOKA
  • 2 Samuele 11
  • Beibele ya Phetolelo ya Lefase le Leswa

Karolo ye ga e na bidio.

Tshwarelo, go bile le bothatanyana ka bidio ye.

Dikagare tša Puku ya Samuele wa Bobedi

      • Dafida o hlotlola le Batseba (1-13)

      • Dafida o rulaganya gore Uria a bolawe (14-25)

      • Dafida o tšea Batseba gore e be mosadi wa gagwe (26, 27)

2 Samuele 11:1

Mengwalo ya tlase

  • *

    Ke gore, ka seruthwane.

2 Samuele 11:2

Mengwalo ya tlase

  • *

    Goba, “Ge leswiswi le thoma go swara.”

2 Samuele 11:4

Mengwalo ya tlase

  • *

    Mohlomongwe o be a itlhwekiša ka ge a be a sa tšwa go bona kgwedi.

2 Samuele 11:8

Mengwalo ya tlase

  • *

    Phetolelo ya lentšu ka lentšu e re, “o hlape maoto.”

  • *

    Goba, “mpho ya kgoši,” ke gore, mpho yeo e bego e fiwa moeng yoo a hlomphegago.

Mangwalo a go Swana

Kgotla temana gore e bontšhe ditemana tša Beibele tša go swana.
  • Beibele ya Phetolelo ya Lefase le Leswa
  • Bala go Sepedi bi12
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
Beibele ya Phetolelo ya Lefase le Leswa
2 Samuele 11:1-27

Puku ya Bobedi ya Samuele

11 Mathomong a ngwaga,* nakong ya ge dikgoši di eya dintweng, Dafida a roma Joaba le bahlanka ba gagwe bao a bego a na le bona gotee le mašole ka moka a Isiraele gore ba yo bolaya Baamoni gomme ba dikologe Raba e le gore ba e laole, mola Dafida yena a be a šetše Jerusalema.

2 Bošegong* bjo bongwe, Dafida a tsoga mpeteng wa gagwe, a sepelasepela tlhakeng ya ntlo ya ka mošate. Ge a le moo tlhakeng, a bona mosadi yo mobotse kudu a hlapa. 3 Dafida a romela motho gore a botšiše ka mosadi yoo, gomme motho yoo a re: “Mosadi yoo ke Batseba morwedi wa Eliama. Ke mosadi wa Uria wa Mohethe.” 4 Ke moka Dafida a roma batho gore ba mo tliše go yena. Batseba a tla gomme Dafida a robala le yena. (Se se diragetše ge a be a itlhwekiša* ditšhila tša gagwe.) Ka morago Batseba a boela ntlong ya gagwe.

5 Mosadi yoo o ile a ima. Ke moka a romela molaetša go Dafida a re: “Ke imile.” 6 Dafida a romela molaetša go Joaba a re: “Botša Uria wa Mohethe gore a tle mo.” Ka gona Joaba a romela Uria go Dafida. 7 Ge Uria a fihla go yena, Dafida a mmotšiša gore Joaba le mašole ba ya bjang le gore ntwa e sepela bjang. 8 Ke moka Dafida a re go Uria: “Eya ntlong ya gago o ye o ikhutše.”* Ge Uria a tlogile ntlong ya kgoši, kgoši e ile ya mo romela mpho.* 9 Uria a se ye ntlong ya gagwe, eupša a robala le bahlanka ba bangwe ka moka ba mong wa gagwe mojakong wa ntlo ya kgoši. 10 Ke moka Dafida a botšwa gore: “Uria ga se a ya ntlong ya gagwe.” Ke moka Dafida a ya go Uria gomme a re: “O sa tšwa go boa leetong. Bjale ke ka baka la eng o se wa ya ntlong ya gago?” 11 Uria a re go Dafida: “Areka e dutše ditenteng gotee le mašole a Isiraele le a Juda, gomme mong wa ka Joaba le bahlanka ba mong wa ka ba hlomile ditente kua nageng, na bjale nna ke swanetše go ya ntlong ya ka gore ke yo ja, ke nwe le go robala le mosadi wa ka? Ke ikana ka wena yo o phelago gore nka se ke ka dira selo seo!”

