Psalme
Koša ya go leboga.
100 Goeletšang Jehofa le thabile gomme le mo rete lena batho ba lefaseng ka moka.
2 Hlankelang Jehofa le thabile.
Etlang pele ga gagwe le goelela ka lethabo.
3 Tsebang gore Jehofa ke Modimo.
Ke yena a re bopilego, e bile ke rena batho ba gagwe.
Re batho ba gagwe e bile o re hlokomela go swana le dinku tšeo di lego mafulong.
4 Tsenang dikeiting tša gagwe gomme le mo leboge,
Tsenang ntlong ya gagwe gomme le mo rete.
Mo lebogeng gomme le rete leina la gagwe.
5 Ka gobane Jehofa o lokile.
Lerato la gagwe le le botegago ga le fele,
E bile o dula a botega melokong ka moka.