Gopola Go Diriša Dipukwana (brochures)

Ge o nea bohlatse ka ntlo le ntlo goba bjo bo sa rulaganyetšwago, gantši poledišano e leba tabeng yeo e akaretšwago ke e nngwe ya dipukwana tše di kgahlišago tša rena. O mongwe le o mongwe o swanetše go dula a nagana ka se ge a sepediša Morokami le Phafoga! ka April le May. Ka go dula o e-na le mehuta e mmalwa ya dipukwana tše gotee le dimakasine tše o tlago go di sepediša bodireding, o tla ba o hlametšwe go nea seo se tlogago se nyakega bakeng sa go nea bohlatse bjo bo atlegago. Ka April le May, ikwe o lokologile go ka diriša lege e le efe ya dipukwana tše (ka ntle le pukwana ya Sekolo) gotee le dimakasine tše dingwe tšeo o tlago go ba o di sepediša.—Bapiša le Diema 15:23.