Diboka Tša Tirelo Tša September
Beke e Thomago ka September 6
10 mets:Ditsebišo tša phuthego le Ditsebišo tšeo di kgethilwego go tšwa go Tirelo ya Rena ya Mmušo.
20 mets:Na o tla ba Mogoeledi wa ka Mehla wa Ditaba tše di Lokilego Ngwageng wa Tirelo wa 1994? Polelo ka mongwaledi. Thoma ka tlhaloso ya Mangwalo yeo e theilwego tsebišong e lego pukung ya Bodiredi bja Rena, matlakala 82 le 85. Ka morago ga moo, hlahloba mediro ya phuthego ya tirelo ya tšhemo ya ngwaga o fetilego motheong wa tsebišo yeo e neilwego go Pego ya Tlhahlobo ya Phuthego (S-10). Tsebiša phuthego ka palo ya bao ba bego ba sa tšwe ka mehla ngwageng o fetilego wa tirelo. Ke ba bakae bao ba fetilwego ke kgwedi e tee feela ya tirelo ya tšhemo? Ke ba bakae bao ba fetilwego ke dikgwedi tše pedi goba go feta moo? Mo gongwe ba bangwe ba ile ba swanelwa ke go lebeletšana le maemo a šoro kudu, a bjalo ka mathata a tša maphelo, mola ba bangwe ba ile ba fo se bege tirelo ya bona. Ka moka re ka šoma gotee bjang go kgonthišetša gore mogoeledi o mongwe le o mongwe o tla ya ka mehla bodireding ngwageng o mofsa wa tirelo? Boeletša dintlha tše di tšwago go Tirelo ya Rena ya Mmušo ya June 1993, letlakala 3. Gape o ka kgokaganya le dintlha tše di tšwago go Tirelo ya rena ya Mmušo ya July 1993, letlakala 2. Gatelela boikarabelo bja motho ka noši bja go ya tirelong ya tšhemo beke le beke le go tliša dipego kapejana mafelelong a kgwedi. Ahla-ahla karolo ya moswari o mongwe le o mongwe wa Thuto ya Puku ya Phuthego gotee le mongwaledi ya go kgonthišetša gore dipego tše di šiilwego ke nako di hweditšwe le go romelwa go Mokgatlo le pego ya kgweding e latelago. Afrika Borwa, mo e nyakilego go ba 20 lekgolong ya bagoeledi ga ba tšwe ka mehla. Kua Japane ke 2 lekgolong feela bao e lego bagoeledi ba ba sa tšwego ka mehla. Na re ka kaonefatša tabeng ye? Na o tla amogela tlhohlo ya go ba mogoeledi wa ka mehla ngwageng wa tirelo wa 1994?
15 mets:“Go Thuša ba Bangwe go Lemoga Lehumo le Legolo.” Kakaretšo ka dipotšišo le dikarabo. Ge le ahla-ahla serapa 4, e-ba le pontšho yeo go yona mogoeledi a sepedišetšago motswadi puku ya Phela ka mo go sa Felego.
Kopelo 108 le thapelo ya go phetha.
Beke e Thomago ka September 13
10 mets:Ditsebišo tša phuthego. Akaretša pego ya tša ditšhelete le ditebogo tša meneelo. Reta phuthego bakeng sa go thekga dinyakwa tša phuthego ya lena gotee le modiro wa lefase ka bophara wa Mokgatlo ka go hloka boithati.
10 min:“Hola ba Bangwe ka go Diriša Dimakasine.” Polelo e nago le dipontšho. Gatelela mohola wa go diriša ditokollo tša gona bjale le tša kgale tša dimakasine ka botlalo. E-ba le dipontšho tše pedi, e nngwe e bontšha makasine wa gona bjale gomme e nngwe e bontšha kamoo tokollo ya kgale e ka dirišwago ka gona go nea senyakwa se itšego sa mong wa ntlo.
15 mets:“Ke Eng Seo re Tlago go se Fihlelela Ngwageng wo wa Tirelo?” Polelo go boledišanwa le batheetši. E swanetše go swarwa ke molebeledi yo a okamelago. Hlahloba tirelo ya phuthego ya ngwageng o fetilego gomme o kgothaletše bohle go rulaganyetša modiro o okeditšwego ngwageng wa tirelo wa 1994.
10 mets:“Ithuteng Puku ya Phela ka mo go sa Felego le ya Go ba Batee Borapeding.” Ka morago ga go hlahloba sehlogo le batheetši, dira gore mogoeledi yo a itokišeditšego gabotse a bontšhe kamoo go ka fetošwago ka gona go tloga go go ithuta puku ya Motho yo a Phagamego go ya go puku ya Phela ka mo go sa Felego.
Kopelo 17 le thapelo ya go phetha.
Beke e Thomago ka September 20
10 mets:Ditsebišo tša phuthego. Bolela dihlogo tše di lego dimakasineng tša gona bjale tšeo di ka bolelelwago tirelong ya tšhemo bekeng ye.
20 mets:“Thuša Batho Bao ba Swanago le Dinku go Aga Motheong o Tiilego.” Boledišana le batheetši. Gatelela bohlokwa bja go lokišetša bakeng sa leeto le lengwe le le lengwe la go boela. Rulaganyetša gore mogoeledi yo a swanelegago a bontšhe go dira leeto la go boela go motho yo a tšerego puku ya Phela ka mo go sa Felego nakong e fetilego, a diriša tsebišo e lego go serapa 3 goba 5.
15 mets:“Go Thoma Dithuto tša Magae tša Beibele.” Dipotšišo le dikarabo. Ka morago ga serapa 4, rola pontšho e phelago ya leeto la go boela leo go lona go dirišwago Beibele feela, eupja le theilwe dikarolong tša puku ya Phela ka mo go sa Felego goba ya Go Boledišana, bjalo ka ge go šišintšwe.
Kopelo 84 le thapelo ya go phetha.
Beke e Thomago ka September 27
15 mets:Ditsebišo tša phuthego. Laletša molebeledi wa tirelo gore a nee pego mabapi le tšwelopele yeo e dirwago ge go šongwa tšhemo e sa abjago gomme a ahla-ahle dithulaganyo bakeng sa kgwedi ya mafelelo ya lesolo. Kgothaletša bohle go sepela le dipuku tša mehuta e fapa-fapanego, go akaretša le ditokollo tša kgale tša dimakasine ka maleme ao a bolelwago tšhemong. Ge e ba go kgonega, tlogelela mong wa ntlo o mongwe le o mongwe tšhemong selo seo a ka se balago.
15 mets:Letlolo la Dipotšišo. E swanetše go swarwa ke mogolo. Gatelela lebaka leo ka lona tlhokomelo e swanetšego go lebišwa boitshwarong bja rena kolobetšong le kamoo bo kgomago Jehofa le molaetša wa Mmušo ka gona.
15 mets:Sepediša Dipeeletšo ka October. Rulaganyetša dipontšho tše tharo, e nngwe e bolelela Morokami wa gona bjale, e nngwe e bolelela Phafoga! ya gona bjale, gomme go e nngwe mong wa ntlo a swaregile kudu fela a amogela makasine goba pampišana. Ka morago ga pontšho e nngwe le e nngwe, seka-seka le batheetši lebaka leo ka lona thero e bilego e atlegago. Kgothaletša bagoeledi go sepediša dipeeletšo lebakeng le lengwe le le lengwe.
Kopelo 21 le thapelo ya go phetha.