Ditsebišo

◼ Mpho ya puku ka June: Go Tsoma ga Batho Modimo ka moneelo wa R4,00. July: Pukwana lege e le efe ya tše di latelago: Thabela Bophelo Lefaseng ka mo go sa Felego!, ‘Bonang, Dilo ka Moka ke di Dira tše Mpsha,’ Na o Swanetše go Dumela Boraro Botee?, Leina la Modimo Leo le Tlago go ba Gona ka mo go sa Felego, goba Mmušo Woo o Tlago go Tliša Paradeise ka moneelo wa disente tše 80 ka e tee. August: Motho yo a Phagamego Kudu yo a Kilego a Phela ka moneelo wa R8,00. September: O ka Phela ka mo go sa Felego Paradeiseng mo Lefaseng ka moneelo wa R8,00. Dipuku tše nyenyane ke R4,00.

◼ Mogolo yo a okamelago o swanetše go bala ditšhelete tša phuthego ka June 1 goba kapejana ka mo go ka kgonegago ka morago ga moo. Tsebiša phuthego ge se se dirilwe.

◼ Go balebeledi ba okamelago: Re le kgopela gore le romele go Mokgatlo diphihlelo lege e le dife tšeo di kgahlišago tše di bilego gona ngwageng, go akaretša le diphihlelo mabapi le tirelo ya bobulamadibogo bja go thuša le letšatši le kgethegilego la dimakasine, e lego April 11, 1992. Re nyaka go kgetha tše kaone kudu bakeng sa pego ya rena ya ngwaga le ngwaga ya tšhemo ya rena. Hle e-bang le tšona e sego ka morago ga July 1, 1992.

◼ Phetogo ya aterese ya poso ya Mokgatlo: Nakong e tlago aterese e napegetšego ya poso ya Mokgatlo e tla ba: Private Bag X2067, Krugersdorp, 1740. Le tla lemoga gore go tsentšwe “X” pele ga nomoro ya Private Bag. Hle, gopolang se ge le ngwalela go Mokgatlo.

◼ Hle elang hloko: Mabakeng a mangwe re gahlana le batho ba dihlopha tša maleme a mangwe setarateng bao mo gongwe ba tšeago dimakasine goba ba bontšhago go thabela therešo. Ge e ba go kgonega, re le kgothaletša gore motho ka noši a lotišiše kgahlego e bjalo gore a kgonthiše ge e ba motho yoo a thabela e le ka kgonthe go ba go se bjalo. Ka morago ga moo o ka fetišetša tsebišo phuthegong ya kgaufsi. Ge e ba go nyakega gore tsebišo e bjalo e romelwe go Mokgatlo, hle, re neeng ditaba ka botlalo mabapi le leina, aterese, dipuku tšeo di tšerwego gotee le tšwelopele ya motho yoo. Tšona di swanetše go newa mogolo wa tirelo yoo le yena a tlago go hlahloba ditaba ka botlalo pele a ka di romela go Mokgatlo.

◼ Re amogetše tumelelo e tšwago go Sehlopha se Bušago ya go kgetha babulamadibogo ba 50 ba kgethegilego ba nakwana bakeng sa Afrika Borwa, ba 6 bakeng sa Botswana, ba 6 bakeng sa Lesotho, ba 6 bakeng sa Swaziland le ba 10 bakeng sa ka borwa bja Mozambique. Dikgweding tše tharo tša lesolo la tšhemo e sa abjago (August-October), babulamadibogo ba ba tla romelwa mafelong ao a fihlelelwago ka sewelo ka ditaba tše di lokilego.

◼ Dipuku tše Difsa Tšeo di Lego Gona:

Seisemane: Sing Praises to Jehovah—Large Print (Ka mantšu feela. Ye ke puku e lekanago le makasine ya matlakala a 320 e ngwadilego ka mantšu feela; ga go na dinoto tša moopelo, gomme e swana le Watchtower ya mongwalo o mogolo. Phuthego le batho bohle: R11,00; babulamadibogo: R8,50). Sepotokisi: Insight on the Scriptures, Volume 2 (phuthego le batho bohle: R15,00; babulamadibogo: R12,00); di-bound volume tša Watchtower tša 1970 le 1971 (phuthego, batho bohle le babulamadibogo: R17,00).

◼ Di-videocassette Tšeo di Lego Gona Gape Afrika Borwa:

Seisemane: Jehovah’s Witnesses—The Organization Behind the Name.

◼ Mokgatlo o tlo gatiša gape di-bound volume tša Watchtower ka Seisemane tša nywaga ya 1980 go ya go 1985. Diphuthego di ka otara volume ya 1980 gona bjale. Hle o se ke wa tsenya otara bakeng sa tša 1981 go ya go 1985 go ba go fihla go tsebišitšwe ka go Tirelo ya Rena ya Mmušo gore di gona.