Ditsebišo

◼ Mpho ya dipuku ka January le February: O ka Hwetša Bjang Khutšo ya Kgonthe le Polokego? ka moneelo wa R2,60. March: Seremo se Segolo sa Kutollo se Batametše! ka moneelo wa R8,00. April le May: Peeletšo ya Morokami ka moneelo wa R17,00 bakeng sa dikgatišo tša gabedi ka kgwedi. Dipeeletšo tša ngwaga tša dikgatišo tša gatee ka kgwedi le tša dikgwedi tše tshelelago ke R8,50.

◼ Go thoma ka March 1, polelo e mpsha ya phatlalatša ya balebeledi ba tikologo e tla ba yeo e rego “Jesu Kriste—Mmuši wa Lefase le Lefsa.”

◼ Go dirilwe dithulaganyo bakeng sa gore dikopano ka moka di swarwe ka December 1992 le mathomong a January 1993. Ke feela tša Namibia tšeo di tlago go swarwa ka September/October. Ditaba tše dingwe di tla newa ge mafelo ao di tlago go swarelwa go ona a šetše a kgonthišeditšwe.

◼ April 11, 1992 e kgethilwe gore e be letšatši le le kgethegilego la dimakasine. Nywageng e mebedi e fetilego banababo rena ba dikete-kete ba ile ba thabela go tšea karolo medirong ya letšatši le le kgethegilego la dimakasine. Ke ka baka la’ng o sa thome go rulaganya gona bjale gore o be le karolo e tletšego modirong wo o kgethegilego?

◼ Watchtower ya mongwalo o mogolo ka Seisemane: Balebeledi ba okamelago ba swanetše go rulaganyetša gore go balwe lengwalo la August 10, 1989, leo le lego mabapi le Watchtower ya mongwalo o mogolo. Diotara tša dikgatišo tša mongwalo o mogolo di boetše di fokotšegile, e lego seo se ka nyakago gore re kgaotše go e gatiša mono lekaleng la Afrika Borwa. Na bohle bao ba ka holwago ke se ba lemošitšwe ka taba ye? Bontšhang ka mo go kwalago ba fapa-fapanego bao ba ka dirišago tokišetšo ye e botho bjalo ka ge go boletšwe ka lengwalong.

◼ Dipuku tše Mpsha Tšeo di Lego Gona:

Seisemane: Pampišana No. 17 “A Peaceful New World—Will It Come?” (Ye ke taba e swanago le yeo e lego go Pampišana No. 15, moo taba e fetotšwego bakeng sa ba-Juda.) Sepedi: ‘Mangwalo ka Moka a Buduletšwe ke Modimo Gomme a a Hola,’ kgatišo ya 1991 (Phuthego le batho ka moka: R8,50; babulamadibogo: R5,50). Se-Tsonga: ‘Mangwalo ka Moka a Buduletšwe ke Modimo Gomme a a Hola,’ kgatišo ya 1991 (Phuthego le batho ka moka: R8,50; babulamadibogo: R5,50).