12 Ke moka Dafida a re go Uria: “Dula mo le lehono gomme gosasa ke tla go dumelela gore o sepele.” Ka gona Uria a dula Jerusalema letšatšing leo le letšatšing le le latelago. 13 Dafida a mmitša gore a tlo ja le go nwa le yena, gomme a mo dira gore a tagwe. Eupša mantšiboa Uria a ya a robala le bahlanka ba mong wa gagwe gomme a se ye ntlong ya gagwe. 14 Mesong Dafida a ngwalela Joaba lengwalo, a le nea Uria gore a mo fe lona. 15 Lengwalong leo o be a ngwadile gore: “Beang Uria ka pele moo go lego kotsi kudu, gomme lena le boele morago gore ba mo hlabe a hwe.”

16 Joaba o be a lebeletše motse ka šedi, gomme a bea Uria moo a bego a tseba gore go na le mašole a matla. 17 Ge banna ba motse ba etšwa gore ba yo lwa le Joaba, ba bangwe ba bahlanka ba Dafida ba ile ba bolawa gomme Uria wa Mohethe le yena o be a le gare ga bao ba bolailwego. 18 Joaba a romela motho gore a botše Dafida dilo ka moka tšeo di diregilego ntweng. 19 A botša motho yoo a re: “Ge o feditše go botša kgoši ditaba ka moka tšeo di diregilego ntweng, 20 go ka direga gore kgoši e kwate gomme e re: ‘Ke ka baka la eng le ile la batamela kgauswi le motse ge le elwa? Na le be le sa tsebe gore ba be ba tla le thuntšha ka mesebe ba eme godimo ga leboto la motse? 21 Na le lebetše seo se diragaletšego Abimeleke morwa wa Jerubeshethe? Na ga se a bolawa ke mosadi yoo a ilego a lahlela tšhilo godimo ga gagwe a le godimo ga leboto, ke moka Abimeleke a hwela kua Thebetse? Ke ka baka la eng le ile la batamela kgauswi le leboto?’ Ke moka wena o re: ‘Mohlanka wa gago Uria wa Mohethe le yena o hwile.’”

22 Motho yoo a ya a botša Dafida dilo ka moka tšeo Joaba a mo laetšego tšona. 23 Ke moka monna yoo a botša Dafida a re: “Manaba ao a be a re feta ka matla, gomme a ile a tla a lwa le rena nageng, eupša ra a kitimiša go fihla keiting ya motse. 24 Batho bao ba bego ba swere mesebe ba le godimo ga leboto ba ile ba thuntšha bahlanka ba gago, gomme ba bangwe ba bahlanka ba kgoši ba hwile. Mohlanka wa gago Uria wa Mohethe le yena o hwile.” 25 Ke moka Dafida a re go monna yoo: “O botše Joaba o re: ‘Taba ye e se ke ya go tshwenya ka gobane sabola e bolaya motho yo mongwe le yo mongwe. Elwang le motse ka matla gomme le o fenye.’ O mo kgothatše.”

26 Ge mosadi wa Uria a ekwa gore Uria monna wa gagwe o hwile, a thoma go mo llela. 27 Ge Batseba a se na go fetša go llela monna wa gagwe, Dafida a romela molaetša wa gore Batseba a tlišwe ntlong ya gagwe gomme Batseba ya ba mosadi wa Dafida ke moka a mmelegela morwa. Eupša seo Dafida a se dirilego ga se sa ka sa thabiša Jehofa.

Dikgatišo tša Sepedi (1975-2026)
Etšwa
Tsena
  • Sepedi
  • Romela
  • Beakanya
  • Copyright © 2025 Watch Tower Bible and Tract Society of Pennsylvania
  • Melao ya Tirišo
  • Tumelelano ya go Boloka Sephiri
  • Beakanya Tumelelano ya go Boloka Sephiri
  • JW.ORG
  • Tsena
Romela