Kamoo o ka Dirišago Pukwana ye

Matlakaleng a latelago, o tla hwetša temana ya letšatši le lengwe le le lengwe le ditlhaloso tšeo di lego mabapi le temana yeo. Le ge temana yeo le ditlhaloso tša yona di ka balwa ka nako le ge e le efe, ba bantši ba bone go hola kudu go di ahlaahla mesong. Seo se ba thuša go hlwa ba naganišiša ka seo ba se badilego. Go ahlaahla temana ya letšatši le le lapa go hola kudu. Malapa a Bethele lefaseng ka moka a dira bjalo mesong.

Ditlhaloso di tšerwe ditokollong tša Morokami (w) tša go tloga go April 2021 go fihla go March 2022. Dinomoro tšeo di latelago letšatši la tokollo ya Morokami di šupa go letlakala goba matlakala a tokollong yeo le serapa goba dirapa tšeo di tšwelelago sehlogong seo. (Bona lepokisi leo le lego ka mo tlase.) Tsebišo e oketšegilego ka taba yeo e ahlaahlwago e hwetšwa sehlogong ka bosona.