Diboka Tša Tirelo Tša June
Beke e Thomago ka June 1
10 mets:Ditsebišo tša phuthego le Ditsebišo tšeo di swanetšego go tšwa go Tirelo ya Rena ya Mmušo. Ka ge go šetše dikgwedi tše tharo feela gore go fele ngwaga wa tirelo wa gona bjale, mogoeledi o mongwe le o mongwe o khothaletšwa go ba le karolo ka mehla bodireding gomme a tsenye pego ya gagwe kapejana bofelong bja kgwedi.
15 mets: “Go Nyakega ga Gore Batho ba Tsome Modimo” Dipotšišo le dikarabo. Aga mafolofolo bakeng sa modiro wa rena wa tšhemo kgweding ye. Bontšha kamoo puku ye e ka thušago batho ba madumedi ao a fapa-fapanego tšhemong ya lena.
20 mets: “Go Rola Go Tsoma ga Batho Modimo.” Ahla-ahla sehlogo gomme o bontšhe tše dingwe tša ditšhišinyo ka go sona. Pontšhong e nngwe bontšha kamoo go dirišwago matseno ao a lebantšhago thwii bakeng sa go thoma dithuto. Bontšha gape le kamoo ditsela tše lesome tše di lego go letlakala 377 di ka dirišwago ka katlego go hlaola bodumedi bja therešo.
Kopelo 225 le thapelo ya go phetha.
Beke e Thomago ka June 8
10 mets:Ditsebišo. Lokišetša e sa le pele go ba le babulamadibogo ba babedi ba ka mehla goba ba go thuša, ba hlalosa matseno ao ba a hweditšego e le a atlegago ge ba šoma tšhemong ya gabo lena.
15 mets: “E-ba le Moya wa Boikgafo!” Polelo ka sehlogo se se lego ka go Morokami wa February 1, 1992, matlakala 25-8. Gatelela gore go ba le moya wa boikgafo ga se taba ya boikgethelo, eupja ke seo se nyakwago ke Bokriste. Ka go gafa dilo tše di bonagalago le mediro ya boitapološo bakeng sa go phegelela dikgahlego tša Mmušo pele, ga re lahlegelwe.
20 mets:“Go Bula Madibogo—Pontšho ya Lerato.” Dipotšišo le dikarabo. Ka morago ga go ahla-ahla dirapa 3 le 4, boledišana le babulamadibo ba bararo ba ka mehla (goba bagoeledi bao ba felago ba bula madibogo ka mehla goba nako le nako), go akaretša le mmulamadibogo wa ka mehla wa mofsa yo a thomilego go bula madibogo ka morago ga go fetša sekolo, ge e ba a le gona. Botšiša gore ke bjang ba ilego ba rulaganya ditaba tša bona gore ba bule madibogo, seo se ilego sa ba tutueletša go dira bjalo, le ditšhegofatšo tšeo ba di hweditšego ge ba be ba hlankela e le babulamadibogo ba ka mehla.
Kopelo 61 le thapelo ya go phetha.
Beke e Thomago ka June 15
10 mets:Ditsebišo. Bolela dintlha tše kgolo tša pego ya tirelo ya tšhemo ya March. Bontšha tema yeo e kgathilwego ke phuthego ya lena pegong ya tirelo ya tšhemo ya March. Ahla-ahla ka boripana dithulaganyo mabapi le lesolo la tšhemo e sa abjago. Nea pego ya ditšhelete. Reta phuthego ka baka la modiro wo o dirilwego tirelong ya tšhemo le meneelo ya boithatelo ya ditšhelete ya go thekga phuthego.
20 mets:“Na o tla Tšea Karolo go Neeng Bohlatse bjo bo sa Rulaganyetšwago?” Hlalosa le go bontšha dintlha tše di lego sehlogong. Gatelela taba ya gore re Dihlatse tša Jehofa ka dinako ka moka, ka gona re swanetše go nyaka dibaka tša go nea bohlatse. Lokišetša e sa pele go ba le diphihlelo tše pedi tše kopana moo batho ba neago bohlatse bjo bo sa rulaganyetšwago ka mafelelo a mabotse goba moo motho o mongwe ka phuthegong a ilego a thabela therešo ka baka la bohlatse bjo bo sa rulaganyetšwago.
15 mets:Poledišano le dipontšho tša poledišano ya Beibele ka go neelwa ga Go Tsoma ga Batho Modimo, go dirišwa Jesaya 55:5, 6 le Ditiro 17:26, 27. Bontšha kamoo bao ba sa tšwago go kopanela gotee le bafsa ba ka dirišago thero e bonolo ka go diriša feela Jesaya 55:6, 7.
Kopelo 154 le thapelo ya go phetha.
Beke e Thomago ka June 22
5 mets:Ditsebišo. Ditaba tša Pušo ya Legodimo. Ge o akaretša ditaba, bapetša pego ya gona bjale le tsebišo ya ngwaga wa tirelo ya 1986 mabapi le lekala leo, go etša ge e hwetša pegong ya nywaga wa tirelo ka go 1987 Yearbook.
20 mets: “Na o Itokišeditše go Lebeletšana le Boemo bjo bo Lekago Tumelo bja tša Kalafo?” Poledišano ya dipotšišo le dikarabo ka mogolo yo a swanelegago, a akaretša dirapa go tloga mathomong a letlakala la ka gare go fihla sehlogwageng sa “Thušo e Bohlokwa Nakong Yeo e Nyakegago ka Yona.” Gatelela gore go se letwe go fihla ge go diregile se sengwe, e be gona go naganwago ka se se ka dirwago. Itokišeng e sa le pele gona bjale le le lapa—dulang le itokišitše!
20 mets:“Go Boela ka Morero wa go Thoma Thuto ya Beibele.” Poledišano le dipontšho. Dira pontšho ka poledišano ya Beibele e šišintšwego go serapa 3. Diriša dirapa 17-20 go matlakala 372-5 a puku ya Go Tsoma ga Batho Modimo e le motheo wa go thoma thuto ya Beibele.
Kopelo 135 le thapelo ya go phetha.
Beke e Thomago ka June 29
10 mets:Ditsebišo. E-ba le dipontšho tše pedi tše kopana o bontšha kamoo go ka bago le poledišano ya Mangwalo ge go sepedišwa dimakasine tirelong ya tšhemo mafelo-bekeng a.
20 mets:“Na o Itokišeditše go Lebeletšana le Boemo bjo bo Lekago Tumelo bja tša Kalafo?” Seboledi seo se nago le phihlelo se nea polelo e kwalago ka taba go tloga sehlogwaneng sa “Thušo e Bohlokwa Nakong Yeo e Nyakegago ka Yona” go fihla mafelelong a pampiri ya ka gare, a gatelela mohola wa go šomišana le bagolo ge go swaraganwa le boemo bja tšhoganetšo bja tša kalafo.
15 mets:Tšeo di nyakegago tša phuthego. Boeletša dintlha tšeo di tšweleditšwego kopanong ya morago ya tikologo goba lenaneong la letšatši le kgethegilego la kopano tšeo di ka dirišwago lefelong la lena.
Kopelo 167 le thapelo ya go phetha.