Ditsebišo

◼ Dipuku tšeo di tlago go dirišwa ka September: O ka Phela ka mo go sa Felego Paradeiseng mo Lefaseng ka moneelo wa R9,00. Dipuku tše dinyenyane ke R4,50. October: Dipeeletšo tša Phafoga! goba Morokami ka moneelo wa R19,00 bakeng sa dikgatišo tša gabedi ka kgwedi. Dipeeletšo tša ngwaga bakeng sa dikgatišo tša gatee ka kgwedi le dipeeletšo tša dikgwedi tše tshelelago bakeng sa dikgatišo tša gabedi ka kgwedi ke R9,50. November: Beibele—Na ke Lentšu la Modimo Goba la Motho? ka moneelo wa R3,00. December: Motho yo a Phagamego Kudu yo a Kilego a Phela ka moneelo wa R9,00.

◼ Molebeledi yo a okamelago goba motho o mongwe yo a kgethilwego ke yena o swanetše go bala ditšhelete tša phuthego ka September 1 goba kapejana ka mo go ka kgonegago ka morago ga moo. Tsebišang phuthego ge se se dirilwe.

◼ Go bangwaledi ba diphuthego. Ge le ngwalelana le Mokgatlo mabapi le diakhaonto, diotara tša dimakasine, diotara tša dipuku, dipego tša tirelo ya tšhemo, go botšiša ka dipeeletšo, ka mehla ngwalang nomoro ya phuthego ya lena. Gape, hle kgonthišetšang gore nomoro e ngwalwa sekgobeng seo se neilwego difomong. Hle otarang sesola ge e ba le se na difomo tša Mokgatlo.

◼ Go thoma ka November 8, 1993 go ba go fihla ka May 2, 1994, puku ya Go Dira Bophelo bja Lapa la Gago Gore bo Thabiše e tla ithutwa Thutong ya Puku ya Phuthego.

◼ Ka Mokibelo, October 9, 1993, legae la Bethele le feketori di tla ba di tswaletšwe bakeng sa go hlwekišwa, ka gona go ka se be le dithulaganyo tša go sepedišwa bakeng sa go bona moago.

◼ Bagoeledi bao ba rulaganyetšago go tsenela bobulamadibogo bja go thuša ka October ba swanetše go tliša dikgopelo tša bona ka pela. Se se tla nea bagolo sebaka sa go dira dithulaganyo tše di nyakegago bakeng sa dipuku le tšhemo.

◼ Bagolo ba gopotšwa go latela keletšo yeo e filwego go matlakala 21-3 a Morokami wa April 15, 1991 mabapi le batho lege e le bafe bao ba kgaotšwego goba bao ba ikarotšego bao ba ka bago ba nyaka go bušetšwa.

◼ Diphuthego di swanetše go thoma go kgopela 1994 Calendar of Jehovah’s Witnesses otareng ya tšona ya dipuku ya September. Dialmanaka di tla hwetšagala ka se-Afrikaans, se-China, Sefora, Segerika, Seisemane, Sejeremane, Sepotokisi, Sesotho, Setaliana, se-Xhosa, le se-Zulu.