Psalme
Koša ya Dafida.
29 Retang Jehofa, lena barwa ba dinatla,
Retang Jehofa ka baka la letago la gagwe le matla.
2 Tumišang Jehofa ka gobane leina la gagwe le swanelwa ke go tumišwa.
Khunamelang Jehofa le apere diaparo tše kgethwa.
3 Lentšu la Jehofa le kwagala godimo ga meetse.
Lentšu la Modimo wa letago le swana le modumo wa magadima.
Jehofa o godimo ga maru a masomaso.*
4 Lentšu la Jehofa le na le matla.
Lentšu la Jehofa le phagame.
5 Lentšu la Jehofa le roba mehlare ya metsedara.
Jehofa o robaganya metsedara ya Libanoni,
6 O dira gore dithaba tša Libanoni di tshelatshele bjalo ka namane,
Gomme a dira gore thaba ya Sirione e tshelatshele bjalo ka powana ya naga.*
7 Lentšu la Jehofa le ntšha dikgabo tša mollo.
8 Lentšu la Jehofa le dira gore lešoka le thothomele.
Jehofa o dira gore lešoka la Kadeshe le thothomele.
9 Lentšu la Jehofa le dira gore dikgama* di thothomele gomme di tswale,
E bile le hlohlora dithokgwa.
Mola batho ka moka bao ba lego ka tempeleng ya gagwe ba re: “A go tumišwe Modimo!”
10 Setulo sa bogoši sa Jehofa se godimo ga meetse a mantšhi.*
Jehofa ke Kgoši e bile o buša go ya go ile.
11 Jehofa o tla matlafatša batho ba gagwe.
Jehofa o tla šegofatša batho ba gagwe ka go ba nea khutšo.