Kgatišo e Ithutwago

MORERO WA DIHLOGO TŠE ITHUTWAGO

SEHLOGO SE ITHUTWAGO 1 MATLAKALA 3-7

Kgoši Dafida wa Isiraeleng ya bogologolo o ile a tšeela leina la Jehofa le morero wa gagwe godimo. Le gona o be a tšeela godimo melao ya motheo yeo e bego e sepedišana le Molao wa Modimo gomme a rapelela gore a rutwe go dira thato ya Gagwe ka ge sehlogo se se bontšha. Le gona sehlogo se se re thuša go bona lebaka leo ka mehla re swanetšego go lebelela dilo ka tsela yeo Jehofa a di lebelelago ka yona.

DIHLOGO TŠE ITHUTWAGO 2, 3 MATLAKALA 10-19

Ka ge Bakriste ba therešo e le balatedi ba Jesu, ba bona bohlokwa bja gore ba ikokobetše. Sehlogo sa pele se ahlaahla mohlala wa boikokobetšo woo Jesu a re beetšego wona e le gore re ka latela dikgato tša gagwe kgauswi. Sehlogo sa bobedi se bontšha kamoo re ka hlagolelago moya wa go ba ba banyenyane gomme ra bonagatša seka seo maphelong a rena.

DIHLOGO TŠE ITHUTWAGO 4, 5 MATLAKALA 21-30

Dihlogo tše di tla re thuša go bona kamoo Jehofa a ikemišeditšego go lebalela batho gaešita le ge ba dirile dibe tše dikgolo kudu. Ka dinako tše dingwe maemo a ka dira gore go be thata go lebalela batho ba bangwe. Lega go le bjalo, melao ya motheo ya Mangwalo e ka re thuša go fenya maikwelo a bjalo a mabe ge re le boemong bjoo.