Letlakala la ka Ntle la ka Morago

LAPA ke thulaganyo ya kgale kudu yeo e tsebjago ya batho, eupša lehono le kotsing. Go ata mo go šiišago ga go dirišwa gampe ga dihlare-tagi ke bafsa bao ba lego mahlalagading le boitshwaro bjo bo gobogilego, leuba la mehleng yeno la tlhalo le bošoro bja ka lapeng, go ata mo gogolo kudu ga palo ya malapa a motswadi o tee, le mathata a mangwe a magolo go dira gore ba bangwe ba ipotšiše ge e ba bophelo bja lapa bo tla phologa.

Na go sa dutše go kgonega gore lapa e be tikologo e tsepamego le ya tlhokomelo bakeng sa ditho tša lona? Ee, ge e ba ditho tša lapa di tseba sephiri sa kgonthe sa lethabo la lapa. Sephiri se ga se sa utega. Se ile sa lekwa le go hlatselwa ka nywaga-kgolo e mentši kudu. Sephiri seo ke sefe? Puku ye ya Sephiri sa Lethabo la Lapa e nea karabo. Gape e nea mehlala e šomago ya kamoo “sephiri” se se ka thušago go rarolla maemo a mantši a hlohlago a lapa. Na go na le motho le ge e le ofe lehono yo a sa nyakego tsebišo e bjalo?