Diboka tša Tirelo tša July
Beke e Thomago ka July 5
10 mets:Ditsebišo tša phuthego le Ditsebišo tšeo di swanetšego tše tšwago go Tirelo ya Rena ya Mmušo. E-ba le bagoeledi ba babedi goba ba bararo bao ba itokišeditšego go hlalosa mabapi le kamoo ba dirišago ka gona ka mo go holago ditokollo tša kgale tša dimakasine.
15 mets:“Go Sepediša Dipukwana Bakeng sa go Tsoma Bao ba Thabelago.” Kakaretšo ka dipotšišo le dikarabo. Dipukwana tšeo go bolelwago ka tšona go serapa 5 ke: Na o Swanetše go Dumela Boraro Botee?, Na Modimo Ruri o na le Taba le Rena? le Mmušo Woo o Tlago go Tliša Paradeise. Tsebiša phuthego ka sesola sa dipukwana tšeo di hwetšagalago gomme o kgopele ditlhaloso mabapi le dipukwana tšeo e tla bago tše di swanelago tšhemo ya lena ka mo go kgethegilego. Kgothaletša banababo rena ka mafolofolo go ba le karolo ka mo go tletšego go sepedišeng dipukwana ka July. Gape hlalosa gore ka dinako tše dintši batho bao ba amogelago pukwana ba tla rata go hwetša le dimakasine.
20 mets:“Go Diriša Dipukwana ka mo go Atlegago ka July.” Boledišana le phuthego ka dintlha gomme o dire pontšho ya dithero tše di lego go dirapa 3, 5 le 7. Kgothaletša go lokišetša gabotse.
Kopelo 30 le thapelo ya go phetha.
Beke e Thomago ka July 12
10 mets:Ditsebišo tša phuthego. Bala pego ya tša ditšhelete le ditebogo lege e le dife tša meneelo. Gopotša phuthego ka dithulaganyo tša tirelo ya tšhemo gomme o ahla-ahle dintlha tše di fapa-fapanego tšeo di ka bolelelwago tše di tšwago dimakasineng.
20 mets:“Go Boela Bakeng sa go Tutuetša Kgahlego Beibeleng.” Ka morago ga matseno a makopana, dira pontšho ya leeto la go boela go motho yo a bontšhitšego kgahlego eupja a se a amogela dipuku. Gape, dira pontšho ya kamoo go ka boelwago ka gona go motho yo a bego a swaregile kudu go ka boledišana le rena eupja a amogetše pampišana ya Ge e le Gabotse ke Mang yo a Bušago Lefase? Pontšhong e nngwe le e nngwe, bontšha kamoo mogoeledi a thomago poledišano ka gona le go tutuetša kgahlego.
15 mets:Hlalosa dithulaganyo tša makgaola-kgang bakeng sa lesolo la tšhemo e sa abjago. Diriša dintlha tše di swanetšego tše di tšwago go tlaleletšo ya lengwalo la May 16, 1993. Kgothaletša bohle ka borutho go thekga dithulaganyo tša lesolo ka botlalo. Diphuthego tšeo di sa kgonego go šoma tšhemong e sa abjago lenyaga: Ahla-ahla tše di nyakegago tša phuthego goba o boledišane le bagoeledi ba babedi goba ba bararo mabapi le kamoo ba ithutilego therešo ka gona. Diphihlelo tše bjalo di swanetše go kgethwa pele ga nako gomme di swanetše go bontšha go atlega ga bodiredi.
Kopelo 191 le thapelo ya go phetha.
Beke e Thomago ka July 19
15 mets:Ditsebišo tša phuthego. Ditaba tša Pušo ya Modimo. Gape, boledišana le batheetši ka “Lenaneo le Lefsa la Kopano ya Tikologo.”
15 mets:“Na o ka go Dira?” Boledišana le batheetši. Boledišana le mmulamadibogo o tee goba ba babedi ba ka mehla goba mogoeledi o tee goba ba babedi bao ba hlankelago e le babulamadibogo ba go thuša nako le nako. Dira gore ba hlalose kamoo ba dirilego phetho ka gona ya go dira mo gontši le kamoo ba rulaganyago mediro ya bona ka gona.
15 mets:Polelo ka mogolo mabapi le bohlweki bja motho ka noši, yeo e theilwego go Morokami wa June 1, 1989, matlakala 15-20. Polelo e swanetše go newa ka botho le ka bohlale.
Kopelo 165 le thapelo ya go phetha.
Beke e Thomago ka July 26
15 mets:Ditsebišo tša phuthego. Molebeledi wa tirelo o ahla-ahla pego ya tirelo ya tšhemo ya phuthego ya June, a reta le go kgothatša. Boledišana le phuthego ka dintlha tšeo di lego lepokising le le rego “Na o Mogoeledi wa ka Mehla?” Diriša dintlha tše di tšwago sehlogong se se rego “E-ya ka Mehla Tirelong ya Tšhemo” ka go Tirelo ya Rena ya Mmušo ya June 1993. August ke kgwedi ya mafelelo ya ngwaga wa tirelo. Kgothaletša bagoeledi ka moka gore ba be le karolo bodireding beke e nngwe le e nngwe gomme ba bege tirelo ya bona kapejana bofelong bja August. Na ka moka ga rena re ka katanela tlhora e mpsha ya bagoeledi ka August? Gape, ahla-ahla dintlha tše pedi goba tše tharo tšeo di ka bolelelwago tše di tšwago dimakasineng bakeng sa go dirišwa tirelong ya tšhemo mafelo-bekeng a.
15 mets:“Sefapano,” puku ya Go Boledišana, matlakala 398-402. E swanetše go dirwa e le leeto la go boela go mong wa ntlo yo a amogetšego pukwana ya ‘Bonang.’ Mong wa ntlo o šupa go letlakala 17 la pukwana gomme o botšiša lebaka leo ka lona e bontšhago Jesu a le koteng go e na le sefapanong. Ngwanabo rena o diriša puku ya Go Boledišana go thuša mong wa ntlo go hwetša pono ya Beibele.
15 mets:“Go Diriša Morokami le Phafoga! ka mo go Holago” Poledišano ka dipotšišo le dikarabo. Thuša bohle go lemoga dibaka tše dintši tšeo re ka bago le tšona letšatši le letšatši tša go sepediša dimakasine, tša gona bjale gotee le ditokollo tša kgale.
Kopelo 192 le thapelo ya go phetha.